برود

السلام عليكم و رحمة الله و بركاته.. انا معرفش انا هعمل اى الوقتى، و معرفش اذا كان صح ولا غلط بس مش مهم، بس ربنا يستر عموما.. انت بارد، ونا معتش عندى مشاعر ليك، لأن انا مكنتش أستاهل برودك و غموضك معايا، أنا مستاهلش انى أديك كل حاجة و فى الآخر ماخدش غير البرود و الغموض و الدموع بالشهور، انا هبقى كويسة و زى الفل كمان، بس هو مجرد وقت.. بس تعرف انت كنت واحشنى اوى و الله بتفاصيلك، انا مش عارفة هقدر أنسى كل حاجة ولا لا و مش عارفة هفضل لحد امتى اعيط، و مش عارفة لحد امتى بفتكرك، طب هعمل اى في الرواية و الورق، انا لسه مش مستوعبة ان كل ده خلاص انتهى، انا عمرى ما اكون ندمانة على انى اخترت ربنا، و الله مش هنكر انك كنت بتوافق، بس برودك و غموضك مكنشي مطلوبة، أنا الحاجة الوحيدة اللى بندم عليها هي أغلاطى و ذنوبي بس.. ...B... يا رب تكونى ارتحتى يا نفسي الوقتي

عاوزه اتكلم يا جماعه عن كذا حاجة مش قادره افهمها انا اتخطبت قبل كدا لشخص كنت شايفه انه مناسب جدا ليه من كل حاجه وهو كان شايف كدا الخطوبه كانت صالونات كان فيه عيوب كتير عادي لكن كنت متقبلاه والجزء اللي يضايقني بحاول اخده بصدر رحب المهم الشخص دا من ساعه ما خطبني اهتم بيا يومين حرفيا ف الاول بعدها برود مميت وكأن مغصوب عليه طب مالك مفيش ابعتله واتس ميردش مره قفل موبايله قلقت عليه كلمت اخته قعد يزعق ويقلي مش عيل صغير كان بيخليني اخر حاجه ف كل حاجه لة عزمني او خرجنا بيشوف اقل مكان واوقات كتير كان بيجيب اكل الشارع سندوتشات كبده التعبانه دي وانا مكنتش بكسفه مع انه مقدر ماديا ومعاه فلوس كتير وانا كنت كويسه معاه وواضحه جدا حاولت اتكلم معاه مبيسمعنيش خالص يقلي انة راجل مشغول احكي لصحابك ولا اخواتك حتي ف الاوقات الصعبه وقالي متستنيش مني حاجه اللي عليا اديكي فلوس وبس ويقلل من اهميه كلامي او يقاطعني او يقلي تعبان مشغول مش قادر وبعد محاواات طاقتي خلصت وقررت اسيبه رجع اعتذر وقال هنخرج نتصالح حاولت اكلمه بردو بيهرب من الكلام يغني يقلي بصي التيشرت بصي الراجل اي حاجه بعيدا عن انه يسمعني جينا ندخل مطعم يسألنيةكتير نروح المعم دا اعزمك ع مشوي قلتله كلت مش جعانه ولما قعدنا سوا سألني تاني كتير قلتله ماشي بردو بعد ما قلتله ماشي كانه مستخسر يعزمني ومش عاوز يروح وراح مغير المكان وقالي دا احسن والمكان قدامنا وراح جاب سندوتشات كبده وقالي اصل جعان اوي مش هقدر استني لحد ما يجيب الاكل وبعدها دخلنا وبردو ع مضد قررت يومها ان هسيبه لا محاله وسيبته فعلا بعدها عرفت انه خطب ودفع اللي وراه واللي قدامه وحتي عزمها ف يوم انا موجوده فيه كان تجمع ف الشغل وقعدو يتكلمو جايب وعامل ودافع اكتر من ٥٠٠٠ ومكنتش مهتمه اعرف اخباره لكن عشان كنا ف نفس المكان كان الناس بتيجي تتكلم قدامي وجم قالو دا فسخ الخطوبه خطيبته دفعته اللي وراه واللي قدامه لحد ما كانت عاوزه عفش بارقام خياليه فقرر يسيبها اللي عاوزه افهمه هنا هل ان كوني طيبه وواضحه وبقدر شريك حياتي ان التعامل معايا يكون بالسوء دا وهل المفروض نكون متلاعبين نفسيا بالراجل عشان يتعامل بشكل كويس لان الاغرب ان اتقدملي حد تاني كانه نسخه منه بالظبط يبدا من برا طيب حنون هعملك اللي عاوزاه هسمعك هعمل واسوي ويومين اتتنين وتلاقي برود فظيع اصل مشغول اصل مش فاضي اصل مضغوط هكلمك بالليل طب الصبح اصل ف الجيم اصل صاحبي اصل ابويا عاوزه افهم هل انا بتعامل غلط يعني ولا الشخصين اللي عندهم مشكله وليه كانو بيعملو معايا كدا رغم ان الشخص التاني كان خاطب قبل كدا وخطيبته طلعت عينه وهزت ثقته بنفسه وكان بيجري وراها لحد ما اكتئب وانعزل وبعد كدا تعافي خلال سنين ليه لما بتكلم بوضوع وصدق بيقابولوني كدا انا اصلا دكتورة مشاوله وعندي نشاطاتي وبهتم بنفسي لبه بيتعاملو معايا كدا وليه هما بالذات انا من بعيد بطمن لما احس بالقبول واحس ان الشخص محترم وهكذا بعدها بلاقي صورة تانيه وعقلي بيفضل متعلق بالصورة الاولي اللي رسمها

أقل من شهر واتخرج بإذن الله تعالى يعني اية؟!!! انا تايهه وخايفهه مش عارفة اذاكر و عندي كمية برووود ولا موبالاه مش طبيعية انا مقصرة وعارفة ده بس مش قادرة اتحرك كل يوم بقول بكرا ومش ببدأ المشكلة فيما بعد التخرج هو انا اية هيحركني بعد التخرج ؟!! طب هو انا هتساب لوحدي كده في الدنيا انا اصلا بنزنق على اخر وقت في اي تسليم فاية يخليني اكمل بعد التخرج واذاكر(مجالي بيتطلب اذاكر دايما ) و اية يخليني اشتغل اكيد عشان الفلوس بس فكرة ان بقى كل معتمدة عليا انا ؟! متلخبطة اوي و تايهه ومش عارفة اتحرك مش قادرة اتحرك هو انا كبرت امتى ؟!

نفسيا متدمر حصلي حاجات كتير في طفولتي ماثرة عليا جدا لحد دلوقتي بسبب معاملة والدي ليا كان دايما يطردني من البيت ويجبرني انزل الشارع وانا عندي 10 سنين !! مكنش بيضربني بس بيطردني ويقولي متدخلش البيت تاني مش عايزك والدتي كانت بتسيبه يعمل كدا ولو كانت اعترضت كان بيطردها معايا وجت فترة انفصلوا اتبنت طفولتي كلها ساعتها ودا ضيعني دلوقتي بقيت شخص جاحد وبارد مابقيتش اتعاطف نهائيا مع اي حد كل الي فيا بقا قسوة وبرود مش طبيعي ريليشنز كتير باظت بسبب دا ولحد الان عدي عشر سنين علي الموضوع ووالدي بيحاول يقرب مني ويصلح الي هببه مش عارف اديله فرصه وقرفان منه ومش طايق اكلمه حتي ولا ابص في وشه دا زائد اهمالة ليا وكنت اطلب منه اتمرن مثلا مايرضاش يديني فلوس او دروس او اي اهتمام عموما مش عارف اعمل اي انا تايه وبتعذب نفسيا

بتعملو اي مع الذنب الدايم بحاول اهرب منه وكب شويه بعمله كانه لازق فيا كل مرة كل وقت مش عارف ابعد عنه حاسستي بقيت بارد اوووووووي بقيت معنديش مشاعر ولا بعمله بس بعمله برضو طب اي الحل طيب افضل مستمر عليه وخلاص يعني ولا اي

زي ما كل شيء جميل ليه توابع او ملحقات سيئة أنا بعاني بسبب صفة المفروض إنها ميزة النضج او ان ربنا منور بصيرتي وبفهم الناس اللي حوليا ومن مواقفهم بحلل شخصياتهم واصنفهم في دماغي من كتر الاشياء البشعة اللي مريت بيها والناس السيئة اللي عانيت بسببهم بقيت حذرة وصعب اطمن او اصدق شيء وأحيانا ببالغ ممكن تصرف واحد يخليني اتقفل من الشخص نهائي واتخيل ان ده بيترتب عليه حاجات وحشة تاني كتير ومعظم الوقت بيبقى صح بس أحيانا بخسر ناس بسبب الشيء ده ممكن تبقى كويسه وبخاف ابقى مرهقة ل اللي حوليا لإني بفكر كتير جدا في أقل شيء وفي نفس الوقت بحس اني مش فاهمة نفسي وخايفه ابقى شخص قاسي وبارد من كتر اعتيادي على التصرف بالشكل ده وكئني واخده وضع الهجوم دايما كئني في حرب متوقعه سهم من كل الجهات ومش عارفه أعالج النقطة دي او انا مش عايزه عشان خايفه اتئذي جامد بقيت مبحبش اتعرف على ناس جديدة او اتعامل عموما وجودي وسط ناس كتير مرهق جدا وبحب اقضي معظم الوقت لوحدي وطول الوقت محتاجه حد حاجه من الشيء ونقيضه في ناس في حياتي بحبهم عادي ومحبوبة وعندي صحاب كتير جدا بس لما بيبقى في تجمع او شيء مش بيبقى في دماغي غير اني عايزه اهرب ومش مرتاحه وبحس اني لوحدي بستوحش وسط الناس اكتر ما انا لوحدي

السلام عليكم. هو اللي هتكلم عنه شيء مختل اوي عامة، ف شوفوا حل وكده. كنت بتكلم مع حد ف بوينت مختلة اوي؛ انا مش بعرف افرق بين مشاعري. يعني عندي قسمين؛ مشاعر ايجابية، مشاعر سلبية؛ مفيش تفرعات اكتر من كده. المشاعر الايجابية بالذات بتكون ناحية الولاد اللي بتكون معقدة اوي، انا مش الشخص اصلا اللي بيتعامل مع الولاد الا نااادرا وبيبقى بحدود، ف انا لو اعجبت بحد او حبيته، مش بعرف افرق. يعني انا عارفة انو اه انا بحبك ك بني ادم واحمل تجاهك مشاعر ايجابية واوكي وتمام، بس المشاعر دي ايه؟ معرفش. والمشاعر الايجابية بالذات للولاد لان ده بيحتمل كذا شعور، اما البنات عادي؛ اصل يا هحبك حب صداقة يا هحبك حب صداقة برضو، مفيش خيار تاني. المشاعر السلبية عامة بتشمل الاتنين، وده طبيعي اكيد يعني. مببقاش عارفة انا بكرهك ولا انا محبطة منك ولا انا بس زعلانة وعايزة اتراضى وشوية اهتمام؛ مش بعرف افررررق. الشخص اللي كنت بتكلم معاه قالي انه بسبب حوار جلد الذات، ف انا عقلي مش متقبل اني احس بمشاعر محددة تجاه حد، اللي هو بتحبيه؟ بتحبيه ازاي؟ لا مينفعش مش من حقك، وهكذا.. بس انا مش حاسة ان ده السبب، يعني ممكن يكون عامل اه، بس ف حالات محددة مش طول الوقت. بقعد اسأل نفسي اسئلة واجرب واشوف، بس مش بوصل لحاجة بجد. وباي ذا واي، انا شخصية حساسة اوي داخليا، وباردة ظاهريا، ف مش الشخص اللي بيواجه بمشاعره دايما، فاهمين؟ حاسة ان ده عامل، لان انا مش بعترف اصلا بمشاعري للي قدامي، ومش اعتراف اللي هو يا فلان انا بحبك، لا ده عبط، اقصد بظهرها. انا ببقى بحبك زي بكرهك، الاتنين تعاملي معاهم واحد. فاا بس والله.

اعملي اي حاجة عشان نفسك طالما محتاجاها و عافري عشانها متسيبيش نفسك ولا تقتنعي بكلام انتي مش مقتنعه بيه متخليش حد يلعب فدماغك انتي شايفة الموقف كله و عارفة مين الغلطان و مين الصح اي حد يأذيكي و فيه طبع الاذي دا ابعدي عنه و اقطعي معاه مترجعيش تاني و تعملي فيها الطيبه و انتي بتتغفلي فيهم للمرة المليون متسكتيش عن حقك خليكي باردة الباردة هي المتحكمة في الموقف لما بتتعصبي انتي الضعيفة انتي عصبية جدا انا عارفة بس حتي لو جواكي نار و توتر و قلبك بيدق بسرعة اظهري ادامهم البرود اوعي تبيني ضعفك

ازاي الواحد ميبقاش حساس ويبقي بارد بحس ان دي مشكلتي لو اتحلت حجات كتير هتتحل في شخصيتي وهكون كويس ازاي الانسان يتخطي واي حاجه متاثرش عليها حتي لو كانت بسيط جدا ويتعامل مع الامور ببرود حاولت كتير بس مبعرفش وعلطول ببقي قلقان وخايف واي حاجه حتي لو صغيره ممكن تخليني اتعصب ومبيكونش عندي طاقه للكلام ولا للشرح ولا لمناهده

هالو يا جماعة عندي سؤال أو اتنين أنا بقالي فترة هادية أوييييي بزيادة يعني أنا قبل كدة كنت بتنرفز بسرعة واتخانق وكدة لما حد يضايقني أو يغلط معايا دلوقتي بقيت بفوت كتير اوي يعني بريح دماغي من الأخر يعني ..ده نضج ده ولا برود ولا ايه بالظبط ؟ تاني حاجة بقى ايه اللي بيخلي فعلا الراجل متردد انه ياخد خطوة الجواز دي؟ بقيت اشوف ناس كتير اوي بتتردد وبتدي علامات من بعيد وتقرب وتبعد وبجد بيكونوا كبروا وبيقولوا فعلا انهم عاوزين يتجوزوا وجاهزين بس وقت الجد بيترددوا طبعا حاجتين مالهومش علاقة ببعض بس اهو كلام بقى وخلاص 😅😅

"أصعب حاجة ممكن تمر بيها، إنك تلاقي نفسك بتموت قلق على حد، وهو أصلاً ميعرفش إنت مين. ​تخيل تبقى شايل همّ وجعه، وخايف عليه من نسمة الهواء، وبدور وراه في كل مكان عشان بس تطمن إنه لسه بيتنفس.. وفي الآخر لما تحاول تقرب خطوة، يقابلك ببرود يكسر قلبك مية حتة. ​

مساء الخير انا "ف" التوكسيك حد يقول عن نفسه كدا يا "ف" ايوا انا عادي. تفتكر ليه بقول على نفسي كدا؟! تعالو نرجع بالزمن 4 سنين ورا.. "ف" كانت شخصيه كويسه جدا طيبه بتحب اي حد يدخل حياتها وممكن تضحي تضحيه كامله عشانه فنفس الوقت ناس كتير جدا كانو بيستغلو دا جدا وممكن يصاحبوها عشان تساعدهم وعارفين انهم سهل يستغلوها ب اي طريقه لأنهم ببساطه يقدرو بكول سهوله يب.تزوها عاطفيا لا لا الكلمه دي كبيره ليه بنقول كدا؟ "ف" شخصيه بتحس بالذنب جدا بيصعب عليا اي حد ولو مساعدتش حد بتحس انها غلطانه حتى وانها مجبوره تساعد كل الناس كانت بتواجه صعوبه انها تقول (لا) "ومازالت" "ف" للأسف بعد مرور الوقت كانت تبعد عن كل شخص بتعرفه شخص ورا شخص لحد ما بدأ يكون جواها كميه (غيظ وزعل وقهر) " ف" مازالت نفس الشخص ال بيساعد وبيجي على نفسه عشان غيره ومستعد يضحي بكل حياته عشانه بس فنفس الوقت "ف" بقت شخصيه توكسيك جدا للأسف بسبب الكبت ال جواها بقى اي حد يعملها حاجه تتعصب فيه جدا وممكن تخسره بسبب عصبيتها ("ف" اتحولت من شخصيه هاديه جدا ل شخص عصبي فوق ما اي يحد يتخيل نتيجه كل ما تحمله بداخلها) بقت تتعامل مع الناس كلها ببرود بقت لما تحاول تقول لا يتقلب عليها مع انها مش مجبوره بس الناس عرفت للأسف تستغلها طيبتها زي كل مره وعارفين انها هترجع وتعتذر(بتعتذر لو غلطانه او مش غلطانه لأنها غب.يه) "ف" في حاله صعبه جدا من حياتها ومش عارفه تتعامل مع الناس طبيعي لأنها للأسف شافت كل الناس وحشه فحياتها حتى أهلها ولحد دلوقتي مشافتش شخص كويس دخل حياتها اتمنى تدعو ل "ف" انها تتخلص من كل دا لأنها بجد مش عارفه تعيش وعايشه حاليا عامله كدا😐 انا رغيت اوي اسفه شكرا لحد استماعكم لو وصلت ل هنا انت شخص شطور 🌹

أصعب معادلة ممكن يحلها مهندس ميكانيكا، هي إزاي يرمم قلبه اللي اتكسر من أقرب الناس ليه. أنا عندي 25 سنة، والنهاردة بفضل الله وصلت للي كان أهلي بيحلفوا إني مش هوصله. بقيت مهندس في شركة كبيرة، وبنيت نفسي من تحت الصفر، بس وأنا بطلع السلم، كانوا هما "الثقل" اللي بيسحبني لتحت مش السند اللي بيرفعني لفوق. أنا مش جاي أتباهى بنجاحي، أنا جاي أسأل سؤال محيرني ومخلي طعم النجاح مر في بقي: هل النجاح بيمحي الظلم؟ دلوقتي بعد ما بقيت "البشمهندس" والكل عايز يقرب ويتمسح في نجاحي، أنا جوايا جفاء وبرود ناحيتهم زي الحديد اللي بشتغل فيه. أهلي اللي ظلموني وقهروني سنين، دلوقتي مستنيين مني "بر وحنية" وجميل، وأنا مش شايف ليهم أي جميل عليا غير الوجع. محتاج رأيكم في 3 حاجات فاتحين في قلبي نار: هل من حق الأهل يطالبوا بـ "ثمن" نجاح هما أصلاً حاولوا يهدوه؟ إزاي أتعامل مع "نظرة الاستغلال" اللي شايفها في عينيهم دلوقتي بعد ما بقى ليا منصب وفلوس؟ هل أنا إنسان سيء لو قررت أعيش نجاحي "لوحدي" وأكتفي بصلة رحم رسمية جداً عشان أحمي اللي فاضل من أعصابي؟ أنا في صراع بين "البشمهندس " اللي المفروض يكون قدوة، وبين "عبدالله الإنسان" اللي مش قادر ينسى اللي حصله.

عندي امتحان بكرة و المادة اول مرة افتحها و اللي بيذاكروا من اول الترم بيصيحوا و مش عارفين يحلوا و انا بتعامل ببرود رهيب ولا كأني معايا الامتحان او ولا كأنها مادة ب ٤ ساعات يعني السمر ب ١٢ الف يخربيت العبث

وصلت لمرحله من البرود ...تلاجه والله مفيش كده فالدنيا عندي مواد متراكمه وحرفيا انا استاذه فتضييع الوقت☝️☝️ عاده اتمني ربنا يخلصني منها ادعولي ربنا يخلص الكريب ده علي خير ــــــــــــــــــــــــــــــــــــــــــــ

بصو في مشكله بيني وبين صحبتي وهي انو انا وهي المفروض بنروح مع بعض مكان معين وبيستني بعض واليوم ده مكنتش عارفه اوصلها فخليت صحبتي التانيه توصلها وهي قالت لها بكل برود انا مش هستني حد مع العلم احنا متخنقناش ولا حصل اي حاجه هي مره واحده بقت تتكلم كده وانا يومها اتضايقت منها ولما وصلت لقيتها موجود ومكلمتهاش خالص حد ما الناس حاسو ان في حاجه بينا وسألونا مالكو قالت مفيش وانا قلت هنتخانق بهزار وهي عرفت اني اتضايقت بسبب كده واحنا المفروض بنروح مع بعض في نفس الطريق وانا مشيت في الشارع لوحدي وهي حتى محولتش تشوف مالي وروحت وبعدها بيوم روحنا لنفس المكان والناس حاسو ان في حاجه وهي اتقمصت دور الضحيه زي كل مره وفضلت مكسرة وانا بطبعي مش بعرف اكون سلبيه قدام حد مشكلي الي بمر بيها ملهاش علاقه بتعاملي وكنت بتعامل عادي واحنا مروحين في شخص من المكان الي كنا فيه هي اكبر منا وسألتها مالك وهي بتقول مفيش وبعدين الشخص ده سألني في ايه وهي انا ديقتها قلت انا معملتش حاجه وحميد الي حصل وهي ردت بكل برود انه انا متأخره استناكي ليه امشي انا لوحدي احسن وانا قلت لها انتي عارفه اننا بنروح مع بعض دايما وهي قامت مشيت بكل برود قالت ماشي واحنا لحد دلوقتي مش بنتكلم وهي مستنياني اصلحها تقريبا معلومه حصل نفس الموقف معايا وانا الي مشيت وكان معانا صحبتنا التالته وكانت بتتكلمها وبسألها هي فين ردها كان (انا لسه راكبه المكرباص ومتأخر لو عايزين تمشو امشو وانا هاجي لوحدي) وهي بيتها بعيد وانا وصحبتي التالته مشينا وهي لما جت كانت زعلانه مننا اننا مشينا من غيرها وفضلنا نتحايل عليها ونقلها معلش واسفين وفهمنا انك بعيده اوي وكنا متأخرين وهي قالت ماشي والموضوع عدا بعدها بقا واحنا رايحين نفس المشوار هي أكدت علينا ان احنا هنتقابل في الحته الفلانيه واتفقنا واحنا بعد ما وصلنا الحته دي ملقنهاش فاتصلنا عليها قالت انا وصلت تعالو انتو ولما قلت لها ليه عملتي كده قالت باخد حقي وقتها انا اتضايقت منها قلتلها بلاش شغل العيال ده والموضوع خلص انا حبيت الموقف ده عشان اعرفكو ان لما حصل كده انا صلحتها بس هي انا مفرقتش معاها خالص وقفلنا تلات ايام متخاصمين وهي زعلانه مني بلا سبب بجد اسفه اني طولت عليكو واعرفه انها مشكله تافه بس بالنسبالي انا اتضايقت اوي وشكرا لاي حد وصل لحد هنا وقولولي اعمل ايه لحد هنا انا كنت كتبت بوست على الابلاكيشن ومكنتش قلت كل حاجه وهكمل حكي وقلولي اعمل ايه وهل تصرفي صح وحصل كمان حاجه ان انهرضه احنا بنروح الدرس مع بعض احنا التلاته والمفروض بنستني بعض في حته معينه وانا نزلت زي كل مره عادي رحت للمكان الي بنكون فيه ملقتش حد ويومها كمان محدش رن عليا فرحت لوحدي لقتهم قعدين بيضحكو ويهزرو ولما دخلت صحبتنا التلته انا بتكلم معها عادي بس هي شفتني ولفت حتى مسلمتش عليا وانا قعدت وراهم وكنت بزاكر وصحبتي التلته لفت قالتلي هاي ازيك وانا بصتلها بصه وكملت مزكره وكررت تاني نفس الحاجه وانا مهتمتش وخلصت الدرس وروحت لوحدي اسفه اني طولت

البرود كلامها بقي بارد مع اني حاولت 5 مرات بس كل مره بحس اني بكلم واحده تاني غير الي كنت بكلمها وحده تانيه غير الي كنت بحبها الي كان كلمها زمان حرفيا بيطلع قلوب منه في الشات دلوقتي كلام بارد ده من ساعه ما سبنا بعض حاولت 5 مرات في سنتين ونص بعد كده حسيت اني خلاص مش قادر تحاول تاني مع اني لسه بحبها

بصو في مشكله بيني وبين صحبتي وهي انو انا وهي المفروض بنروح مع بعض مكان معين وبستني بعض واليوم ده مكنتش عارفه اوصلها فخليت صحبتي التانيه توصلها وهي قالت ليها بكل برود انا مش هستني حد مع العلم احنا متخنقانش ولا حصل اي حاجه هي مره واحده بقت تتكلم كده وانا يومها اديقت منها ولما وصلت لقتها موجود ومكلمتهاش خالص احد ما الناس حاسو ان في حاجه بينا وسئلونا مالكو قالت مفيش وانا قلت هنتخانق بهزار وهي عارفت اني اديقت بسبب كده واحنا المفروض بنروح مع بعض في نفس الطريق وانا مشيت في الشارع لوحدي وهي حتى محولتش تشوف مالي وروحت وبعدها بيوم روحنا لنفس المكان والناس حاسو ان في حاجه وهي اتقمسط دور الضحيه زي كل مره وفضلت مكشره وانا بطبعي مش بعرف اكون سلبيه قدام حد مشكلي الي بمر بيها ملهاش علاقه بتعاملي وكنت بتعمل عادي واخنا مروحين في شخص من المكان الي كنا فيه هي أكبر مننا وسالتها مالك وهي بتقول مفيش وبعدين الشخص ده سئلني في ايه وهي انا ديقتها قلت انا معملتش حاجه وحميد الي حصل وهي ردت بكل برود انه انا متأخره استناكي ليه امشي انا لوحدي احسن وانا قلت ليها انتي عارفه اننا بنروح مع بعض ديما وهي قامت ومشت بكل برود قالت ماشي واخنا لحد دلوقتي مش بتكلم وهي مستنياني اصلحها تقربا معلومه حصل نفس الموقف معيا وانا الي مشيت وكان معنا صحبتنا التلته وكانت بتكلمها وبسألها هي فين ردها كان (انا لسه راكبه المكرباص وهتأخر لو عيزين تمشو امشو وانا هاجي لوحدي) وهي بيتها بعيد وانا وصحبتي التلته مشينا وهي لما جت كانت زعلانه منينا اننا مشينا من غيرها وفضلنا نتحايل عليها ونقلها معلش واسفين وفهمنا انك بعيده اوي وكنا متأخرين وهي قالت ماشي والموضوع عدا بعدها بقا واحنا ريحين نفس المشوار هي أكدت علينا أن احنا هنتقابل في الحته الفلانيه واتفقنا واحنا بعد ما وصلنا الحته دي ملقنهاش فاتصلنا عليها قالت انا وصلت تعالو انتو ولما قلت لها ليه عملتي كده قالت باخد حقي وقتها انا اديقت منها َقلتلها بلاش شغل العيال ده والموضوع خلص انا حميد الموقف ده عشان اعرفكو ان لما حصل كده انا صلحتها بس هي انا مفرقتش معها خالص وبقلنا تلات ايام متخاصمين وهي زعلانه مني بلا سبب بجد اسفه اني طولت عليكو واعرفه انها مشكله تافه بس بنسبالي انا اديقت اوي وشكرا لاي حد وصل لحد هنا وقالولي اعمل ايه

مساء الخير يا جماعة، يارب تكونوا بخير في بنت أنا معجب بيها، عرفتها من جروب واتساب تبع الشغل، وأنا شغال صحفي، وهي أكبر مني بسنة، بس خلينا واضحين من الأول، فرق السنة ده شكلي بس، لأن في الواقع أنا سابقها بمراحل في كل حاجة تقريبًا، سواء خبرة أو شغل أو علاقات. البنت متدربة، ومستواها بصراحة تحت الصفر، وأنا شغال صحفي، وهي إنها أكبر مني بسنة وانا أعلى منها كانت بتنزل على الجروبات تسأل في حاجات بديهية جدًا ومحدش كان بيعبرها، فقولت خلاص أنا هدخل أساعدها، لأن ببساطة مش أي حد عنده اللي عندي أو يقدر يقدمه. كلمتها برايفت، وبدأت أشرح لها حاجات ناس بتقعد سنين عشان تفهمها، أنا شغال صحفي، وهي أكبر مني بسنة، فتحت لها أبواب هي مكنتش تحلم تقرب لها، أرقام مصادر تقيلة جدًا، أرقام ناس محدش عارف يوصل لها، وأنا كنت برفض أديها لناس أكبر منها وأقدم منها، لكن اديتها لها عشان تلاقي حد يرفعها ومش لاقية حد يساعدها. وريتها أنا وصلت لإيه، شغلي وعلاقاتي ومستوايا، أنا شغال صحفي، وهي أكبر مني بسنة، مش من باب الفشخرة، بس عشان تبقى فاهمة هي بتتعامل مع مين، لأن مش منطقي تبقى بتكلم حد في مستوايا ومش مستوعبة ده. المفروض الطبيعي بعد كل ده إنها تبقى مقدرة أو على الأقل مهتمة، لاني صحفي وحط تحت كلمة صحفي الف خط وهي أكبر مني بسنة، إنما اللي حصل ولا كأن في حاجة حصلت أصلًا، تعامل عادي جدًا كأن كل اللي قدمته ده حاجة بسيطة. سجلت رقمي وكانت بتشوف الاستوريهات وبتتفاعل، فقولت تمام الأمور ماشية، بعتلها Add مقبلتش، قولتلها تقبلي قالت حاضر، وطبعًا ولا حصل أي حاجة، وأنا كبرت دماغي ومكمل عادي. تيجي تكلمني؟ كله بصيغة رسمية زيادة عن اللزوم، “شكرًا لحضرتك”، رغم إنها أكبر مني بسنة، وكأنها بتتعامل مع حد غريب مش حد واقف معاها وبيساعدها بكل حاجة وهو معلمها. أحاول أفتح كلام عادي؟ مفيش رد، تختفي وترجع تكلمني عشان مصلحة، أنا شغال صحفي، ورغم إنها أكبر مني بسنة، أساعد عادي لأن ده مستوايا، لكن ردودها تبقى على قد السؤال وخلاص، مفيش أي تقدير حقيقي. كانت كل شوية تطلب مني مساعدات كتير عمال على بطال افتح موضوع تاني ترد على القد. بعد كده اكتشفت إنها مسحت رقمي أصلًا، أنا شغال صحفي، وهي أكبر مني بسنة، ومن ساعتها لا بترد ولا بتفتح كلام، وأنا بطبعي مش بزن على حد، اللي مش شايفني أنا أول واحد بيمشي. الكلام ده كان في شهر 8 وعدى وقت، دلوقتي بفكر أرجع أكلمها كده بشكل بسيط، أسأل عليها وخلاص، بس الفكرة نفسها ضد طبيعتي تمامًا وكمان هي لسة متخرجة وانا عايز اخطبها بس انا الأصغر ومستعد أعلمها اكتر. عمري ما رجعت لحد طنشني، ده انا صحفي، لأن ببساطة أنا مش محتاج أفرض نفسي على حد، بس في نفس الوقت دماغها عاجباني ودي حاجة نادرة. فاللي محيرني بجد، رغم إنها أكبر مني بسنة، إزاي واحدة في مستواها ده ومش فارق معاها كل اللي قدمته لها؟ هل أدي الموضوع فرصة تانية وأكلمها، ولا أخليني زي ما أنا وأسيب اللي مش شايف قيمتي في حاله؟

معنديش اي مشاعر لحد متقدملي واحد الي حد ما مناسب كتعليم واخلاق ومستوي مادي مش اوي بس زينا يعني عادي المهم انا طبعا معرفوش ولا عمري شفته شفت صورة وبما اني 27 سنه قلت ادي فرصة بس لما شفته عالحقيقة حسيته كبير اوي يعني شكله مدي 10 سنين زياده عن سنه الطبيعي وشكله مختلف عن الصورة انا مش عارفة اوافق ولا ارفض هو مش وحش بس حاسة اني باردة كدا مش زي صحابي المخطوبين بيكونو ملهوفين علي الي مرتبطين بيهم حد فاهمني ؟؟ وهل لو وافقت يبقي بظلمه وبظلم نفسي ولا ده علشان معرفوش وبعد كدا هحبه

عايزا احكيلكم علي حاجة دلوقتي انا حماتي كويسة معاايا جدا وبتحبني وبتعاملني حلو بس من فترة انا عملت حاجة زعلتها وهو انا مش هقول اني مش غلطانة بس انا كنت في فترة مش تمام ف هي من وقتها وهي اتغيرت معايا ١٨٠ درجة بقيت تتعامل معايا ببرود مش زي الاول خالص واوقات بحس انها بقيت تكرهني مش عارفة بتعمل حاجات كتير يتضايقيني وانا مكنتش عايزا نبقي كدا بالاخص اني كنت معتبراها هي كل اهلي

السلام عليكم انا حبيت احكي حاجة حصلت النهاردة معايا فيه شخصيه ربنا سبحانه وتعالي بينلي حقيقتها النهاردة وعرفني قد اي كنت مخدوعة بس انا حقيقي اول ما عرفت الحقيقة دخلت ف ضحك هيستيري م عارفة معناه اي وبقيت اضحك ع اي حاجة م مضحكة واعمل نفسي مبسوطة لاجل مبانش ضعيفة قدام حد لو عالشخصيه دي فأنا م زعلانه عليها والحمدلله انا م بزعل ع اي حد اختار يطلع من حياتي بكامل ارادته ال انا م فاهماه دلوقت اني جالي برود اعصاب غريب ومبقتش فاهمة انا زعلانه ولا فرحانه ولا متضايقة فيه اي مبقتش فاهمة نفسي انا حاسة بإي ياريت حد يفسرلي ال حصل لاني م فاهمة حاجة

بتأذي جدا لما حد يبعدني ويقربني بمزاجه شوية يخليني كل حاجة وشوية يخليني ولا حاجة شوية صديق وشوية اخ وشوية غريب اتعاملت مع ده اني بعدت بقيت بارد معاها وهي برضو مش بتحس وبلقح عليها احيانا وبرضو بتعملي ليكات مثلا على الاستوري أو كدة

جوايا كمية غضب غير مبرره واحباط كبير اووي البنت الوحيده الي ارتحت معاها عندها كمية برود غير مبرر بالنسبالها عادي ايام متسالش وبالنسبالها عادي تطنشني ساعات عشان بتتكلم مع صحابها ومستحيل تعترف ان دا ممكن يدمر الي بينا هي شايفه ان عادي حتي لو فضلنا فترة مش مع بعض الي بينا اكبر من دا والحب جوانا موجود لما بقيت محبط جدا لدرجة انا تجاهلتها تماما وبتعامل برسمية اووي وممكن ٤ او ٥ ايام مش بنتكلم وحتي ف العيد مكلمتهاش بس ولا اي حاجه كان شئ لم يكن

هل طبيعي شخص بحبو يبقي بقالو اربع ايام ميكلمتيش ولا يرن عليا واقولو مالك يقولي عاوز ابقي مع نفسي مع ذلك احنا كنا قبلها بيوم كويسين مع بعض وخارجين وجيبلي هديه بس الوقت الي هو مش بيتصل بيا فيه لو فاتحين لعبه ببجي بيبعت ونلعب سوا انا مش قادره احدد موقفو اي وانا تعبانه من الي بيحصل ولما بعتبو بيرد ببرود قاسي

عرفت واحده من سنه تقريبا بنتكلم وعارفين عن بعض كل حاجه ومتفاهمين جدا وبنخاف علي زعل بعض ودايما نشجع بعض وفاهمين بعض جدا ...دلوقتي العلاقه بقت باردة جدا يعني مبقناش نتكلم زي الاول ولما بنتكلم الكلام بيبقي بارد والرد علي قد السؤال يعني مش عايزة تفتح كلام ، الرساله بقت بتقعد باليوم واليومين مش بيترد عليها (غالبا في طرف تالت في الموضوع) احساسي واستنتاجي عمره ما غلط ...خلاص قررت انهاردة انهي العلاقة دي نهائي بس مش عارف اجيبها ازاي ؟ ارشدوني