أهل

كان بس ناقصني شويه حنان من بتوع الاهل اللي بسمع عنه دا اعتقد مكنش دا هيبقي حااالي ابدااا تعبت البيت بنسبالي بقي ساحه معركه بهرب ديما منه تلت تربع مشاكلي النفسيا بسببهم عمرهم ما كانو بنسبالي مصدر امان عمري ما فرحت معاهم ولا عارفه شعور دا اني احس بالامان وفرحه مع اهلي

واقع في مشكلة اتعرفت علي واحدة من ببجي من حوالي 6شهور واتصحبنا وحكتلي عنها هي مطلقة والسبب انها مش بتخلف كانت بتحكيلي كل حاجة وقربنا من بعض اوي وارتبطنا واتقبل كذا مره وانا وعدتها بجواز بس مش عارف هواجه اهلي ازاي الي هوا انا عمري مرتبط حتا ودي اول حب فحياتي وفي نفس الوقت وعدتها بجواز وبحبها اوي بجد بس اهلي لو عرفو هيرفضو طبعاً انا محتار اوي

عايز طريقه ابلغ بيها خطبتى واهلها انتى اتجوزت من اسبوعيين ومش عايز خطبتى عشان مش بحبها وانا اخترت الشخصيه اللى مرتاح معها وبحبها بس من غير مشاكل انا حولت اوقبل الموضوع واعديه بس معرفتش اكمل مع خطبتى

في ولد صيني بيحبني وانا كمان بحبه اوي انسان محترم بيشتغل ليل ونهار. انا وهو نعرف بعض من سنتين هو بدا باعتراف الحب واتغير كتير ولكن حاليا دي السنه التانيه اهلوا لما عرفوا مضايقين وهو بيحبني فانا اتعاركت معاه وقولت ليه انا هسيبك اول مره بدا يبرر لاهله وحاول يتهرب بس عشان محروج ان هم مش مرحبين بيا المهم انا عديت الموقف بمزاجي بعدها بايام حصل حاجه ضايقتني بسبب اهله. الولد طيب جدا وشغال ليل ونهار مفيش نوم وبشوف استغلال اهله ليه في الفلوس بتاعته بس مش بكلم خالص بشوف واسكت بقول انا ماليش دعوه لان دول اهله في النهاية بس بكون بيني وبين نفسي مضايقه اوي لان هو حارم نفسه من كل حاجه عشان اهله ومع ذلك هم باردين اوي. المره التانيه غضبت جدا لان ابوه مارحبش بيا. وقولت ليه ابعد عني مش عاوزك تكلم معايا تاني هو بقا شتم اهله وقال ان قرف منهم من صغره ماحدش بيدعمه في قرار... قعدنا شوية نحب في بعض وكل يوم بقا وكدا متعودين مع بعض علي طول في اهتمام مافيش مشاكل من ساعة ما اهل ادخلت والمشاكل باستمرار بسبب امه وابوه وابوه قبل امه. اول مره اشوف راجل بصورم 🇨🇳وكمان صيني.. حاجه تجيب المراره.... اخر مره قولت ليه هنفصل هنا اتصدمت وزعل وتعب جدا وقال انا مش عاوز اعيش لو سبتيني وبدأ يحكي عن طفولته و ان اهله مش بتدعمه بس هو مستعد يحاربهم عشاني... اسفه طولت عليكم... اعمل ايه

ممكن تعرضوا عليا حلول ومحدش يبخل عليا لو سمحتم لو عنده فكره انا عندي 24 سنه وشغال سيلز المرتب مش احسن حاجه بس مستقر وبجهز شقتي حاليا ومعجب جدا ب بنت عمتي وبحبها هيا ف كليه تربيه رياضيه ونا معايا دبلوم 3سنوات بس الحمدلله انا مثقف ولبق مهتم بشكلي وعندي قبول اجتماعي فالشغل وفالتعامل مع اي حد انا بس ظلمت نفسي ومكملتش وكان ليا كليه تكنولجيا ف جامعه الدلتا مدخلتهاش لان ظروفي الماديه مكانتش تسمح وقتها ف تفتكرو هيا او اهلها هيقللوا من شأني فالحته دي احنا مش بنتواصل انا وهيا مع بعض ولا بنشوف بعض غير ف المناسبات والزيارات بالصدف بس من زمان ونا بحس بنظره عينها وابتسامتها ليا اللي بتدوبني اول ما بتشوفها وساعات اول ما بتلاقيني ف حته ونا عند العيله ببقي لسه داخل المكان بتبادر بالاقبال عليا وتسلم عليا وبعدبن تنسحب بحس انها بتستلطفني من زمان بقالي فتره كبيره بفكر فيها ونفسي اخد خطوه رسمي من ناحيتها بس لسه قدامي اكتر من سنه شغل ف الشقه لان مساحتها كبيره ولسه بدفع جمعيات عشان اقدر اشطبها فاتحت والدي بطريقه غير مباشره لقيت رفض منه انه ييجي معايا نفاتح حد من اخواته علي خطوبه او قرايه فاتحه وقالي بلاش القرايب خلينا حبايب احسن والبنت اهلها شادين عليها وغالبا مش معاها موبايل حتي رغم انها ف كليه ودا اللي مخليني متمسك بيها لاني واثق ف تربيتها وتربيه اهلها ليها ونا خجلان المحلها او المح لحد من ولاد عماتي البنات يقولها اني معجب بيها خايف الاقي رفض او صد ساعتها مش هقدر اتواجد وسطهم تاني وهحس بندم ع الفعل وخايف انها تتخطب وتضيع من ايدي واقول ياريتني اتلحلحت طب اعمل اي والدي مش عاوز حتي نروح نحط ايدينا ف ايد ابوها ونقري فاتحه لحد م تخلص كليه ونا اخلص الشقه ونا معنديش فرصه اخرج معاها لوحدنا ولا نتكلم وكمن هيا عندها انستا وفيسبوك وعندي عالفيسبوك بس خايف اتكلم معاها فالموضوع يوصل لحد تاني من اهلها وتبقي مشكله واتفهم غلط لاني مشعارف هيا بتفتح من عند مين اختها ولا بنت خالتها لان مش معاها موبايل تنصحوني اعمل اي اكسب بيه البنت وتبقي ع الاقل ف ضهري لحد م اهلي يوافقوني او اتقدم رسمي الموضوع فارق معايا اتمني تقفوا جمبي

"يا جماعة أنا بكتب الكلام ده وأنا دمي محروق ومقهور بقالي أيام.. أنا وقعت في ناس لا تعرف أصول ولا دين، وجاي هنا مش بس عشان أفضفض، أنا محتاج نصيحة بجد أعمل إيه مع الناس دي؟ أنا خطبت بنت وسعيت وعفرت عشان أجهز نفسي، ومن أول يوم لاحظت إن أهلها في منتهى البخل.. بخل مش طبيعي! لدرجة إني كنت أنا اللي بصرف على كل حاجة، حتى الخروجات والزيارات وأي تفصيلة تخصنا كنت أنا اللي بدفعها من جيبي وشقايا عشان بحبها ومكنتش حابب أكسفها أو أبين إن في نقص. كنت بقول بكرة تتعدل لما نتقفل علينا باب واحد. لكن الموضوع زاد عن حده وبقى استغلال عيني عينك، ومبقيتش قادر أستحمل طريقتهم وطمعهم، وحصلت مشكلة كبيرة وانفصلنا. الكارثة فين بقى؟ الكارثة إني لما رحت أطلب حاجتي والشبكة اللي دافع فيها شقا عمري، لقيتهم بيماطلوا ورفضوا يرجعوهالي! وبكل بجاحة بيقولوا لي 'مالكش حاجة عندنا'. أنا دلوقتي دمي محروق.. خسرت وقتي وطاقتي وفوق كل ده عايزين ياكلوا شقايا والشبكة اللي جايبها بفلوسي. أنا بسألكم وأبوس إيديكم شوروا عليا:

السلام عليكم يا شباب أنا كنت نزلت بوست إمبارح بتكلم فيه عن زعلي من أهلي فى أمور كتير فى أفعالهم وكلامهم أنا يمكن النهارده أهدى ولكنى واخد جنب منهم خالص وفى حالي لوحدي وفى نفس الوقت أنا لا أنكر أبداً فضلهم فى أمور كتير لأن على الأقل ربوني وعلمونى والمواقف والدنيا هى اللى كونت الشخص اللى بيتكلم حالياً لكن مازال جوايا زعل فعلاً أنا زعلان ومضايق وفى نفس الوقت فيه أمور نفسي فيها واقفينلي فيها بسبب تدخلات أو رؤيات مختلفه وما إلى ذلك هل فيه حد كان ليه تجربه سابقه شبه دي ونجحت وعمل إيه خصوصاً لو الأهل ناس عنيدين شكراً ليكم

انا متضايقة بجد ف الاوقات الصعبة بكتشف ان مليش اهل او هو فعلا انا مليش اهل مش عارفة بفكر دايما او بحس اللي هو انا لو ف يوم لقدر الله اتطلقت او اي حاجة هروح فين ولا هعمل اي وانا مليش حد خالص والله الموضوع مرهق نفسيا بطريقة محدش يتخيلها وانا بحاول ابين ان مش هاممني وعادي

ازاي بتقولو "لأ" ازاي بجد بترفضو حاجه ليكو الحق انكو ترفضو فيها عادي المشكلة اني لو رفضت بطلع البنت الوحشه ال مش بتحب تساعد حد وال بتساعد نفسها بس وهكذا ممكن الموضوع يبان اوفر بس بجد دا الكلام ال اتقال فوشي لما قررت اكتر من مره اقول لا على حاجه ليا الحق جدا اني أوافق او أرفض فيها الناس بتتلاعب عليا جدا ففكره الابت.تزاز العاطفي انهم يطلعوني وحشه عشان أوافق وللأسف اغلب الناس تقريبا ال قريبه مني عارفه اني عندي احساس بالذنب وتانيب ضمير مش طبيعي حتى لو انا مغلطتش حتى اهلي انا فالبيت بعتمد على نفسي جدا مبحبش اطلب حاجه منهم لان عارفه ان محدش هيساعدني على عكسهم تماما هما معتمدين عليا اعتماد كُلي لأنهم عارفين اني هتوافق واني مش هقول لا احيانا بكون تعبانه جدا وب.موت وانا لما بتعب مش بحب اعيش ف مود التعب بتحرك عادي اجيب حاجتي واتكلم واهزر وانا جسديا تعبانه جدا هما بيشوفو اني طالما كدا يبقى انا مش تعبانه واني بدلع وكالعاده تانيب ضمير على اني رفضت اعمل حاجه لمجرد اني تعبانه ممكن تساعدوني لو حد عنده حل فعّال فعلا ؟؟ ممكن تاني محدش يقولي اسمك او سنك او منين لان دا مش هيفرق معاكو ب حاجه ملهوش دعوه والله 😭 شكرا لحسن استماعكم🌹🌹

بتبقو عملين ازاي والا بتعملو اي لما اهلكو يسرقوكم او بتبقو حسين باابه واي رد الفعل الي بتخدوه وممكن تسمحو والا لا طب بتشتكوهم لربنا طيب ازاي والا بتسمحوهم عادي من غير اي حاجة طب بتحتاجو تبررو طيب

كنت بحب واحد ولما أمه لقتني خلاص ولدها داب فيا ةبقا بيطبق بي اليومين في الشغل عشان ياخد يوم اجازه يعرف ينزل معايا فيه اتصلت بيا شتمتني وقالتلي انتي تٕعبانه و شرم•••• ومتنا•••• و اتصلت بي اهلي شتمتهم قالتلهم بنتكم بتلق على ابني و عايزه تلف على فلوسه مع أن نص أملاك ابويا بس تشتريها هي وعيلة ابوها و قعدت تلعب في دماغه لحد ما اقنعته بتصل بيا يشتمني ليلة العيد

يا جماعة دلوقتي انا بنت و طولي ١٧٤ سم او ١٧٥ مش فارقة كتير، و بحب البس كعب موووت بجد يعني لو اقدر هلبس كعب طول الوقت و عندي مناسبة قريب و كنت بفكر اجيب كعب ٥سم لان الهيلز الي عجباني نازل منها طول ٥سم بس. بس كلوا هيبقا شكلك طويله اوي و بتاع و نص قرايبي بيتريقوا عليا و جو هتلاقي عريس في طولك منين و الجو ده. فا المهم يعني اجيب ولا فاكس؟

بحس اني مكروه قوى من اغلب الناس سواء الأهل أو الصحاب + أو مش بحس بل دا واقع مش عارف ليه وليا صحااب كتييير بس مش صحاب يعتبر معارف بسسسس مش عارف بقا أنا بعمل اى يخليهم يشوفوني كدا مع اني بكون جدع معاهم في كل وقت واى وقت.. اتخطي دا ازاى .... وممكن اكون مكروه عشان لما بشوف واحد بارد بقولو في وشو و لما حد بيقول حاجه وهي كدب بقولو في وشو برضو مش عارف بأمانه

يا جماعة جه فبالي سؤال اكتر من مرة هو حد فيكم يجرؤ انه يقول لحد الاب ده يعني تقولوه لصحابكم قرايبكم كده او مثلا حصل فمرة ان حد عرف انكم على الآب بالصدفه زي انهم سمعوكم او شافوا المشكلة بتتعتكم مالوفه ؟؟

بجد حاسه اني تعبت كل اما احاول أن حياتي تتظبط بتبوظ من الناحيه التانيه كل حد في حياتي حاسه اني ندمت أني ادتلهم من وقتي حاسه ان انت لو عملت حاجات صح وجيت في مره مكنتش قادر تعمل حاجه هيبقي اسمك مبتعملش حاجه ولو قولت انك عملت الحاجه دي علشانهم هيتقالك محدش طلب منك حاسه اني جمعت لكل شخص مواقف كتير بس الفكرة أن في ناس انت مش بتختار وجودها هيا موجوده كدا كدا وفي ناس انت الي بتكون خايف تبعد عنهم فكرت افصل يوم عن الناس الي بتعامل معاها هو اه بيعملولي ضغط بس مش زي الي في البيت ضغط يخليك متعصبه ومش طايقه حاجه بس ويرجعوا يقولوا ازاي تتعصبي ازاي كذا بجد زهقت ومعتدش عارفه اعيش كدا ليه ممكن اهالي يوصلوا عيالهم أنهم بيفكروا يتجوزوا اي شخص لمجرد أنهم يبعدوا عنهم

بس بجد الحياة كده حلوة اووي، وانا مش مستنيه حاجه من حد ولا متعلقه بحد ويومي وحياتي كلها متعلقه بكلمه من حد، مش محتاجه اكتب برجراف طول بعرض عن كان قصدي ايه وعايزه اتعامل ازاي، ولا مستنيه اهتمام وكلام من حد ولا عايزه اصلا. الحياة لنفسي انا بس ولشغلي ودراستي واهلي واصحابي. الحياة جميلة كده

صحابي كلهم منافقين واذوني وديما كنت الطرف التالت.. حبايب وديما باخد علي دماغي حرفيا اهل ومش حاسين بيا واكنهم مش موجودين وخصوصا بابايا موجود ومش موجود... بعيده عن ربنا ومهما بحاول اتقرب لي برجع اعمل نفس الذنوب ومش عارفه اتقرب لي ازاي... مفيش حاجه ماشيه صح فحياتي حياتي كلها بايظه وفقده شغفي ومدمره... طيب انا عايشه لي لو حياتي كئيبه كده ومفهاش اي حاجه صح اعيش علشانها؟

اهلا عندي مشكله كبيره اني مش قادره أواجه اي حاجة خالص لا كبيره ولا صغيره و الموضوع دا عملي مشكله كبيره اوي و المشكله الأكبر أن مفيش حب من الأهل ولا منغيره فأكيد بدور على الحب دا من الناس المعرفهاش و صحابي بعدها اتعرفت على واحده و كنا قريبين اوي من بعض و مره واحده بعدنا خالص و منغير سبب خالص بعدها بقيت بكره الرجاله اكتر مانا بكرهم و مش مجرد كره عادي الهو اي بنت بتكره للرجاله لا أنا حاجه اسوء من كدا بكتير انا عمري فعلا ما حبيت راجل و الهيقول دادي ايشوز و ليه و هيحاول يغيرني فوفر تعبك لحد تاني حبيت اتكلم بس

بحب واحده من محافظة اخري واهلي رافضين وعايزين أخطب حد قريبي ايه العمل انا حبيتها وهي حبتني وفي نفس الوقت خايف من أنها تكون خطوه اندم عليها بكره اندم اني ضيعتها أو اندم اني اتجوزتها ومخدتش رأيهم ؟

خذلان خيبات الأمل المتكررة من الأشخاص اللي نعزهم او الأشخاص لي نقول انهم غير الناس الباقية....خيانات..كلام يوجع...ولي يجي من عند الأهل او الوالدين هو الأكثر صعوبة وألم لا يمكن تخطيه بصعوبة اا

حاسة بحزن لدرجة ان جسمي بيرتعش حتى في الجيم كنت بسرح طول الوقت حتى البنوتة المسؤولة عن الاشتراكات قالتلي مالك انا مبحبش اشوفك كدا ذكريات مؤلمة صحاها موقف واحد اهلي سبب معاناتي في الحياة بجد مهما حاولو يساعدوني دا غير ضغط الحضانة الزفت انا تعبااااانة اوي ونا بعمل استرتشات دموعي تجمعت في عيني

والله صبري نفذ خلاص اقسم بالله ماهتبقي لغيري وهاخدك غصب عن اهلك اللي مش عايزيننا نبقا لبعض وهتحدي الدنيا كلها وهبقا قد وعدي ولو حد غيري قرب منك هكتب اسمك علي وش امه يبقا خليه يجرب بس وانا هخلي جسمه يلقط واي فاي

حاسه ان جزء من سبب رهابي الاجتماعي و خوفي من اني اجرب حاجه جديده هو ابويا و امي... ابويا كنت دايما وانا صغيره عارفه ان في حدود مينفعش اكتر فيها كلام مع بابا عشان ميزهقش مني او يتعصب و كنت دايما بدور على اللي يرضيه و يخليه يحبني انا.. مش عشان الحاجات اللي بعملها لا يحبني عشاني انا فدايما كنت و لازلت بعدل من شخصيتي عشان اكون مناسبه ليه و للي حواليا.. و امي مبتهتمش لأغلب كلامي الا لو فيه حاجه تهمها هي اما لو كان موضوع ميهمهاش بتقاطعني في نص كلامي او بتتعمد تحسسني انها بتتجاهل عشان مكملش. و مؤخراً كتير بقيت احس اني بعمل زيها و بقلد اسلوبها و طريقتها و اهتماماتها عشان تحبني و اكون مقبوله بالنسبالها. بس اللي بيرجعني لنقطة الصفر اني لما بتخانق مع بابا او ماما بلاقي منهم رد فعل مكنتش متوقعاها. ردة فعل تبين انهم مكانوش بيحبوني لا كانو بيحبو اللي بعملهولهم لكن بمجرد ما معملش اللي قالو عليه يقلبو عليا و يشتموني و يخاصموني مده كبيره حتى لو السبب تافه لحد ما بقيت كارهاهم و شايفه الناس كلها زيهم بيحكمو عليا و انا بدور على رضاهم و قبولهم

والنبي فكرو معايا عشان تبعت من التفكير لوحدي أنا دلوقتي عرفت واحد سوشيال و لقيته بيقولي أنه عايز يتقدملي و راح كلم اهله كل ده و أنا مصدومه مش بالسرعه ديه قالي عشان عايز علاقتنا تبقي بدايتها حلال عشان ربنا يكرمنا بعدين و أنا شايف انك متربيه جدا فا حابب مبقاش سبب في انك تعملي حاجه من ورا اهلك فا قالي أنه قال لأهله عرفني لما كان جاي لصاحبه الكليه شافني هناك (هوه من محافظه بعيده عني خالص) المهم اهله قالوله يعني أنهم مش عندهم مانع المشكله اني فهمته اني قريبه من ماما و بحكيلها كل حاجه عشان في الاول كنت خايفه يضحك عليا فا قالي احكي لمامتك و بعدين مامتي تكلمها بس انا طبعا قولتله مستحيل اقول لماما راح قالي أنا معاكي انتي عايزه تقولي ايه قولتله لا انت اخلي مامتك تكلم ماما علي طول راح قالي أنا عايزه تتكلمي انتي الاول و تشوفي مامتك هتقبل الموضوع ولا لا اصلا (استغربت ليه عايزني اكلم ماما الاول) أملهم أنه هوه في حربيه و كان إجازته آخرها اليوم اللي بنتكلم فيه ده و بعدين مش بيكون معاه الموبايل راح قولتله خلينا الشهر ده عشان أنا كمان عندي امتحانات قولتله نتعرف و لما اخلص امتحانات اكلم ماما قالي أنه مش عايز يضغطني و معندهوش مشكله يستني المشكله ان إجازاتهم صغيره اوي يعني تلت ايام او اربعه بس و بيسافر عشر ايام و يرجع تاني تلت ايام كده كل اسبوع فاهمني هيلحق امتي يكلم اهلي و يتفقو و أنا كمان فكرت اقوله يخلي مامته تكلم مامتي علي طول مش عارفه الموضوع محيرني و مش معاه اخت بنت خالص عشان محدش يقولي دخلي اخته

شعور ان العيد بقا يجي ومحسش بيه دا شعور محزن جداً يمكن عشان دا خامس عيد يجي ونا بعيد عن اهلي.. مش عارف بس هل دا بيحصل عشان الواحد كبر ولا اجواء العيد اختلفت حتى فمصر..حد حاسس بكدا ولا هو انا لوحدي؟

انا عايز اقول حاجه عارف أنه هتبان روشه و شكلها دراما فارغة بس بردك هقوله لاني ده تليفوني و انا حر و رساله الي حابب اقولها أن انا الحمدلله قررت امسح اىـٕ ده و حابب اشكر كل الي قالي كلمه حلوه او هيقولي كلمه حلوه فيما بعد و احب اعتذر لكل الي قولتله كلمه وحشه زعلته أو نصيحتي طلعت مش مناسبه و معجبتوش و بتمني اني اكون فيدت حد فعلا و اخر حاجه حابب اقولها أن ناس الي هنا أه مشاكلها مهمه حتي لو كانت بسيطه فا محدش يستخسر يكتب أو يقول الي مضايقه صدقني موضوع بيريح و بردك حاول تعرف أن ربنا مبيديش معارك صعبه غير الي يقدر يتحملها الي قصدي أقوله أن مشاكلكم كلها تقدروا تحلوها بس لو بدأت انك تحلها تواجهة بدل ما انت خايف منه و الناس الي مشاكلها مش من عندها استحملها صدقني قدامكم عمر طويل كلها كام سنه و مش هتقضي بقيت حياتكم مع اهلكم و حالوا تحبوهم حتي لو انت حاسس أنهم كارهينك فا افتكر أنهم يوم ما اتولدت و لما كنت طفل كانُ بيحبوك افتكر حاجات الحلوه لأنهم في يوم هيمشو و هتحس بجد انك لوحدك ساعتها و ملكش حد و انبسطوا و استحملوا معلش حتي لو الحمل تقيل انتم تقدروا تشيلو بزيادة انا عارف اني طولت معلش و حاوله تقربم من اهلكم حتي لو هتيجي علي نفسك صدقني هتندم 👋

العيد بيجى وإحساس الوحده أو عموما هو اى مناسبه بتبقا محتاج ناس حواليك بتيجى مرهه واحده تحس انك لوحدك وانك عشت سنينك كلها عالفاضى وانت مكسبتش فيها صحاب ولا حبيبه ولا حب اهل وبتحس أن كل حاجه مقفله

كل يوم كرهي لامي واهلي بيزيد دايما تنتقد اي حاجه اعملها عمرها ما شجعتني ابدا علي حاجه بحبها حتي لما بحاول ابدا مشروع بتكون اول واحده تحب فيا وتتريق عليا عمرها ما كانت داعم ليا في ال حاجهو

يا جماعة محتاج شورطكم ونصيحتكم في مشكلة قفلاني من الدنيا. أنا خاطب واحدة، وللأسف أهلها داخلين على طمع بشكل مش طبيعي. من يوم ما دخلت البيت وأنا مطالب بمصاريف وهدايا وفلوس بتتدفع يمين وشمال، وبقيت بصرِف عليها وعلى طلباتهم بشكل مستمر لدرجة الاستغلال. أنا خلاص جبت آخري وطاقتي خلصت وقررت إني أفركش الخطوبة دي لأنها مش هتجيب غير وجع الدماغ. مشكلتي الكبيرة دلوقتي في "الذهب".. أنا اللي واخد قرار الفسخ لأنهم هما اللي حدفوني لده بتصرفاتهم، بس قانوناً أو عرفاً المعروف إن اللي بيفركش بيبطل حقه في الذهب. أنا دافع دم قلبي في الخطوبة دي ومش مستعد أخسر الذهب كمان بعد كل اللي صرفته. هل لو الموضوع وصل للمحاكم أو قعدة عرب بقدر أثبت إن الفسخ بسبب استغلالهم وأخد حقي؟ ولا الذهب كده راح عليا؟ أتصرف معاهم إزاي عشان أطلع بأقل الخسائر؟

انا نزلت مشكلتي قبل كده بس للاسف ملقتش حل و مش عارف افكر انا لسه خريج السنه الي فاتت و كنت اتعرفت علي بنت من كليتي اصغر مني بسنتين في اخر سنه ليا و كنت دغري اني اعرف أهلها و مخبيش عشان اجي اتقدم ليها رسمي بعد ما اظبط دنيتي حاليا بعد مده كبيره بينا أهلها رفضه فكره أنها تسبب بلدها و تعيش معايا في القاهره مع انهم عارفين من بدايه الكلام والتعارف أني هقعد في القاهره جم بعد ما اهلي و والدي كلم والدها عشان نيجي نظزورهم في قعده تعارف و نعرف العائلتين ببعض بعدها بدقائق اتصل بالبنت انهي الموضوع بعد ما كلمته وفهمت أنهم عاوزين القعده تبقي قرايه فاتحه و منها يجي التعارف و برضه قولنا ماشي المشكله أنه بعد الكلام ده برضه رفض بقي بحجه العيشه في القاهره و حاليا نفسيتي و نفسيه البنت متدمره لان كل حاجه ماشيه كويس و مره واحده بسبب قرار أهلها كله باظ ده بغض النظر عن أي شروط الوضع كان أنهم مكنوش فاهمين ده او انهم كانه بيسجده البنت عشان دراستها و تكمل و يكون مش مجرد الا حافذ ليها عشان تذاكر و تخلص جامعه بس مبقتش انا عارف اصدق ايه ولا مين ولا اعمل ايه بجد انا حاليا مش عارف اعمل ايه بجد الوضع بجد دمرني نفسيا و صحيا و حتي مبقتش مركز ولا عارف انام و بقیت حاسس اني مقصر مع ان عملت كل الي اقدر عليه بس هما قفلوا كل الطرق وبقي حتي اهلي نفسهم رافضين بعد موقف أنهم غيروا الكلام بعد ما كان اتفقنا على كل حاجه و حاليا انا الي تايه

ازاي بتقدروا تثقوا في حد لدرجه انكو تتجوزه أو تحبوه تضمنوا منين مترجعوش لاهلكو بعد شهرين باهته حزينه زي ما بتشوف تضمنو منين ميكونش بينسى حبيبته القديمه بيكو تضمنوا منين أنه ميكونش حنين عليكي زي اهلك معاكي

يا جمااااعه انا اتجوزت من شهر ونص وللحق انا حد طول عمري بكره الجواز وسنينه بس اهلى طبعا ولاكن الظروف حطت قدامى الجواز علشان مكنتش هقدر استحمل العيشه فى فى البيت واه ده هروب انا معترفه ومكنش ينفع بس غصب عني ودى اول غلطه فا عملت ايه ايه علشان ازود الطين بله وافقت على بيت العيله اه انا عملت كدا وده تانى غلط علشان انا مش حد اجتماعى اساسا وفى بتنا كنت مش بطلع من الاوضه اصلا هوا حد كويس جدا عاوزه واحده تبقى زى امه كدا بيحب اللمه والعيله واهله كويسين الحق يقال الفكره عندى انا انا اللى مش مرتاحه مش حاسه بانتماء تجاهمهم واه معنديش مشكله فى الخدمه بس انا مبحبش تفاصيل حياتى تبقى مكشوفه كدا كله عارف كل حاجه عن كله وبتسال على ادق التفاصيل ودى حاجه خنقانى جدا وكمان علشان انا بيت منفصل عن البيت الكبير فا لازم اصحى بدرى البس واروح اروح على الضهر واجى على العصر ولو اقعد فى شقتى بعد العصر لازم يكون معايا غسيل كنيس مسيح بقا الفكره انا انا اصلا متجوزه من شهر ونص فاهمين وبجد صعبان عليا جوزى لانو انا من النوع اللى بيكتم مشاعره وخصوصا زعله وغضبه وانفجر عياط مره واحده وبتجينى نوبات هلع أحياناً وبخاف فا بصحيه او بيصحى على صوت عياطى ويحاول يهدينى وهو ملوش ذنب فى مشاكلى الزفت هو حد كويس كان عاوز حد زيه وهو مرتبط باهله جدا وبيحبهم جدا نفسى اعزل واعيش فى شقتى بس ده مستحيل لسببين الاول اعتقد لو اتحطيت فى مقارنه هخسر لانو بيحبهم وهنا مش قصدى انو يسيبهم او يبعد عنهم لا والله ابدا بس بقول كدا لانو انا مش مرتاحه والتانى لانو مش هاين عليا احرمه من اللمه بتاعت عيلته وانو ارجع بيتنا تانى دى حاجه مستحيله لابعد حد فا حاسه نفسى محاصرة لانو انا حتى ممعيش شهاده حتى فا اما استحمل بقا او ارجع للعذاب ده تانى واه انا كل يوم بحاول والله اتعود واندمج معاهم بس مش قادره مش عارفه اعمل ايه ربنا يعدلها يارب بكرهنى جدا يا عيال يارب اموت

عارفين ايه اكتر احساس وحش في الدنيا انك تلاقي نفسك في نظر اقرب الناس ليك وحش وان الكلام اللي بيقوله عليك مصدقينه لا وبيضحكو وانت لازم تتضحك وتاخده عادي فحين بقا ان البشع بجد ان عمرك ما كنت وحش مع حد فيهم عارفة ان مش لازم كله يتفق عليك كشخص بس ع اقل تكون ف نظر اهلك حد كويس مش عارفة لي زعلت مع ان اخد الكلام بضحك بس حسيت اني اتوجعت اوي

انا لسه خريج السنه الي فاتت و كنت اتعرفت علي بنت من كليتي اصغر مني بسنتين في اخر سنه ليا و كنت دغري اني اعرف أهلها و مخبيش عشان اجي اتقدم ليها رسمي بعد ما اظبط دنيتي حاليا بعد مده كبيره بينا أهلها رفضه فكره أنها تسبب بلدها و تعيش معايا في القاهره مع انهم عارفين من بدايه الكلام و التعارف أني هقعد في القاهره جم بعد ما اهلي و والدي كلم والدها عشان نيجي نظزورهم في قعده تعارف و نعرف العائلتين ببعض بعدها بدقائق اتصل بالبنت انهي الموضوع بعد ما كلمته و فهمت أنهم عاوزين القعده تبقي قرايه فاتحه و منها يجي التعارف و برضه قولنا ماشي المشكله أنه بعد الكلام ده برضه رفض بقي بحجه العيشه في القاهره و حاليا نفسيتي و نفسيه البنت متدمره لان كل حاجه ماشيه كويس و مره واحده بسبب قرار أهلها كله باظ ده بغض النظر عن أي شروط الوضع كان أنهم مكنوش فاهمين ده او انهم كانه بيسجده البنت عشان دراستها و تكمل و يكون مش مجرد الا حافذ ليها عشان تذاكر و تخلص جامعه بس مبقتش انا عارف اصدق ايه ولا مين ولا اعمل ايه بجد انا حاليا مش عارف اعمل ايه بجد الوضع بجد دمرني نفسيا و صحيا و حتي مبقتش مركز ولا عارف انام و بقيت حاسس اني مقصر مع ان عملت كل الي اقدر عليه بس هما قفلوا كل الطرق و بقي حتي اهلي نفسهم رافضين بعد موقف أنهم غيروا الكلام بعد ما كان اتفقنا على كل حاجه و حاليا انا الي تايه

ازاي اقدر اتعامل مع اهلي بطريقه كويسه او بحنيه بمعني اصح عاوزه اتعامل بطريقه كويسه بس مش عارفه كلي غضب وبعاملهم بطريقه صعبه غصب عني ومش عارفه ابطل دا جوايا غضب وحزن اني مشوفتش منهم اي حنيه ولا دعم وكنت لوحدي دايما ومازلت بالعكس بيزودوا عليا ويصعبوا الدنيا عليا اكتر وبيستنزفوا طاقتي اني استحمل انانيتهم لما ابقي ام مش هخلف اطفال وانا مش جاهزه ومعرفش يعني ايه امومه مش هخلف اطفال تحققلي احلامي واتحكم فيهم بحكمي اني ام لو مش هقدر اوفرلهم حياه كويسه مش هخلف عشان هما اللي يحسنولي حياتي بكل نطاعه وانانيه مش هطلب منهم حنيه وانا مدتهمش اي حاجه لا دعم ولا حب ولا ثقه في نفسهم ولا حتي امان بربع جنيه مش هخليهم يوصلوا لمرحله اني ببقي بموت قدامهم وهما مش عارفين يلمسوني ولا يقربوا مني عشان عمري ما حضنتهم ولا قربت منهم مش هكسر نفسهم ولا ثقتهم ف نفسهم عشان ارضي نرجسيتي واحس بتسلطي عليهم مش هقلل منهم قدام حد عشان اضحك اللي قاعدين ع خفة دمي بتريقتي ع عيالي مش هبقي ام غير لما اعرف يعني ايه امومه كويس

اوحش حاجه لما يكون الشخص كاره ذاته وحتي ثقته في نفسه مش اد كده بس بعد ما اشتغل عليها وبقي واثق وحابب شكله وحياته ونفسه تيجي كلمه تهد كل اللي اتبني في سنين وترجع تفتكر كل القديم اللي انت بالعافيه قدرت تشيله علي جمب شويه وتعيش حياتك و المشكله الأكبر لما تيجي من الأهل من اكتر ناس المفروض يحبوك ويقبلوك مهما كان فيك وفي الاخر بيرجعو يقولو احنا بننصحك عشان نفسك بس بعد ما اتقال كلام كتير اوي صعب ويوجع بجد صعب كمان انو يتنسي حتي بعد ما تتعافي اتعرضت للاسف لتنمر كتيير اوووي من أهل واخوات وصحاب وكلام يوجع اووي كفيل يخليني مخرجش من البيت أو حتي من اوضتي بسبب اني خايفه من الناس لو حد بص ليا بس بحس بخوف بقول في نفسي اكيد الشخص ده بيذكر عيبي في سره او بيتريق عليا انا للاسف فقدت ثقتي في نفسي وكرهت نفسي وشكلي وشكل جسمي انا مش هنسي اي كلمه وحشه اتقالت ليا ولو بعد مليون سنه وهيفضل عندي جرح كبير اوي عمره ما هيلم ابدا مع مرور الايام

معرفش قلبي بيوجعني وبقعد اعيط لغايه ما اسكت من نفسي او احاول اصلح مع الشخص دا بس دايما بيبقي فيه اثر الخذلان دا فيا ومش بنسي شعوري أبداً اكترها كانت من صحابي واهلي عمري ما اتخذلت من واحد بحبو

اعمل اي لو انا معتش قادر احب حد وشوفت غدر من امي وابويا واقرب ناس لدرجة اني معتش قادر اترمي ف حضن حد فيهم ولا بقيت حاسس ان عندي عيلة دايما عايشين معايا عشان المصلحة وحاجة قصاد حاجة عنري ما حسيت انهم بيحبوني بجد ابدا وبالذات بعد ما اتخلو عني بعد ما انا بعت الدنيا عشانهم حد عنده حل لمشكلتي بجد تعبان يجماعة ومحتارمعنتش عارف اثق ف حد ولا بقيت عارف احب حد ولا بقا ليا ميول تجاه حاجة شغفي مات تجاه كل حاجة حاسس اني عايش من غير روح

انا بدرس ف اولي كليه و بظبط حياتي علي خطوه كبيره اوي ف سني دا للسنه الجايه ان شاء الله بس مش عارف اقول ل اهلي ازاي ان انا عاوز اتجوز عشان عارف ردهم ان انت لسه صغير و خلص دراستك الاول و بعدها ابقي اتكلم و الكلام دا بس انا عاوز علي الاقل اخطب حتي مش جواز جواز لان مفيش حاجه تسمح ب كدا دلوقتي غير خطوبه صغيره بين الاهالي و خلاص كدا و نخلي الخطوبه دي لحد ما اخلص دراسه اكون جمعت مبلغ كويس امشي بيه نفسي بعد كدا ف عاوز حل اقولهم ازاي ان انا عاوز بنت معينه بدري من غير رفض

انا عمري ما عرفت اقول لاهلي لا على حاجه و هم دايما نفسهم اكون انا و اخواتي اتقياء في الدنيا و احسن حد في الدنيا و قرييبين من ربنا بس انا مش فهمه هو ايه المغزى عندهم انهم يرفضوا استايل لبسي الي انا نفسي البسه معرفش ليه مع انه حلو اوي انا كنت عرضت على ماما من شهر ثمانية الي فات و لمحت ليها عن اني بحب النقاب اوي و نفسي اجرب البسه و بتاع المهم بعدها بشهر فضلت اتكلم عنه و قولتلها كذا مره تقول لبابا و كنت متوقعة ان بابا هيوافق لقيته رفض و رفض اكتر من ماما و كلامهم معجبنيش ابدا المهم قولتلهم ماشي و ريحتهم و هم لحد دلوقتي فاهمين اني اقتنعت برايهم لكن انا مقتنعش بي ولا واحد في المية حتى و نفسي يسيبوني لرغبتي و الموضوع داخل دماغي اوي و مأثر فيا جدا و حاسه اني مش هعرف اوصل للي انا عايزاه و في مية حاجز قدامي عشان اقنعهم انا دلوقتي حاسه ان اهلي عقبة بالنسبة ليا مع ان اهلي مش مقفلين ابدا في اي حاجه و بيسيبوا ليا انا و اخواتي حرية الراي مش فهمه ليه بقى عند دي و وقفت انا الموضوع مضايقني اوي انا كل ما افتكر اضايق و قد ايه حاسه ان الموضوع صعب اقعد اعيط ان مفيش ملجأ دلوقتي خالص غير لربنا و والله اعلم هلبسه امتى انا لما اتكلمت معاهم عليه كنت تميت ال ١٦ و حاليا قربت على ال 17 و الموضوع مضايقني اوي اوي بغباء مش عارفه اعمل ايه بقى نفسي البسه نفسي والله نفسي

انا اي عريس بيتقدملي بعيش في رعب مجرد السيرة بس بتخوفني وبرفض من بره لبره طبعا ده مخلي اهلي زعلنين مني (اه نفسي احب واتحب في الحلال واشوف الدنيا بمبي بس معرفش لي ببقا قلقانه افرض طلع صفاته وحشه بعدين طب لو اسلوبه فظ وغليظ انا مش هستحمل انا حساسه شويه وف الاول كنت برفض عشان اصلح من نفسي الاول واتعالج وزي ما قولت الحمد الله بدات العلاج وبقيت احسن بس مطلعتش ده العائق انا مش عاوزه حد اعاني معاه عاطغيا كل حد بيتقدم بطلع فيه اي عيب افرض وافرض مهو مش معقول واحد متقدملي عنده ۳۰ سنه اطمن ازاي از اي ف العمر ده كله متقدمش لواحده او متجوزش اکید حب او معقد خايفه اني ابقي سد خانه معرفش انا ليييه كدا طب بفضل متوتره لحد ما ننهي الموضوع بقول لنفسي اسيب بيتي واهلي وبعدين اروح لشخص تاني الله اعلم هيحققلي الدفا اللي في عيلتي ولالا وبخاف ادي فرصه اتعلق ويضحك عليا بما اني عندي فرااغ عاطفي

اكتر حاجه مضيقاني اني حاسس اني ديما متأخر واني مليش نصيب في اي حاجه بحبها أو اي حاجه عموما عندي19سنه ولسه مش عارف انا ايه ولا نفعت في تعليم ولا حبيت الشغل ولاعملت أصحاب وعزوه كل اصحابي الي كانو معايا من ايام الدراسه بقو احسن مني وانا عمري والله مكرهتلهم الخير بالعكس بس صعبان عليا نفسي واهلي شايفني فاشل ومليش لازمه ومش طيقني وانا مشتت ومش عارف انا رايح فين ولا اعمل ايه في حياتي ومهما عملت مفيش اي حاجه بتظبط معايا لو ظبطت معا كل الناس بتيجي عندي انا وبتقف

لو عشت طول عمري تحت نقد دائم علي اتفه الاشياء و لوم و احكام غير نهائيه علي كل فعل من الأهل و كنت بحاول اني متأثرش بالكلام الي بسمعه لكن ازاي اعرف اني عكس الكلام ده فعلا ؟ ازاي اتاكد اني عكس النقد أو الأحكام القاسيه دي ؟ مش يمكن انا فعلا فاشله ؟ انا فعلا مثلا مهمله .. ايا كان ازاي الواحد يتخطي بجد ؟

جماعه هو انا لي علطول بتعصب مع اني حنينه اوي بجد وعلطول بتخانق مع اهلي وشايفه انهم م بيحبوني وحبيت واحد بس انا عارفه انو كان بيشرب مرتين تتوقعو يكون بطل او هيبطل ع الاقل وابوه كان محبوس اي؟

كنت بحبها بجد… مش مجرد إعجاب عادي، لا… كنت بشوف سعادتي في ضحكتها، وكنت بحاول بكل طاقتي أكون سبب راحة ليها. وفجأة… من غير أي مقدمات، كل حاجة اتغيرت. طريقتها، كلامها، حتى نظرتها ليا مبقتش زي الأول. سألتها: “في إيه؟ أنا عملت حاجة؟” قالتلي: “مفيش… بس أنا مش عايزة نكمل.” الكلمة كانت بسيطة… بس وجعتني أكتر من أي تفسير. بعدها بفترة عرفت الحقيقة… إن القرار مكنش قرارها. أهلها كانوا شايفين إن في اختيار “أحسن”… ابن عمها، صاحب فلوس ومصانع، ومستقبل مضمون في نظرهم. وأنا؟ مجرد واحد عادي… لا غني ولا فقير، بحاول أعيش بالحلال وأبني نفسي واحدة واحدة. اتجوزت… واللي وصلني بعد كده كان وجع أكتر: خناقات، مشاكل، إهانة… حياة عمرها ما كانت شبه اللي كانت بتحلم بيه. أنا مش بحكي علشان ألومها… ولا علشان أرجع حاجة انتهت… بس علشان أقول لكل أهل بيفكروا بنفس الطريقة: الفلوس ممكن تشتري بيت… بس عمرها ما تشتري راحة. وممكن تجيب “عريس جاهز”… بس مش دايمًا بتجيب راجل. اختاروا لبناتكم اللي يحتويهم… مش اللي يملكهم.

أنا ضايق صدري نفسي احكي لاهلي عن مشاكلي بس اخاف تتغير نظرتهم لي برضو عمدة صديقة بكون نفسي احكي ليها بس بخاف عمدة مشكلة عدم الثقة بالناس حتى لو من الاهل.احتمال اكون أنا مكبر الموضوع .شكراا

ازاي اقدر اخلص من الفجوه ايل بيني وبين اهلي وبالذات ابويا الفجوه دي بتزيد كل يوم اهلي مبقوش عارفين عني حاجه وانا وربي تعبان محتاج اتكلم معاهم اترمي ف حضنهم بس مبقتش قادر انا تعبان فشخ بج

أصعب معادلة ممكن يحلها مهندس ميكانيكا، هي إزاي يرمم قلبه اللي اتكسر من أقرب الناس ليه. أنا عندي 25 سنة، والنهاردة بفضل الله وصلت للي كان أهلي بيحلفوا إني مش هوصله. بقيت مهندس في شركة كبيرة، وبنيت نفسي من تحت الصفر، بس وأنا بطلع السلم، كانوا هما "الثقل" اللي بيسحبني لتحت مش السند اللي بيرفعني لفوق. أنا مش جاي أتباهى بنجاحي، أنا جاي أسأل سؤال محيرني ومخلي طعم النجاح مر في بقي: هل النجاح بيمحي الظلم؟ دلوقتي بعد ما بقيت "البشمهندس" والكل عايز يقرب ويتمسح في نجاحي، أنا جوايا جفاء وبرود ناحيتهم زي الحديد اللي بشتغل فيه. أهلي اللي ظلموني وقهروني سنين، دلوقتي مستنيين مني "بر وحنية" وجميل، وأنا مش شايف ليهم أي جميل عليا غير الوجع. محتاج رأيكم في 3 حاجات فاتحين في قلبي نار: هل من حق الأهل يطالبوا بـ "ثمن" نجاح هما أصلاً حاولوا يهدوه؟ إزاي أتعامل مع "نظرة الاستغلال" اللي شايفها في عينيهم دلوقتي بعد ما بقى ليا منصب وفلوس؟ هل أنا إنسان سيء لو قررت أعيش نجاحي "لوحدي" وأكتفي بصلة رحم رسمية جداً عشان أحمي اللي فاضل من أعصابي؟ أنا في صراع بين "البشمهندس " اللي المفروض يكون قدوة، وبين "عبدالله الإنسان" اللي مش قادر ينسى اللي حصله.

أهلي عايزين يكتبوا مؤخر بالذهب نص كيلو ودي عادة العيلة عندنا انهم مش بياخدو ولا مهر ولا شبكة الا لو هو حابب يجيب حاجة ولا حتى بيطلبوا فرح او قايمة . يعني براحته خالص انا فاهمة انه رقم خيالي ومش مهتمة أصلا في مؤخر ولا لا لما قلتله قالي انه مش موافق وحاسس كأنه بيدبسوه. انا معنديش مشكلة اتنازله فيما بعد او احاول اقنع اهلي يلغو المؤخر بس انا ليه حاسة انه مش مفروض يعترض؟ احساسي صح ولا غلط؟ هي دي قلة ثقة؟

عندي مناقشة مشروع تخرج ومحتاجة حاجات وكل م اقول أهلي ع فلوس يفضلوا يصيحوا إنهم مش معاهم مش عارفه اعمل معاهم إيه ودماغي هتموت من التفكير مش عارفه أصلا بكتب هنا ليه بس مش عارفه أنام لأني حتى أصلا مش بعرف اتناقش معاهم لأني كل م افتح معاهم حوار شبه كده يفضلوا يقولوا مش معانا زهقت بجد والله ليه إنسان يتحمل ضغط فوق الضغط إللي عنده ليه الحياه مش سهله ليه الناس طبقات مش حياه والله

مساء الخير أو صباح الخير ع حسب ما تقراؤا البوست كل المشاكل اللي بتواجهنا بتكون من الأهل الاصحاب المهم أن معظم المشاكل بتكون فعلا من الناس القريبين مننا مع اننا نقدر نتجنب كل ده عادي جداااا نعمل اي نحكي نفضفض لناس منعرفهاش من أماكن بعيد عننا ميعرفوناش لان لو حصل وهو طلع السر ده يبقي هو ميعرفناش ولو بقينا أصحاب اكيد هيكون عشان عارفين بعض فيه تقدير مش مفروضين ع بعض

ينفع تدولي نصيحه ودعوه حلوه محتاجها انا بحب بنت وهتقدملها ان شاء الله السنه الجايه ومش عارف اقول لاهلها اي بجد ادعولي يوافقو والموضوع يتم ع خير ولو حد عنده نصيحه يديهالي هكون ممنون الكم جدا

من سنتين وانا كنت في تانيه ثانوي وبروح دروسي وكده المهم في واحد في ثالثه ثانوي الواد ده جميل ووسيم يعني المهم اعجب بيا في الدرس وكان كل شويه يحاول يجذب انتباهي بكل الاشكال يستناني بعد الدرس وغيره يعني المهم انا بدأت اركز معاه بعد اما بصيت نظرة ف عينه لمحتها يعني وبدأت انا كمان اعجب بيه المهم الدفعه بتاعته والدفعه بتاعتي كلهم كانوا معجبين بيه وانا ما كنتش حاطاه في بالي في الاول وبعدين هو اعجب بيا وكده وراح كلم المستر عليا وقال له هي دي مين وغيره ففي بنت قده شافته وهو بيتكلم مع مستر عليا فقامت مسيحه الدنيا وقالت لي الدفعه بتاعتها كلها والدفعه بتاعتها كلها قالوا للدفعه بتاعتي لغايه اما السنتر معظمه عرف ان الواد ده معجب ببنت المهم بدات اركز معاه وبدات اعجب بيه بس ما كنتش ببين يعني اللي هو بشوفه مثلا في الشارع بعمل نفسي ولا كان شايفاه هو كان يتجنن المهم خلصت السنه وهو راح كليته وكليته بعيد يعني بيسافر عشان يروح فطبعا ما تقابلناش من يومها من بعدها كان بيجي عند المستر كل فتره كده كل ما ينزل اجازه عشان يجي يشوفني وانا في ثالثه ثانوي وكده المهم المستر كان عارف يعني وكان يرخم عليه والمستر اللي عرفني ان هو معجب بيا ومن بعدها بدات اركز معايا يعني من بعد ما المستر قال لي اكتر جينا في شهر وانا في تالته ثانوي هو دخل كلمني عشان حصل حوار وكده وعرف ان العيال في السنتر بيتكلموا عليا فدخل قعد يتاسف لي ويتكلم معايا وبيقول لي ان انا معجب بيكي ومش عارف ايه وهكذا يعني للعلم الواد ده اهله ناس دينيه قوي ومربيينه احسن تربيه وهو امام مسجد يعني ما فيش بنت دخلت حياته قبل كده وهو كان شخص كمان رياضي فاكيد اي بنت بتحلم بالمواصفات دي ف اي راجل المهم طبعا الدفعه بتاعتي كانت بدات تضايقني وكل شويه ترمي كلمه طبعا معجبين بيه فمتضايقين المهم طبعا انا خلصت السنه وطلعت كليتي قريبه من المكان اللي هو فيه طبعا انا عرفت والدتي وهو كمان والدته عرفت وعارفه ان احنا بنمشي مع بعض وكده المهم طلعي عليا اشاعه الدفعه بتاعي ان انا اللي بجري وراه وهو مش معبرني فطبعا انا ما سكتش ودخلت عند كل واحده من الشله يعني اللي بتقول وقلت لها حسبي الله ونعم الوكيل فيك ومش مسامحه وغيره يعني ففي واحده كانت بتحبه قوي لدرجه وحشه يعني بس هو طبعا ما عبرهاش فما دخلتش كلمتها عشان ما اجرحهاش او ما اعملش نفس مشكله بس طبعا لما كلمت الشله بتاعتها ذكرت اسم كل واحده مع كل واحده واجهتها ومتكلمتش معاها هيا المهم دخلت علي صارحني وبتقولي اسمعي يبت انتي متعرفيش انا ممكن اعمل ايه لو قلتي اسمي تاني وكده وانا ستك ومش ستك للعلم أن الشله دي كلها دخلت كليه واطيه جدا وانا الوحيده اللي دخلت كليه حلوة وعاليه الحمد لله طبعا انا وهو عدينا مشاكل كتير وهو بيحبني جامد عشان اهله ناس شديده قوي وعملت له عقد فهو شايف ان انا الجزء الحنين اللي في حياته وما فيش غيري فاهمني البنت اللي هي دخلت لي على صارحني دي دخلت رديت عليها بس في الواتس نفسه واديتها كلمتين في جنابها يعني قلت لها ما لكيش دعوه بيا ما تدوريش ورايا وكفايه لغايه كده لانها دايما بتدور ورايا دايما دايما يعني اول واحده بتعرف اي خبر عني انا وهو المهم راحت اتكلمت مع مامته وقالت لها ان ناس كتير عارفه بالموضوع ووالده لو عرف هتحصل مشاكل وانا خايفه عليها وسمعتها وبينت قد ايه انها بنت طيوبه ومفيش من امها اتنين المهم والدته اصلا كانت عارفه وما اتكلمتش قبل كده ولو اتكلمت معاه معرفش قالتله ايه المهم والدته كلمتني وقالت لي اعملي لنفسك قيمه عنده جرحتني قوي بالكلام ومش عارفه اعمل ايه واكلمه واقول له ولا لا انا بحبه وهو بيحبني جامد قوي يعني حتى لو اهله ما وافقوش هو بيقول لي انا بحبك وهاخدك بالغصب انا مش عارفه اعمل ايه اكلمه واقول له ما تتكلمش مع ماما انا حبيت اعرفك يعني ولا ايه وكده كده امه كانت عارفه اتكلمت معايا او ما اتكلمتش مش هيفرق حاجه بس هي قالت تقول لي كلام وحش يعني بس بالذوق فاهميني وقولي لي اعمل ايه اكلمه اقول له ايه ولا اعمل ايه واسفه اني طولت عليكم وشكرا لاي حد قرأ لغايه هنا

انا عندي مشكله محتاج حل فيها لان نفسيتي متدمره وداخل ع اكتئاب بجد كان فيه بنت ف حياتي كنت بحبها جدا جدا حصل ظروف بينا بسبب اهلها كانول غاصبينها تتكلم مع حد وتتعرف عليه وقعدنا مع بعض فتره ف الظروف دي بالذات اني عرفت انه شخص مؤذي اوي ويياذيها كلام و تصرفات وهي قالت لابوها كذا مره وهو مش مصدقها وبعدين قعدت فتره تبعد وتقول وقالتلي انها بتعمل كده عشان مش عايزه تاذيني ومش عايزه تعلقني بيها الفكره ان ابوها غاصبها ع الموضوع عمتا بعدها بفتره الولا ده مشي وجه ولد ابن عمها هي كانت قايلي انها بتحبه قبل كده زمان من حوالي ٦ سنين وانه كان وقتها بيحب واحده تاني فهي كرهته لكن هي دلوقتي بتحبني انا وبس وقالتلي خلينا نبعد ونكون صحاب دلوقتي لحد ما نشوف هيحصل ايه والفكره انها قالتلي كلام اول مره تقوله قالتلي انها مغصوبه عليه وهو متعشم يكمل معاها ومش مش عارفه تعمل ايه لانها مش عايزه تكسر قلب حد ولا تاذيه لانه ماذهاش وان ولا انا ولا هو لينا ذنب وان هي عايزه تكمل معايا انا بس مش عارفه تعمل ايه ولما سالتها انت قاصدك تكملي معاه قالتلي انا مفيش ف ايدي حاجه ولو فيه ف ايدي حاجه كنت عملتها ومكنش ده بقا حالي بس اللي جوايا ليك م هيتغير وقبل كده هي كل مره كانت بتبعد ف اول العلاقه بالحد التاني وبعد ترجع تاني بعدها بفتره انا بحبها اوي بس مش عارف اعمل ايه هي بنت كويسه اوي بس كل ما اسأل حد يقولي انت احتياطي عندها واللي يقولي هي كل ما تحتاج امان تجيلك واللي يقولي لو بتحبك هتعمل كل حاجه بس انا عارف ان اهلها صعبين اوي وانها حاولت كتير انا بحبها اوي ومش عارف اعمل ايه بجد محتاج مساعده انا بقعد اقول هي اكيد صادقه في كلامها واكيد بتحبني بالذات اني عملت معاها حاجات محدش عملها ابدا مع حد والله واستحملت عشانها الظروف دي عشان اكون جنبها ومعاها وهي ع طول تسال عليا لما بكون تعبان او فيه حاجه بس لما باجي مثلا اسالها انت بتحبيني ولا لا مش بترد عليا بتقولي مش هرد دلوقتي خلي كل حاجه ف وقتها وانا مش عارف اعمل ايه

ازيكم عاملين ايه انا حاسة ان المفروض الصح الكتمان بس انا فعلا مش بعرف و بحب احكي كتير فكنت حابة احكيلكم علي كذا حاجة اولا حابة اشكركم كلكم بجد و اي حد ساعدني و اتكلم معايا امبارح بجد فرق معايا جدا وانا الحمد لله امبارح لما رحعت من الامتحان قولت اعمل رياضة و اسمع قرآن و لغيت اوردر الفيب الحمد لله و كان في موقف حصل كان ممكن يخليني اضعف و اعمل حاحة غلط لكن الحمد لله عملت بلوك و كل شةية يطلعلي اعلانات فيب بجد 😂😂🤦‍♀️ حاسة اني مش بفكر كتير اوي زي قبل كده (عارفة التفكير هيرجع تاني ده يعتبراول يوم) لكن بردو لسة مشكلة الموبايل قاعدة بردو ماسكة الموبايل امبارح طول اليوم و صاحية من الساعة 7 ماسكة الموبايل و كل ده قاعدة بأجل المذاكرة و انا الامتحان عندي كمان ثلاث ساعات منهم ساعة علي ما اجهز و الطريق و كده و قدامي ساعتين او اقل كمان و يدوبك قرأت ملخص لأول محاضرتين من ال 6 و المادة ديه اصلا بجد كلها رغي و حاجة بجد رخمة اوي مش عارفة اعمل ايه انا عارفة ايه حلي بس مش قادره اعمله و اهلي مش بيشجعوني عليه انا مش بعرف اركز في البيت لاني بفضل نايمة علي السريرو لو ذاكرت علي السرير بردو فببقي مهمة او بنام او بلعب في الموبايل او بفكر في الاكل و اقوم ارزح كل شوية المطبخ لكن الحل اللي بيفرق معايا انزل اقعد في كافيه او working space بحيث يكون هادي و اقدر اركز و اذاكر من زمان كنت بروح تقريبا بذاكر طول الوقت ماعدا شوية صغيرين بريك مؤخرا ممكن اضيع وقت حتي لما اروح بس علي الاقل بحط تارجت و اخله حتي لو صغير و بردو ممكن بذاكر علي الاقل نصف الوقت لكن في البيت بجد لو ذاكرت نص ساعة ولا حاجة ده انجاز و اهلي يقعدوا يقولولي مثلا البيت فاضي او ايه مشكلتك فيه و اقعدي عادي و كل الكلام ده لكن بجد مش بعرف و بتشتت جدا و هما شايفين ان مش علي طول اروح اذاكر برا البيت انا هقرأ كل اللي هتقولوه بس الاكونت لسة restricted فمش هعرف ارد عليكم و ما تنسوش تدعولي بقي شكرا ليكم 🖤

كان زميلي في الكلية وفاتحني في خطوة خطوبة وقولتله لما نشوف موافقة أهلي وبعد استخارة وجه وشافوه لقوه مش جاهز ماديا وكلامه مش مريحهم في الجانب دا ف الموضوع ماتمش هل المفروض الموضوع يبقى بالنسبالي عادي ومش محتاجة اموڤ اون لان مكانش فيه حاجة بينا أصلا ولا أتقبل ان الموضوع ممكن يضايقني شوية لبعض الوقت على الأقل عشان كان شخص كويس وكان عاجبني في بعض الحاجات

محتاجة اتكلم في حاجة محدش يرد عليا غير اخواتي الثانوية العامة او الدفاعات القريبة اللي من اول 23 مثلا المهم انا ثانوية عامة علمي علوم يعني طموحة شوية فعاوزه كلية طب اهلي مش شايفني غير فيها ده اولا يعني اللي خلاني اكتب بوست اصلا ان ماما قالتلي لازم تذاكري وتجيبي مجموع عشان برستيجك 🥲🥲🥲 طيب ندخل في المهم واللي هو انا فين من المنهج اولا انا رجعت عربي علي مدارس الادب كلها رجعت شرح بدون ما احل حل زيادة علي اللي سبق وحليته النحو رجعت تقريبا علي 4 واحدت من اصل 8 وبحل تقريبا فيما يعادل الكتابين و اكتر اصلا بس خلينا نقول كتابين الكيماء بقا رجعت كهربية شرح وحل و حاليا في العضوية وبحل كتابين كيمياء ثابت الفيزياء مش مراكمة بس باخد مع عبدالمعبود وبحل كتابه بس والمفروض انه بيراجع كهربية مع الحديثة فانا رجعت علي اول بابين كهربية الاول شرح وحل والتاني شرح وبدات احل عليه احياء بقا رجعت علي الدعامة والحركة شرح وحل ومفروض اني هراجع علي الRNA عشان خلصنا المنهج شرح وحل وبحل كتابين و اكتر بش خلينا نقول كتابين الانجليش بقا كتاب واحد و pdf مجمع كتير بس مفروض اني هبدا اراجع الاسبوع ده انجليش فهل كده انا هدخل طب ولا هتخزوق لاني رغم اللي بعمله شايفة مستوايا ضعيف وبغلط كتير و بسبب كتر الغلطات نفسيتي تعبت وبدات احس ان اللي بعمله كل علي الارض ومفيش مادة علي الاقل مش بغلط فيها هو اه مع المراجعة غلطاتي قلت في اجزاء بس انه مش مطمئن خالص الغلط المستمر ده غير بعد ما كنت بذاكر من 7:8 ساعات غير الدروس بقيت بذاكر 5 ساعات بالميت و نو طاقة خالص بقا ومفروض اني اشد في الفترة دي بس الجنزير وقع وقع خالص بقا

من صغرى واهلى مش بيتكلموا غير فى المشاكل وبس ولو مثلا غلطت فى حاجه بطلع مسرح وبتنصح بطريقه زى الزفت من ناس اصلا الارف راكبهم كبرت واتجوزت وابويا مات بقهرته ومع ذلك لسه المشكله موجوده ونصحت بالحسنى وبالشده اكتر من مره ومفيش فايده كلهم كده بقيت اكره اتكلم معاهم بقيت مردش على تليفوناتهم بمليون حجه كنت نايم كنت فى الشغل وهكذا على النقيض أهل مراتى يتحطوا على الجرح يطيب وبقول ياريت دول اهلى مش لاقى حد اتكلم معاه فبحكى هنا 💔

لو انا عايزة انزل جيم بس اتوقع إن اهلي مش هيوافقوا لأن معندناش الثقافة دي احنا مش ارياف اوي يعني بس هيقولولي هتروحي لي و بالنسبالهم اني اهتم بصحتي و جسمي مش شئ مهم اوي لدرجة أنزل جيم يعني ف هل في حل ولا فاكس اصلا قبل كده اختي كانت تعبانة و الدكتورة قالتلها تنزل جيم بابا كان معترض بس وافق لانه علاج مش اكتر يعني و اختي راحت شهر و مكملتش عشان كانت بتتعب كتير جيم بنات بس

انا تفكيري اتشل وبقيت خايفه من كل حاجه ومبقتش اعرف اخد قرار ف حياتي وبقيت وحيده جدا مبقاش ليا أصحاب ولا حد يسمعني ياررب💔 وخايفه اتجوز رغم ضغوط الأهل فقدت الثقة في الناس كلها انا بجد مبقتش قادره اعيش بالطريقه دي ياريت تدعوولي