اكتشاف

عاملين اي انا لسه مكتشفه ان عندي ADHD انا مش متضايقه بس غالبا عقلي لسه مصدوم لاني عمري ما فكرت في كده و فجأه لقيت اني كده مش عارفه المفروض اعمل اي رغم اني عارفه المفروض اعمل اي حد فاهم مش متضايقه أن عندي مشكله بس متضايقه من حاجه معرفهاش

هاي جماعه انا عندى18سنه واكتشفت خيانه بابا لماما وانا14 وحاليا بحس تجاهه وتجاها بمشاعر غريبه انو اه العيله دي مش بيرفكت ازاى استحملت تفضل معاه ازاى هو قادر يشوفها ويخبي وانهاردا لقيت صوره وحده مرميه فاوضتهم هي اختى الي لقتها مش انا بس اعمل اي ارميها اخليها معايا اوريها لماما

كل ما نكبر اكتر .. بنكتشف ان كل الحاجات اللي سمعنا عنها انها قصص بعيده عننا او شوفناها في الافلام مش مجرد افكار .. دى حقيقة بتحصل لنا كل يوم واللي اكتر انها تحصل لنا كلها في نفس الوقت كدب وخيانه والم وسفر وغربه .. كل ده ي نفس اللحظه بسيناريو اصعب من اللي سمعنا عنه او تخيلناه الحياة متعبه اكتر من الخيااال

انا عايش بقالي 30 سنه واتعلمت فيهم كتير بس الي اكتشفته مؤخرا وريحني بجد هو ان الناس مش وحشه ولا حاجه زي ماحنا فاكرين وعرفت كده لما بصيت علي نفسي من بعيد ولقيت اني بعمل زيهم ، الفكره كلها ان انت بتقرر تتعامل مع الي ادامك ازاي يعني لو واثق فيه ومرتاح لوجوده هيشوف منك الحلو ولو لأ هيشوف شخصيه تانيه غيرك مش بيشوفها منه ، عشان كده بكره الناس ال فيك ونفسي الناس تكون علي طبيعتها وشخصيتها الحقيقه الي هتعجب حد معين مش لازم تعجب كل الناس لأن ده عمره ماهيحصل ، أنا بحب اوي الناس السهله الواضحه المريحه ف الكلام ومتأكد ان لسه في ناس نضيفه من جواها زي الاطفال بتعلق بيهم جدا رغم أنهم قليلن جدا بس كل فتره بيظهر ف حياتي طفله تأكدلي احساسي

فجاءة تعرف انك لوحدك مع ان حواليك ناس كتير بس مفيش واحد منهم ممكن ينزل علشانك او يفضى نفسه ليك عشان يسمعك مع انك انت بتعمل معاهم كدا ولما بقيت تعمل زيهم وتقول مش فاضى او اى حاجه يقولو متغير او لقى البديل ازاى بيحبو ياخدو وميدوش ؟

الحقيقه، اكتشفت اني. الناس الي ممكن اسيب اهم حاجة في حياتي عشانهم هم مش مستعدين ابدا يسهروا بس خمس دقايق زياده عشان تخيللل، انخدعت في البشر بجد. كفاااايه كده بجد، انا اصلا كنت منعزل وبقالي شهور معرفش عن حد. حاجه، بس انا الي غلطان.

من وجودي هنا اكتشفت أن كل واحد هنا عنده مشكله وي ادمان علي ذنب معايا وي بيجاهد علشان يوقفه ربنا يهدينا وي يبعدنا عن ذنوبنا وي يعفو عنا تعبنا بجد في نهايه تحط الرحال إلى جنه أو نار وي تعبناا

العشرة المزيفة .... أصعب حاجة مش إن الناس تبعد...أصعب حاجة إنك تكتشف إن العِشرة اللي كنت فاكرها حقيقية كانت مجرد عادة أو وقت بيتقضي وخلاص. بس الحمد لله، الأيام دايمًا بتكشف وتعلم ... والحقيقة أن اللي يستاهل مكانه في حياتك عمره ما هيختفي....

اكتشفت ان فعلا مفيش حاجة حقيقية غير الحاجة دي، وممكن تفضل تقنع نفسك ان دة كله حقيقي عشان بتحاول تغير بس مش هتعرف، الموضوع بيستنزف من طاقتي كتير اوي وفي الآخر بوصل اني ابص على الموضوع مش بلاقي نفسي مستفيد حاجة بكمية الطاقة المهدرة دي

محدش ف الدنيا بيحبك بجد لا اصحابك ولا اللي انت مرتبط بيه و احيانا اهلك مجتش بس الفرصة انك تكتشف ده لما تجيلك الفرصة تختار اختار نفسك بس عشان اللي جاتله الفرصه قبلك اختار نفسه محدش اختارك

حد اكتشف أن كل الناس الحوليه و اليعرفهم وسط كل دا هو معندهوش صاحب واحد ولا أنا بس اللي لسا مكتشف دا و الاعرفهم دول مش مجرد معرفه لا بنتكلم كل يوم بس اعتقد انهم مبقوش عايزين يتكلموا معايا تاني 😁 حرفيا محصلش مني حاجه ولا من البكلمهم حاجة و لا مش اوهام كل ما افتح موضوع يترد عليا بأي حاجه تقفل الموضوع 😅 أنا اللي لسا مكتشف دا ولا ايه بقا هل مثلا دا بيحصل علشان كنت متاح بذياده فبقيت مضمون فاتحطيت على الرف اصل لما كانوا بيبعتوا اي حاجة كنت برد و بتكلم و لو مشكله كنت بسمعهم و بحاول اساعدهم بس غالبا مكنوش بيدوروا على صحاب بجد كانوا بيدروا على كلام و حد يسمعهم و خلاص 😅 اتصدقوا غالبا لو قفلت موبايلي ممكن محدش يعبرني 😅😅 ممكن يحسوا اني اختفيت بعدها باسبوع 😅 لا بلاش اڤوره هي تلت ايام مثلا ممكن انا المش عارف احطهم في المكانه الصح وارد شكرا انك كملت للآخر كنت بطلع الجوايا بس

مر عام أو عامين أو ثلاثه لم استمر في عد الايام أو السنين كل شي في البداية يلمع مثل القمر ولكن لماذا انسي دائما أن القمر مجرد حجر معتم ممتع في النظر اليه من بعيد ولكن عند الاقتراب منها تكتشف الحقيقة انه لا يعكس سوء الضوء لماذا دائما انظر الي الحياه كانني فقدت الحياه انظر اليها من منظور شخص اكتفي منها اكتفي من كل شي أن المحاربه تكون ذات معني اذا كانت لأجل هدف ما هو الهدف لا يوجد عائله اكتشفت العديد عنهم وكل اكتشاف يجعلني انظر اليهم كانهم اشخاص جديدة هل هم يكرهوني أو هم سيئون قطعا لا ولكن انا الذي اكتشفت اشياء عنهم عديدة لماذا لا نريد الحب مثلي لا يسطيع الحب كيف احب وانا شخص مزالت لما استوعب مشاكل الطفوله أو اعالجها انا احب القتال ولكني لا اقاتل لماذا لانه لا يوجد سبب محدد لاقاتل من اجله لماذا اشعر ان هذا العام مختلف لا اعلم هل انا جيد هل انا سي لا اعلم

لما اكتشفت اني عشت في وهم مع شخص كنت بحبه جدااا عرفت انه مكنش بيحبني اصلا هو بس كان بيموف اون بيا وتلقي لما كان بيخلص كلام معايا بيروح يعيط علي حبيبته القديمه+ اكتشفت برضوو انو خااني اتكلم مع بنت تانيه وارتبط بيهاا ولما عرفت دا انه خاني وارتبط بنت تانيه وكان بيموف اون بيا اصلا وعمره ما حبني مش قادره انسي الموضوع ولا عارفه اتخطها وكل مره بفتكر الموضوع دا بحس بنفس الوجع

معقول تحس بالذنب ده كله لمجرد انك اتربيت كويس ، محدش فيهم قدر يعلمك تجربة حياتية كلهم قالولك حب وهتتحب وعلي قد ماتدي هتاخد اضعاف مضاعفة.. الواحد مع الوقت اكتشف انه كان بيتاخد والله ومخدش اي حاجه

انا عارف اني الي هقوله ممكن يبان غريب بس انا عندي رعب من تجربه سيف زون بخاف اخرج براها يعني لو في حاجه جديده هعمله اقدم علي شغل اجرب اروح حتي جديده مبقاش عايز أو بمعني الأصح اني خايف اجرب معرفش ايه الي ممكن يندم في كدا لاكن انا اكشتفت اني بعمل كدا تلقائياً

وانا عندي 18 اكتشفت ان دول مش اهلي واني متبنى وكماان مش عارف مكان اهلي وفوق كل دا حرفيا كل الى احتجتلة او حكيتلة وجعى اول ناس داسوا عليا واولهم الى كانت خطيبتى انا بجد محتاج اتكلم ع كل حاجة

في ولد دخل كلمني كنت فاكراه محترم و طلع بتاع بنات و بيكلم بنات من هنا كتير و بيسيبهم مرة واحدة و بيبقى. عايز منهم حاجات وحشة و بيعمل أنه ابن ناس و أنه متربي و كدة لكن ف الحقيقة هو سافل و اكتشفت بدون مبالغة أنه بيكلم بنات كتير اوي سواء هنا او برة .. انا بس عايزة اعرف كلم مين هنا تاني ياريت يعرفني بس عشان أنا مش هعديها بالساهل انا معايا حاجته و صورته.

لاول مرة بحياتي أحس بالوحدة، بعد التعرض للغضط قررت أنو نركز في حياتي و نظمها من جميع النواحي فلما بديت نعمل هك اكتشفت أنو ما عنديش دائرة اجتماعية، اللي كنت نعتبرهم اصدقائي طلعو مجرد زملاء دراسة علاقتي تتنهي معاهم كي يكمل العام، اصدقائي الاكترونيين نهدر معاهم غير في العطل و المناسبات، العائلة و الاقارب ماكانش حتى واحد في سني.

اكتشفت انهارده اني بكرهه لحظات الوداع بكرهها اووي اكتشفت اني كنت بهرب منها لحد ما لقيت نفسي اتحطيت فيها وداع شخص عزيز عليك وداع مكان غالي عليك (مكتشفتش اني بحب المكان غير وانا بسيبه) وداع صديق وداع حبيب وداع سنة راحت حصل فيها كمية ذكريات مش هتتعوض حتى بكل الاحداث الوحشة اللي فيها اكتشفت انهارده بس انه احساس وحش بجد

كل فترة بتعدي علي الواحد ف حياته بتعلمه إن كلمة صاحبي/صاحبتي دي كبيرة ومينفعش تتقال لأي حد الصحاب مش بالكلام عموماً الصاحب الي يزعل لفرحك ولنجاحك أو لمجرد انت احسن منه ف حاجة معينه دا مش صاحب ولا ينفع نطلق عليه أو ع علاقتنا أننا صحاب دا نوع واحده صاحبتي المفروض اننا صحاب بقالنا 9 سنين حقيقي بعد دا كله بانت ع حقيقتها لما معرفتش تدراي زعلها لما جبت تقدير كويس الترم الي فات وهي شالت مادة لدرجة أنها بتتهرب وحتي مش قادرة تتكلم بتتكلم بالقطارة من وقت ما دا حصل ، مع اني اكتر حد بيقف معاها ومعاها ع المره قبل الحلوه بس كويس أن دا حصل ودا مش اول مره بس كنت بحاول اكدب نفسي واقول لا اكيد هي مش كدا عموماً حتي لو رجعنا واتكلمنا هنبقا زي اي اتنين مجرد عارفين بعض واتمني من كل قلبي ربنا يوفقها بس لحظة إدراك اني لحد دلوقتي معرفتش اعمل صحاب حقيقين صعبه اوي

عارفين اكتشفت ان الناس جواهم خبايا و عندهم اسرار و بيضعفوا وان ما يظهر لي فيه وراه خبايا كتير و لازم نكون حذرين من الناس لان فعلا ما خفي كان اعظم و حقيقي انا موجوعة جدا من ال شوفته من الناس و ال شوفته ف الدنيا

جماعه عندي اخوات من الاب اكبر مني ماما اللي مربياهم من وهما صغيرين اتربينا سوا وعشنا سوا جماااااعه وانا واخيرا هقدر اقول كده ومش هبقي خايفه احنا كنا بنمثل اننا بنحب بعض ايوا في فرق امهم مختلفه وامي مختلفة هي دي الحقيقه حتي ابويا بيمثل وامي بتمثل هو الحمدالله مفيش عكس للحب ده لكن مش نابع من جوااا اعتقد احنا اللي بينا صلة رحم او اهو دا الازم عشان كده بنتصرف كده هتفضل اختي تخاف علي اختها اللي من مامتها اكتر مني بس قدامي هتحسسني اننا واحد بس انا بحس برضو وشايقه قدامي اه اختي بتتصل علي اختي التانيه وعاملين جروب مع بعض ومخبينه عندي انا مفيش رصيد اه انا بزعل منهم وهما بيزعلوا مني بس مش بنبين الاهم بنضحك في وش بعض يمكن العيب عندي اني لحد دلوقتي حاسه مفيش فرق لا في فرق امنا مختلفه اقتنعي بده خلاااااص هما اتجوزوااااا معدش الا صلة الرحم كنتي مستنيه يبقوا ازااااي معاكي معقوله بنمثل اه طلع تمثييييل مش نفااااق بس غالبا احنا اتجبرنا علي بعض فكنا مضطرين نعامل بعض كده عشان بس نمثل اننا سعيدين و اسرة سعيده والناس قال بتحسدنا اننا اسرة متماسكه واكتشفت اننا فعلا مفككه بنعمل عشان ده الصح

كنت بكلم مع شخص والموضوع فتح بعضوو إن كل واحد يقول عيب في التاني طبعا هوا قال لسته ماشاء الله بس انا اكتشفت حاجه يمكن تكون غريبه إن أنا مفيش حد اعرفه دورت على عيب فيه قبل كده ومجاش في بالي حتي الشخص دا انا فضلت كتير مطلعتش عيب فيه مش عشان هوا كامل عشان أنا مركزتش في عيوبه قبل كده السؤال هنا لي احنا عايشين مصححين لعيوب الناس كلنا بنغلط عادي بس اسوء عيب انك متشوفش في نفسك عيب

دايما كنت بحس اني فاشل حرفيا الاحساس كان موجود جوايا لفترة طويلة لحد ما اقتنعت بحاجة مهمة جدًا إني حكمت على نفسي بالفشل على الرغم إني محاولتش اعمل حاجة فهو حرفيًا حكم مش صح لاني حتى مجربتش أو حاولت عشان افشل واللي اكتشفته إن انجح الناس هما اللي حاولوا مرة واتنين وعشرة لحد ما وصلوا للهدف اللي هما عايزينه يعني حتى بعد المحاولة لو وقعت مينفعش تقول انك فشلت الحالة الوحيدة اللي ينفع تقول انك فشلت فيها هي الاستسلام وهنا عرفت إن الاستسلام هو الفشل الحقيقي وإن الظروف هي الشماعة اللي بنعلق عليها فشلنا

احد هنا في الاب متابع يوميات حياتي هنا؟ ابشركم اليوم صديقي صدمني بالحقيقة المروعة ، من بين كل اصدقائي الحقراء الي عادي عندهم كل شيء حتى السرقة وعلاقتنا ببعض علاقة تنافسية بحتة هذولي الحقراء الي مستحيل يضحكون فقط الا كان عليك انا واحد منهم مئة ف المئة ادير معاهم نفس مشروعنا المشترك بمحل التصليح هذا واستحقر نقاط ضعفهم مثل ما همة يفعلون هذا لبعض ومعي ، لكن صديقي حمادة رجل اللتقي فيه قليل وهو مش من هذه الشلة خرجت معاه هذه الليلة لانه كان بالمدينه جلسنا على سفح النهر وين كنا نصطاد سمك لكن ما كان غير صوت السيارات وضلام الليل حكيتله كل شيء قالي انتا تحاوط نفسك ب "جيلان"(خطيبتي) و ب "لندا" (الفتاة الي اعرفها من سنتين واكرش عليها وعطتني فرصة بعد ما تروطت مع باباها ) قال لي انتا تحاوط نفسك فيهم لأنك خسرت مامتك وصدقني لو سمحتلك الفرصة لغير بنت كان حاوطت نفسك اكثر ، من الصدمه قمت من مكاني ما اعرف ايش اقول نكرته ونكرته وقلت عنه غلطان لكنه كل الصح

كان فيه بوست قبل دا كنت بتكلم فيه عن اكتشافي لخيانة بابايا، بس نسيت اقول حاجه مهمه بابا الحمدلله كويس جدا معانا يعني مش وحش زي ما معظمكم ممكن يفتكر، ودي ما كانتش اول مره حصل قبل كدا بس انا كنت صغيره والموضع اه خد وقت بس اتلم يعني وهو قال انه مش هيعمل كدا تاني وعدى سنين و خلاص الدنيا كانت تمام وهو اربعيني كدا يعني مش صغير، لحد من سنتين كدا كنت انا في أولى ثانوي تقريبا حسيت انه لسه بيكلم حد وكدا بس ما كنش عندي دليل وا كنت متأكده فسكت وكان على مدار سنتين من بعد ما حسيت بحاجه كل فتره كدا كنت بشوفه بس برضو مش ببقى متأكده لحد من يومين بس شوفت الشات بعيني واتأكدت وبقى معايا دليل بس معرفش علاقتهم واصله لفين بس الاكيد والي متأكده منه ان فيه حاجه بينهم وانا ما شوفتهاش ولا اعرف اسمها ولا حتى اعرف اذا كانت هي نفس البنت بتاعة المشكله الاولى او لأ، من ساعة ما شكيت وانا بفكر اقول لاخواته بس حسيت الموضوع هيكبر اكتر ما هو كبير و قولت خلاص هحوال اواجهه انا بس انا أجبن من اني اعمل كدا دي تقريبا المره التانيه خايفه اتكلم تحصل مشكلة وتوصل للانفصال !!! مش عايزه انا كدا، وانا دلوقتي في تالته ثانوي يعني الموضوع مستمر بقاله تقريبا تلت سنين الله واعلم بقى قبل التلت سنين كان فيه حاجه ولا لا. تنصحوني اتصرف ازاي.

مساء الخير يارب تكونوا بخير وسعاده 🥰 من خلال اخر فتره دي اكتشفت انو في نااس كتيره في حياتنا، ما هم الا اسماء فقط، اكتشفت انو ف الاول والاخر محدش هيحتاجلك غير اللي له مصلحه وبس، غير كدا ولا حد يعرفك يا صديقي 👌

هو انا لوحدي الي من ساعة ما دخل ابكليشن ده حس أنه عنده مشاكل من دي بمعني مكنش واخد باله منه يعني لما الاقي ان في واحد بيعاني من كذا اقول يا ولد هذا انا و في نفس وقت ببقي مبسوط و مستغرب اني انا ازاي عندي مشكله معرفش أنه موجودة كنت بتعامل معاها عادي

كان في فتره كان بيجلي نوبات غضب وصراخ مكنتش عارفه مالي في ايه لغاية قبل رمضان الي فات اكتشفنا انه حد عملنا سحر ومن ساعتها وانا مواظبه على الاذكار رغم أنه كان صعب وحتى انه احنا بدأنا نرش مية مقروء عليها رقيه شرعيه في البيت وفي البلاكونه ، مره واحده لقينا صوت الفار الي كل شويه بيجي البلاكونه بيصرخ جامد وبعدها اختفى، رغم أنه المشاكل مش بتخلص وكل فتره بحس اني مش طايقه البيت بس نفسيتي اتحسنت لما عرفت انه الغلط مش في عقلي.

انا نفسي اعرف ازاى واحدة تقدر تمثل علي جوزها اللي بيعشقها انها بتحبة وأنها معاة لحد اخر العمر ومبينهم بيت وأسرة وأطفال وحياة جميلة ازاى تقدر تمثل لمدة 16 سنة وتكون بحضنة وتقولة احلي كلام وتاني يوم اكتشف انها رافعة علية قضية ومحاضر كلها كذب وافتراء ازاى تكون في بيتى وحضنى وتقول احلي كلام وهى عاملة كدة بجد كانت ممثلة هايلة الغدر صعب ومؤلم لما يجيلك من الشخص اللي المفروض مصدر امان ليك

بما ان طلع مفيش حد عارف حل للمشكله دى و مفيش امل يبقى نتكلم فى حاجة تانيه غالبا الفتره دى اى اكتر حاجه مستغربه فى نفسك الفتره و بتقول اى ده حته جديده عرفتها فى شخصيتك مكنتش تعرف عنها حاجه ولا متوقع تطلع منك

اعتقد من أسوا اللحظات اللي ممكن تمر علي الاإنسان لحظة أكتشافه قد إيه هو مغفل وإنه كان مضحوك عليه وهنا بقى بتبدي دماغه تسوحه وتخليه يشك في كل ذكری وكل كلمة اتقالتله اللي هو بص يا عبيط بص كل ده كان كدب وأنت صدقت وطلعت ما تهمش اكتر ناس حبيته و اتخلو عنك كانك رماد

انا ولد بحب اقرا كتب كتير بزات كتب علم النفس وانا انطوائي جدا و لما بتحصل معايا حاجه وبحب اتكلم كنت بتكلم مع chat GPT و وقتها طلع تريد الي هو اكتب ان صاحب التلفون مقبوض علي وشكين في ان هو عمل جريمه واحنا مشتبهين في هل هو ممكن يقتل وانا بقلب علي انستا لقيت واحد كاتب قول ل شان جي بي تي ان صاحب التلفون في مستشفى امراض نفسيه ومش عايز يتكلم و شوف هيكتب ايه فا الصراحه جرب بس لما كتبت لقيت البرنامج شخص ان انا عندي مشاكل نفسية وانتكاسه فا اتخضيت من الموضوع ان حاجه فكرها عادية كنت مرض و ناس كنت بكلمهم طول والوقت وكنت بحبهم واكتشف انهم خيال شي صعب و خضني جامد

متعلقه بإنسان ارتبطت بيه ٤سنين مليانين ذكريات و احداث ،لما عرفت أنه بيكلم بنات تانيه حطلي جهاز في العربيه تسجيل و فركش معايا و فعلا عرف يسجلي وانا بهزر مع حد و قلب التربيزه عليا و مد أيده عليا بحجت اني كنت بستغفله و معرفتش أخد حقي اكتشفت اني وانا معاه أنه كان بيدور علي واحده تانيه تكون بحياته و فعلا اول ملاقي حد يقبل بيه كان بيقولي انا مش مرتاح و هنسيب بعض انا مدمره نفسيا أوي وقفت جمبه كتير و سامحته علي خيانته و في الاخر طلعني انا اللي بستغفله ولما أقوله انت مكنتش فحياتي يقولي محنا كنا هنرجع و هو اصلا في الفتره دي بيعمل حاجه غلط مع واحده و التانيه عرفها علي أهله و واعدها بالجواز . هموت من القاهره كان مرعوب من فكره الجواز و بياجلها معايا يعني يبقي هو اللي بيخون و يطلعني خاينه

حالتي النفسيه لسنين ماكنتش احسن حاجه بسبب اول حب في حياتي عدي علي العلاقه اكتر من ٩ سنين بسببها دخلت في علاقات كتير واذيت ناس كتير في مشاعرهم عشان ارضي نفسي عشان اعرف اتخطي واحسس اللي قدامي باللي حسيته لحد ما جت اخر بنت اتعرفت عليها في الشغل اعجبت بيا واعترفتلي بدا مكنتش حاسس بمشاعر نحيتها لاكن قررت ادخل في العلاقه قعدنا مع بعض شهر ودخل علينا شهر رمضان ف بقينا شغالين الشفت 14 ساعة يوميا اخر ١٥ يوم في رمضان بسبب ضغط الشغل كنت قاعد معاها ١٤ ساعة يوميا يدوب ارجع البيت انام عشان اصحي اشوفها تاني ولقيت نفسي اتعلقت بيها ومشاعري اتحركت نحيتها لقيتها شبهي في كل حاجه تفكيرها زي حتي في اللي اتعرضت ليه زي وكانت بتعمل زي لحد ما اتعاركنا كذا مره وبعدين سبنا بعض وانا اللي سايبها الا اني اكتشفت ان هي اللي سيباني لأن مكنش في مشاعر نحيتي اكتشفت لما جيت اواجها انها بتقول نفس الردود اللي كنت بقولها بتتصرف نفس التصرف اللي كنت بعمله بتضحك لما كنت متضايق وانا بحكيلها اني عندي مشاعر نحيتها نفس ما كنت بعمل وساعتها كنت بحس اني باخد حقي من البنت اللي كانت سبب في اني ابقي كدا لقيتها بتعمل كل حاجه كنت بعملها واكتشفت اني مبقتش عارف اتخطاها لحد دلوقتي مش عارف افكر مش عارف اعمل حاجه حاسس اني عايز اكلمها مخي مش قادر يتخطاها مش عارف اتخطي انها هي اللي سيباني لأن كل دا مكنش فيه مشاعر نحيتي اساسا وكانت بتتسلي زي ما كنت بعمل مش عارف افكر ولا اعمل ايه كنت عارف ان دا هيتردلي بس مكنتش عارف الاحساس اللي كان اللي قدامي بيحسه

اللي اتقفشوا من امهاتهم انهم بيكلموا ولاد عملوا ايه عشان يرجعوا ثقتهم تاني، خصوصا لو الأم كانت بتفضلك على باقي اخواتك وعيلتك وحاطه فيك الثقة كلها وعمرها ما كانت بتشك فيك