حصلي موقف ف الشغل و عاملي مشكله حابه اسمع اراء ناس تانيه عنه من فتره سبت شغلي القديم و بدأت شغل ف حته تانيه ف مجال مختلف - المجال دا انا مبتدأ فيه بس بحبه و كنت متعمله شويه حجات عنه - ف اول الشغلانه فهمتهم حدود معرفتي ف المجال و هما كانوا طيبين جدا و قالولي ماشي و الدنيا كانت زي الفل - امبارح صاحب المكان جاب اله جديدة ليها علاقه بالشغل يعني - انا كنت بشتغل علي اله زيها بس بنوع احدث و متعوده علي الحديثه و هو جاب نوع قديم و مختلف عن الي انا متعوده عليه بس مش مختلف اوي اقدر اتعامل معاه عادي - المهم قلتله الكلام دا و قالي مفيش مشكله و علمني ف الاول بهدوء و انا فهمت و بدأت اشتغل عليها - المهم في زرار ف الاله دي انا عارفة ان بيعمل وزيظة معينه ف الاله الحديثة ف دست عليه و هو ف الاله القديمة بيعمل وظيفة تانيه خالص - المهم بوظت الشغل بس مش اوي هي كانت مشكله بسيطة - اتاسفت و قولتله هدفع الخساير من معايا - هو مزعقش بس قالي كلام بهزار بمعني اني مش بفهم و لو معرفش ف الشغلانه ف مشتغلهاش احسن - ف العادي كنت هبتسم و خلاص بس انا بقالي فتره المشاكل حرفيا مش بتسبني ف حالي و مظغوطه اوي دراسيا و نفسيا و جسديا - المهم اني عيطت هناك - هما اتصدموا و بصولي كأني مجنونه لاني مش بالحساسيه دي ف الاوقات التانيه - المشكله اني عيطت بطريقة هستيريه و جاتلي نوبه هلع و معرفتش اتنفس من كتر العياط - انا مكنتش بعيط علشان هو قالي الكلام دا بس - انا كنت بعيط علي كل حاجة حصلتي من مشاكل -المهم حاولت الم الدنيا و اخدت انهاردة اجازة - بس انا محرجة اوي اروح بكره لاني بقيت ف نظرهم عيله بتعيط علي اي حاجة و هو اتضايق مني - هو طبيعته كان بيهزر معايا لاني قد عياله بس اظن بعد الموقف دا مش هيهزر معايا تاني و انا مش عايزة الموضوع يبقي غريب بعد كدا - ف اعمل ايه؟؟ اسفه اني طولت🙏🙏
حاسة انك لو كلمتي المدير على جنب و قولتي انك كنتي مضغوطة بس و انك ما كنتي بتعيطي من هزاره انما مشاكل تانية اما الباقي تعاملي عادي جدا كأن مافيش حاجة حصلت و لو حد فتح الموضوع معاكي بهزار هزري عادي و انك كان عندك اسباب تانية من غير ما توضحي و الموضوع عادي هيعدي و هتنسي و كله بينسى ماحدش هيفتكر حاجة بعد كدة+ بلاش تضغطي على نفسك يا قلبي و توصلي المرحلة دي كلنا ساعات كتير بتعدي علينا فترات ضغط بس اهدي على نفسك يا روحي كل حاجة بتعدي 🫂♥️
مبدئيا ك سنه ونتي طيبه وبصحه وسلامه ثانيا بقي اللي حصل دا فعلا انهيار بسبب انك بتكتمي كتير و زي ميكون كد نفسيتك مصدقت تلاقي حاجه تنهار عليها ودا لكون انه ملكيش مخرج ملكيش حد بتنهاري معاه او بتفضفضيلو فا لازم تلاقي حل لدا حتي لو هتخرجي لوحدك مره كد تقعدي مع نفسك عشان مينفعش تضغطي نفسك نهائي دا هياثر ع كل حاجه وخصوصا ادائك ف الشغل اما بالنسبه للموضوع بقي الاساسي فا دا عادي بيحصل لازم حاجه كده بتعدي علينا زي دي كل فتره سواء فشغل ف دراسه ف حياتنا عموما كميه الاحراج و الكسوف اللي حساه و هيبصولي ازاي و صاحب الشغل او المدير كل دا طبيعي هيدور فعقلك بس اوعي تخليه يتغلب عليكي تقدري تسكني نفسك و تسكيبي الاحراج دا ومتروحيش تاني او ايا كان الموضوع لكن هتبقي عملتي لنفسك عقده كبيره جداا هتفضل طول حياتك و لو حاولتي تعالجيها بعدين هتبقي صعبه جدا لكن خدي الموضوع كا تحدي و غصب عنك هتروحي وتواجهي ودا هيفرق جدا فنفسيتك و شخصيتك كمان لازم هتقابلي حجات من دي كتير فشغل بس طول منتي مبتهربيش طول منتي بتتعلمي و بتبني اساس قوي هينفعك بعدين متخليش حاجه تيجي عليكي وتكون عائق