بنات

سؤال للبنا ـت هيا فعلاً البنات بتحب الشخص الي يكرفلها ويتاخر عليها في الرد ويكلم غيرها ويكون عندو استبن واتنين والي بيحبها ويحافظ عليها ويرد بسرعه ويطمن عليها علطول ويحاول يعمل اي حاجه عشانها تشوفو مدلوق وتفضل معلقاه وفي الاخر تقولو انا مش عاوزه اعلقك بيا ؟؟..! ممکن رد

عندي مشكلة انا جسمي ومظهري الخارجي كويس جدا الحمدلله بس بالرغم من كدة لما بحاول افتح كلام مع بنت بتصدني او ترفضني ساعات بقول اني ممكن مش بعرف اتعامل مع بنات كويس خصوصا اني البنت الوحيدة ال كلمتها كان كل كلامنا واتس بس اصلا لو حد يقولي ازاي اعرف اطور مهاراتي فالكلام وريأكشانات الوش

عندي استفسار هوا لي دايما البنات الكويسه مبقتش موجوده ولا بقت ظاهره وصعب جدا اليومين دول الواحد يلاقي بنت تنفع زوجه لدرجه ان الواحد بيحسب الف حسبه قبل اي خطوه وخايف من الموضوع دا موت لاني لسه خارج من خطوبه داخله علي سنه وبعد مكان خلاص فرحي كمان شهرين فثانيه كل حاجه اتهدمت وفيوم وليله حاسس اني فقدت الدنيا ومافيها ولي دايما البنت مبتحبش الي بيهتم بيها يعني تلاقي الواحد مطنشها ولا معبر امها تبقي نفسها يسال عليها ويرن ويكلمها وكدا لاكن لما الواحد بيكون بيهتم عالطول ومسدجات ورنات وكل دا تبقي مش عاجبها وتبقي هي البارده فالعلاقه مش عارف كلو كدا ولا دا حظي انا مع ان والله النيه بتبقي خير والله 😢💔

ليه البنت دايمًا بتحاول تظهر بأحسن شكل قدام الولد اللي معجب بيها حتى لو هي مش معجبة بيه ولا شايفة إن فيه احتمالية إنها ترتبط بيه أصلاا؟ الموضوع غريب جدا بصراحة وبقينا نشوفه كتير ف لو حد يعرف ليه ياريت يقولنا.

مش فاهم نفسي في موضوع العلاقات بصراحة. نفسي أتعرف وأتكلم مع بنات بس بتلخبط ومش بعرف أبدأ، وبرضو مش عايز أبان محتاج أو تقيل. حصلت كذا محاولة قبل كده ومكملتش، فحاسس إني تايه شوية ومش عارف أتصرف،حد عنده نصيحه

سؤال للولاد عشان كده كتير بجد هو انتوا لو بتحبوا بنت ويومكم عباره عن جامعه وتخلص تنزل شغل تروح علي ٢ بليل والمفروض تنام عشان تصحي للجامعه تاني مش هتكلمها خالص حتي لو نص ساعه وبعدها تنام توصل معاك انك تقعد بالاسابيع متكلمهاش؟؟؟؟

شباب انا عايز اعرف بتشقطو ازاي انا لما ادخل لبنت اقولها اي عشان اترفضت اكتر من 781 مرة فحد يقولي الحل وادخل اقول اي وكدا عشان زهقت ولله العظيم كل ما ادخل لبنت بكذا طريقة اترفض واتبلك مش عارف اي السبب

الانفصال الحياه بعد الانفصال للشاب سهله ولا صعبه فى رايكم والارتباط مره تانيه بيكون سهل ولا لا ؟ وليه بعض البنات مش بتوافق على حد منفصل ؟ مع ان فى بنات منفصله عاوزه حد اعزب بدون تجارب احنا خلاص بقينا فى الزمن اللى الرجاله هتتطالب فيه بالمساواه ولا ايه ؟!

ومين فينا محبش هل الواحد المفروض يعرف ماضى البنت الى هيرتبط بيها ولا لا ؟؟ خاصة ان نسبة كبيرة جدا من الشباب والبنات بقوا بيرتبطوا من اعدادى 🙂 انا ليا تجربة ارتباط برده مش بقول انى مختلف بس كانت مشروع خطوبة بعلم الاهل وفشل للاسف

بصراحة انا كشاب بعاني من قلة ادب البنات معرفش اي اللي يخليهم جريئين و سفلة للدرجة دي يعني ايه بجد مفيش حياء ليه ولا احترام قرف بحس اني عايش في زريبة اللي بتعرض واللي بتسوق فيها واللي تبجح واللي تشتم شتائم قذرة ليه انا اشوف الحاجات دي مع انهم عرب ومسلمين يعني لو هروح بلد كافرة انا هبقى عارف واخد حذري ومتقبل لكن انا في دولة مسلمة انا بخجل عنهم بصراحة مش عارف مش قصدي إساءة لحد بس دي مشكلة كل يوم بلاقيها وبتأثر فيا وانا مش بركز معاهم بس ببقي مجبر اشوف لان الموقف قدامي

ليش دايما احس بالنقس لما بكون مع بنات فمثلا اخرج من المنزل واثقة من نفسي وعاجبني حالي لما اختلط ببنات اصير افكر بتفكير اني ابشع وحدة في هاي الجماعة واحس بنقص كبيير وحتى احس اني غير مهمة والله من وانا صغيرة عندي هاد المشكلة

هو لي معظم البنات بقت كدا مش فاهم ، انا معظم صحابي فالجامعع بيكلموا بنات وانا بشوفهم دايما وبنسلم على بعض ، يعني الاقي صاحبي ماشي مع صاحبته وبيسلم عليا وانا اسلم عليه وعمري ما بصيت للبنت اللي ماشيه معاه عشان اعرف مثلا مين ده ، وعمري حتى ما سألتهم اتعرفتوا على بعض ازاي عشان بحترم زمايلي واخلاقي متسمحليش اني ابص للبنات اللي معاهم او اني اتكلم عليهم ، ومع ذلك ، صاحبه صاحبي تقعد تبصلي عمال على بطال وحرفيا لو انا روحت بدأت كلام معاها هتكلمني عادي وممكن تسيب صاحبي ومش كدا وبس مره كانت عماله تبصلي واحنا فالجامعه وصاحبها قاعد جمبي واول ما صاحبها حس بالموضوع قامت بصاله وضحكاله عشان متبينش ، يعني انا كشاب مش بيص للي ف ايد غيري وانتي كبنت بتبصي على شخص تاني خالص ومش بتبصي عاللي ف ايدك ، بغض النظر عن انه حرام وهيفضل حرام ، بس انا بتكلم عالموقف نفسه وافعال الناس

سؤال يا جماعة بيجي ف بالي كتير هو لو في واحد قاصد يغيط واحدة ع الواقع بالكلام بالهزار مع البنات بصوت عالي و بطريقة باينة جدا و بيبصلها كل شوية وقت الهزار ده عشان يشوف رد فعلها ده معناه ايه يا جماعة

- استبدال المواصلات العامة في مصر بالمواصلات الخاصة هو من الرفاهيات المنسية! من أول إنك تطلب أوبر، أو حتى تاخد توكتوك لوحدك بدل م تتزنق ف ميكروباص حاجة بتحافظ على كم مش طبيعي من الوقت والجهد والطاقة والصحة، وبتحافظ على شكل الواحد يفضل مش مبهدل ونضيف مش مترب ومجهد ولبسه باظ حزينة والله وأنا بقول من "الرفاهيات"، بس المواصلات العامة نفسها غليت بشكل مش طبيعي فعلا، وبقت تعجيزية لشريحة كبيرة.. ربنا يرحمنا برحمته ويرزق الناس كلها عموما، والبنات خصوصا، مواصلات وعيشة سهلة ويسيرة. يارب عربية جي كلاس من حيث لا أحتسب يارب يا واسع )"😭💗💗💗💗🦆

شباب انا ليه بترفض من البنات بعيدا عن سني انا 15 سنة بس كل ما اجي اتعرف علي بنت قدي او اصغر او اكبر مني بترفض مجرب اكتر من 738 محاولة فاشلة اذا مكنش اكتر فياريت تقولولي اي السب وليه بيحصل كدا

يا شباب انا كنت مرتبط ببنت ٣ سنين ومكنتش بكلم حد غيرها حرفيا ومخلص بزياده اوي لدرجه اني كنت مخليها هيه الجنس الآخر في حياتي ومكنتش بحب اتعامل مع البنات في التعاملات الحياتيه العاديه اختصارا ....كان فيه مشاكل بينا وسيبنا بعض تانيه جامعه وهيه بالمناسبه معايا في نفس الكليه المهم ان مشكلتي حبيت اني بحس اني مرتبك او متوتر علي خفيف او(بعمل تصرفات وبقول لنفسي بعدها ازاي انا يطلع مني كده انا ليه مش بكون مركز او حتي طبيعي) لما اجي اتعامل مع بنات مش عارف احل المشكله دي ازاي

خاوتي منيش نهدر ف هاذ الهدرة باه نكون جذاب ولا بصح… عندي مشاكل كي نكون نحكي مع طفلة معنديش مواضيع نطرحهم و نتوسوس من البنات بصفة عامة منيش فاهم بصح يجي صوت ف راسي يقولي كامل البنات فيهم الشك مكنش لي تستاهل الكونفيونص حاجة خذي خلاتني قليل العلاقات ولا شبه منعدم عندي علاقة ف حياتي لي طولت و انتهت ب ان التوسويس تاعي كان في محلو درك هاذي حاجة عادية للشعب كامل و لا انا برك؟

حابة أقول حاجة للبنات اللي زيي حبايب قلبي ارجوكي لو ناقصك حنية او اهتمام اوعي اوعي تدوري عليهم من خلال كلام مع ناس كتير وكده عشان تشبعي الفراغ ده ارجوكي والله فيه ناس كتير مش متربية وهتروحي في داهية وهنا بالذات فيه ناس زفت اوي والله ودماغهم كلهم زفت أكيد فاهمين مش محتاجة أوضح مع اني كنت منزلاه عشان الاقي دعم وكده بس للأسف هو زفت والحمدلله إني واعية وإلا كان زماني روحت في داهية المهم انت فهماكم اوي والله لان عندي اعتمادية عاطفية ومحتاجة اوي اوي حنية ودعم بس والله الفراغ ده مش هيتملي بالطريقة دي واسألوني انا، جربت اكلم ناس كتير عشان بس احس بالاحتواء واخر شخص وقعت معاه كان عاوز يستغلني بس الحمدلله اني عرفت اوقف الموضوع ف بجد والله انتو جمال وتستاهلوا كل حاجة حلوة، متعملوش نفسكم كده وتودوا نفسكم في داهية حرفياً عشان شوية دعم(مش بقلل من المشكلة والله أنا أكتر حد بيعاني من النقطة دي) ، بس فيه ألف حل والله أحسن من القرف ده بس احنا بنبقى مش شايفين غير اننا نتكلم مع ناس وكده اتمنى كلامي يفوق ولو بنت واحدة والله والآب ده كده كده همسحه بعد البوست ده

الي مبينزلش الجيم انت فايتك كتير بجد خصوصا لو بنت اكتر مكان هتحسي فيه بالحرية بجد بس اهم حاجة ميكونش مختلط مكان بيفصلك عن الدنيا كلها بجد المكان الوحيد الي لو حسيت بالوحدة او التوهان هيريحك

انا مش فاهم نفسى هل انا كويس ولا لا انا نفسى اتكلم مع البنات وش ل وش ولكن اللى بيحصل انى لما اشوفهم ادور وشى أو اهرب أو امشى من المكان واكون خايف وانا وبكلمهم انا نفسى اتجرا واكلمهم عادى زى الناس

انا حبيبي شخص جميل جدا وقمور يعني بس هوا بيحبني ومش شايف غيري وكده دلوقتي هوا هيروح شغل ف محل كبير وكده فيه اكسسوارات وغيره من الحجات يعني بس هوا عمره ماراح حاجه زي كده دايما شغله بيبقا عادي مش بيبقا فيه بنات خالص بس هوا مضطر عشان الفلوس انا خايفه من للبنات اللي هتروح تشتري والكلام ده تركز معاه الحجات دي بخاف منها اوي انا بغير عليه بطريقه وحشه قولولي ده عادي وان ده خوف زياده مش اكتر ولا رايكم ايه بس هوا فعلا ماشاء الله جميل الدفعه بتاعته كانت بتتخانق عليه والدفعه بتاعي واللي قبلي وغيره ف انا خايفه بجد أن بنت تحاول تلف عليه

انا انسان غريب جدا لدرجة انى بحب جدا اتكلم مع البنات وش ل وش ولكن بتكسف جدا لما بقابلهم ومش بحب اكون معاهم وبحاول اهرب منهم مش عارف ليه انا عارف انى معايا امى واختى والمفروض اتعامل مع البنات عادى ولكن بتكسف بحس أنى عايز امشى واستخبى

انا اقدر افهم اي حاجه في الدنيا الا دماغ البنات بجد انتو بنفكرو ازاي في بنت اعرغها كلمت بنت صحبتي وسالتها ان كنت انا مرتبط ف صحبتي قالتلها لا والبنت عرفتها انها هايزه ترتبط بيا وبعدها صحبتي جت وعرفتني ف بقيت بتمشى مع البنت دي بعد الدروس كده كده هي معايا في معظم الدروس وكمان بنركب نفس الموصلات بس مكلمتهاش في حاجه وده كله احنا لسه صحاب عادي بس مره بعد مره لقيت البنت بترن عليا ومش بس كده لا دي كمان بتقولي انت مش هينفع تمشي معايا تاتي وقفلت ف انا استغربت وقلت اي العبط ده هي الناس اتجننت ولا ايه هو انا عملت حاجه طب المهم تاني يوم لقيت بعد م خلصت انا مديت عشان مكنت عايز اركب معاها في الموصلات والرقب انا عربيه غير اللي هترقب فيها بس لقتها مددت هي كمان وجت ركبت جمبي وقالتلي معلش انا مكنش قصدي حاجه بس انا مليش ف الارتباط وكده بقيت انا بقا هتشل عشان انا مجبتش سيرت الارتباط اصلا

تلاقي بس واحده كاتبه مشكله تلاقي كل الناس دخلت تتكلم وتنصح وتساعد وملايكه السماء كلها تبقا في البوست كومنتات كتير ولايكات وتفاعل محصلش قبل كده في التاريخ لاكن ولد اخييييي وحش ولد بكتب بوست ازي اخر لايك وكومنت مش اكتر كتير عليه اصلا كلو شغال حك وشقط زي صباح الخير عرفتو لي بقول بصوت عالي عالم منافق ومجتمع مريض بقي الحرام في الشاشات حلال اما قدام الناس لا مينفع احنا ملايكه ومنعملش ابدا شي غلط

عندي مشكلة غريبة، هي اني مش بعرف اتربط ببنت، بيبقا نفسي اوي بس ببقا خايف اخد الخطوة دي، بصراحة احترت اني احدد السبب.. زمان كنت بقنع نفسي اني علشان مش مقتدر ماديا وكدا .. لكن دلوقت الحمدلله الدنيا اتغيرت ١٨٠ درجة وجبت شقة ومعايا فلوس كويسة الحمدلله. بس نفس المشكلة ، معنديش الجرءة اني اكلم بنت واعبرلها عن مشاعري! مش عارف لية واي السبب ف كدا .. لما فكرة الفلوس أنها معطلاني اتشالت، بقيت بحس أن شكلي هو السبب! مع أني عادي مش وسيم ومش وحش يعني! بس مش قادر احدد السبب وحياتي واقفة وسني بيكبر كل شوية!

انا ف سكن بنات الحكاية انا دلوقتي ف تانية لما كنت ف اولي انا طبيعتي بذاكر كتير وبتاع المهم كنا تلاتة ف شقة بس ف اوضتي مكانش حد بس كانو قريبين مني المهم كنا صحاب خالص المهم هما مكانوش بذااكروو قوي لما بيشوفووني ايوة يدحيحة ويقعدو يعملو الحركات دي وكان بيكلمو ولاد وبتاع يعني مكنااش شبه بعض بس بجد كانو بدايقووني بس والترم التاني جات واحدة رابعة بسبعدناا انا وهما وجات الاجازة قعدو يقولو مالك واي اللى مدايقكك مننا مع ان ف تصرفاتت كتتير وقلت مفيش يعني مثلا اي يحاجة يسالوني يحسسوني اني بتخابث وبخبي والقرف دا وجيت سنة تانية اللى هوا دلوقتي معرفتش احول بس جات معيااا واحدة ف الأوضة غيرهم خالص هيا كوويسة بس برضو ف حتت المذااكؤة وبتاع والنووم بتاعنا مختلف بس انا بجبها ك شخص بجد تعبت ولما بقلهم ف البيت يقولوولي انتي بتتجلعي وانتي انا نفسي اتسددت عالمذااكرة والgpaالترم الفات قل والله الحمد لله على كل شي اناا اللى معرفتش احول من السكن مع انو كتمة ومفيش شباك والسكاشن نصها فايتهاا مش عارفة اعمل اي والميد فااضلوو اسبوع يعني بقول لو حولت مش حتاقلم بسرعة هناك بلص الترم خلاص ومعتقدش حلاقي سكن ولا اذاكر واقراا اذكاار واتجنبهم نهائي منتكلمش الا على قد الكلمة كدا ولا اكلمهم ولا يكلموني😪

سؤالي للبنات لأن الشباب هنا مش مقصرين قايمين بالواجب 😂 .. السؤال ممكن لما بتشوفي حد كاتب كلام عاجبك أو مصرح عن ميول معينة هل بيبقى عادي انك تتكلمي معاه و تتناقشوا و لو عجبكوا الكلام تكملوا ولا هنا مجرد بتشوفوا بس أو بتفضفضوا بس و فاصلين حياتكوا خالص عن هنا

السلام عليكم ورحمه الله وبركاته اولا انا ولد عندي ٢١ سنه وخلاص قربت اتخرج من الجامعه انا دايما كل علاقتي في الحياه عباره عن صداقه مع زمايلي عادي عمري ما دخلت في علاقه عاطفيه ولا عمري حتي كلمت بنت ولا جربت حتي اني اكلم بنت هل كدا انا صح ولا غلط وهل كدا انا بظلم الانسانه الي هرتبط بيها مستقبلا عشان معنديش خبره في التعامل مع البنات وكدا ولا ايه ؟

انا عندي مشكلة كبيرة من زمان اوي زمش عارف احلها ازاي انا اغلب افكاري عن ان انا اصاحب او اتكلم مع بنت حاجه من نوعية انه مينفعش او عيب هي متقالتليش قبل كده بالمعني الحرفي ولا انا معقد او كان في تشدد فالنقطة دي بس كنت بحس بكده وده خلاني شخص مش عارف يتعامل مع البنات وكده يعني علي الرغم من ابتدائي واعداي كان مدرسة مشتركة لكن عمري ما صاحبت بنت فالمرحلة دي حتي والواحد فاعلي نشاط بظني وهرموني فثتدانوي بردو نفس المشكلة وحتي اما دخلت الجامعة كانت مجرد صداقة بيني وبين بنات كده ومكنتش انا بردو اللي بادي كلام كانو اصحابي هما اللي متعرفين ع بنات دي وكنت بحس اني طرف تالت معاهم فالموضوع او مليش لزمة فالقعدة لاني بعد كده بقي كل واحد فيهم ياما مصاحب واحدة منهم يا مرةبط بيها فكنت شبة عازول فالموضوع وانا لما باجي اتكلم مع بنت وخصوصا لو معجب بيها بتلجلج وعقلي بيتشتت وبحس اني هنجت ومش عارف احل الموضوع ده ازاي وانا حاليا فاواخر العشرينات وحاسس ان الموضوع ده هيبوظلي حياتي فاني اتعرف ع واحدة او كده فيما بعد

عندي مشكلة أنو ما نعرفش نحكي ولا نعبر مشاعري و نلقى صعوبة باش نفتح مواضيع و بسبة هاذي المشكلة شحال من علاقة صراتلي فيها مشاكل خاصتا مع البنات عاونوني نلقى حل لهذي المشكلة راه متعبتني بزاف 💔

يا شباب انا كنت مرتبط ببنت ٣ سنين ومكنتش بكلم حد غيرها حرفيا ومخلص بزياده اوي لدرجه اني كنت مخليها هيه الجنس الآخر في حياتي ومكنتش بحب اتعامل مع البنات في التعاملات الحياتيه العاديه اختصارا ....كان فيه مشاكل بينا وسيبنا بعض تانيه جامعه وهيه بالمناسبه معايا في نفس الكليه المهم ان مشكلتي حبيت اني بحس اني مرتبك او متوتر علي خفيف او(بعمل تصرفات وبقول لنفسي بعدها ازاي انا يطلع مني كده انا ليه مش بكون مركز او حتي طبيعي) لما اجي اتعامل مع بنات مش عارف احل المشكله دي ازاي

أنا عايز افهم بجد لي البنات بتعمل كده ، يعني البت تكلمني تقولي خليك جمبي متسبنيش زي ماهما سابوني كلهم ورموني وانا اقولها أنا جمبك ومش هسيبك احكيلي في اي بس وانا هسمعك ، الاقيها تتقلب فجاءه وتكلم وحش معايا أنا !! يعني انا غلطان اني بستحملك ، الموضوع ده بيحصل مع أي واحده حتي لو معرفهاش بحاول اسمعها واريحها واكون حنين زي ماهي بتقول انها محتاجه بس للاسف البنات مش عايزه كده ، يمكن مش كلهم بس للاسف أنا اتحولت لشخص سادي وبقيت بتعامل بأسلوب وحش خاصه مع القريبين مني بسببكو

نقدر نقول إن مشكلتنا هنا احنا الشباب اننا عايزين حد يسمعنا و يحبنا و يدينا عاطفه من الاخر كده يعني (محتاجين نتجوز) طيب هنا شباب و بنات و نحاول نوفق مع بعض ممكن ربنا يرزقنا كلنا و حد فينا يبقي متجوز

نفسي الناس كلها تفهم حاجه عشان من كتر ما الناس بقت بتقارن البنات بالبنات اللي بيشوفوهم في الافلام و المسلسلات وعلى النت عامةً في بنات مننا افتكروا ان فيهم عيب مع ان الناس دي بيكون مطالب منهم انهم يكونوا كده انهم يكونوا حلوين و بشرتهم زي الفل وجسمهم مظبوط وان معندهمش استريتش ماركس ولا مناطق فيها غمقان ولا تعويرات باينه ولا ان يكون بيطلعلهم شعر في مكان ما يعني كلنا بنحاول نهتم بنفسنا عشان نكون حلوين بس كفايه ان الراجل يحط فدماغه ان لازم اللي يتجوزها تكون بيرفيكت فكل حاجه مع ان الرجاله اكيد هما كمان بيبقى في فجسمهم حاجات زينا بس عشان التركيز دايما بيكون ان البنت تبقى ولا غلطه فبقوا شايفين البنت اللي عندها كده فجسمها دي بنت مش نضيفه و انها مش بتهتم بنفسها و كلام كتير كده بس بجد دي الحقيقه اللي لازم كلنا نفهمها كلنا فينا عيوب وكلنا عندنا مشاكل فجسمنا بس والله الحاجات دي كلها طبيعيه وبتحصلنا كلنا حرفيا كلنا

عايزه أخد رأيكم في حاجة مهمة أنا يعتبر في مكان شغل بس لسه جديده وسمعت من كذا حد ساب الشغل دا إن المدير شخص مش كويس مع البنات سواء شات أو اوفلاين أنا دلوقتي محصلش تعامل ما بينا غير مرتين وهو كويس في التعامل بس مش قادرة اشوفه غير بالصورة والانطباع اللي أخدته اتعامل ازاي معاه؟؟ ولو حصل منه حاجة أواجه دا ازاي