منذ 3 ساعاتيشعر بـ منزعج
معلش هو لو بتكلم مع صديق مقرب جدااا ومفروض أنه فاهمني من سنين ، وبقالنا فترة كل مااحكي مشكلة ، الاقيه يهاجمني بشكل عنيف وأنه مصدوم ف افعالي، رغم اني عندى عذر لكل تصرفاتي . يعني لسه بحكي عن زميلة عمل أنها مش بتاعت شغل قالي متتكلميش عنها ، فقفلت المكالمة ، بالرغم أن الزميلة حست بتقصيرها وبعتت لي اعتذار وانا قبلت بسماحة نفس . هو فعلا لما الشخص بيكون عايز يقفل مع حد معين بتكون دى تصرفاته ، يكرهه ف حاله ويهاجمه من قبل حتي مايتفهم عذره ..بقيت شايفة أن مفيش مساحة أمان .. ولا ده انتقاد طبيعي لازم اتقبله والمشكلة فيا انا
لا محدش ليه إنه يتكلم بطريقه مش مهذبه او اجريسيف مع حد تآني خصوصا لو بنت أو كدا!
هو أولا عجباني طريقة كلامك وكتابتك جدا .. معلش اعذريني عالتعليق الغريب 😅 ثانيا .. بصي لا حتى لو اللي بتحكيله شايفك غلطانة أو متغيرة أو بتروحي لاتجاه مش صح ماينفعش تبقى دي طريقة الكلام خالص فيه طرق ألطف بكتير لتوضيح ده خصوصا لو الشخص بيحكي عن موقف مضايقه عامة حاولي تتكلمي كدة في وقت هادي ان الموضوع اتكرر ومش مريحاكي الطريقة دي وشوفي رد الفعل هو اللي هيحكم
عشان كدة بقولك المتوقع ان اللي قدامك بيقدر حالتك اللي بتتكلمي بيها خصوصا انتوا أصدقاء وعارف طبيعتك وبيكون مش عاوز يزود عليكي أحسن حاجة بالنسبة لي المصارحة من غير صدام واسمعي رأيه ووجهة نظره وانتي هتعرفي وتقدري تحكمي
الشخص الهجومي طبعه حاد وبيضبش وممكن يكون معدنه نقي ومش بيعرف بس يختار كلامه بعناية وقت الخلافات
لا مش انتقاد طبيعي هو طالما بيهاجمك من غير ما يفهم يبقى في مشكلة، يا اما مشكلة معاكي او مشكلة فيه هو وطالما بتقولي ان ده اخر فترة بس يبقى في حاجة مضايقاه منك وهو مش بيحكي وبتطلع منه بالشكل ده
هو كدا فعلا زي م قولتي عايز يقفل معاكي ف بيتصرف كدا