منذ 12 ساعاتيشعر بـ قلق
مقدرش اكمل في شغل اكتر من شهرين بجد بستغرب جدا من الناس اللي بتعرف تكمل ياريت تدونا نصايح ازاي بتعرفوا تكملوا في اي شغل وتستحملوا الروتين والمواصلات بتاعت كل يوم وايه الحاجات اللي لما نلاقيها في الشغل منكملش ومندوسش على نفسنا زي عدد ساعات العمل او المرتب او تعامل الاستف والتيم وياه بقا لو نصيحة كمان للناس اللي عايزة تشتغل في فترة الدراسة (طبعا اكيد الناس اللي فاتحة بيوت ده اكبر محفز انهم يشتغلوا وميبقاش عندهم حرية الاختيار)
انا كنت زيك كدا فالأول بس هو الفكره انك بتبقا مش متعود على الشغل أصلا واول مره تشتغل وكدا فالموضوع مش ف ان الشغل صعب او الناس وحشه بقدر ما هو انت اللي لسه متأقلمتش على نظام الشغل فالعموم بس لو عديت المرحله دي وأخد تحدي مع نفسك لو لاقيت شغل كويس انك تقرر انك تطول وتعيش التجربه بعدها عضمك هينشف والموضوع بنسبالك هيبقا أسهل بكتير لإن ف اي شغل فالدنيا في ركائز اساسيه ثابته لو اتأقلمت عليها هتعرف تسلك ف اي شغل بإذن الله ونصيحتي ليك تدرب ع الالتزام فالشغل والمواعيد هو بدايته صعبه ورخمه ومقرفه بس صدقني دا هيريحك كتير بعدين وف اي شغل وربنا يوفقك
انت حاليا مش بتشتغل لمجرد الشغل والمرتب ولكن انت بتبني خبراتك اللي هتكمل معاك ف مستقبلك واللي هتديلك وزن ف سوق العمل .. لازم تفهم كويس ان كل انواع الشغل مرهقه و متعبه ومافيش شغل مريح .. الفكره انك لما تبدأ شغل جديد لازم تكون حاطط هدف ف دماغك انت عايز تتعلم من الشغل ده ايه بحيث يضيف لخبراتك اللي هتساعدك انك تلاقي حاجه احسن بعد كدا
يعني مش أنا بس اللي كدا نزلت شغل كملت الشهر بالعافية وبعدها بفترة نزلت شغل تاني وسبته برضو بعد شهرين