للناس اللي عندها خبرة في البنات و العلاقات عايز رأيكم اعمل ايه في بنت معايا في الشغل انا معجب بيها، و جاد في اني اخطبها مبتجيش فرصة اني اشوفها كتير في الشغل، بس في مرة لفيت معاها في مكان تبع الشغل على اساس بتعرفني على المكان و كده بدأت باني بادخل على الواتس اتحجج باني بسألها في حاجات تبع الشغل و كده و بعدها انا سكت فترة و رجعت يوم الاثنين اللي فات دخلت كلمتها بسأل عليها و على اخبارها عادي و لقيتها هي كمان فاتحة الباب و بدأنا نتكلم في مواضيع شخصية فجأة اكننا صحاب من زمان و الموضوع اتطور جدا في يومين بس بقينا بنتكلم كتير من اول اليوم لحد ما ننام و كان في تلميحات من طرفها و من طرفي يعني هي مثلا لقيتها مرة واحدة قالت -انا خطيبي لو شاف حياتي هيقولي ايه العبث = خطيبك! ربنا يتمملك على خير بس مكنتش اعرف انك مخطوبة - هي قالت لا انا بتكلم عن خطيبي في المستقبل، انا سنجل انا اعتبرت ده جس نبض منها بتشوف رد فعلي ايه او نيتي ايه بس الغريب انها جت بعدها بيومين بدأ اهتمامها يخف و ردودها تبقا باردة في ردودها شوية يعني جت يوم الخميس اسألها في اول اليوم " عاملة ايه في الشغل" ترد في اخر اليوم "الحمدلله" و ده مش طبيعي خالص و كرد فعل مني انا حسيت اني مينفعش اتكلم تاني طالما الردود كده و فضلت ساكت يوم الجمعة كله و هي متكلمتش ولا سألت جيت يوم السبت امبارح قولت اسأل كمحاولة اخيرة و بعدين هشيلها من دماغي، لقيتها رجعت بترد و بتهزر و ترغي تاني ،اتكلمنا شوية في اول اليوم و شوية في اخر اليوم و بعدين انا حاسس انهاردة من النوع صديقة الكل يعني مبتكسفش حد و ممكن مكونش مميز ولا حاجة و اللي عملته معايا بتعمله مع بقيت زمايلي عادي، اللي خلاني اقول كده ان كان في كذا موقف الاقيها بتتكلم و بتهزر مع زمايلي عادي اكن في بينهم سيم قديم انا معرفش عنه حاجة، و في واحد زميلي معين انا جوايا احساس عميق من طريقة كلامها انهم في بينهم حاجة حتي طريقة كلامها ساعات بلاقيها شبه طريقة كلامه المشكلة انا شخص دوغري جدا و واضح و مش عايز يتلعب بمشاعري كورة و اكتئب تاني بعد تجارب مؤلمة قديمة انا لسه على البر و متعلقتش بيها اوي و بفكر ابعد عن الحوارات دي بس خايف اكون بحكم غلط بناء على افترضات اعمل ايه؟
طالما انت دوغري وانسان صادق قدام ربنا، سيبك من الهزار والهئ داا وقولها انا عايز اتقدملك وعايز رقم والدها ! وشوفها هترد تقولك اي ! او اسأل كذا سؤال صريح كده مش هيقلل منك بالعكس ... دا هيريحك جدا بدل العبث دا والحيرة دي ، واقطع الشك باليقين ... وريح دماغك وحاول تبطل خااالص خالص تسأل وتكلمها رسمي شوف هتعمل اي لو عدي اسبوع ومكلمتكش خالص خالص وفترة كبيرة ولا حتي سألت عليك يبقي انت مش في دماغها عايز تصبر وتشوف بنفسك شوف مش عايز قولتلك ف السريع وبحلاال ربنا انك تنجز ومتعلقش نفسك وخلاص وراجع حساباتك تاني دي واحدة تؤتمن يعني لما تبقي خطيبها هتبطل تهئ ولا هترفض هل دي امينه تكون شريكة حياتك ولا لا ! يعني بجد انصحد بالبعد التام والسكوت وشوف الطرف التاني هيعمل اي خلي الايام توريك اي هيصدر من الشخص دا
من الاخر مستنيا منك رد فعل لو انتا جاد فاتحها وتوكل على الله قبلت رفضت زى ما تيجى
انت باين من كلامك انك شخص نقي مليكش فعلا ف اللف والدوران وباين انك كمان ملكش ف الحوارات دي ولا عندك خبره بس انا بقولك نصيحه اخويه بلاش انت تستاهل بنت ناس تكون احسن وشبهك مش مرتاح للموضوع بس اتمني اكون غلط ولو فيه ليبسينج ف الموضوع حاول تبعد لحد م الامور توضح متبقاش اندفاعي لتكوني فعلا زي م انت بتقول ع علاقه بصديقك او كذبت عليك او من النوع اللعوب والله اعلم
بص يصاحبي من راي انك تكرفللها بس بطريقة شيك يعني في الشغل خلي كلامك في الشغل وبس و لو كلمتك في حاجة غير الشغل رد باختصار كأنك مش مهتم خالص بيها واتقل عليها شويةفي الرد دا لو بعتت اللي انا عايز اوصلهولك انك تتعامل معاه عادي من غير اهتمام كأنها مش موجودة انت فاهمني ازاي