منذ 4 ساعاتيشعر بـ مرتبك
دلوقتي فيه عريس كان جايلي و من الاول قال إنه مش مرتاح و مش حاسس و مفيش نصيب جاي دلوقتي يتقدم تاني بعد اكتر من ٧ شهور في حين هو وقتها كلم والدتي و شاف صورة ليا بس كده لكن مفيش اي كلام حصل بينا يعني انا محتارة الصراحة مش عارفة أقابله و اقعد معاه و لا ايه
خليه ييجي يقعد مع اهلك وتقعدي معاه لو مرتاحه توكلي لو لا ارفضي وكلي الجاتوه 😂
عادي ممكن يكون كان مستني حاجه او كده وشوفي انتي مرتاحه ولا لا
انتي تعرفيه وشوفتيه؟
عادي اقعدي معاه لو ارتحتيله كملي لو لا ركبيه قطر سته إلا ربع. والف خطوبه مفسوخه ولا جوازه غلط تبعتر ايامك وفرحتك دا شريك حياه خلي بالك احنا شباب اليومين دول معندناش بقرش مسؤولية
- عارف إحساس إنك تلاقي حاجة حلوة قدامك، بس تقول: طب خليني أشوف يمكن فيه أحسن؟ زي لما تبقى بتتفرج على فيلم عاجبك، وتفضل تقلب في القنوات يمكن تلاقي فيلم أقوى. أو تلاقي ركنة فاضية قدامك، وتسيبها عشان احتمال تلاقي واحدة أقرب. ونفس ده بيحصل في العلاقات… تقابل حد مريح، وتحس إنه مناسب، وأول ما الموضوع يبقى جاد تقول: ليه أستقر دلوقتي؟ يمكن أقابل الأفضل. بنفضل نطارد الاحتمال الأجمل، وننسى إن اللي في إيدنا ممكن يكون هو الخير فعلًا، بس إحنا مش شايفين قيمته عشان عيننا دايمًا على البعيد. والمشكلة إنك لما تفهم ده متأخر، هتلاقي الفيلم خلص، والركنة اتاخدت، والإنسان اللي كان مستنيك مشي. ساعات الخسارة مش بسبب إن اللي معاك قليل… لكن لأنك ماعرفتش تقول: كفاية، ده جميل. Amr nasser -
بصي انا شوفت بوست كان حد كاتبه واحتفظت بالكلام عشان افكر نفسي بيه طول الوقت عشان مسألش نفسي سؤال زي ده دلوقتي هكتبهولك في كومنت لوحده
جبيه وكلي الجاتوه ولو ماعجبكيش ارفضيه 🫠😂