عندى مشكلة انى برتاح وانا حاسة انى "مش موجود" اغلب الوقت مع نفسي مبحبش احس انى محتاجة لحد او ان مودى مرتبط بوجود شخص .. دى طريقتي من وانا صغيرة وكنت بستبدل دا بالكتابة كان عندى نوتس كتير بقعد اكتب كأنى بكلم حد من عالم تانى بيني وبينه بوابة سحرية هو موجود حوليا بس انا مش شايفاه.. مؤخرا كذا حد لاحظ انى بكتب بوستات هنا كتير ولمواضيع مختلفة ودا حقيقى.. انا من كتر م انا ساكتى بيجي عليا لحظات عايزة اكتب كل فكرة بتيجي ف دماغى عشان مفضلش افكر فيها وهنا انا بعرف اعمل دا من غير مااحس انى تقيلة ع حد لأنى مش بجبر حد انه يتناقش معايا فأفكاري انا بكتب لمجرد الكتابة .. ممكن اكتب مشكلة حزينة وفجأة اكتب سؤال عادى او قصة مضحكة.. ويمكن كمان مكونش بدور ع حل انا بس عايزة اكتب لحد م دمالى ترتاح وفجأة مش هبقى موجودة هنا كمان .. انا بس بحاول ارتب أفكاري الفترة دى عشان اعرف انا عاوزة اعمل ايه.. عارفين؟ انا عمري م حسيت انى وحيدة لان بعدي عن كل حاجة كان اختياري.. اكيد عايزة اعيش حياة طبيعية بس الى يدخلها يضيف لى شعور لطيف شئ إيجابي .. حد يتحمل سكوتى وفنفس الوقت لما أحب ارغي واتناقش واتجادل يكون عنده الطاقة لدا .. مش شخص احس انى معاه بعمل كل حاجة بحساب وبفكر ف كل كلمة بقولها الفكرة دى بالنسبالى مرعبة وبتخليني عايزة افضل لوحدى اكبر وقت ممكن بغض النظر عن رأى اى حد حوليا فأفكاري دى ..