تغير

بجد الزمن دا غريب جدا ، معايير الناس فيه اتغيرت وحتي طريقة تفاهم ؛ يعني زمان كان الشخص يقدر يعبر عن حبه لمكان او لشخص بطرق كتير وقصايد ، دلوقتي بقا ال يبعت رسالتين ورا بعض شخص سهل وخفيف ال هو ايه علاقة اني بكلمك كبني ادم باني خفيف ، شئ غريب ، تحس الناس بقت تحب ال يكرفها ودي حاجة متخلفة ، انا عن نفسي بحب اقعد لوحدي معظم الوقت او معا دايرتي الصغيرة ال افرادها ميكملوش ٥ او ٦ ، بس ان الشخص يلاقي العالم بينحدر بالطريقة دي فكريا حاجة غريبة ، حتي معايير الجمال للراجل او للست اتغيرت نفسها ، شئ غريب جدا حقيقة

انا كنت حابه اخد رايكم فى حاجه لو حد مر بى نفس تجربتى انا مرتبطه بى ولد زملى فى الكليه واحنا الاتنين بنحب بعض ومتافهمين وهو معرفنى على اهله علاقتى معاهم سطحيه فى الموبايل بس المشكله انو ولد وحيد على بنتين ومامتو واخواتو كانو بيتعاملو معايا كويس وبعدين معملتهم اتغير تماما وانا طلب منو انى ابعد كتير وهو مش موافق وانا تجاهلت اهلو بس الموضوع مضايقنى تنصحونى اعمل اى مع العلم انى معملتلهمش حاجه علشان يتغيرو كدا ولكن فى واحده شويه تبقى كوسه معايا وشويه لا

انا اتحملت حاجات كتير فوق طاقتي و اتوجعت كتير و خايفة القسوة اللي شوفتها في حياتي تغيرني خايفة ابقي نسخة من الناس اللي آذوني و كرهتهم خايفة أظلم حد زي ما اتظلمت لكن الحقيقة انا مظلمتش حد غير نفسي لما العشم خدني، انا لسه بتخدع في الناس حقيقي البشر قاسيين مفيش حد سهل و لين مفيش جواهم حنان و طيبة

انا بحسني شخص غيرب يعني المفترض اني لما اروح شغل جديد اني ابان شخص تقيل وهادي دا الناس العاديه انما انا بحسني اني لما روحت شغل جديد بقيت شخص بيتكلم كتير ومش بيحسب لاي كلمه يقولها بيضحك ويهزر كتير وبيتكلم مع اي حد وكل زمايلي اللي في الشغل اعتبرتهم اخواتي ولكن حاليا انا ليا 8 شهور في الشغل دا بس مبقيتش بنفس الشغف بس حاليا انا رجعت خطوات لورا بقيت شخص بيفضل انه يقعد في مكانه بقيت الاشخاص اللي بجري اقعد معاها بقت بالنسبالي عادي فمش عارف هل انا صح ولا ايه انا تايههه

أولى وتانية جامعة كنت عارف ناس كتير من كل الدفعات ف الكلية وكنت دايس ف أي حاجة مؤتمر حفلة رحلة إيفنت أي حاجة كنت دايس فيها وكنت بتعامل مع الدفعة كلها وكلهم معارف وبهزر معاهم بس كنت بنافق ساعات جيت ف الترم التاني ف تالتة بطلت كل الكلام دا وطلعت من الاتحاد ومن كل الأسر اللي كنت فيها وبقت الكلية على قد السكشن وأروح مبطولش قبل كدا كنت بقعد ساعات كتير أوي والدفعة مبقيتش لتعامل مع حد مش طايقه بقا كل علاقاتي ٤ ولا ٥ اللي باخد وأدي معاهم الباقي مشسالكين او مبرتاحلهمش ف مبتعاملش على قد السلام الفكرة إني حسيت حياتي بقت فاضية وزهق أوفر

مخنوقة جدا ومش عارفة اتصرف ازاي حاسة اني ضايعة بين ضغط اهلي في البيت بسبب الدراسة والكلية وبين الشخص اللي كنت شايفة معاه الامان والراحة ومكنتش بخبي عنه حاجة وفجاة اتغير وبقى بارد ومبقاش يهتم زي الاول ضغط من كل ناحية ومبقاش عندي طاقة استحمل اي كلمة وتعبت من التفكير ومحدش حاسس بالوجع اللي جوايا تفتكروا البعد عن كل حاجة هو الحل ولا اعمل ايه في حياتي

بقالي كتير مادخلتش الapp سبع شهور تقريبا قرقان و ملان جدا حياتي اتشقلبت خالص يمكن قبل سبع شهور كانت مش عجباني حياتي بس فعلا الواحد مش بيحس قيمه الحياه غير لما الدنيا تتشقلب ، دخلت الجيش و من ساعتها وانا حياتي اتغيرت 180درجه ، دخلت سلاح صعب جدا بقت حياتي كلها ميري مش عارف افهم الدنيا بيحصل فيها اي بره يا دوبك بنزل اجازه ببقا مطبع بالحياه العسكريه مش فاهم الناس و الناس مستغربين يومي حتي اقرب الناس شيفين اني بعدي يومي بطريقه مختلفه اتعودت علي موعيد اكل و موعيد نوم و تمارين اتعودت علي قله الكلام و ده مزعلهم و زعلهم بيطلع غلط بيخليني ازعل ع نفسي نفسي ارجع زي زمان نفسي ف راحه البال

لسه حد مكلمني و قالي لازم تيجي النهارده المحاضره مهمه جدا قولتلوا هحاول قالي لازم و دي الدفعات اللي قبلك نزلوا تدريب قولتله عادي مش سباق قالي اخدوا خبره و اما تنزلي بدري تاخدي خبرة و قالي كمان مش انتي كان كلك حماس تنزلي بس دي مش نفس الشخص اللي اعرفه اللي كان كله حماس ايه التغيير دا ايه اللي غيرك قولتله مش عارفه مكالمه بسيطه مكملتش الخمس دقايق بس بينتلي قد ايه انا اتغيرت و زعلتني كمان مش انا نفس الشخص اللي كان من سنتين او تلاته شاطر و بيحب الحياه و و بيرتب علي الدفعه و بيتمرن و بياخد بطولات و كان منشط عنده طاقه ايجابيه و كله حماس

واقف عند اخر فتره ف حياتي كنت فيها مبسوط مش قادر استوعب اني خلاص كبرت و المفروض اعيش شخصيه جديده مش حاببها لسه بحب ايام م كنت ف الجامعه و عايش و بسوط و كل حاجه حواليا دلوقتي كانها حلم مش حقيقه مش قادر استوعبها

قاعده في امان الله شايله هموم الدنيا بسبب الامتحانات بس تمام يعني عاديه فتره و هتعدي فتحت الصور و فيديوهات بقلب لقيت ذكريات اول السنه الي هيا يعني اول تالته ثانوي بجد كميت ذكريات فضيعه ي جماعه ازي الواحد بيتغير بسرعة كدا شكلي اتغير جدا حزنت طبعا لاني حسيت اني بجد اوحشيت جدا مش عارفه ليا بس حاجات كتير اتغيرت مبقاش عندي شغف شكلي اتغير جدا مبقتش اعرف اتصور زي زمان كدا و بجد اكتشفت اني كنت دلوعه جدا مش عارفه راح فين كل ده بجد بقيت شبه الست الي عندها ٨٠ سنه مش عارفه هل هرجع كدا تاني وله الحلو مش بيرجع و بجد ذكريا دي حاجة بتوجع القلب بجد و بتفكر الواحد بحاجات كنت حلوه جدا دلوقتي هوا مش لقيها

القاسي ف كلامه او تصرفاتة اللى اهم حاجة يطلع مش غلطان اللى بيتغيرو ف يوم وليلة ويسيبو الشخص بكل سهولة لدماغة من غير توضيح اللى بيبقو عارفين انهم مزعلين حد ومش فارق معاهم اللى دايما نت اللى بتبقي بتحاول تصلح لو الدنيا باظت ولو سكت هما بيسكتو

اتأخرت ليه ؟ يمكن خوفت .. بس بص في وشي .. هيقولك عيشت وشوفت .. ! بيقولو لما تكبر بتبقا عايز ان الناس تفتكرك ؟ كلمات من تراك ابيوسف ( اتراكسيا ) بس بتلمس جوانا اننا عايزين حد جمبنا وحد يفتكرنا وان قد اي الدنيا ممكن تغيرنا ووجعنا يطلع من جوانا ويبان على وشنا .. والكلام من جوايا مش من مجرد التراك

يجماعه دلوقتي واحد صاحبي نزل شغل من خمس ايام تقريبا انا فرحتله جدا بصراحه واول يومين كنا بنتقابل بعد ما يخلص نقعد مع بعض ساعتين مثلا ويروح ف جه اختفى اليومين اللي فاتو ببعتلو لو شاف مبيردش عليا وقولت مش مهم نزلت انهارده بتصل بيه في نفس المكان اللي بنتقابل بيه واتصلت بيه اربع مرات رد مره منهم بيقولي مين ف انا استغربت بس قولت عادي المهم قولتله انا كذا بيقولي اه وعايز ايه يعني ف بقوله انت بتكلمني كدا ليه (الشبكه قطعة علشان منطقتة الشبكه هناك وحشه) المهم دلوقتي انا قاعد هناك مدايق منه ومستغربه لانه مبيكلمنيش كدا اصلا

مش مخوفني غير ان قسوة الحياة بدأت تسيب فيا طباع مكنتش هحبها لو قابلتها في حد غيري كنت اتمني حياتي تكون اسهل شوية كنت اتمني اللي حبيتهم يحبوني قد ماحبيتهم او علي الاقل يقدرو حبي ليهم كنت اتمني صحابي يفضلو جنبي مش كل واحد بيعافر في طريق شكل شكلي خسرت الرهان وبقيت نسخة من الناس اللي كنت لما بشوفهم بشفق علي اي حد في حياتهم

مش كل الناس الموجوده في حياتنا هتفضل مكمله معانا علي طول فيه ناس بتدخل حياتنا علشان تعلمنا درس وفيه ناس بتقضي في حياتنا معانا مرحله ما وفيه ناس بتفضل موجوده علشان هما بيكونوا شبه نسخه قديمه مننا اول ما النسخه ديه بتتغير هما كمان بيختفوا معاها علشان كدا مينفعش تربط قيمتك كشخص ببقاء الناس مش معني ان الناس مشيت ان انت غلط ومش معني ان الناس لسه موجوده ان انت صح لان ده علي طول بيحطنا تحت قلق وتوتر علي طول خايفين ان الناس تسيبنا وتمشي او بتتمسك بيهم اكتر من اللازم وفي النهاية مش مهم ان الناس تبقي او تمشي المهم ان انت تفضل متمسك بنفسك حتي لو كل حاجه اتغيرت حواليك

الصراحه مش عارف اقول ايه بس في فتره من فترات حياتي حاجه حصلتلي غيرتني مليار درجه كنت وقتها محتاج حد يسمعني بس كنت تايه اوي ولوحدي على اكتاءب وحجات كتيره اوي كنت بايظ وماكنتش عايز احكي لحد من قرايبي ولا اهلي ماكنتش عايزهم يبصولي بشفءا يعني اللي هوا دا صعبان عليا ولوحده وكدا المهم فضلت على الحال دا فتره وبعدها عرفت التطبيق دا وبقيت احكي عليه كل حاجه عشان محدش عارفني بس برضو الكلام مكانش بيجيب فايده جربت اني اكتب كل اللي حاسس بيه في ورقه واحرقها بس للاسف الكلام بيفضل كلام المهم اللي اكتشفته اني ابتديت اتعود على دا بقت اي حاجه بتوجعني بتحصل يتحط جوا قلب لحد ما بقا قلبي اسود اسود مش بهزر اي حاجه بتحصلي بقت عادي خالص وبضحك علطول واثرت عليا من حتت تانيه اني مبقتش اخاف من حاجه من حاجه خااالص عشان اتعودت على كل حاجه لما بقا يحصل حاجه كنت بخاف منها زمان وتحصل دلوقتي استغرب اني مش خايف منها اصلا وأهوا بقيت بتعامل عادي خالص وعرفت ناس بقو اكتر من اخواتي واعرف عنهم كل حاجه بس هما ميعرفوش عني حاجه غير اني بضحك وبهزر بس بجد والله بضحكهم كلهم وعلطول بهزر معاهم واي ح يسال مين اكتر واحد بيضحك يقوله انا بس هما ميعرفوش عني اي حاجه بجد بحس أن قلبي بقا اسود اسود اوي مبقتش احس ولا اخاف من حاجه خااالص وحابب يعني اقول لاي حد هوا في الحاله بتاعتي اللي في الاول انو تايه ولوحده وكدا هتتعود ودنيا هتبقا كلها كويسه حته لو عدا وقت كتييير اوي هتيجي عليك فتره هتتحسن فيها وهتكون مبسوط بس وشكرا 🤍

ذي انهارده من اربع سنين كنت نفس الشخص اللي أنا عليه انهارده بس الفرق الوحيد أنها خدت مني ناس وادتني غيرهم ويمكن قسوة اليوم دا من اربع سنين هي اللي خلتني انهارده مش فارق معايا عدم أو وجود ناس مكنتش بفارقهم ثواني ولها الفضل أنها بدلتهم بناس انضف كتير ومين عالم مش يمكن الوحش فعلاً بيوصلنا لناس ماكناش نتخيل نعرفهم ولا حتي يعرفونا .

عندي واحد صاحبي وكان صاحبي جدا في اولي جامعه و فضلنا اول صحاب جدا و من تاني سنه بدأ يتغير معايا و بقي لما يشوفني في الجامعه يخبي وشه و يتجاهلني و يمشي و يسيبني و اسلوبه معايا لما اعاتبه واتس كان وحش و كان بيقولي انا اتغيرت و ابعد عني و مش عايز اعرفك تاني و لما سألته انا عملتلك ايه يقولي انا معنديش نشكلة شخصية معاك و انا مليش في حوار البيست فريند فا بقوله بس انا دايما بلاقيك ماشي مع صحابك في الجامعه و بتكلم عادي و بتهزر و انا بتعاملني وحش جدا يقولي لا انا بتعامل مع كل الناس نفس المعامله كل دا تاعبني جدا و خنقني لاني اتعلقت بيه جدا بس بعد كدا اكتشفت انه بيعمل مع صحابه اعمال لوطیه في الاول شكيت بس لما واجهته قالي جايز يبقي عندك حق بس بعدها انكر بشدة جدا الفكرة اني معنديش صاحب غیره و حاولت مع ناس كتير بس هو كان اكثر حد بيفهمني و بندمج معاه و عکس اغلب الناس مش شبهي دلوقتي المشكلة اني دمي بيتحرق كل مرة اشوفه في الجامعه و افتكر معاملته معايا و في نفس الوقت اشوفه مع صحابه بيتكلم عادي و بيضحك و بيهزر و بیخرج معاهم و آنا بيخبي وشه كل لما يشوفني بقالنا سنه و نص كدا و نفسيا بتعب جدا لما كل مرة يخبي وشه مع العلم انه بيعمل كدا انا حتي و بحاول اتعامل معاه مجرد اعدي من جنبه بيعقد يديني ظهره انا متعلق بيه جدا و هو وحشني بس هو بيعاملني وحش و اتغير و الموضوع دا تعبني و خنقني جدا اعمل ايه

طيب دلوقتي انا امبارح نزلت بوست تمام تمام و في ناس ردت عليا و كل الكلام دا و فجااا الاكونت عمل تسجيل خروج لوحده و لما دخلته تاني مش راضي يجيب لا البوست ولا الناس اللي ردت عليا يعني مش مهم كدا كدا الAi عــبــيــط و انتو عــبـــط فا مش فارقه يعني وبعدين الناس الرخيصه اللي بدخل على اي بوست برايڤت محدش يجي نحيتي علشان متزعلوش علشان لما بتتشتمو بتزعلوو دلوقتي انا بقيت حرفيا مش عارفه اعمل اي حاجه و بجد بقا عندي طاقة كسل بطريقه متخلفه و بقيت اكسل اعمل اي حاجه معرفش ليه حته كااان عنديي درس النهاردهه و كسلت اروحهه لا دي حاجة مش طبيعيه خالص لاني في العادي مكنتش كدااا يعني حته بقيت مكسله اتكلم اكتب اسمع دي حاجة مش طبيعيه تاني لان دا مكنش طبعي من الاول مكنتش كدا يعنيي اللي عنده حل يقولي

احكي واقول اي اقول إن مش عارف ان مالى أو اي المضايقني اقول إني مش عارف سبب إني مش قادر ارجع اشتغل زي الاول او اتعامل زي الاول طيب قولولي مين لسه زي الاول متغيريش الحبايب بقو أعداء والقرايب بقو أغراب حتي انا مش عارف نفسي حاسس إني ديما في حاجة غلط بس قادر افهم اي هيا

بدور ع نفسي القديمه ف كل حته انا ليه كبرت ! زمان كنت شاطره اوي وكنت اجتماعيه وعشريه اوي اوي وبحب كل الناس ومش بكره حد ولا عمري اتخانقت مع حد كنت بيور اوي اوي بدور عليكي ف كل حته ياروحي انتي فين وحشتيني اوي وحشتني شطارتك وحشتني فكره ان مكانش يفرق معاكي حاجه كنتي شايفه الدنيا مجرد حياة لطيفه وناس الطف ايه حصلي ليه بقيت كدة ؟ ليه بقيت مش شاطرة وليه بقي في خصام بيني وبين ناس ليه كدة ؟ ليه بقيت شايله هم الدنيا وبقيت دبلانه وبقيت شايله هموم الدنيا على قلبي ليه الدنيا بقت كدة معايا ليه؟ وحشتيني اوي اوي نفسي ارجعلك نفسي كل حاجه ترجع زي الاول نفسي 💔

انا عاوزه اعرف هو ليه في أول العلاقه ممكن حد يبقي حلو جدا وبيتكلم كل يوم وبيدي اهتمام وبعد فتره كل ده بيقف ويبقي مشغول جدا ومش فاضي وعنده ظروف الدنيا ومشاكل الدنيا ليه فجأه عاوزه افهم بجد هو ده طبيعي ؟

حسه الحوار غريب اوي اوي اي الي ممكن يخلي راجل بيعشق بنت بيعشقها دي كلمه قليله بجد في يوم وليله يتغير جامد يرجع حد البنت دي متعرفهوش حد مش مفهوم ولما جات تتفاهم معاه كان كل مره يرد عليها أن دي ضغط شغل وفضلوا كده شهر لغايه م قالها نبعد العلاقه دي محرمه هي مرفضتش خالص قالتله تمام بس اديني رقم اختك وانا ابقى اكلمها هي واطمن عليك منها و ابقى صاحبتها بس هو رفض دي معناه اي بجد ولي بقى كده الحوار تفكيره متعب بجد

انا انسان مبحبش اللمة الكدابة فحرفيا معنديش صحاب خالص مش غصب عني لا بمزاجي انا ال ملاقتش الحد ال اعتبره صاحبي بجد كنت دائما وحيد بس لما اتأذيت و اتخذلت من اقرب الناس ليا .. قبلها كنت فاكر أني بعرف اتعامل مع الوحدة لحد ما عرفت بجد اتعامل بعد ما اتأذيت من ساعتها اتغيرت بقيت بحب الوحدة من غير اشتياق لحد بحب الوحدة من غير ندم ولا حزن ولا لوم بحب الوحدة و أنا مرتاح كدا الوحدة ادتني كرامة و ادتني هيبة و ادتني تفكير

مش نافع اني اكمل كل حاجه باظت و انا عديت بكل ده و حاولت افضل زي ما انا لكن مقدرتش اتغيرت اوي و مبقتش عارف نفسي بتمني الم/وت أو أنه اتبخر و كل ده ينتهي مفيش مساعده أتوقعها او حاجه تحصل ابقي احسن

انا كان عندي صديق عزيز عليا اوي وقريب ليا جدا وصلت معاه لمرحله اني بثق فيه وبحكيله كل حاجه ودايما برتاح في الكلام معاه وكان بالنسبه لي امان عمري ما حسيت ناحيته بأي حاجه ودايما كان سند ودايما مهتم بكل تفاصيلي وكل حاجه وبيفهمني من اقل حاجه ولو اتضايقت يزعل علي زعلي وميسيبنيش الا لما يضحكني ويخرجني من اي حزن وقف جمبي في كل لحظه وفضل جمبي وحرفيا كان مهتم بطريقه مطمناني اني الحمد لله مش لوحدي خاصه اني بجد كنت لوحدي وكل اللي اعرفهم خذلوني وانا كانت دايره صحابي اساسا قليله بس هو من فتره ارتبط واتغير تماما معايا وبدا اهتمامه ينعدم وكأني مهمشه ولما واجهته رد فعله انه مستحيل يخسرني بس انا حاسه اني خسرته لان كل حاجه كان حلوه بيعملها بقي بيعمل ضدها وبجد انا حاسه بفراغ قاتل وكأن ضاع مني حاجه غاليه اوي واول مره احس اني لوحدي تماما انا لسه مش حاسه بحاجه ناحيته غير صداقه واخوه وده حقيقي لاني لما فكرت هل لو في يوم ارتبطنا حسيت اني رافضه الفكره ومش متقبلاها لاني مشاعري تجاهه كلها انه سند واخ بجد مش حبيب نهائي بس المشكله اني اعتبرته اخويا بجد لدرجه ان اهماله الفتره ديه محسسني اني بجد خسرت حاجه كبيره اوي ومش هعرف اواجهه لاني مش عايزاه يحس اني بغير من البنت اللي ارتبط بيها بالعكس انا فرحانه انه ارتبط اخيرا بس كان نفسي ميتغيرش معايا ويحسسني اني في لحظه واحده ماليش لازمه والمشكله اني مش قادره ابعد لاننا شغالين سوا وانا بحب شغلي ده وتعبت عشان اوصله ومش عايزه امشي بس كل يوم بحس بجفاف معاملته بعد ما كنا قريبين جدا بحس اني بتدمر اكتر و الاسوء ان كل حاجه كان بيعملها ليا بقي يعملها ليها قدامي كأنه بيبعتلي رساله انك كنتي مجرد كومبارس او سد خانه لحد ما تيجي واحده فعلا في حياتي والاحساس ده خانقني بجد لدرجه اني مش عارفه اواجهه هو اساسا مش مديني فرصه لانه بيبعدني بشكل غير مباشر ولما ابعد يقولي انا مش عايز اخسرك ويرفض اني ابعد فبجد بقيت في موقف بشع مش عارفه اتصرف ازاي ولما قولتله ينقلني قسم تاني لانه مديري في المكتب رفض وقالي وجودك في المكتب مهم وفعلا منقدرش نستغني عن وجودك ده وقفل الموضوع انا حاسه اني لوحدي هو حرفيا كان حاجه كبيره بالنسبه لي الاخ اللي مكنش عندي ودايما كنت بتمناه من ربنا والوحيد اللي فاهمني بجد ودلوقتي انا بالنسبه له ولا حاجه وده احساس قذر مخليني مش قادره ارجع للهدوء النفسي اللي انا كنت دايما فيه وبجد محتاجه اتكلم مع حد اطلع كل اللي جوايا لان الوحيد اللي كنت بحكيله كان هو ودلوقتي انا مش عارفه اعمل ايه

هوا كوني اتغيرت مره واحدة وبقيت اعرف ربنا وقريب منو وبصلي وبقرا فكتابو ده طبيعي انا حقيقي مستغربيني وحتا امي بتقولي خايفة عليك بجد انت اتغيرت من ضلمه لنور وبتعيط وقلبها حاسس بحاجه هتحصلي بس انا بجد عندي نفس الشعور ان ربنا بيندهلي اتوب عشان خلاص عاوزني انا مش زعلان بلعكس بس امي متعلقة بيا جدا

كان في واحده صحبتي كنا مع بعض من تلات سنين ولحد دلوقتي مع بعض بنتكلم عادي بس من اول الترم ده واحنا مش بنتكلم معرفش ليه هي شيفاني بعطلها مثلا ولا مكاني اتغير عندها مش بتطمن عليا عكسي كنت ببعتلها بتاع اربع مرات ورا بعض انا اللي بسال لما بتغيب ، هي معندهاش مشاكل لما بكلمها بتقولي امتحانات مع اني نفس الكليه وعندي امتحانات زيها ، بس بعدي الموضوع بقيت مكبره دماغي منها حتي دلوقتي مش زعلانه بحلل بس المواقف لاني مستغربه ، في مواقف صغيره عملتها بس فرقت معايا زي مره كنا فاكتفتي وسالوها تحبي تشتغلي مع مين لو كنتو مع بعض فتيم فاختارت كذا حد تاني غيري عكسي انا اختارتها ، بردو موقف تاني كنا رايحين مكان بس هي وانا ركبنا من اماكن مختلفه فبقولها لما توصلي رني عليا فوصلت و ركبت المترو كمان و كنت واقف عند السلم برن عليها قالتلي انها ركبت طيب مفرقتش عشر دقائق أو كنتي رنيتي بس متكلمتش عادي، دلوقتي هي اللي متغيره و بعتتلي من اسبوعين بتسلم وبتقولي أنها مقصره فقولت عادي و رديت وهزرت مردتش عليا بعدها علي كلامي و بتعرف تنزل استوريز علي كل البلافورم بس مش بتعرف ترد عليا ف مش عارفه هي ليه بتعمل كده مع اني بمتحن زيها عادي هي دلوقتي مش فارقه معايا عادي بس لما بفكر بستغرب

ليه احنا معدناش زي الاول ليه كل يوم الواحد خلقه بيبقي ديق اكتر من الاول ؟؟ وليه معدناش نعرف نحب بجد ايا كان مين حبيبنا أو حبيبتنا اهلنا نفسنا بقينا حاسين أننا مغتربين علي ما اعتقد الوضع الرأس مالي الراهن يخلي الانسان يعمل اكتر من كده

I think اني كمريضة قلق عام انا و غيري مابننساش حاجة اصلا 😅💔 كللللل حاجة متخزنة فى الذاكرة و الجهاز العصبى كل فقد ، خذلان ، صدمات ، مواقف صعبة ، فقدان ثقة و فقدان هوية و هدم قيم كلها حاجات بتخليك بتتغير لنسخه مش انت مش زي ما كنت فاكر انك هتفضل و هتكون زمان يعني بداية بوفاة والدي الدنيا اتغيرت و بعده اصدقاء كتييير ظهروا ع حقيقتهم ، بعدين حب يطلع مش حب و تتخذل فى لحظة انت كنت واثق اووي ان اللى قدامك مش هيعمل كدة فيك اكيد فيصدمك انك مس فارق له اصلا 😂💔 ، بعدين تتضطر تغير حياتك بشكل اوسع و تلاقي صدمات تانيه و تانيه و ناس بس يدخلوا بحياتك يأذوك و يمشوا و بعدين غيرهم و هكذا ... لحد ما تبقى مافيش .. مش حاسس باى حاجه غير مجرد خوف و رعبه من اى لحظة ممكن تكون حلوة .. متوتر من (فكرة الامان) و بتهرب منها عشان بتمثل لك (خسارة مؤجلة) اعتقد مافيش اسوء من ده ممكن يحصل لحد 💔🥲

ذنب وقعت فيه ومرحلة بمر بيها حاليا مخلياني مش قادره اتعرف علي نفسي من الاساس ولا افهم مين البنت الجديده اللي انا عليها بقالي شويه ديه ؟؟ هي مش انا وعدم تغيري للوضع الحالي بيخلي الاحساس ده يزيد اني باصه لنفسي بصه استغراب ومش عارفه مين الانسانه اللي انا عليها دلوقتي زائد خروج الانسان اللي حبيته من حياتي بكسره منه زود احساسي بالضعف والعجز وانا مش متعوده اكون لا ضعيفه ومهزومه

انتي مش الست اللي عايز اتجوزها من اكتر واحد حبيته ف حياتي واعتقيني لوجه الله .. ابشع احساس لما تحس بعد ما كان انسان مفهمك انك كل حاجه ليه والزمن يغيره ويخليه حد تاني تماما ف يتخلي عنك بكل قوته كانك مكنتش اي حاجه ليه ف يوم من الايام ويمشي وميبصش حتي وراه تاني

غريبه والله كل حاجة غريبه احنا مشاعرنا بتتغير ف اليوم خمستلاف مرة اعتقد بسبب كميه التشتت اللي احنا فيها طب اي الحل لكل دا الحجز عن كل المشتتات ولا استخدام منطقي للاشياء طب ازاي نستخدم بمنطق وكل اللي حولينا معندعمش منطق هنقعد مع مين؟؟

أنا ما بقيتش نفس الشخص بتاع زمان، ولا نفس الشخص اللي كان من سنتين تلاته ولا حتى نفس الشخص اللي من أسبوع حتى .. الواحد بيتغير بطريقة سريعة وغريبة جدًا .. المواقف بتغير، الهموم بتغير، الوجع بيغير، فعشان كدا مُستحيل تلاقي شخص لسه زي ما هو بنفس روحه بتاعت زمان .. حرفيًا الحياة خدت مننا أجمل ما فينا وبقينا عايشين بشوية بقايا.

هو طبيعي إن الواحد يبقى حواليه ناس كتير… بس يحس إنه لوحده؟ طبيعي إنك تحكي وتضحك وتهزر… وجواك ألف حاجة مكسورة محدش شايفها؟ بقيت بحس إن الكلام بقى تقيل، وإن مفيش حد بيسمع بجد… كله بيسمع علشان يرد مش علشان يفهم. هو أنا اللي اتغيرت؟ ولا الناس بقت مشغولة لدرجة إن المشاعر مبقاش ليها مكان؟

صباح الخير انا اسف لو البوست بس هتكلم عن حد صاحبي واتمنى اسمع نصايحكو وارد يكون حد منكو قرأ قبل كده بس الموضوع تاعبني نفسيا. اول حاجة أنا عمر في حياتي محد اهتم بيا ولا ارتبطت وكل ده ووالدي منفصل عن والدتي وعايش اغلب الوقت لوحدي. كان ليا صاحب، والله ما بهزر، كان بالنسبة لي أكتر من أخ، العلاقة بينا كانت غريبة شوية، كنا حرفيًا على الموبايل طول اليوم، هو يصحى يتصل، ينزل من بيته يتصل، وهو في الطريق يتصل، يوصل الشغل يتصل، وأنا كمان نفس القصة، ده غير الشات اللي مبيخلصش، لو راح يجيب حاجة من تحت البيت يتصل وهو رايح وهو راجع، الموضوع كان أوفر شوية بس بصراحة كنت مبسوط بيه لاني عايش لوحدي وعمر محد سأل عليا وعمري مقربت من حد كده وكنت مبسوط اوي اول مرة اعرف يعني اية اهتمام. وجت فترة امتحاناتي، ودي كانت أسوأ فترة عدت عليا، كنت ناقص مادة ولو وقعت فيها هعيد السنة، كنت مرعوب حرفيًا، وهو بقى وقتها كان عامل شغل عالي جدًا، حافظ مواعيد امتحاناتي أكتر مني، يتصل قبل ما أنزل، وأنا في الطريق، وأنا داخل اللجنة، بعد ما أخلص، لحد ما أروح البيت، كلامنا مكنش بيخلص، يا إما حد فينا ينام يا إما حد يتشغل. ولو حد فينا اتضايق من حد تالت كنا نقطع معاه، من غير تفكير، كنا قريبين إنه مرة كلمني يقولي يعني إيه متسألش عليا، هو أنا شيفت إمتى بكرة، وليه مكلمتنيش غير مرتين بس النهارده. بدأ يتغير معايا بطريقة مش مفهومة، وأنا كنت بعزه جدًا جدًا، لدرجة إن أمي كانت بتقولي طب ما تعزمه ييجي البيت بما إنه قريب منك كده. فضل بقى داخل في مود غريب، يوم كويس ويوم لأ، مرة يرجع يكلمني طبيعي، ومرة يتكلم بأسلوب وحش جدًا، لدرجة إنه مرة اتصل بيا الفجر، وقاللي أنا بكرهك اقسم بالله العظيم وعمري ما حبيتك وبح.. قد عليك دايما. قولتله إيه اللي غيرك كده، قالي عشان مش عايز أكلمك، قولتله خلاص براحتك، بعدها بكام يوم رجع يقولي تيجي نخرج، قولتله ماشي، خرجنا، جابلي حواوشي وأنا جبتله حاجة من بلبن، وقعدنا على القهوة. حاولت أفتح معاه الموضوع، أفهم إيه اللي حصل، قولتله إحنا كنا إيه وبقينا إيه، قالي فجأة هو أنت ليه دفعت، قولتله عادي، أنت كنت بتقول عندك التزامات ومش عايز أتعبك، أنا الحمد لله معايا فلوس وواقف على رجلي ابويا وامي بيدوني مصروف وشغال شغلانتين وعايش لوحدي مليش اي التزامات، راح قلب الموضوع وقاللي يلا تكلف إيه، ده أنت موبايلك وحش وأنا معايا آيفون، وابتدى يفتح مواضيع حساسة عني واسرار محدش يعرف عنها حاجة. اتضايقت وسكت، قالي عايز تعيط عيط، وأنا فاتح الأكل بتاع بلبن قالي هو أنت محروم للدرجة دي، قولتله اتكلم باحترام، راح قالي ده أنا كده، وأنت أصلاً عيل متو،،، حد وفي نص الطريق قالي أنا مش عايز أعرفك تاني، بعدها اختفى شهر من غير كلام. بعد شهر كلمته عشان أفهم، رد بأسلوب سيئ، عملتله بلوك، فضل يتصل كتير لحد ما فكيت البلوك وده بعد اسبوعين اعتذر شوية وسكت، وبعدها قالي ساب الشغل وقعد يعيط وخدو منه كل فلوسه قدام الناس وأنا رغم كل اللي عمله رشحته عندي في الشغل، قولت لمديري إنه شاطر واشطر مني بدل المرة الف. بعدها راح هو شغل تاني وبقى يطلب مني مساعدات فيه وأنا أساعده، ولما أنا طلبت منه حاجة بسيطة، قالي بلاش صياح ومش هديك حاجة، وقطع معايا أسبوعين، رجع طلب مني مساعدة، رديت عليه بنفس الأسلوب، شتمني وقفّل. وفي الفترات دي، أنا كنت بمر بحاجات صعبة جدًا، أخويا خطب وهو مش موجود، وقعت في الشقة وأغمى عليا وقمت لوحدي وطلبت لنفسي إسعاف لاني عايش، كنت لوحدي، مفيش حد جنبي، دكتورة زعقتلي في التليفون لدرجة إني قعدت أعيط، سافرت يومين ماكلتش فيهم حاجة، رجعت البيت منهار، أخدت إجازة من الشغل، وجالي ارتكاريا. ومرة كلمني وسألني صوتك ماله، قولتله تعبان متشخص ارتكاريا قالي إيه ده أنت جربان واتصل بيا كنسلت قالي رد نفسي اسمع صوتك وانت تعبان، في رمضان حاولت أفتح صفحة جديدة، قولتله أنا بحكي عنك لوالدتي كتير وتعالى البيت عزومة الوقت ده انا مش لوحدي وهي معايا دي فرصة تعالى على فطار قالي هو انت شايفني جعان وأنا مش بدخل بيوت، وبعدها قالي مش معايا فلوس وزعلان قولتله عايز كام قالي هو انت شايفني شحات؟؟؟ انا استغربت انه قالي نفسي اسمعك وانت تعبان وكل ده وحاليا انا بعيد عنه بعد ماكان مهتم جدا جدا ومش بيخلي حد يفكر يقولي كلمة ولو شم بس اني متضايق بقى كده وحاليا انا عملتله بلوك وقريب كان هيوقعني في الز.. نا انا لما قطع معايا شهر كنت بعيط ولحد دلوقتي بعيط ليا صحاب كتير اه وبخرج بس مهما حكيت وهزرت معاهم مش برتاح قد مكنت يرتاح معاه ولا كأنه خطيبتي وكل محكي لحد يقولي ده لو خطيبتك مش هتعمل كده خرجت مع ناس كتير كلمت ناس كتير بس برضو مش برتاح حاسس بالفراغ متعلق اوي بالنسخة القديمة منه خصوصا اني عندي حرمان من الاهتمام بطريقة كبيرة اوي كل مبص في الشات بيننا اقعد اعيط مش عارف اتخطى متعلق بالنسخة القديمة حد عوزت ادخله شغلي وبيتي ونفسى أعرفه على امي وعمري مدخلت حد من صحابي البيت وهو كده اقسم بالله كنت بقوله انت اغلى صاحب ليا وبوصفله قد اية هو غالي عندي وعمل كده رنلي امبارح من رقم تاني بعد معملت بلوك قالي لي البلوك تعالى نخرج رفضت لحد دلوقتي قلبي متعلق بالنسخة دي وانا نفسي بستغرب ده انا حبيت بنت قعدت رغي معاها كل يوم لمدة سنتين مكناش كده وهي مهتمش بيا انا اول حد في تاريخ حياتي يهتم كده طول الوقت حاسس بفراغ بفكر اعمل ايه مش عارف أخرج مع الكل اهزر انكش في كله برضو الشعور اللي جوايا مش بيتشبع ببقى نفسي اقوله عشان خاطري رجع النسخة القديمة اللي عرفتك عليها الأخ اللي في ضهري اللي كنا قدام اي حد وفي ضهر بعض ازاي هو قل مني وهان كرامتي وجه عليا وفرح في مرضي وقالي مش عايز اعرفك وقطع معايا وكل ده انا متعلق كل محكي لحد يقولي انت ازاي مكمل في العلاقة دي بس انا عندي حاجة مش كاملة مش عارف اية هي نفسي الاقي النسخة القديمة من صاحبي واخويا وحبيبي بحس أن ده مش هو كانه أتغير مش مصدق أن ده اللي كان بيكلمني بالساعات فون..

عارفين الشعور المصاحب للتغير ده شعور انك بتمر فمرحله فيها هتتغير للأحسن أو الاسوأ أو هتختار تكون وحيد وتتكيف مع الوحده بس طبيعتك البشريه هتغلبك وهتنساق لبعض ميولك الخطيرة مين فينا مر بالشعور ده وتعايش معاه ازاي وتجنب أنه يتغير للأسوأ سواء ليتكيف مع المجتمع أو يمارس حياته اليوميه بسلاسه مثلا

الحاجة الوحيدة اللي هفضل دايما مش قادره استوعبها ان ازاي حد يتغير ف يوم وليلة مشاعر كاملةة وحاجات كتيرة وعشرة تهون وكل دا ف يوم وليله بس ليت الانسان قلبه مثل قلب اللذي يظلمة حتى لا يتألن من افعالة ❤️‍🩹

صباح الفل مبدئيا اسف اني هطول والكلام طويل اوي من 2000 كلمة وبعتذر لاني تعبان نفسيا اوي ومحتاج اللي يسمعني البوست نفسه مش هيقبل القصة كلها عشان كده هحط جزء هنا وجزء في الكومنتات. ليا واحد صاحبي اقسم بالله كان اكتر من أخ وكان بينا رغي بطريقة مش طبيعية يعني هو قبل الشغل يتصل من اول ميطلع من باب البيت لحد ميوصل وفي الشغل يتصل وبعدها يتصل وانا في شغلي برضو نفس القصة ولو راح يجيب حاجة وهو في الطريق يتصل ده غير الشات طول اليوم. بداية معرفتي بيه كانت خناقة وقال عليا اسوء كلام في الشغل قدام كل الناس في الجروب بسبب انه عايزني اغير من طريقة شغلي وانا مش مقتنع بوجهة نظرو عمل كده بعدها كان بيحاول يقرب وانا اصد وهو يقرب لحد متصاحبنا. وقت الامتحانات عندي كان ناقص مادة اشيلها واعيد السنة كنت مرعوب اقسم بالله كان عارف مواعيد الامتحان وكان يتصل بيا قبل منزل من البيت ومرة في القطر ومرة قبل وبعد اللجنة فبقى في قرب بينا مش طبيعي والكلام مكانش بيخلص الا لما حد ينام ولو حد زعلني أو زعلو كنا بناخد موقف معاه وممكن نقاطعه والله كان بيتصل بيا يقولي يعني اية انت متسألش انا شيفت امتى بكره او لية مكلمتنيش غير مرتين بس النهارده لدرجة اني قاعد بقلب في الشات مستغرب من كلامي معاه دلوقتي ازاي وكان زمان ازاي. بعد كل ده بدأ يتغير معايا فترة بدون اي سبب ولا مقدمات انا كنت بعزه جدا جدا لدرجة أن أمي كانت تقولي ابقى اعزمه في البيت بما أنه قريب منك للدرجة دي. زي مقولت في يوم وليلة اتغير 180 درجة نهائي ومن غير اي سبب جه في يوم قالي تعالى جيم بيس لعبت معاه عادي على الموبايل لاقيتو قاعد متعصب قولتلو مالك قالي مرهق فضل بعدها يرد على قد الكلمة وقالي اشغل نفسك بحاجة غيري وقطع معايا 3 ايام بعد مكنا 24 ساعة رغي فون وشات ومكنتش متخيل أنه يعمل كده. ولما اتكلم قالي بعدها بيس ومفتحش كلام وقولتله احنا على طول مع بعض واكتر من أخوات ازاي تتغير كده معايا قالي عشان مخك صغير قولتلوا يبني عيب لما تقول كده لو حصل مني حاجة وحشة قولي انت طلع منك واحد اتنين تلاتة قالي ولا اي حاجة هو كده. فضل بعدها فترة يرجع زي زمان من رغي ومرة يكلمني وحش لدرجة أنه اتصل الفجر قالي اقسم بالله العظيم بكرهك وعمري محبيتك قولتلوا يبني انت ازاي متغير كده قالي عشان مش عايز اكلمك قولتلو انت حر بعدها اتكلم وقالي متيجي نخرج قولتلو ماشي يخويا جابلي حواوشي وانا جبتلو من بلبن وقعدنا على القهوة قولتلو عرفني انت بقيت متغير كده لية ده احنا كنا اقرب اتنين لبعض واللي بينا مكانش قليل انت عملت معايا اللي معملوش اخويا ودلوقتي انت حد تاني راح قالي انت ازاي تدفع انت بلبن قولتلو انت قايلي أن عندك التزامات ومع ذلك جايبني نخرج فطبيعي مخليكش تدفع حاجة انت وراك انا الحمد لله معايا فلوس بابا وماما بيدوني مصروف غير اني شغال في مكانين واصلا عايش لوحدي بيفيض مني كل شهر ومش عايز اكلفك راح قالي يالا تكلف أية انت موبايلك وحش وانا معايا ايفون ا وقعد يقولي على أسرار ليا انا زعلت وقلبت وشي قالي عايز تع*يط عادي معنديش مشكلة وفتحت شنطة بلبن قالي في اية ياض انت مح**روم للدرجادي قولتلو متكلمني عدل بقى قالي هو ده اللي عندي انت عيل مت**وحد اصلا قولتلو هو انت زعلان وكل ده عشان أنا اللي دفعت قالي اه هو كده بعدها كان المفروض اروح 11 ونص عشان المترو لاقيتو 10 ونص بيقولي يلا نقوم انا مش قادر وفي وسط الطريق قالي مش عايز اعرفك تاني ولا تكلمني قولتلو انا يكررها عيب يا ابني كده والله قالي انا حر فركبت المترو وانا مش مصدق ازاي الشخص اللي كنا اقرب اتنين ورغي 24 ساعة بقينا كده وعشان مكونش غلطان بعتلو رسالة قولتلو اسف حط قلب وسكت وبعدها قطع شهر بعد القطع شهر كلمته اعرف منه الاسباب كلمني وحش جدا جدا عملتله بلوك راح اتصل كتير جدا وقالي فكه ده انت انسان مريض رفضت وفكيته من نفسي بعد اسبوعين وقعد يعتذر وسكت وبعد اسبوع قالي أنه ساب الشغل وعيط فيه واتخصمله وكلمتو على القد وقولت لمديري في الشغل ده أشطر مني هاتوا وقالي هحاول وبعدها قالي أنه نازل مكان تاني ولو المكان اللي أنا اتكلمت فيه هيجيبو هيشتغل الاتنين مع بعض، لاقيته بعدها كان بيطلب مساعدة في شغل اني امسكله سيستم وكده وكنت بوافق عادي وهو كان بيكون عنده امتحان أو حاجة وطلبت منه رقم شخص هو كلمه عشان اطلب منه حاجة في حدود الشغل راح قالي "يلا ياض من هنا بطل صياح ومش هديك حاجة" وقطع معايا اسبوعين كاملين وبعدها طلب مني مساعدة في الشغل كلمتو بنفس الأسلوب راح شتمني وقفل في وشي. في الفترتين اللي قطع معايا فيهم، اخويا خطب وهو اختفى وكان قاطع معايا، وقعت في قلب الشقة وأغمى عليا لأني عايش لوحدي وقومت من نفسي وهو معرفش اي حاجة غير بعدها دكتورة مادة معينة زعقتلي في الفون وبسببها قعدت اعيط وسافرت يومين ورا بعض مكلتش لقمة فيهم ودخلت البيت عيطت وخدت إجازة من شغلي ومعرفش لانه كان قاطع معايا، جالي ارتكاريا وعرف بعدها بفترة لما رجع واتصل تاني بعد امتحان وقالي صوتك متغير قولتلو تعبان عندي كذا وكذا ولاقيتو قالي انت جربان قاعد بتهرش واتصل بيا مردتش قالي عشان خاطري رد انا نفسي اوي اشوفك وانت بتهرش وبتتوجع وشديت معاه قالي بهزر ده انت نكدي ومقرف وبقى بعدها يسأل عادي على تعبان عندي اية. جيت في رمضان قولت لنفسي يا واد خليك كويس واعمل بأصلك قولتلو انا بحكي لامي كتير عنك انك اخويا وحبيبي تعالا البيت اعرفك عليهم هي واخويا وتفطر قالي اشمعنا البيت هو انت شايفني جعان؟؟ وانا مش هخش بيوت ده انت بعيد عني ساعة ونص قولتلو انا جيت لك مرتين عشان متزعلش عاملني بالمثل قالي مفيش مثل ومش جاي في حتة وبطل صداع لاني مش بدخل بيوت انت لو ساكن جنبي هخش بيتك غير كده لا ولاقيتو جاي يكلمني يقولي كنت سهران مع صحابي في الوقفة وقعدو يشربوا خش*يش وخمو**ر وانا فيب بس رغم انه كان ممكن يجي يقعد عندي وياكل وبعيد عن القرف ده برضو وهو كان فاضي وانا فاضي.

استكمالا لسيرة ابويا كانت جدتي ام والدتي بتحكيلي وبتقولي وانا صغيره وكان فيا شباب كدا كنت انا وواحده صاحبتي بنحب نروح المساجد اللي شيوخها صوتها حلو كل شوية مسجد شكل وجه ابوك كان بيصلي ف مسجد ف اخر البلد كدا وصاحبتي قالتلي دا في شاب بيصلي هناك بيقولوا صوته حلو وروحنا ولقيناه جميل جدا وبقينا نروح علطول وكنت بدعي بواحد زيه لبنتي وبعدين جه خطب امك وبقا يجيلنا الزياره ويصلي في المسجد اللي عندنا المسجد كان علطول فاضي ولما جه ابوك الناس بقت تفرش برا من الزحمه وكان صوته ايه في الجمال بعد ما سمعت منها زعلت بصراحه لان كل دا ماضي انا ليه بنزل دا ، عشان صعبان عليا اللي ابويا بقا فيه دلوقتي ومعادش زي زمان عنده علم ومتدين وشيخ محفظ نص البلد لما بفتكر ان دا بقا ماضي بزعل بس مفيش في ايده غير اني ادعيله بالهدايه وواخد عهد اني هبقا اكتر منه باذن الله وهمشي على خطاه المهم ادعوله بالهدايه والرزق

حاسس دلوقتى فى الفتره دى مش عارف انا ايه بالظبط يعنى انا من ساعة مخلصت ثانوى ودخلت كليه حاسس حياتى اتغيرت مثلا مذاكره مبقتش عارف اقعد اذاكر ساعه على بعضها على عكس زمان كنت بقعد ممكن ٥ ساعات متواصل فى القعده من غير محس طريقة تفكيرى فى الحياه عموما اتغيرت حاجات زمان كنت شايفها غلط وببص للى بيعملوها نظره مش كويسه دلوقتى شايفها حاجات عاديه وحاسس انى بقيت زيهم برضو بتقفل من صحابى بسرعه لو هزروا معايا بطريقه مش قابلها وبحس صعب ارجع اكلمهم تانى اكن محصلش حاجه اوقات بحس نفسى فيا حاجه غلط او انى اقل من اللى حوليا فى حاجه والشعور ده بيجيلى اوقات كتير مع انى بحب نفسى وعارف قيمة نفسى بس اما حد بينتقد فيا حاجه سؤاء كانت فيا او لا بطريقه فيها تريقه او حتى هزار بتلمس جوايا اوى وبتجرحنى بشكل مش طبيعى وبتشككنى فى نفسى بالغصب بس كده

انا بنت وليا اختي الكبيرة من ساعة ما اتجوزت وهي حرفيا كل مادا بتبعد عني بسبب جوزها دايما يوقع بيننا واحنا من زمان متعودين أما حد مننا بيجيب حاجه جديده بيوريها للتاني لكن دلوقتي بقت بتخبي مني الحاجة وأما اشوفها لابسة حاجه جديده تخبيها تقولي اخاف حد يشدها مني أو ديه مقفولة والقفل ف البيت وبتحسسني اكني حرامية أو هسرقها وموقف تاني كنت بنضفلها اوضتها واول ما جيت ف درج الدهب جريت و اخدته من قدامي بسرعه وخبته .. انا حرفيا وقفت مصدومة و مش عارفه انسي الموقف ده بالذات .... هو كل ده طبيعي ؟! والمفروض اتعامل معاها ازاي بعد كدة