30 Apr 2026يشعر بـ مرتبك
جماعه ازاي اكفي نفسي عاطفيا يعني انا عندي فراغ عاطفي ومش عايزه اصاحب ولا احب في السن ده عشان اولا حرام ثانيا عشان ارهاق للمشاعر فالسؤال هنا بيعدي عليا اوقات بجد فيها فراغ عاطفي شديد ومحدش من اهلي بيكون فاهمني . فانا عايزه بجد اعرف بالذات من البنات اللي بيحافظوا علي نفسهم من جو الصحوبيه والارتباط ازاي بتقدري تعملي ده .
تسمعى عن حاجة اسمها "جهاد النفس" ؟ علشان ابسطلك الفكرة تخيلى وزنك فوق الـ150 كيلو والمفروض تمشى على نظام معين الدكتور حاطتهولك علشان متزيديش اكتر من كدة، وظهر قدامك طبق فيه برجر لحمة مفرومة سخنة جاهزة عالأكل وفرنش فرايز وبيبسى نفس الفكرة.. ربنا حاطط نظام معين تمشى عليه علشان نحافظ بيه على طاقتنا اللى وصلت للحد الأقصى ليها، والمغريات موجودة قدامك، بس اية اللى يمنعك تقعى فيها ؟ بسبب الالتزام بالنظام الربانى؟ ولا خوفك من العقاب فالحالتين هو جهاد كل واحد وليه إيمانياته الخاصة المهم إنك متوصليش لإرضاء رغبتك على حساب قناعاتك ولو وقعتى فـ إنتى (بنى ادمة) توبى واندمى وارجعى
انتى إنسانة طبيعية لاتقلقي لو مكنتيش كدا يبقى عندك خلل .. ممكن اقولك حلول بسيطة .. اولا اكتبي مشاعرك خلى عندك نوت سرية اكتبي فيها كل مشاعرك دا هيفرق معاكى جدا .. ثانيا حاولى تشتغلى كل وقتك انتى واضح انك لسة بتدرسي ف ممكن تنزلى عمل تطوعى .. غيري المحيط الى حواليكي .. حاولى تبقى وسط صحبة بيتكلموا عن ربنا.. الصديقة الصالحة لما تلاقيكي هنقعى هتعينك وتذكرك بالله.. مش عشان المشاعر حرام لا ..عشان متضعفيش فلحظة وتديها لحد مايستاهلهاش.. فنفس الوقت البنات دى بيبقى عندهم نشاطات كتير وبيخرجوا سوا فاانتى هتحسى ان وقتك مليان .. والاهم من كل دا قولى لربنا كل حاجة جواكي زى م هى ومتخجليش من الله هو بس الى قادر انه يعينك 🩷
حاولي تملي الفراغ العاطفي انك تتعلمي تحبي نفسك وتهتمي بيها وتدعي دعم لنفسك بنفسك كأنك عايشة الحياة دي عشان تبسطي نفسك من غير ماتستني اي حاجة من اي حد
سلي نفسك في حاجه لعب رياضه دراسه شغل
اعملي عاده بنفسك
هالو يا دوك
ربنا يوفقك
يا اختي حرام ايه حبي على راحتك بس لا تدخلي علاقات و غير كده عيشي مرتاحة بطبيعتك العاطفية و ما تكبتي اي شيء و الله يسهل اك
خلى أصدقاء معاكى تفكى معاهم وتهزرى معاهم فى وقت فراغك بتفرق كتير
قطة هاتي قطة
ليكى أصحاب بنات ؟اعتقد دى ممكنه 🤣
العفو 🤣ازاى معدومة الهوايات أكيد فيه حاجات بتشدك اكتشفى نفسك 🤣
هوايات شوفى انتى بتستمتعى بإيه رسم مثلا أو قراءة روايات حتى لو ألعاب الألعاب بتضيع الوقت أى حاجه بتحبيها ومش بتحسسك بمرور الوقت
اولا مش بنفكر في الحاجات دي ثانيا بنملي وقت فراغانا دة بهوايات
نفس المشكلة ، لكن كل كلامهم تقليدي ومش حل اصلا بل بالعكس ... لو لقيتي حل فعلا قوليلي عالجتي الموضوع ازاي
انا عن نفسي بنزل جيم وان شاء الله ف الصيف هنزل سباحه انا زيك كدا وببق حزينه وبفكر نفس التفكير دا بس حرام طبعاً وان شاء الله ربنا هيجبر ب خاطرك ويرزقك ب راجل يستاهلك ويريح بالك وحاولي تسيطري ع اي تفكير سلبي ومتخليهوش يأثر عليكي خليكي انتي اقوى
حبى نفسك واديها الوقت ده اذاكان فى دراسه او شغل هوايه بتحبيها احنا بنكون بس واخدين ان الحب هو الى هيملى الوقت ووو ده الشيطان علشان يوقعك حفظى على قلبك بجد للشخص الصح علشان متهلكيش مشاعرك على الفاضى
رياضه وهوايات معينه تكون بتاخد وقت
نصيحه ومجربه بصراحه صحابك البنات اقوي واكتر ناس يقدورا يملوا ولكن صحابك اللي بجد اللي بترتاحي معاهم في الكلام وتحسي انك هاديه كدا وفرحانه بوجودهم حقيقي بيفرقوا جداً في حياتي وجودهم جمبي كان اكتر دافع ليا إن مفكرش في اي حد برا
خلي بالك دي فتنة كبيرة واوعي الشيطان يوقعك فيها لازم تحطي في بالك دايما ان الموضوع غلط وحرام وادعي ان ربنا يبعتلك ابن الحلال
الاجابة بسيطة لكن حرام