هو غالبا كدا معندوش الخبره الكافيه انه يخلي المريض يتكلم بسلاسة ف دي مشكله ممكن تغير الدكتور وتشوف حد غيره واوقات برضو الموضوع بيقع على المريض نفسه انه يكون عنده اصلا القابليه انه يحكي وانه حابب يتعالج

فكرتني بالثيرابيست الي روحت ليه كان كل محاولاته ف انه يطلع مني الكلام بأني المتهم الي ارتكب جريمه ويلومني لدرجه اني خلاص كنت بكدب واقول حجات مش حصلت اصلا عشان اخلص السيشن واطلع وكان اهلي بيجبروني اروحله كل مره عشان بس بيقولهم اني ف خطر واني ورايا مصيبه الحمد لله يعني قعدت ٣سنين بتعالج من اتهاماته دي اكتر ما كنت بتعالج من مشكلتي اصلا مش مسمحاااااه

لا مش كلهم انا رحت عند دكتوره واول سيشين مكنتش قادره اتكلم وكنت خايفة احكي اصلا بس هي عرفت تعامل بص هو انت لومحتاج حديكلم معاك روح لمعالج نفسي بس كده او كده الاتنين بيعرفو يتعاملو

أنا فاهمه قصدك ايه ، انت بتتكلم انك مش عايز حاسة العلاج تبقى اكنها مريض ودكتور كدا بمصطلحها ، انت يمكن يكون قصدك انك عايز تبقى القعده سلسله شويه أكني مثلا قاعده مع حد غريب مش هشوفه تاني وحكيت كل اللي جوايا بأفكاري السوداويه والتناقض اللي جوايا وهو فهمني بصدر رحب واتناقشنا واتكلمنا وهكذا بس صدقني هو دا شيء كويس وتحاول تغير الدكتور بس لازم العلاقه بين الاتنين مهما كان هي في النهايه كدا ومش هينفع بعد ما تنتهي فتره العلاج العلاقه تبقى صحوبيه بقا وكدا لا دا غلط ، إنما ممكن يبقى عندك صاحب يفهمك ويتقبلك بكل الوحش والحلو اللي جواك اتمنى اكون فهمت قصدك إلى حد ما

بالمنطق مش ينفع انه يضغط عليك تحكي هو مش هيساعدك غير ما انت تكون مستعد تحكي و عايزة فعلا علاج و مساعده

في ثيرابيست يعرف يسمعك بس لازم يكون عندك استعداد تحكي بصراحة ولو خيط بسيط وهو هيطلع منك الكلام

أغلبهم كدا فعلا الا اللي عنده شغف للمهنة فعلا انصحك تتابع دكتور عبدالرحمن ذاكر الهاشمي اعتقد ممكن تستنبط منه مين اللي تروحله وامتى تروح فعلا وربنا يتولانا جميعا

لا لا هما مش كلهم كده، بس بيبقى فيه فرق كبير اوي بين واحد جاي يحسسك ان انت في امان معاه، وواحد جاي يعمل شغلانته عشان ياخد فلوسه ويتوكل على الله. واحد كده تعابير وشه بتحسسك انك مرتاح وهادي، اضاءة العيادة نفسها خافتة ولطيفة كده بتبعث ع الاطمئنان، الكرسي اللي انت قاعد عليه بيكون مريح اوي، والدكتور نفسه جاي يتكلم معاك كانه حاسس بيك ومهتم فعلا. بيبقى بإختصار combination كده على بعضه لو نقصت منه حاجة انت مش هتنطق بجد. كله ده غير القبول طبعا، بيبقى فيه دكاترة اصلا وشهم نحس وتحس انك اول م تشوفهم انك عايز تهرب وان مشاكلك زادت 🙂. عكس دول، بيبقى فيه دكتور بمجرد م تشوفه بيحسسك اللي هو انت ف بيتك، اتكلم براحتك، منغير اصلا ما يتكلم، بس هو تعابيره وطريقته والمكان بيحسسك بكده.

مفيش حد هيعرف يعالجك غير نفسك ، انت ف الاول والاخر مسئول عن نفسك ، انت معاك حق بس حاول مع نفسك الاول، ممكن تروح ل لايف كوتش يوجهك بس ، وحاول تكتب كل مشاعر بتحسها في notes عندك حتي لو هبله، دون يومك خلي ربنا مصدر ليك الاول

جرب ثيرابيست تاني طيب