كان نفسي اقول زي الناس اللي بتقول: أنا لسه عندي صاحب متغيرش و بيهون همومي عليا أنا لسه عندي صاحب بالدنيا وأقرب حد ليا، بس للاسف كله اتغير كنت فاكر إن في حاجات مبتتغيرش، كنت فاكر إن في ناس مهما الدنيا لفت بينا هتفضل ثابتة، بس طلعت غلطان الدنيا بتسرقنا من بعض واحدة واحدة من غير ما نحس، واللي كان أقرب حد بقى أبعد حد، واللي كان بيهون علي بقى هو الوجع نفسه، مش بزعل على اللي مشي قد ما بزعل على الإحساس اللي راح على الضحك اللي كان صافي، وعلى الأمان اللي كنت بحسه وأنا مطمن إن في حد فاهمني، يمكن كله اتغير بس لسه جوايا نفس الشخص اللي كان بيحب وبيستنى اللي شبهه حتى لو هستنى العمر كله.