كنت ديما يشوف نفسي حلوة. جميلة شكلا، مؤدبة وطيبة وحنينة، الكل بيحبني،معدا بنت واحده كانت بتكرهني عشان بتشفني احسن منها. كنت الاولي ديما ع المدرسة.. بحس ب اختلافي وقد اي انا مميزة وعندي مواهب. بس دلوقتي حجات كتير اتغيرت. نظرتي ل نفسي، لسه بشوف نفسي جميلة شكلا، وطيبة وحنينة.. بس مبقتش الاولي ع المدرسة.. ولا الكل بيحبني..مبحسش اني مميزة. حتي مواهبي بقول لنفسي احيانا انها تفاهات. من ساعت ما دخلت تالته ثانوي، والحجات دي بتكبر جوايا لاني ضيعتها. وضعت، مكنتش بزاكر، كنت بتصرف غلط.وصلت ل اي؟ دور تاني. اهلي كانو واثقين فيا والكل كان مستنيني اخش طب زي فلانة قريبتي. كل حاجة انهارت. خذلت اهلي جدا، عمري محسيت بمسؤولية وذنب جوايا قبل اللحظه اللي طلعت فيها نتيجتي دي. حاليا انا أجلت مواد الدور التاني لسنه جديدة خلاص.. كلها كام شهر واخلص. برغم اني بجتهد، ديما بحس اني مهما عملت. عمري مهبقا نجحت انا خلاص.. مليش لازمه، ماما قالت كدا، اني "فاشلة" وبابا، قالي اني "ساقطه" البنت اللي كانت بتكرهني واحنا صغيرين اللي علاقتنا مقطوعه اصلا دخلت تعايرني عشان هي جابت حاجه وستين ف الميه ودخلت كلية ادبيه عبيطه.. بس ف النهاية احسن مني. مش عارفه، بس انا حسه اني حتي لو جبت مجموع ودخلت الكلية اللي اهلي عايزينها. مش هحس اني نجحت. انا حسه اني مش هقدر اعمل كدا اصلا. لما بتجيلي الافكار دي مبقدرش ازاكر.. بحس بالفشل حتي وانا بعمل حاجه كويسه. انا مش بكره نفسي بس انا مبحبهاش، ولو بحبها ف معنديش دليل، بحبها ك شخص م جوا لكن وسط العالم انا لا شيء. قريبتي اللي في طب، بحبها جدا، عمري محسيت ب غيرة ناحيتها هي واي حد.. عمري ما اتولد جوايا احساس الغيرة او الحقد من صغري، بس.. بحس بالنقص. شعور نحيتي انا اني وحشه. ويااه.. بصي هي فين. احسن منك. ماما عندها حق لما قالتلك كدا.. مكنتش مجرد جملة عابرة وقت غضب، هي فعلا احسن منك. صحابي مشيو الحقيقة.. معنديش صحاب من صغري ف طفولتي كنت محبوبة بس مكنش عندي حد قريب وفضلت ديما كدا ف الثانوي كنت وسط شلة صحاب، مع بعض من زمان وانا كنت جديدة، كنت معاهم كمالة عدد. عشان مقعدش وحدي. مكنوش بيهتمولي، بيخرجو عادي من غيري، بيحبوني اه بس هما مع بعض وانا لا. كنت بزعل، ثم بقيت مش بهتم بس خايفه من الوحدة.. ف هفضل معاهم بس لما حصل اللي حصل في تالته ثانوي كلهم دلوقتي في الكليات. محدش فيهم كلهم كلمني. كلو راح ل حالو. فضلو سوا وكونو صحاب اكتر. وانا هنا لسه، بقيت وحدي تماما عشان حتي الصحبة المزيفه مشيت. لما بنام، اكتر احلام وحشه بحلمها هي اني في المدرسة بلبس المدرسة وماشيه وحدي وشايفه صحابي قاعدين سوا بلبس الجامعة وبيضحكو مع بعض. او احلم اني في امتحان. او ان في ناس بتسخر مني. او ان ماما بتقلي كلام وحش. كل حاجه بهرب منها ف الواقع بتجيلي وانا نايمه. وبس.. كنت عاوزة احكي.