ربنا يوفقك للخير دايما و يجبر بخاطرك عامة طالما انتا ذكرت حتة انه ربنا يدبرلك امورك ف حاول تخلي على لسانك دعاء اللي هو يا حي يا قيوم برحمتك استغيث اصلح لي شأني كله ( ولا تكلني الى نفسي طرفة عين ) يعني انتا اكنك بتدعي ربنا انه ميسيبكش حتى لغمضة العين وانك بتستعين بيه ف اقل امورك حتى ف استعين بالله وادعيه على قد ما تقدر، وسيبك عامة من المستقبل لان ده في ايد ربنا محدش عالكوكب كله يقدر يقولك الثانية اللي جاية هيحصل فيها ايه، ف ده مش عجز منك وركز على الحاضر على قد ما تقدر وانك تعمل اللي المفروض يتعمل دلوقتي و بس و متبصش لقدام اوي لانه هيزود خوفك اكتر