شعور بالنقص

فيه موضوع عايزة اسأل عنه انا وشخص يعني بنحب بعض جدا جدا يعني بس الفرق بيني انا وهوا أنه معندوش ثقه ف نفسه نهائيا ودائما شايف اني كبيرة عليه المهم فضلت اعاني من الموضوع ده عشان صحابه كانو بيتريقو عليه وهوا شخص حساس شويه ف الكلام اثر عليه مع أنه اقسم بالله اجمل حد ف المنطقه وبنات كتير معجبه بيه وبتتخانق عليه المهم حبني انا وهوا مكانش ف بالي ف الاول لغايه اما اتكلمنا وانا كنت حبيته قبلها بفترة بس مبينتش حبيته عشان بدأت اركز معاة لانه كان بيعمل المستحيل عشان ابص بصه كده حتي لو من غير قصد المهم انا فضلت أقوله لا انت حلو وقمور و غيرة وببالغ اوي ف الكلام لغايه امبارح كده كان ف شغل المهم بقوله عايزة اشوفك واجي الشغل اسلم عليك وامشي قال لا خليكي عشان الناس هتحسدني عليكي بجد وكده وانك ازاي بصيتي لواحد زيي مش عارفه حسيتها تريقه ولا انا اللي بيتهيألي بس زعلت يعني اللي هوا ممكن بقا شاف نفسه عليا عشان نفخت فيه ولا ممكن بيتهيألي وبيتكلم جد

احيانا بحس اني مش كافيه، واني اقل من غيري،اقل بكثير لدرجه ممكن افكر هما ازاي مستحملينني و ازاي عادي متقبليني رغم ان عندي صداقات كتير و اغلب الناس الي قابلتهم اذا مش كلهم بيحبوني بس بجد بستغرب اوي ازاي في حد بيتقبلني في حياته و مش شايفني مزعجه

احس نفسي اكثر شخص سلبي في هذه الحياة . أؤذي الناس بدون ما أشعر . حتى أقرب واحب شخص بالنسبة لي اصبح يكرهني بسبب أذيتي له . في العلاقات الاجتماعية احس اني شخص ناقص بينهم أو غير موجود احيانا . دائما اتمنى لو يرجع بي الزمن لأصلح الخطأ الذي ارتكبته مع الجميع وخاصة (الشخص القريب)

انا ابويا سايبني بقاله كذا سنه وقايلي اني مش بنته وانا حاليا عايشه مع مامتي واخواتي هما تلت ولاد اصغر مني هو بيكلمهم عادي وبيقابلهم بس انا لا وطول الوقت بحس اني اقل منهم واني محتاجه مامتي تفرق في المعامله بينا علشان احس اني احسن منهم او على الاقل زيهم وانا تعبت من ان ماما بتعاملني بطريقه غريبه وبحس انها بتحبهم اكتر مني وانا مبحبش اكون لوحدي علطول متعوده حواليا ناس ف الموضوع بقى صعب عليا اوي وحتى لما بتعب مش بحس ب اهتمام منها زي ما بتعمل معاهم لما بيتعبوا بتوديني المستشفى بالعافيه ده لو ودتني وانا بتعب من كتر التفكير ومش بعرف اتكلم معاها عشان بتحسسني اني اوفر وبكبر المواضيع

طول الوقت بتخانق مع أهلى هما منفصلين و كل واحد فيهم اتجوز تانى فى واحد بيقول انو بيحبنى بس احنا مش مرتبطين بنستهبل نفسى احكى لمامتى عنه بس الدنيا مش احسن حاجة عندى مشاكل مادية كتير و طول الوقت حاسة انى أقل من صحابى و كل الناس اللى حواليا و بعدت اوى عن ربنا الفترة اللى فاتت بطريقة وحشة بقيت استغفر الله مش قادة اتكلم ولا حتى اسمع حد بيتكلم فى الدين بطلت حتى احس بذنب لما اعمل حاجة غلط كتير بفكر فى الموت

شكلي والطريقه اللي بتعامل معاها مع الناس حاجه والحياة اللي انا عايشاها حاجه تانيه حياة الفقر وحياة الاحتياج دي دايما حياتي الحقيقيه مش زي مابتعامل ومش زي مابلبس شعور ان مظهري عاطي انطباع تاني للناس عني شعور حلو بس عارفين اي بيعكنن كل ده؟؟؟؟ ان الناس اللي شيفاني مبهره يشوفو عيشتي الحقيقيه يشوفو حد من اهلي يشوفو انا باكل اي وبشرب اي محدش يحكم ويقول انتي بتستعري من عيتلك او من عيشتك محدش هيفهم الاحساس اللي بمر بيه غير اللي مجربه زهقت اشوف نفسي اقل من كل اللي حواليا زهقت وانا بحاول اخفي حياتي الحقيقيه عن الناس انا بجد بجد تعبت ولازم متكلمش قدامهم عشان هعمل اي يعني مهي دي عيشتي ومفيش حاجه هتتغير!!!