انا اي عريس بيتقدملي بعيش في رعب مجرد السيرة بس بتخوفني وبرفض من بره لبره طبعا ده مخلي اهلي زعلنين مني (اه نفسي احب واتحب في الحلال واشوف الدنيا بمبي بس معرفش لي ببقا قلقانه افرض طلع صفاته وحشه بعدين طب لو اسلوبه فظ وغليظ انا مش هستحمل انا حساسه شويه وف الاول كنت برفض عشان اصلح من نفسي الاول واتعالج وزي ما قولت الحمد الله بدات العلاج وبقيت احسن بس مطلعتش ده العائق انا مش عاوزه حد اعاني معاه عاطغيا كل حد بيتقدم بطلع فيه اي عيب افرض وافرض مهو مش معقول واحد متقدملي عنده ۳۰ سنه اطمن ازاي از اي ف العمر ده كله متقدمش لواحده او متجوزش اکید حب او معقد خايفه اني ابقي سد خانه معرفش انا ليييه كدا طب بفضل متوتره لحد ما ننهي الموضوع بقول لنفسي اسيب بيتي واهلي وبعدين اروح لشخص تاني الله اعلم هيحققلي الدفا اللي في عيلتي ولالا وبخاف ادي فرصه اتعلق ويضحك عليا بما اني عندي فرااغ عاطفي
عشان كدا في فترة خطوبة اتعرفي على الشخص في خلال الفترة دي وإذا كان مناسب أو لا وانتي اللي بتقرري المناسب ليكي من حقك تخافي بس مش من الجواز لا من الشريك اللي فعلا ممكن يكون هو السبب في أنه يكرهك في الصنف كله🙂 عشان كدا خدي وقت في التفكير وتقييم الشخص اللي قدامك ولو حسيتي بنسبة واحد في المية أنه مش مناسب متكمليش العلاقة دي
قادره افهمك جدا وعارفه انتي بتحسي بايه ومش عارفه ده طبيغي ولا لا لاني كده من وانا صغيره لدرجة اني قررت من وانا صغيره اني مش هتجوز وابقا حاجه كبيره ولو اتجوزت هتجوز وانا فوق التلاتين بس انتي لازم تتخطي ده وصلي صلاة استخاره وخلي ربنا يخترلك وخليكي عارفه ان اي علاقه هيبقا فيها خناق وده طبيعي جدا بس طبعا خناقه من خناقه تفرق ربنا يخترلك الي فيه الخير ويرزقك بشخص كويس يراعي ربنا فيكي ❤️