تردد

الشخص اللي كنت حانفصل عنه البارح لقيته عامل لي مفاجأةوشاريلي شغلة كنت حابتها من زمان ف ايش المفروض اسوي الحين اخذ الشغلة وانفصل ولا ارفضها ولا ايه الحكاية 😬 ماادري الصراحة والسطور مش عاوزة تخلص

انا فحيرة ، تعرفت على واحد من سنة ف التلفون وصارله فترة يريد يتقدم لي بس انا رافضة لأنه مو "My type" شكله مايجذبني وانا أهتم للشكل الصراحة مع المقومات الأخرى كالمال و الاخلاق ...الخ وصارحته بأنو ماراح يكون بيننا نصيب مع ذلك قرر يضل معي ومايبعد، ماقد جاب سيرة السوالف+18 ولا طلب مني ابعث صوري ولا أفتح كاميرا ، بعثت له صور من رغبتي وحدي ...مع العلم لساته يضل بين فترة وفترة يجيب سيرة الزواج ف انا محتارة الصدق بإيش تنصحوني مع العلم انو مبدئي ينص على عدم الزواج من اي انسان تعرفت عليه فالتلفون او حدث بيننا تعارف أيا كان عشان لاتصير مشاكل بعدين من قلة ثقة وغيره.. ماابغى اتزوجه من دافع شفقة وأندم بعدين وهو من النوم اللي يتكلم ويعبر عن مشاعره ف هو مغبون وحزين ويدعي كثير انه ياخذني واكون من نصيبه ، ماادري ليش الإنسان اللي يحب من قلبه يلقى رفض من المحبوب ...أريد رأيكم

في حاجه معينه عايزه اعملها بس في نفس الوقت مش هبقى مرتاحه وانا بعملها ولا هستفاد اي حاجه. الفكرة نفسها مسيطرة على تفكيري ومهما بتجاهلها مش بعرف. اللي مضايقني أنه مش هستفاد حاجه ولا هوصل للي انا عايزاه و رد الفعل من الطرف التاني هيبقي سخيف ولو مبقاش سخيف فهو برضو مش هيعجبني وهيبوظ اللي بقالي اكتر من شهر بعمله. دلوقتي واقفه في النص مش عارفه اتجاهل الفكرة وخلاص

انا عندي مشكله و مش عارفه اعمل ايه انا طنت مرتبطه بحد خمس سنين و سيبنا بعض عشان خانني المهم اتي كنت فاكره اني موفد اون بعدها ب خمس شهور قابلت واحد معايا في الكلية و طلع كان بيحبني بقاله سنة و حاول معايا المهم قولت اديه فرصه لأنه كان ناوي يخطبني و انا فعلا كنت حاسه اني بحبه و اتعلقت بيه و لو كنت طلبت منه يجيبلي نجمه من السما كان هيجيبهالي و كان معرف اهله كلهم عني و حاجات كتير كويسة بس مع الوقت كنت في الفتره دي بدأت احس اني لسه متخطيتش الاولاني 100% و التاني بدأت عيوبه تظهر هي كانت عيوب ممكن استحملها لو كنت بحبه عادي بس عشان مكنتش تخطيت فا ده اللي خلاني مستحملش و اني كده هظلم التاني معايا فا قولتله اني مش عايزة اكمل و لأني كنت مفهماه اني لو مرتاحتش هقوله و مش هكمل و لأننا اصلا مكملناش شهرين بالظبط الكلام ده كله كان من شهر ٨ السنه اللى فاتت من ساعتها و هو حاول يرجعلي كتير اوي و كلمني كتير و كان فعلا حياته صعبه بسبب اني سيبته و انا ضميري في الفتره دي كلها كان مأنبني و في نفس الوقت كنت بعمل موف اون من الاولاني و عملت الحمد لله اخر مره التاني كلمني فيها كانت من ٣ اسابيع تقريبا و قالي كل اللي حواه و انه مش عارف ينساني و كلام كتير اثر فيا اوي ( ده غير اني بقالي فتره بدأت احن للتاني بس مبينتلوش ) و احساس اني خايفه اوي اكون ضيعت حد بيحبني من ايدي فا انا متلغلطة و مش عارفه اعمل ايه هل اكلم التاني و اقوله اننا ممكن ننزل من باب اننا نحل المشاكل اللي بيننا و اني ادي فرصه تانيه لعلاقتنا ولا اعمل ايه محتاجه فعلا حد يقولي حل

فيه زميل شغل لفت انتباهي، بينا تعامل كويس وهزار خفيف جداً في حدود الشغل. حابة أعرفه أكتر، بس من غير ما أبقى تقيلة أو أبان إني بجري وراه. أعمل إيه؟ انا بس عندي فضول ناحيته وهو كمان بس مش عارفة ممكن اتعامل ازاي خصوصاً اني بتعامل مع الكل عادي وساعات بنهزر بس هو بيفضل يبص والتعامل بينا اقل من باقي الزمايل بس ساعات لو مش حوالينا حد ممكن يقول حاجة او يهزر هزار خفيف

قدامي فرصة تطوع يااما في الميديا أو التنظيم ، الميديا عبارة عن تصوير، مونتاج، ايديتينج ،البوستات اللي هتنزل ع البيدج وكده ، أنا بحب التصوير و كنت بتعلم مونتاج بس ده من فترة كبيرة اه هكون فاكرة شوية حاجات و بعرف فعلا بس مش واثقة في مهاراتي بصراحة و في التصوير بردو مش واثقة أوي، التنظيم بالنسبالي هيكون سهل يااما مسؤولة عن الجيفتات أو مسؤولة عن الهدوء في القاعة وهكذا يعني بس أنا مش حاسة هكون مرتاحة وانا واقفة اسكت ده و ده مش بحب السلطة دي فاهمني مش قصدي انها مكانة متليقش بيا يعني اقصد إني لو مكان البنات مثلا مش هحب حد يقولي اسكتي حتى لو أنا بتكلم ( هتبقى بجاحة طبعا بس هتحرج ف مش حابة اسبب ده لحد يعني ) يارب تكونوا فهمتوني ساعدوني بقى اختار اي ، ده غير اني مترددة اصلا اقدم ولا لا حاسة اني مكسوفة و محرجة اتعامل مع الناس وكده على عكس السنة اللي فاتت كنت متحمسة اشارك و روحت الانترفيو و اتقبلت بس اعتذرت عشان ظروف عندي و وقتها مكنتش مهتمة بحوار التطوير كنت بشارك اهاڤ فان بس لكن السنة دي انا مهتمة أطور السوفت سكيلز خصوصا و عايزة ابدأ أظهر وكده بس محرجة أوي حاسة مجرد التفكير دلوقت هعيط😭

عايزة أبدأ بيدچ أنزل عليها كتاباتى ومش عارفة أبدأ منين وكده لأن الموضوع من زمان في دماغي ومش عارفة أخد الخطوة فيه ونفسي أتعرف لأن بقالى 5 سنين بكتب، فممكن نصايح للمركيتينج وإزاي أكبر العدد وكده

في بنت معايا في الشغل معجب بيها و شوفتها مرتين و دخلت اتكلمت معاها اسبوع تقريبا و بعدين اتصلت بيها اعترفتلها اني معجب بيها و عايز اجي اتقدملها اخدت يومين بتفكر و انا ساكت، و دخلت كلمتني قالتلي انها لسه مش عارفه تفكر و هتصلي استخارة و اليومين اللي بعد كده فضلت تتكلم معايا و نرغي اكن مفيش اي حاجة انهاردة قالتلي على قرارها، انها شايفه انها مش عارفه تاخد قرار و لسه متعرفنيش و مش عايزة تظلمني معاها انا بقولها طيب ما احنا ممكن نتعرف عادي و تاخدي وقتك انا معنديش مشكلة ، قولتلها صارحيني هل مفيش امل و ابعد خالص ولا في امل ١٪ لو عرفتيني و ساعتها انا هعمل المستحيل عشانك هي ردها انها معندهاش مشكلة معايا كشخص بس تفضل اني ابعد ، عشان مش عايزة تعلقني بيها و تشوف في الاخر اننا مش شبه بعض و تسببلي تروما و تشيل ذنبي دلوقت انا اعمل ايه، عقلي بيصورلي انها محتاجة مني اثبتلها اني متمسك بيها فعلا و اكمل و اخليها تعرفني ولا خلاص كده ابعد و مفيش نصيب خالص

انا ولد الاكس رجعت امبارح كلمتني وقالتلي أنها لسه بتحبني وعاوزاني نرجع أنا مش مرتبط بس متردد نرجع ولا لا سبب الانفصال اني كنت بمر بفتره وحشه وهي ماوقفتش جنبي بقالنا يجي سنه منفصلين بس مش عارف هي كل فتره تقول تعال نرجع امبارح حسيت نفسي كنت هحن بس مسكت نفسي لاخر لحظه انا مش عايزها وعاوز انساها بجد اعمل ايه

ممكن اماكن دكاتره نفسيه كويسه في اسكندريه....وحد يفهمني بظبط اي الاحسن وهل لازم ولا لا عشان انا مش عايز اروح بس حالتي بتسوء Is there a place for good psychiatrists in Alexandria? Someone can tell me exactly which is better and whether it is necessary or not, because I don’t want to go, but my condition is getting worse.

من فترة صارحت بنت بمشاعري بعد فترة طويلة من المعرفة والارتياح في الكلام بينا. قبل الاعتراف كنا بنتكلم براحة وعفوية، وكان بينا هزار وونس وتواصل مستمر، وكنت بحس إنها من أكتر الأشخاص اللي بقدر أحكي لهم وأكون على طبيعتي معاهم. بعد ما صارحتها، الأمور اتغيرت بشكل ملحوظ بالنسبة لي. هي قالت إنها محتاجة تحط حدود أكتر وإنها بقت متغيرة مع ناس تانيين كمان، وإن ده نوع من حماية نفسها. المشكلة إني حسيت إن طريقة الكلام والردود بقت مختلفة عن اللي متعود عليه، وبدأت أحس بمسافة بينا. كل ما كنت أحاول أفهم أو أوضح إحساسي، كانت بتطلب مني إني ما أفترضش حاجات أو أبني سيناريوهات من دماغي. وهي شايفة إن عندها ضغوط ومشاكل ومسؤوليات، وإن مش لازم تشرح كل حاجة بالتفصيل كل مرة. أما أنا فكنت حاسس إني تايه بين حاجتين: هل اللي بيحصل مجرد حدود جديدة وضغط عندها؟ ولا ده بداية ابتعاد تدريجي بعد ما عرفت بمشاعري؟ وصلت لمرحلة إني بقيت أتردد قبل ما أبعت رسالة، وأفكر كتير قبل ما أقول أي كلمة، وأحلل الردود بشكل مرهق. الشخص اللي كنت بجري عليه لما أكون مخنوق، بقيت أحيانًا بخاف أكلمه أو أحكي له. في نفس الوقت هي ما قالتش بشكل مباشر إنها مش عايزاني في حياتها، وما قطعتش التواصل تمامًا، لكني بقيت حاسس إن شكل العلاقة اتغير، وده سبب لي ضغط نفسي كبير خلال الفترة الأخيرة. دلوقتي أنا واقف عند سؤال واحد: لما شخص يكون مهم عندك جدًا، وتحس إن طريقة تعامله معاك اتغيرت بعد ما عرف مشاعرك، هل الأفضل تفضل تحاول وتحافظ على العلاقة بالشكل الجديد؟ ولا تبعد بهدوء وتحافظ على نفسك من الاستنزاف النفسي؟ بصراحة أنا تعبت من التفكير، ومش عارف إذا كنت متأثر زيادة عن اللزوم، ولا إحساسي في محله وابعد ولو هبعد اقولها واصارحها قبل ما ابعد بكل الكلام الجوايا ولا اختفي وخلاص مع العلم ان انا خايف يكون اختبار مستفز لمدي حبي واستمراري في العلاقه ولو بعدت يبقي انا من وجهة نظرها مش بحبها وبجرب حظي او اي حاجه بقي ممكن تتفهم ده غير ان انا بنزل استوريهات واتس كتير وولا حياه لمن تنادي وتجاهل رهيب حتي في كلامنا بتقول مش فاهمه مالك .. لما اقول لوحده انا مخنوق ومضايق من كذا وكذا والاقيها بتقول ماشي بدل ما تتكلم وتهديني او تفهم تفاصيل اكتر او حتي تبرر لا يبقي الرد ماشي.

للناس اللي عندها خبرة في البنات و العلاقات عايز رأيكم اعمل ايه في بنت معايا في الشغل انا معجب بيها، و جاد في اني اخطبها مبتجيش فرصة اني اشوفها كتير في الشغل، بس في مرة لفيت معاها في مكان تبع الشغل على اساس بتعرفني على المكان و كده بدأت باني بادخل على الواتس اتحجج باني بسألها في حاجات تبع الشغل و كده و بعدها انا سكت فترة و رجعت يوم الاثنين اللي فات دخلت كلمتها بسأل عليها و على اخبارها عادي و لقيتها هي كمان فاتحة الباب و بدأنا نتكلم في مواضيع شخصية فجأة اكننا صحاب من زمان و الموضوع اتطور جدا في يومين بس بقينا بنتكلم كتير من اول اليوم لحد ما ننام و كان في تلميحات من طرفها و من طرفي يعني هي مثلا لقيتها مرة واحدة قالت -انا خطيبي لو شاف حياتي هيقولي ايه العبث = خطيبك! ربنا يتمملك على خير بس مكنتش اعرف انك مخطوبة - هي قالت لا انا بتكلم عن خطيبي في المستقبل، انا سنجل انا اعتبرت ده جس نبض منها بتشوف رد فعلي ايه او نيتي ايه بس الغريب انها جت بعدها بيومين بدأ اهتمامها يخف و ردودها تبقا باردة في ردودها شوية يعني جت يوم الخميس اسألها في اول اليوم " عاملة ايه في الشغل" ترد في اخر اليوم "الحمدلله" و ده مش طبيعي خالص و كرد فعل مني انا حسيت اني مينفعش اتكلم تاني طالما الردود كده و فضلت ساكت يوم الجمعة كله و هي متكلمتش ولا سألت جيت يوم السبت امبارح قولت اسأل كمحاولة اخيرة و بعدين هشيلها من دماغي، لقيتها رجعت بترد و بتهزر و ترغي تاني ،اتكلمنا شوية في اول اليوم و شوية في اخر اليوم و بعدين انا حاسس انهاردة من النوع صديقة الكل يعني مبتكسفش حد و ممكن مكونش مميز ولا حاجة و اللي عملته معايا بتعمله مع بقيت زمايلي عادي، اللي خلاني اقول كده ان كان في كذا موقف الاقيها بتتكلم و بتهزر مع زمايلي عادي اكن في بينهم سيم قديم انا معرفش عنه حاجة، و في واحد زميلي معين انا جوايا احساس عميق من طريقة كلامها انهم في بينهم حاجة حتي طريقة كلامها ساعات بلاقيها شبه طريقة كلامه المشكلة انا شخص دوغري جدا و واضح و مش عايز يتلعب بمشاعري كورة و اكتئب تاني بعد تجارب مؤلمة قديمة انا لسه على البر و متعلقتش بيها اوي و بفكر ابعد عن الحوارات دي بس خايف اكون بحكم غلط بناء على افترضات اعمل ايه؟

انا في بنت بتحبني جدا وانا معرفتش ابادلها نفس الشعور ومش مقتنع اننا نكون سوا لسبب اني مش مقتنع فيها بكل صراحه احيانا بفكر فيها وبقول ليه ما اخدهاش وهو مين يلاقي حد يحبه كده واحيانا اقول هظلمها معايا وانا اصلا بتمنى اتجوز واحده ابص عليها اتبسط مش واحده اقنع نفسي فيها ،مرضتش اخش معاها بالجد عشان حاسس اني هظلمها وهبص عغيرها ومش هتكون ماليه عيني هل انا تفكيري غلط ولا تصرفت صح؟

في بنت معايا في الكلية كنت معجب بيها وكان بيتم ما بينا تبادل النظرات وكذا ومكنتش عارف اوصل لحسابها او اي حاجه لغايه ما الترم خلص وبالصدفه لقيت حساب ليها وعايز ادخل اكلمها في ناس بتقولي متدخلش ومتبدأش علاقه حرام وناس بتقولي ادخل كمان انا بالنسبالي اني اقعد احب فيها من بعيد ومترفضش دا احسن من اني ادخلها واترفض تنصحوني اعمل ايه؟

عارفه اني غلطانه بس انا عايزه اصلح غلطي انا السنه دي اتعرفت علي ناس كتير وناس كتير دخلت حياتي وانا مكنتش كده ولا عيلتي كده كلهم كويسين ومش بتوع مشاكل ولا حوارات المهم اتعرف علي واحد من فتره قريبه وكنا بنتكلم وكده راح قالي انتي تبقي اي ل فلان اللي هو ابن عمي وأنا من وقتها وأنا عقلي هيفرقع طيب اعمل اي أو مش عارفه متلغبطه

مشكلتي اني مش قادر احدد نهائي انا عاوز ايه من البنت اللي عاوز اتجوزها و اختارها علي اي اساس بتشتغل ولا مش بتشتغل محجبة ولا لا بيضة ولا سمرا بتدرس ولا مخلصة دراسة مفيش اي تفضيل لأي شئ و مع كل دة عاوز اتجوز وبقول للناس دورولي علي عروسة مواصفاتها ايه؟ ماعرفش

هاي يا شباب حابب اتكلم معاكم عن كذا معايا أول مشكلة ........ الواحد في حيرة من أمره في المشكلة دي علشان تعب من الزهق والعطلة دي 🥲😑 في مجالي شغلي في نوعين من الناس أو العملاء أول نوع مش عايز يدفع أو مش فاهم أصلا الموضوع ولو دفع يبقى آخره أرقام حرفيا لا تذكر النوعية التانية فاهمة وشغلهم حلو جدااا وفلوسه أحلى بكتييييييييييير بس المشكلة في نادر تلاقي العميل دا وصعب خصوصاً إني أنا بشتغل as Freelancer يعني مش تحت مظلة شركة العميل من النوعية التانية بيتطلب أحياناً أكون تحت مظلة شركة ودا بيغلي السعر والتكلفة وبيخلي الموضوع يدخل في اتفاقيات بين شركتين وفين وفين لما الموضوع يخلص ويتم ونبدأ شغل .... ووراد الشغل أصلا ميتمش وميجيش ودا طبيعي أصلا في أى بزنيس الحيرة بقى يا اما أصبر على النوع التاني يا إما اشتغل بالنوع الأول بس علشان أجيب مصاريفي ودا هيضرني فيما بعد أصلا المشكلة التانية هحاول اختصر فيها تتعلق بالارتباط .... في حد انا معجب بيها جدا جدا وشخصيتها شايفها مناسبة ليا بس فيه مجموعة عواقب كتيييير واقفه سد في الموضوع دا أولها أهلها مش مناسبين معانا .... عادتهم تقاليدهم ثانيا احتمال تسافر أصلا من مصر وخلاص كدا نوت: هي متعرفش خالص ولا من أساسة اني معجب بيها هل أخد خطوة مع أهلي هيرفضوا دا حاليا ؟ وأقف قصاد أهلي انا هل أخد خطوة علشان أضمنها لأنه بيجيلها عرسان كتيير وهي بتفرض وبس كدا 🙃 ولو وصلت/ي لهنا فأنا بشكرك جدا

في بنت كنت متعرف عليها من مكان كورسات والمهم بطلنا نشوف بعض علشان الكورس انتهي وطبعا مسجلين بعض المهم كل لما افكر اكلمها بكبر دماغي انا بحبها وهي بردو متجاوبة معايا بس الفكره دايما بتخليني انا ابادر ف علشان كدا فكستلها وبطلت ابعت مع العلم لما بلعت بترد بسرعه بس الفكره اني بفكر فيها بردو بس بقول لعقلي متبعتش ف مش عارف اعمل ايه رغم عندي خيارات تاني بس هي عجباني 🙂

Hi. انا كنت مرتبطه بحد من سنتين و سبنا لبعض بسبب مشكله منه اول سنه اذانى نفسيا كتير من كلام و حاجات كتيره و كان كل فتره يحاول يرجع و انا برفض و يرجع بعدها يقول كلام مش فيا و انا يعنى ف الفترات دى كنت بتعرف على ناس و مش بكمل لحد ما فيه حد هو كان بيحبنى و مع الوقت قربنا و و بقينا ف ريليشن بس فيه بينا احتلاف شويه هو كويس بس بيحصل خناقات على اتفهه حاجه مؤخرا رجع الاكس تانى و انا رديت و اتكلمت و حسيت ان فعلا بحن بعدين علاقتتى مع الشخص إلى مفروض معاه بدأت ازهق و احس انى مش عايزه اتكلم لحد ما قولته خلاص مش عايزه اتكلم و هو لسه بيحاول يرجع بس انا لما بدأت اراجع نفسى انا كنت مرتاحه مع الاكس اكتر دا قبل ما نكون ف ريليشن كان بيحاول كتير و يحبنى و اهتمام و حاسه انى بعد ما بقينا مع بعض دا أقل بس و انا مش عارفه اديله فرصه تانيه و لا اعمل اى

هاخد رأيكو في مشكلة عندي ، دلوقتي من شهور كنت اتعرفت علي بنت وكانت فعلا نيتي جواز بس ظروفي كانت صعبة ومع ذلك كنت بحاول وقولتلها ان عندي استعداد اني اقابل اهلها وحرفيا كنت بتحدي الظروف مش هضحك عليكو واقول اني حبيتها بس هي كانت شخص مريح بالنسبالي وانا كنت بدور علي الاستقرار ، المهم صارحتها وهي كانت شبه موافقة ، المشكلة ان في حاجه انا مش قادر افهمها العلاقة دي استمرت شهور ، هي بتيجي فجأة وبدون اي سابق انذار وبتختفي وترجع تظهر تاني وتبرر داا ، وفجأة اختفت كذا شهر ورجعت ظهرت تاني ، السؤال بقي انا المفروض اعمل اية ، هل احاول تاني معاها ولا انسحب بهدوء

جماعة عندي مشكلة كبيرة جدا -مش كبيرة ولا حاجة ولا مشكلة أصلا- بنعرف ازاي إننا بنحب حد؟ ومحدش يقولي طالما سألتي السؤال دا يبقى مبتحبيهوش 😭 وإيه تفسير إننا نبقى حابين حد شوية ونتقفل منه شوية وهكذا؟

عندي فترة متعرفة على واحد مصري ونا مش مصرية مالفايس بس و نتكلم واتس مرات مكالمات و نادرا فيديو كول...الشخص هذا توافقت معاه جدا ...يعاملني بطريقة محترمة و يبين انه معجب بي و مرات يصرح انه يحبني ...اما انا عادي ..انجذبت ليه مؤخرا و من اول مرة متفقين انه يعنل خطوة و يتقدم فكنا بنهيأ الوضع ..شوية بشوية نتعرف على بعض و اسئلة ووو مرة كلم ماما و تعرفت عليه .و بعدها بشوية كلم اخي و قاله مرجبا بيك تجي تخطب ..و كل الامور تمام هو حاليا يجهز ف امور الفيزا ووو اما انا لصبحت مترددة و متخوفة لما صارت الامور تمشي و تتحقق ..هو صح اثبت انه يريدني ك زوجة و بناء اسرة ووو الموضوع اني انا خايفة يكون يمثل علي و لا مخبي علي امور ولا يطلع مجرم ولا يرميني بعد زواج ولا يستغلني ..حتى ان اسال عليه في بلده مالقيتش فرصة وخصوصا كل حكايات لي نسمع بهم كارثة من زواج بأجانب المهم حابة وحدة تكون من مصر محافظة البحيرة ولا سيموحة ..لو تقدر تقدملي مساعدة اسألها عن الشخص هذا

مش عارفه ، عماله أأجل جلساتي النفسيه خوفًا من أنها تشخصني بيه ، ولاني متاكده أن كل حاجه تدل على أنه عندي هو واضطراب ما بعد الصدمه ، اكمل الجلسات ولا لا ؟ خايفه ادخل ف دوامه كبيره وخايفه اسيب نفسي للعبث اللي انا فيه دا

بفكر اشد الفيشة وافصل تماما، مش عارف اعملها ولا لا الحاجة دي مخوفاني بخاف من اللحظة اللي فعلا ببقى محتاج افصل فيها لإني بفصل بطريقة غلط وطريقة مؤذية، زي ما قلت دة الصبح ودلوقتي انا عايز اعمل دة المشكلة اني شايف ان العواقب من دلوقتي وخيمة

دماغي مسوحاني بقابها يومين عشان اخش اكلمها وانا اساسا قفلت الموضوع عشان انا مش جاهز نفسيا اني اتقدم واخد خطوه الفتره دي بسبب علاقه قديمه وكمان الكلام متقفلش باحسن طريقه وحاسس اني جرحتها بس هو كان شر لابد منو عشان هي تستاهل اكون معاها وانا في احسن حالاتي ومكانش ينفع اسيبها متعلقه في وسط الكلام كانت بتقولي يعني انت هتقبل تشوفني مع حد تاني انا فضلت كتير مش عارف ارد بس انا فعلا مش جاهز ومش هوقفلها حالها فكرت فيها قبل ما افكر في نفسي المشكله اني اتعودت عليها تكون في يومي مش عارف اكلمها اسال عليها ولا لا...

حبيت افرحكم يا اخواتي اخوكم لسه جايب نتيجتي انهارده ونجحت جايب 75% بس المشكله اني خايف من تالته ثانوي والبيت هنا محسسني انهى سجن ومحدش طايقني من بعد ما حولت ادبي علشان شوفت انهى انسبلي وبحب موادها او على الاقل بعرف اذاكرها ازاي مبقاش زي ابن خالتي وازاي مبقاش زي ابن صاحبت امي دكتور او مهندس اللي مشتتني اكتر اني مش باني لنفسي هدف بعد الثانوي ولا كليه ادخلها ف انا بتردد كل يوم اكتر من اللي قبله

عندي مشكلة كبيرة وهي لمن نحتكم.. في حاجات بتكون واضحة ايه الصح فيها وايه الغلط.. يعني انت مش محتاج موجه او مينتور علشان تعرف انك لازم تذاكر علشان تنجح او انك تذاكر شغلك علشان تترقي.. وبردوا انت مش محتاج شيخ يعني تعرف ان الكذب و السرقة و الزنا حرام او غلط.. المشكلة دلوقتي بتكون فيه حاجات مش واضحة يعني خير البر عاجله ولا في العجلة الندامه ( ده مجرد مثال بلاش تضيق مخك فيه ) يعني بما انك مش هتعرف تغوص لآخر كل مجال علشان تكون فاهم كل اسسه ، مفروض تعمل ايه في الحاجات الضبابية او البينية او المش واضحة.. عارف انك هتقولي مفروض تروح لشخص مختص في المجال ده بس المشكلة الجديدة هنا بما اني مش فاهم او مش عارف ازاي هحكم عليه انه الشخص الي هروح ليه هو خبير في المجال ولو قلتلي انك هتروح علي سمعته طيب الناس الي رشحته كانت هتعرف منين هو فاهم ولا لا ، حتي لو كان ليه اسم ومكانه ، طب ما فيه ناس تانية ليها اسم ومكانه بيرشحوا راى مخالف ليه او الراي الي انت محتار فيه ... وهنا المعضلة تعرف اي ان الشخص الي انت رايح ليه هو ف الاساس فاهم وبعدين تعرف منين انه مش مجرد شخص منجرف لراي معين او عنده فكر معين هو مقتنع فيه وبينصح بيه وازاي تتاكد انه الراي ده هو الي صح مع العلم ان اكيد في ناس تانيه تنادي بالراي التاني اكيد

انا عارف اني الي هقوله ممكن يبان غريب بس انا عندي رعب من تجربه سيف زون بخاف اخرج براها يعني لو في حاجه جديده هعمله اقدم علي شغل اجرب اروح حتي جديده مبقاش عايز أو بمعني الأصح اني خايف اجرب معرفش ايه الي ممكن يندم في كدا لاكن انا اكشتفت اني بعمل كدا تلقائياً

اتسائل في أحيان كثيرة ماذا سيحدث عندما أجد غايتي، عندما تحدث الأمور كما أريد، ماذا لو كان هذا هو الشخص المنشود، هل سأستطيع التيقن من أنه هو، وهل سيكون لدي ما أقدمه له بعد كل هذه الخسارات، أسيكون بجبعتي طاقة له أو وقت أعطيه إياه، ماذا إن كان هذا المكان لي وهؤلاء الأشخاص هما مأمني حقا هل سأستطيع أن أكون نفسي معهم. أخاف من أن يفوتني ما هو لي لخوفي من النجربة، أن أخذهم ذنب أناس آخرين. ولكن أعلم يقينا أن ما أقدارنا تساق إلينا

جماعه انا معايا رقم امه بفكر ابعتلها او ارن عليها المشكله انه مش عارف ان رقم امه معايا اصلا😭😭 بس مش عارفه هل ابعتلها او ارن عليها والا اعمل ولو عملت اقولها اي المهم اني اقهره بجد هو اصلا مظنش هيعرف انه انا

انا مرتبطة بشخص ديوث و بخيل أنا بعرف شخص من خمس شهور وخمس شهور كل يوم بحس عليه حاجات غريبة جدا أول حاجة إن هو بخيل جدا جدا وإنه بارد في المواقف مش بيغير ابدا وأهله هو بيحكي عنهم إنهم بخلا وكمان ناس اعترفت انو هو بخيل حد مقرب منو فأنا بحسبه وبقول عليه إنه ما بيعرفش يعبر ما بيعرفش يعني حاجة لكن لأ الموضوع لازم نلقلو حل أنا بحبه بس ما بعرفش إذا حاجة كويس بالنسبة لي أنا بفكر إنه أنا مش عارفة يعني أنا شايفة عادي ممكن أنا أصرف عليه ما عنديش مشكلة لكن أنا بتكلم عن أنا أعمل إيه هو مش اغلب الأوقات مش موجود بس هو مش بيخون يعني هو عمره ما بيخون وأنا متأكدة منو فأنا مش عارفة أنا أعمل إيه هل أنا أكمل معاه ولا أشوف حد يرضيني أنا شايفة إن ده مش حب أنا شايفة إن هو بعاملني كصاحب

أنا متجوزة من ثلاث سنين وعندي طفل سنتين مكنتش بعرف زوجي قبل الزواج يعني صالونات بس كان في توافق مشكلتي هو أنو غامض وكلامو قلييييل جدا وبحس معندوش شخصية بحكم انو تربى على يد أب قاسي جدا وأم ضعييييفة الشخصية ليومنا هذا هو متردد فاي حاجة مثلا نشتري ثلاجة لازم يسأل عليها كل الناس يعني الناس كلها بتعرف احنا هنشتري ثلاجة وناخد شهور فحاجة بسيطة على عكسي انا محبش التأجيل ومحبش اسأل كثير وعصبية وهو بيستفزني بسمي علاقتنا أنثى الصقر وذكر البطريق انا بكره انو غير مبدع حتى في علاقتنا شخص ممل لا يفتح حديث ولا يكمل حديث وانا صراحة تعبت جدا ومرضت كل الناس بتحسدني عليه لانه وسيم وطيب بس أنا معه بعاني من كل الفراغات اللي في العالم

مين دايما بيفكر في الماضي وبيشوف انه قصر في حق نفسه وانه المفروض يكون في وضع افضل بكتير من دلوقتي ...والتقصير مثلا في التعليم في الدين او الشغل او العلاقات الاجتماعية وفرص جات من غير استغلال كويس..وكمان تردد في اتخاذ اي قرار و طبعا في الاول والاخر الحمدلله على كل شيء .

ليه بزعل بعد ما بوصل للي انا عايزاه واللي فكرت فيه كتير وخدت القرار عن حكمة والمفروض انا كده ريحت واستريحت بس لا انا زعلانه وخايفه اكون اتسرعت (بفكر في الموضوع بقالي تلت شهور) وحاجه عبثية ومش مفهومة

يا جدعان بنتاكد من القرار الي اخدته ده صح ولا غلط يعني بتعرفه ازاي انك مش هتندم بعدها لاني حاليا حاسس اني ندمان في الي اخدته و في نفس وقت لما كنت بفكر فيه بقول اكيد ده الاحسن ـــــــــــــــــــــ

بتعلموا ايه لما تحصوا أن علاقه او الصحاب دول مش هينفع تكمل أو ميسحش تكمل الي هو انا عارف دي اخرتها ايه و أن مكان مش مكانك بس في نفس وقت مش عايز تمشي علشان متحسش بالندم و تحس انك ضيعت حاجه من ايدك

يعني ايه اعرف شخص من ٨ شهور تقريبا و هو معايا في الجامعة و اكبر مني بسنتين و كان بشرحلي و يساعدني و دلوقتي و بقالو الوقت دا كله بيعمل معايا effort تحفة يسأل كل امتحان و يطلب ننزل و كل دا و لسه مقالش حاجة تفتكرو هو عنده مشاعر ولا عاجبه الوضع اللي هو فيه و من رأيكو انا اعمل ايه معاه

طيب نصيحه في السريع منه دلوقتي المفروض ان في واحد اصغر مني بسنه المفروض اني مش هشوفه تاني انا بحبه الحب اللي هو عادي الفكره انه هو بيحبني الحب اللي معرفش بس صحابي بيقولوا انه بيحبني بجد فااا مش عارفه انا دلوقتي عاوزه اكلمه واقوله ان تباااا والله يعني بس المكان هيبقى دمه تقيل من غيره وصراحه مش عاوزه افطع الجوابات بينا ولا الرسايل عاوزه نتكلم علطول لانه شبهي شبه رخامتي وهزاري بس دماغي مش في حته تانيه والله فاااا انا دلوقتي عاوزه ابعتله

زي ما قولت قبل كده اتنين بيحبوني ف كل واحد بيثبت الي انه عوزني وشاريني كل واحد فيهم بيثبت احسن ما عنده كل واحده بيحاول باقصى شكل يعمل المستحيل عشاني خايفه اختار غلط والاتنين عوزين يجي يتقدمو ومش عارفه اختار مين وصليت صلاه استخاره وحاسه اني متلغبطه برضو ممكن حد يقولي حل🙂🙂

ازاي بتقدر تقنع نفسك بالجواز او الارتباط او علاقة طويلة من غير ما يكون عندك قلق من المسؤليات او فقدان حريتك او قلق من أنك تزهق من الشخص او يزهق منك او أنك تخلف طفل تبقى عارف انه هيعاني اوقات كتير بسبب قرارك ده ازاي نقدر نتغلب ع ده كله ملحوظة أنا راجل

في حاجه غريبه مش عارف ليه بتيجي ليا يعني مثلا لما حد يقولي تعالي ننزل نروح في حطه بضايق اوي و مش ببقي عايز انزل يمكن انا بيتوتي شويه و في نفس وقت لما صحابي بيصروا انزل حرفيا مبندمش اني نزلت بس كل مره بعمل نفس الحركه الي هو انا نازل أهو و مش بنزل الي بالعافيه و مشكله بردك أني ولا بندم اني قعدت في بيت في حالتين مش بندم بس بنبسط اكتر لما بخرج برا الي عنده تفسير يقول

في واحد عندي في المدرسه من كام شهر اعترف وقالي انا معجب بيكي وكده وانا حاليا في تالته ثانوي بيقولي انه بيحبني من اولى ثانوي انا كنت بصده طول الفتره دي ولما اعترف انا بردو رفضت اكلمه وعملتله بلوك من كل حته بس من يومين اديتله فرصه ،هو بجد طيب ومهتم جدا وكل حاجه فيه بجد اي بنت ممكن تحبه بس المشكله اني مش حاسه بأي حاجه نحيته هو فاكر اني كمان بحبه وكده بس بجد انا مش عارفه احدد مشاعري وفي نفس الوقت خايفه ابعد في الفتره دي يأثر عليه في امتحاناته ومذاكرته ومش عايزه يتعلق بيا اكتر

بتعملوا ايه لما بتحسوا انكم معجبين بشخص لمجرد مواقف عابره لا تتعدي الثواني حرفياً وانتوا مش بيجمعكوا حاجه ولا شغل مشترك ولا اي حاجه يعتبر بس ممكن تتقابلوا بالصدفه يعني بس انتوا حاسين ان الشخص ده بردوا معجب شويه بس مش متأكدين خالص

جماعه بجد مش عارفه اقرر هو عايزني والا لا او انا بالنسبه ليه اصلا مش عايزه اسأله تاني عشان بجد تعبت عايزه حد ياخد القرار بدالي بس المشكله محدش هيفهمني محدش عاش الانا عيشته معاه صحيح سنة وكلها شات بس حرفيا بس بجد مش هتفهموني

السلام عليكم أنا لسه في بداية إني أكون صداقات جديدة، وأكتر حاجة بتخليني أتردد إن الشخص اللي عايزة أتكلم معاه بيكون وسط مجموعة من أصدقاءه، فببقى محتارة إزاي أدخل الكلام من غير ما أحس إني بقاطعهم أو داخلة فجأة. خصوصًا إنهم بيبقوا منسجمين في الكلام، وفي ناس في المجموعة أنا مش عارفاهم كويس أو مش مرتاحة لهم، ومش عارفة صفاتهم زي صفاتي ولا لا. وكمان بيضايقني إني أكون قاعدة ساكتة وهم بيتكلموا. وفي نفس الوقت صديقتي بتكون معاهم ومندمجة، فأحيانًا بفكر أكلمها لوحدنا في لحظة هدوء، بس بخاف أقطعها عن أصحابها أو أحرجها، وخايفة ده يأثر على صداقتنا إني مش ببادر. وكمان شفتها أيام الامتحانات ماشية مع صحابها ومش سألت عليّا، وحاسة إنهم بيتقابلوا سوا . وكمان أنا مش بعرف أفتح كلام بسهولة، ومش بعرف أشارك في الضحك والهزار.

قبل ما اضيع وقت و فلوس و مجهود .. بجد كل نصيحه هتفرق معايا لو عندكم حاجه ايجابيه قلوها . انا متردده بس لازم احضر تدريب مهم . ولما كلمت صحبتي بحيث نشجع بعض هي احبتطني أكتر. مش بقول ان بتحرك بوجود ناس او كلام لان ياما بدأت حاجات لوحدي بس الفكره اني الفتره دي غصب عني فمشاكل و نفسيتي وحشه جدا فمينفعش اسيب نفسيتي تسيطر عليا ولازم اساعد نفسي بس تعبت وبفكر فالموت كتير

انا وهيا اصحاب من 9 سنين هيا مكنتش قاعده في نفس البلد بتاعتي هيا جت بلدنا ومن يوم ماجت واحنا صحاب كنا ممكن نقطع شويه لما نتخانق ونرجع تاني احسن من الاول كنا بنحكي كل حاجة لبعض هيا ارتبطت وانا ارتبطت وكنا بنحكي كل حاجة لبعض ومحدش فينا كمل وكنا حرفيا بنعيط لبعض من الزعل وجينا قررنا اننا نرتبط لاننا متفاهمين جدا جدا وفعلا ارتبطنا واتخطبنا ومن يوم الخطوبه كان ببحصلي كوارث مش طبيعيه هيا نفسها كانت بتعيط من ال بيحصلي وانا وهيا بعد الخطوبه لقينا نفسنا مش متفاهمين نهائي وبنتخانق علي اتفهه الاسباب لو قولتلها قومي صلي مع انها هتقوم بس كانت تقولي لا عشان انا ال طلبت منها بقت تعمل حاجات غلطت كتير ولما اجي ازعق تعيط وتقول مكنتش اقصد وبعد اربع شهور فشكلنا عشان لقيتها بتكلم واحد وبعتالو صورتها هيا بتقول انها كانت بتبدل معاه الايفون بتاعها وهتاخد بتاعو ف هو قالها ابعتي صورة فونك فبعتتلو صورتها قدام المرايا وهيا ماسكه الفون المهم انا صممت علي الفشكله الكلام دا من اسبوع بس انا من يوميها مش عارف اتعامل طبيعي هيا كانت كل حاجة في حياتي صحبتي وكنت بعتمد عليها في كل حاجة وبعد كدا خطيبتي ومره واحدة كل دا انتهاء هيا معندهاش مانع نرجع اصحاب بس انا مش قادر خايف اظلمها واظلم نفسي بس انا في نفس الوقت محتاجها في حياتي اعمل اي

أنا محتاره بجد مش عارفه اعمل ايه والمشكله عندي رهاب من موضوع الجواز دا لان حصلت معايا مشاكل كتير بصوا بقا متقدملي واحد مش مكمل تعليمه ومش منتظم في الصلاه وبيدخن بحاول اقنع اهلي إن دي حاجات مهمه ومينفعش اوافق عليه بسبب كدا بس هو الصراحه كويس بس لما عرفت الحاجات دي بدات أتردد اعمل ايه

هو طبيعي الواحد لما يبقى مش جاهز للجواز أو الارتباط الجاد يقفل باب العلاقات خالص ويركز على نفسه وحياته؟ ولا شايفين إن عادي يسيب الباب موارب للتعارف حتى لو مفيش نية لخطوة رسمية دلوقتي؟ خايفه افوت على نفسي فرص مناسبه

لو فيه بنت انا معجب بيها وبحبها ازاي اعرف هي كمان بتبدلني المشاعر دي ولا لا ومن غير م احط نفسي في موقف محرج اوقات بحس انها بتحبني و اوقات تانيه بحس انها مش شيفاني اصلا فكرت كتير اكلمها بس بتراجع في الاخر

بكره أن خوفي يبان ادام حد في مواجهة عمتا يعني انا دلوقتي معايا حق فموضوع الطرف التاني بيتكلم بشراسه ومبيديلكش فرصة تتكلم اصلا و انت تبدأ تتعصب لان صوتك مش مسموع و تفكيرك وقف من الكلام الكتير ال بيقولو فالعصبية تبينك ضعيف و خايف و بتتلجج في الكلام بالتالي تخسر المواجهة و تبان انت الابن كلب الغلط فكل حاجة و اللوم عليك انت عارف لما يتلعب بعقلك و تشك فنفسك. رغم انك شايف الموقف كله هو دا

من شهور كان عندي مشكله وصدفه لقيت البرنامج كتبت مشكلتي والناس ساعدتني وتكلموا معايا واختفوا بعدها لكن في شخص فضل مكمل معايا الحكايه شهرين بعدها وبعدين الظروف شائت ان يحصل اختفاء من الشخص ده وبصراحه نقدر نتواصل تاني بس في خوف ان انا احاول اتواصل ويحصل رفض للتواصل ده او رد بطريقه ممكن تضايقني... خبرايه ... يمكن الشخص يفهم انا اقصد ايه واتمنى لو الشخص ده موجود دلوقتي وبيقرا اللي انا كاتبه.. يا اصدقائي هل احاول ولا احترم الغياب واسكت

المشكلة مش فى تخطيه .. قد ما اني بقيت اخاف اتطمن لاى حد اصلا فكرة ان( حد ممكن يقدملي الامان) بقيت بترعبني 💔🥲 .. رغم اني اصلا محتاجة اتطمن فعلا بس خايفة اتطمن و هوب اتخذل تاني ف مخي قرر انه لا خلينا خايفين و خلاص اسلم يعني بدل المرمطة دي و نتطمن و نتخذل و نرجع نجرب و نتخذل و هكذا 😅💔 ده غير ان وجود اى شخص بيخلى مخي كمان بيقارن باللى فات طيب افرض طلع زيه و خذلني افرض عمل زيه لا اصل هو كان بيعمل كذا و الشخص الجديد لا اصل كان بيحب كذا و الشخص اللى بيحاول حاليا لا كان عارفني اكتر الشخص الجديد لا كان بيفهمني اكتر الشخص الجديد اكيد لأ كان فيه نقط كتيييير اوي تقول اننا هننجح و مانجحناش .. فما بالك بشخص جديد مافيش اى اتفاق بينا لاننا مانعرفش بعض اصلا و حتى بعد معرفة بناس كتير بلاقي اختلافات رهيبة تقول لا مش هينفع ف برجع لنفس النقطة تاااااني انه الاكس كان مناسب اكتر منهم كلهم و كان فيه توافق اكتر على مستويات كتير و برضو الموضوع باظ ما بالك بماافييشش إتفاق من اساسه هتكمل ازاي اكيد هتبوظ ف بهرب قبل ما اى حاجة تحصل و برفض اى ارتباط ! مش عارفه آخرها ايه بس اتمني حقيقي يظهر حد مناسب هين لين لا اشقى في صحبته ابدا و يعوضنا ربنا خير 🥺🙏🏻

مخنوق بجد حاسس جوايا خنقة مش طبيعيه انا وحش جدا فنظر نفسي بجد معرفتش اخلي اي حد يحبني بسبب توتوري وخوفي واني علي طول متردد وشكاك وعصبي حرفيا خسرت اجمل بنوته فحياتي بسبب اني كنت عصبي زيادة حقيقي مخنوق

أنا فيه حاجه مضيقانى اوى من فترة كان في شخص متقدم هو كان مسافر وقعدنا نتكلم فترة كان منفصل بس كان طول الوقت كلامه قليل ولابيقول هو مرتاحلى ولالا ولا بيبين انه معجب ولالا كان كلامه على الاد خالص الا لو أنا اللى قعدت افتح مواضيع واتكلم أنا كان عندى قبول بصراحه ومقكرة الموضوع هيتم حتى لما كان يبين إعجابه مكنش بيقول حاجه صريحه كان دائما بطريقه غير مباشرة لحد ماجه وشافنى وجه البيت هو وأهله كنت مفكرة أنه هيقول أنه عايزة خطوة رسمي ويحدد اى حاجه لكن مقالش مع العلم كان لما بيشوفنى بيبان أنه مبسوط لما ردينا عليه أننا موافقين واهلى قالوله احنا بنكتب قايمه وقال إنه هيجيب أهله لانه كان خلاص هيسافر يعدها فضل يكلمنى نفس طريقته الللى قبل كده ومعملش حاجه وقال إنه لسه بيفكر الموضوع مآثر فيه أوى ومزعلنى

كنت بحب وحده عندها ٣٢ سنه وانا عندي ٢٥ هيه حبتني وطلبت مني اني اجوزها مكنش عندي اي مانع غير حاجه وحدا بس انها اغني مني بكتير انا اه معايا فلوس الحمد لله كتير بس هيه غنيا جدا فرفدت لاني شايف ان المفرود الراجل هوه الي يعلي الينت الي هياخدها مش هيه الي تعليه فهل انا كدا غلط ؟

حاسة اني عندي عقدة مالعلاقات..بما اني فسن زواج ..الكل يشوف اني لازملي زوج عشان اكمل حياتي اوكاي..درست تخرجت و اشتغلت و تعرفت على شباب بقصد زواج ..معظمهم يوم يومين و اوب خلاص ..مانقدر نكمل معاهم..برك كاين واحد كنا في علاقة 8 اشهر اونلاين بس و مخططين يجي يخطبني و نتزوج بصيف ووو لكن الشاب بطل و حس اني ما اناسبه ونا استوعبت قداش كنت ساذجة ..طبعا انا العلاقات هذي نشوفها مش منطقية و بنفس الوقت شيء لابد منه وقتنا الحالي( رايي الشخصي هذا ) و حزنت اسبوع و بس يعني ما أثر علي الموضوع .نسيته و كملت حياتي ..بعد تقدمولي رجال كثار عالبيت و نا مارتحت لاي واحد منهم ...و يجيني ضيق و احس مانقدر نكمل مع اي واحد و ما نرتاح إلا لما ارفضه..رغم ان الرجل مافيه اي شيء يعيبه المهم منذ 6 اشهر كذا .تعرفت على واحد بسوشل ميديا ..حسيته شخص مناسب جداجدااا..توافقنا فكل شروط و مصر انو يجي يخطبني بس لما اكلم اهلي و اقولهم عليه و هو يتكلم معهم و يحددوا موعد الشاب هذا مصري و نا جزائرية ..بصراحة مرات نحس اني مش حابة نروح نعيش فمصر ..متخوفة مالوضع هناك...و اني مانعرفش الشخص هذا 100% و خايفة يخدعني و يطلعلي بشخصية ثانية او يطلع متزوج او او..ونا اعمل هنا ولو سافرت لازملي نوقف خدمتي لي أصلا منيش مرتاحة فيها و مش ناوية نكمل فيها..بصح خايفة نندم كي نحبسها.. المهم حاب يجي لبلادي و نعملو خطوبة ونا جد مترددة و قاعدة نأجل فالموضوع و مرات يجي فبالي نوقف وش راني ندير ..بيسك جاتني مش منطقية وش لي راني ندير فيه..بصح راني رافضة تقريبا ثلاثين شخص مجموع كل من تقدم لي ..ونا كرهت مسألة زواج كلها..بصح خايفة نضيع فرص اشخاص مناسبين ونا ماعلاباليش...بينا لازملي نجرب و نا خايفة و معنديش شغف باه نكمل و لا حتى نقول راني قابلة بفلان ولا شغف باه نبني عائلة و اطفال بيسك انا childfree. اسك يعني حياتي حرفيا مابقاش عندها معنى إلا بالزواج!؟ و مرات نقول خلي نسيي.نغامر و نكتشف الغامض ..بلاك تطلع الحياة حلوة مع هذا المصري و نستمتعو ويكون happy marriage انا في دوامة و حابة نوقف كلش و ندير pause لحياتي كلها ...فقدت القدرة على اتخاذ القرار نهائيا ايام تمشي سدى و ما واقفة ماقدرتش ناخذ اي قرار و لا ندير اي تغيير صغير فيها💔 انصحوني

هالو يا جماعة عندي سؤال أو اتنين أنا بقالي فترة هادية أوييييي بزيادة يعني أنا قبل كدة كنت بتنرفز بسرعة واتخانق وكدة لما حد يضايقني أو يغلط معايا دلوقتي بقيت بفوت كتير اوي يعني بريح دماغي من الأخر يعني ..ده نضج ده ولا برود ولا ايه بالظبط ؟ تاني حاجة بقى ايه اللي بيخلي فعلا الراجل متردد انه ياخد خطوة الجواز دي؟ بقيت اشوف ناس كتير اوي بتتردد وبتدي علامات من بعيد وتقرب وتبعد وبجد بيكونوا كبروا وبيقولوا فعلا انهم عاوزين يتجوزوا وجاهزين بس وقت الجد بيترددوا طبعا حاجتين مالهومش علاقة ببعض بس اهو كلام بقى وخلاص 😅😅

دلوقتي فيه عريس كان جايلي و من الاول قال إنه مش مرتاح و مش حاسس و مفيش نصيب جاي دلوقتي يتقدم تاني بعد اكتر من ٧ شهور في حين هو وقتها كلم والدتي و شاف صورة ليا بس كده لكن مفيش اي كلام حصل بينا يعني انا محتارة الصراحة مش عارفة أقابله و اقعد معاه و لا ايه

انا مش عارف هي بتعمل كدا ليه كنت مرتبط بواحده المهم سبنا بعض من تقريبا شهرين تلاته كدا المهم هي كل فتره تدخل تتكلمي معايا و اقول خلاص هترجع و تقوم راجعه زي مكانت و عامله بلوك و انها مش عايزه تكمل مش عارف انا الي طيب معاها بزياده ولا ايه دا بلظبط مع اني لما عرضت عليا اني لما اتخنق احكلها موفقتش

متقدملي واحد عن طريق حد بيقول أن ماشاء الله ناس مبسوطه شويه و هو شخص كويس و كل حاجه تمام في مشكله بقى أنا لسه طلعه من علاقتين زي الزفت كنت بحب واحد و سينا بعض عشان ظروف و كده و اهلي من كتر الضغط اتخطبت لواحد تأني بس كان شخص مش كويس و فشكلت الحمدلله بس ده بجد ما طلع عيني و جالي ترومه من الرجاله اصلا و أن فعلا المظاهر خداعه و دلوقتي الشخص ده جه هو كويس ماشي بس انا خايفه و خلاص انا قولت هقفل قلبي بس ف نفس الوقت بقول إن ممكن يكون شخص فعلا كويس و انا ظالمه عشان الي حصلي ف أنا أعمل اي

دلوقتي انا مرتبط ببنت وبحبها جدا و حرفيا مش حارمها من حاجه بس خايف ان الاهتمام الكتير وحش وان في بنات بتحب الي يكرفلها او علا الاقل يكون تقيل بس أنا مبعرفش اتقل علا حد عموماً أنا برد علا اي حد بسرعه ومش عارف بجد اكمل ولا اتقل عليها ولو عملت كده هيا هتلاحظ اني متغير

ممكن اكون توكسيك و وحشه علشان انا متردده ؟ لما اتسألت قولت ان مش عايزه حد غيره . لكن فعليا جوايا صراع و اوقات كتير بحس مش هو الشخص الكنت بتمناه و مش فاهمه نفسي ولا عارفه افكر واخد قرارت مظبوطه

أنا شخص كتوم جدا و انطوائي وحالتي النفسيه صعبه بسبب الوحده غير كدا التاتاه وانا وانا بتكلم والناس اللي اعرفهم بعاملهم بشخصياتهم عشان عارف ان الڤايب بتاعي أو كلامي أو تفكيري أنا مش هيحبوا أو هيكسلوا أو تسليك وماشي تمام انت زي الفل وخلاص وغير كدا أنا مش بحكي حاجه عن حزن أو غضب ليه. خالص أنا دائما يقابل اي حد بهدوء لدرجه برود عشان خايف اترفض أو اتجرح من كلمه عشان أنا للاسف بفكر فكل كلمه حد بيقولها ويحاول أتوقع بناء على كلامه معايا هيقول ايه فبتراجع وغير اني مش بعرف اختار اصعب حاجه فحياتي الاختيار بين حاجتين يعني اختار اقول ولا لا أو اقول الموضوع ده ازاي بالطريقه الفلانيه ولا الطريقه العلانيه وكذا وقيس ده برضو عشان اني بفكر. كتير اوي بفكر كتير فكل حاجه حرفيا مبقدرش مفكرش لدرجه خلاص عيني شكلها غريب من قله النوم وتحسها ميته وينام كتير اوي أو بنام قليل اوي للاسف الموضوع معايا مش من سنه ده من زمان فتره طويله حتي لما كنت أصغر وزاد بعد. وفاه جدتي السنه اللي فاتت الله يرحمها يارب أنا آسف لو طولت بس كنت لازم اكتب اي حاجه عشان تعبت من الكتمان +معلش تعديل عشان نسيت حاجه مهمه واعتقد واضح ذاكرتي ضعيفه بطريقه بشعه وتركيز قليل جدا رغم اني في أحداث من ايام زمان اوي فاكرها بالتفاصيل حرفيا ممكن اعمل حاجه والف انساها أو حد يقولي حاجه مهمه مثلا انسا الموضوع برضو مأثر عليا وبقا محسسني اني بقيت شخص تاني وخائف النسيان يزيد

مرحبا. انا احب شخص نحن فيي علاقة 3 سنين في الاول كنت اعشقه ولا ابالي لا بشكله ولا نفسيته ولا مادياته ربما لانني كنت بحاجة لشخص يحبني ويحتويني احتاج الحنان.. لكنني الان ربما لانني كبرت اصبحت لا اعلم لا اهضم شكله وكلامه كثيرا اعلم انه هذا سيء ويؤنبني ضميري كثيرا لكنني انظر الى الشباب الاخرين واتمنى ان يعجبو بي.. لكن اخاف ان افقده والله احبه رغم كل شيء

اتعلقت بشخص اتقابلنا كام مره في الشغل حفظت كل تفاصيله بس بتقل عليه ومش ببين عكسه هو بيبان عليه جدا أنه مركز معايا ومعجب لدرجه الناس لاحظت ده وبيلمح بكلام ويتلكك عشان يكلمني بس فجأة سكت اخر مره اتكلمنا هو وقع بالكلام وكان هيتكلم ويعترف أنه معجب بيا وفجأة سكت ومن وقتها مش بيتكلم اهلي بيقولولي بيتسلي ومتفكريش فيه بس انا رغم اني مش ببادر ومش بكلمه بس طول الوقت في بالي المفروض اعمل اي وبجد هو بيتسلي كده

انا عندي زمايلي شباب في الجامعه شاكك انهم بيعملوا مع بعض افعال لوطية لاني حصل قدامي كذا موقف منهم اني قبل كدا لقيتهم بيمسكوا بعض من اماكن حساسه و يعقدوا يضحكوا ، دلوقتي حد منهم عزمني علي فرح قريبته و انا معنديش صحاب و يعتبر تقريبا اول مرة حد يعزمني اروح معاهم و مليش دعوة باللي بيعملوه بحيث اني مفقدش فرصة ان يبقي عندي صحاب ؟

هحكي حاجة وحقيقي مش عارفة اتصرف او حتي اعرف انا عايزة ايه في شخص محترم جدا وانا متقبلاه وهو عارفني وانا عارفاه ف اول كان تعارفنا كان بسبب مشكلة وهو حالهالي فمكنش فيه اي كلام بينا اصلا وقتها ولا اي حاجة مجرد شخص ساعدني وكل فترة كان بيطمن عليا المهم حاليا في شبه اعجاب من ناحيته وهو مقالهاش صريحة بس لمحلي كذا مرة انه عايز يقابلني وانا رافضة من شوية كلمني وقالي نفس الكلام وقالي عشانك رافضة عشان حرام فانا عايز اقبلك وتكون رؤية شرعية وكدا ولو تمام يعني نقرء فاتحة انا بردو معرفتش ارد و شبه رفض انا متقبلاه و والله بس مش عارفة اتقبل فكرة ان يكون ف حد في حياتي اتخنقت وقعد اعيط وهو مستغرب دا لي وانا كمان مش عارفة مش عارفة اخد قرار زي دا وازي اتقبله و ارد بايه اصلا ولا بنعمل اي في مواقف زي دي ملحوظة بس انا عارفة انه حرام اكلمه اصلا وحاولت ابعد وربتا يهديني يارب ادعولي وحاليا كلامنا قليل عشان هو ف الجيش وكدا فانا مش حبة الفكرة الكلام من ورا الاهل ومش عارفة بردو اوافق ع كلامه اسفة اني طولت بس انا مشتتة اوي والله

انا مخطوبه من ٣ شهور تقريبا مشكلتي دلوقتي أن خطيبي للاسف مبقتش متقبلاه بسبب أن عيوبه ممكن حد يشوف أنها تعدي بس انا بجد الموضوع مسببلي ازمه كبيره و خانقة لأني مش متقبلة العيوب ديه و في نفس الوقت خايفة افسخ الخطوبه مش عارفة اعمل ايه مع اعلم هو طيب و محترم و شاريني ده مصعب فسخ الخطوبه عليا و بصراحه خايفه ارجع وحيده تاني المشكله ان العيوب ديه عبارة عن ظروف هو فيها يعني مش حتتغير

ازاي بتعرفوا تفتحوا كلام مع الناس بقا ما هو مش كل شوية ابعتلها كلمتين ونتكلم شوية ونرجع نسكت شهرين كله بسبب الرهاب الاجتماعي ابنل، حرفيا بفضل يوم كامل بفكر في اي سبب عشان ادخل اكلمها (هي بتحبني وانا بحبها بس بنستعبط) وبصراحة حاسس الاحسن نفضل كدا ومنرتبطش عشان كدا كدا هيحصل مشاكل ومش هنكمل بس بردو بحس عايز اكلمها😔

لو في اعجاب مشترك المفروض ناخد قد اي في مرحله عدم الاعتراف دي عشان أنا معنديش صبرر بقالنا شهر يعتبر شغل جمعنا ومن وقتها مش بيبطل تلاكيك وكلام كل دقيقه بس انا بتقل وخايفه التقل يكون نهايته وحشه 🫡

متلغبطه اوي يجمتعه لو بالصدفه عرفت حد.ع المديا وقالي انه معجب بيا وهيتقدملي انا رفضت لان قلتله لازم يتقدملي رسمي قالي ان اهله مسافرين ومش هيعرف يفاتحهم غير اما ينزلو هل قلقي طبيعي طول الوقت خايفه يكون كلام وخلاص ارجع احس انه جاد اقول يمكن خلال الفتره دي يزهق ويغير رايه او يحصل اي حاجه واتعلق بيه ع اافاضي هل قلقي مبرر مش عارفه صح ولا غلط بس هو شخص كويس اوي ومحترم

اول مره احب كده بتوتر لما بشوفها ببقي عايز اعمل كل حاجة عشانها كل حاجة هي عايزاها انا مقولتلهاش ولا هي غالباً تعرف اني بحبها بس هي قمر بشكل غريب وحلوة حلاوة ربنا يبارك من كتر حبي ليها خايف اقولها بجد متخيلين الموضوع واصل لأيه ومعنديش حتي جرأة اقولها ولما كانت بتكلمني عشان موضوع معين معرفتش افتح كلام الموضوع غريب متستغربووش بس غريب شوية بس بحبها

في واحد اتعرفت عليه مؤخراً بقالي اربع شهور ومعجبة بيه جداً وهو قال انه بيحبني بس انا مش مصدقة ده حاسة انه في حاجة غلط بسبب سرعة الوقت وبسبب انه كويس اوي فا حاسة انه في حاجة غلط وانا مش عارفة اصدقة ولا لا او لو في طريقة اعرف بيها مثلا ممكن تقولولي؟

انا مع حد معرفش بيحبني ولا لا بيعمل تصرفات تدل بعشقو و بيهجرني كأني مكنتش ف حياتو هو مصدر خوف و امان ليا صعب اسيبو و صعب اطمن معاه بس الي اعرفو اني بحبو اوي معرفش هو اه ولا لا بس انا دايما خايفه

البلوبيري كانت رايحة الجامعة النهاردة ومحتارة تنزل ولا لأ ومكانش عندها محاضرات مهمة ممكن نعرف روحتي ولا لأ ارحم فضولنا اعقل مستحيل تكون عملت كدة ya بلوبيري محدش بينزل الجامعة بمزاجه

بقالي فتره بفكر اقلع النقاب ومش عارفه اعمل ايه مبقاش عندي ثقه ف نفسي من كتر التعليقات وف نفس الوقت خلاص اتخنقت ومش قادره ده غير اني محبطه بسبب حاجات تانيه ف خايفه اتسرع وف نفس الوقت خايفه اكمل

في لحظه معينة بيبقي نفسك تفضفض وتقول كلام كتير بس خايف تتكلم.. خايف تتكلم فتندم.. خايف تتفهم غلط فتفضل ساكت بتفضل ساكت وتحجز الكلام جواك تقوله لنفسك بس تفضفض لنفسك لانك الوحيد اللي هسمعك من غير ما يحكم والكلام اللي جواك بيتراكم.. بيتراكم في صوتك في قلبك في كل حاجه حواليك وتحاول تسيطر عشان تمشي طبيعي بس كل كلمه محبوسة بتخليك مش عارف تتنفس وبتفكر بمكن لو اتكلمت الدنيا هتتغير يمكن هيفهموك او يمكن هيجرحوك وتفضل واقف في النص بين الفضفضه والصمت مش عارف تختار في اللحظه دي بتحس بتقل غرييب كانه جزء كنك عايز يصرخ وجزء تاني خايف يعيش عواقب الصراخ وفي النهايه بتسكت برضو 😂💔.. بس مش لانك راضي بس لانك اتعلمت من الحيان ان الصمت اهدي و اقل وجع

أنا كنت مرتبطة بواحد وسبتو علشان مكنش كويس وكنت تعبانة اوى وقتها وعرفت وقتها أن اخو صحبتي بيحبني بجد ومن سنة كاملة وبعد فترة حسيت اني معجبة بحبو ليا وانو بيحاول يعمل اي حاجه علشان يلفت نظري وارتبطنا وشفت منو كمية حب وحنية حقيقي مش موجوده وهو حبني بجد بالعشقني وانا كمان حسيت اني معجبة بحبو ودلوقتي بقيت حسة اني مش حبة شكلو هو شكلو عادي مش الحلو اوي ولا الوحش اوي بس مش حبة اوي عادي مش حسة اني بحبو زي ما بيحبني أنا عايزة احبو واثقة انو بيحبني وهيعمل اي حاجه علشاني ومش عايزه اسيبو خالص ولا عايزة اكسرو أنا أول وحده بحبها بجد ومش عايزة يتوجع مني انا عايزة حل من غير وجع

بنت معايا فالكليه محترمه وكويسه جدا وساعات بتبادر معايا وبتهزر ونضحك مع بعض بس مش عارف احبها خايف احبها اتعلق بيها تسيبني مع انها هي اللي بتبادر كتير فعقلي بيقولي احمي نفسك وكبر دماغك وقلبي بيقولي اجازف واكمل معاها فمش عارف اعمل اي حاسس اني متلخبط جامد فرأيكو اي خصوصا انها بنت محترمه وجميله جدا 💔

بفكر افتح عياده ومتردده لأنها مسؤوليه ، خايفه مبقاش قدها خصوصا اني لوحدي وهفتح في قريتي ، وفيه منافسين والمنافسين دول كبار وكمان كانوا بيضايقوني في الشغل من غير حاجه ، يعني متوتره لأن الايجارات بقت غاليه واسعار ف القريه قليله جدا وكل واحد فاكر لما يقلل الناس هتروحله هو ودا مش حاجه كويسه خالص ، ممكن نصيحه ؟

محتاجه اروح ثيرابي انا عندي مشاكل كتير جدا و مبعرفش اتكلم فيها و ااموضوع دا تاعلنب و مقصر على كل حاجه حتى شخصيتي مبقتش مفهومه كل ما احجز و اقول هاخد الخطوه افوت ميعاد الجلسه و اقول لا مش دلوقتي و اتحجج ب اي حاجه لو حد خد تجربه انه يروح ثيرابي بجد الحوار فرق معاكم ولا لا

يا جماعه عارف ان الي هكتبه ده ملهوش اي تلاتين لازمه بس بجد انا هجيب بنطلون باجي فا مش عارف اجيبه اسود ولا ايه بس انا حاسس ان الاسود بيليق مع كل حاجه انتوا شايفين ايه عشان ممكن اروح بكرا اماا

استكمالا للي نزلته من شوية انا لقيت اني لما مبتكلمش هو مبيتكلمش ..مش حاسة اني متقدرة ف العلاقة دي ..دايما حاسة اني مضغوطة مع العلم ان هو عنده قدرة عالية على استفزازي لان انا شخص بستفز بسرعة وبتعصب .. عندي عيب اني وقت النقاشات ممكن نبرة صوتي تعلى وساعات بعيط ..احنا معملناش خطوبة وقتها وقولنا هيبقى تلبيس دبل على قد الاسرتين وخلاص حتى مجبناش شبكة كان دبلة ومحبس بس مع اتفاق ان في شقة تمليك والشبكة بعد سنة بس اللي حصل عكس كدا وحصله ظروف وساب شغله( اللي مكنش مجاله) فترة وتقبلنا الوضع وبالعكس شجعناه يشتغل ف مجاله وياخد كورسات وبناء عليه مفيش شبكة جت ولا بقى في امكانية نجيب شقة تمليك بس تغاضينا عن الموضوع ده ... بعد يجي ست شهور رجع اشتغل ف مجاله بس بمرتب تلت اربعه يتصرف فواتير والباقي ميفتحش بيت وساب الشغل بعدها بتلت اشهر ... المهم اني بقيت بحس ان انا هشيل العلاقة دي وهتبقى عليا لوحدي لانه من النوع اللي مبيعملش حاجة لنفسه ومتعود ان مامته اللي تعمله كل حاجة ..لقيت ان تفكيره ان الست ف البيت والراجل برا البيت ...لما اكلمه ان مثلا نسافر وكدا يقولي لو حد طالع يعدي علينا انا مش هفرهد نفسي ف سواقة اقوله طب مواصلات يقولي لا فرهدة بردو دايما يقولي انه بيحب الانتخة ... وساعات كتير بحس انه عايز يلغي حياتي الاجتماعية بعد الجواز ... اخر مرة اتكلمنا ف الحاجات دي قال انه مبيروحش لحد عشان محدش يجيله وإنه مش عايز حد يجيله اصلا وقال نفس الكلام ده قدام بابايا ومامتي ... جينا اتكلمنا ف تربية الاطفال قالي انه هيتعامل مع الطفل ان اللعبة دي مش اولويات وهيعلمه يحوش من صغره بس لما فكرت قولت لما اللعبة لطفل مش اولوية يبقى حاجاتي الخاصة مش هتبقى اولوية بردو وبقى يجيلي احساس انه بخيل شوية مع العلم انه مبيستخسرش ف نفسه حاجة بس ساعة ما نزلنا نبص ع العفش ونشوف الاسعار وكدا حسيت انه بيبص ع الاقل سعرا مش الافضل من ناحية الخامة ف انا فعلا مش عارفة انا صليت استخارة كتير ودي الحاجات اللي حسيتها بتظهر قدامي ف هل دي اشارات ولا ايه انا مبقتش عارفة وبقيت محتارة اكتر من الاول مع العلم ان انا فكرت كتير اوي ف قراري ده هو شايف ان انا قماصة وبتقمص من غير سبب وانا قولتله اكتر من مرة ع الحاجات اللي بتضايقني وهي انه ممكن يقعد بالتلت اربع ايام ميتصلش عليا يشوفني كويسة ولا لا وبردو اتكررت فبقيت بحس انه ملوش لازمة اتكلم تاني وباخد جنب من نفسي فهو بيشوف ان ده قمص من غير سبب اسفة ع الاطالة للمرة التانية

ازيكم يا شباب انا بحب بنت معايا في الكلية بس عمري ما كلمتها ومش ناوي اكلمها بس حسيت اني محتاج اقولكم 😂😅 تفتكروا ممكن تكون فعلا ليا ولا اللي مبيسعاش مبيوصلش واه انا من رابع المستحيلات اكلمه

حد جرب احساس انك لما حد يسالك او عايز نصيحة منك في شي معين بترد عليه وفعلا بتعطيه نصايح ومعلومات مهمة ولو انت في نفس الموقف مبتعرفش تفيد نفسك وبيكون عندك تردد وحاسس انه دايما اختيارك لنفسك هيكون خطأ؟

هو لو بحب حد من طرف واحد اعمل اي للعلم احنا مع بعض في السيشينات هي متعرفش عني حاجة يمكن مفيش في دماغها حاجة خالص من نحيتي ولا بتفكر فيا اصلاً😅 المهم مش عارف اعمل اي ومش هقدر اعترف خالص خالصص لأني مش جرئ للدرجة دي وفي نفس الوقت عايز اقولها ها بقاا

انا بحب ومش عارف اعمل اية ونفسى اروح للى بحبه واقوله أنى بحبه وانا عارف أنه بيحبنى جدا لدرجة أنه عمل حاجة مفيش حد يكون عنده الجرأة زيه انا نفسى اقدم حاجة حتى لو بسيطة مقابل حبه ليا

منذ ان اخذت الباكالوريا و انا احس نفسي ضاءع خاءف من المستقبل و احس نفسي وحيدا داءما خصوصا بعدم وجود سند قوي من جهتي (ابي رحمه الله) و انا متردد بين أن اكمل الدراسة التي تتطلب وقت و سنين ام. اخرج للعمل المبكر لمساعدة العائلة. احس نفسي اني حامل هموم و مسؤوليات شاب 20 سنة لا يحملها أبدا

بعيد عن ان البرنامج اتغير و مبقتش اعرف اتعامل فيه و كمان مفيش خصوصيه زي الأول كان ممكن تتكلم مع حد و تحكي الي جواك لي شخص واحد بدال كدا و كمااان مفيش شكل لمونه و ده مزعلني جامد عشان كنت شخصية لمونه المهم ندخل في موضوعنا اكتشفت اني مش بحب اجرب اي حاجه جديدة حتى لو تافهة بس بخاف تكون وحشه او ممكن تكون تخيلات في دماغي بس بعاني من الحاجة دي بجد بحس إني لازم اخد راي حد في كل حاجة عشان احس انها فعلاً حلوة ابسط مثال طريقة لف الطرحه في خمسين لفه طالعه بس أنا علقت عند لفه و بخاف اجرب اي لفه تاني احسن تكون وحشه حتى لو حلوة بحس إني غريبه و كمان البس بحس بيليق عليا استيل واحد مش عارفة اطلع منه و بخاف من حاجات تاني كتير بس البوست كبير هحكي بكرا الباقي