فيه موضوع عايزة اسأل عنه انا وشخص يعني بنحب بعض جدا جدا يعني بس الفرق بيني انا وهوا أنه معندوش ثقه ف نفسه نهائيا ودائما شايف اني كبيرة عليه المهم فضلت اعاني من الموضوع ده عشان صحابه كانو بيتريقو عليه وهوا شخص حساس شويه ف الكلام اثر عليه مع أنه اقسم بالله اجمل حد ف المنطقه وبنات كتير معجبه بيه وبتتخانق عليه المهم حبني انا وهوا مكانش ف بالي ف الاول لغايه اما اتكلمنا وانا كنت حبيته قبلها بفترة بس مبينتش حبيته عشان بدأت اركز معاة لانه كان بيعمل المستحيل عشان ابص بصه كده حتي لو من غير قصد المهم انا فضلت أقوله لا انت حلو وقمور و غيرة وببالغ اوي ف الكلام لغايه امبارح كده كان ف شغل المهم بقوله عايزة اشوفك واجي الشغل اسلم عليك وامشي قال لا خليكي عشان الناس هتحسدني عليكي بجد وكده وانك ازاي بصيتي لواحد زيي مش عارفه حسيتها تريقه ولا انا اللي بيتهيألي بس زعلت يعني اللي هوا ممكن بقا شاف نفسه عليا عشان نفخت فيه ولا ممكن بيتهيألي وبيتكلم جد
ممكن تتكلمي معا وتبعدي عن صحابوا علشان هما دول صحاب السوء ودي فتره ارتباط ومش ارتباط رسمي علشان تقبلي بس حاولي معا وخدي موقف لو رجع لصحابو تاني
اعتقد بيتكلم بجد. بمعني ادق التفكير في الفكره الي بيتكلم فيها دي ده اكبر دليل انه معندوش ثقه في نفسه فعلا و شايف نفسه قليل شايف انك تستحقي الافضل الحقيقه معرفش اقولك ايه المشكله بضان اوي بس ايه جابرك لم هو مش عارف قيمه نفسه و بيفكر بالطريقه دي ليه تتعاملي معاه اصلا بمعني ادق مهما عملتي معاه هيشوف انه ميستحقش بالتالي مش هيقدرك فاهمه؟ انا من وجهت نظري فاكس العلاقه دي
انعدام الثقه ف الشخص يهدم حياته ويجعله يخسر بدون مايشعر.. واللي زي ده لو طبعه نضيف مش هيعرف يشوف نفسه اصلا لكن لو العكس ممكن.. انتي اللي تعرفي
لازم تبقي عارفة ان ده كله حرام ف الأول واتعاملي على أساسه قوليله لو عايزني تعالى اتقدم وانا هوافق او ايا كان والعلاقة تكون ف اطار شرعي وماتقلليش من نفسك عشان ماتزعليش انتي ف الاخر وربنا يهدي الجميع ويصلح الحال يارب