صداقة

في بنت كنا اتعرفت عليها و بقينا صحاب لانه حسينا اننا شبه بعض جدا حتى في تعبنا النفسي من الي حوالينا... لكن الفرق انها من النوع الي بيحب يشتكي كتير عن كل حاجة.. و ممكن تشتكي من الحاجه دي حتي ولو 100 مره.... معنديش مانع اسمعها... بس مؤخرا بقيت بحس انها بتحب تشوف ضعفي عشان تحس اني اقل منها و احس انها احسن منها و المشكله انها مش بتعرف تخبي لمعه عنيها لما تحس انها احسن مني و النهاردة حصل الموقف ده كانت بتسألني علي درجاتي لما جابت درجه احسن مني.... كان عندها زي.. احساس بالنصر و حتي ايام الإمتحانات... لو انا غلطت ف الإمتحان يبقى عادي و تروح و مش مهم الامتحان اصلا... ولو هي الي غلطت تبقي مصيبة

جماعه دلوقتي انا قدامي حلين يا اما ابعد يا اما اكمل أو ابعد بس اطمن من بعيد دلوقتي في واحده صاحبتي عارفين بعض و بنتكلم بقالنا سنه، و يعتبر أنا اقرب حد ليها بس هي مش بتشكر أو مش بتقدر أو مش بتعبر عن دا بأي طريقه، و انا مش بعمل دا علشان مستني شكرا بس الموضوع بقا سخيف انك بتعمل حاجه و مش بيتردلك بأي طريقه من الشخص المهم اني كلمتها من حبه و فهمتها د أو هي تعتبر مش فارق معاها امشي أو اقعد أو اي حاجه يعني هي في فترة الهو العايزني يبعتلي و انا ارد اليمشي يمشي و اليفضل يفض، فاهمني بس فوضحتلها اني برضه عديت بنفس الفتره دي و دلوقتي احسن اهو، فبقولها لو قولتي انك حتى هتحاولي تغيري دا هصدقك، بس حتى دي مقاليتهاش بعدها قولتلها طيب خلاص براحتك و فكري تاني لو عايزه قالت طيب بعد حبه و خلاص كدا فمش عارف اعمل ايه و اه صح وضحتلها اني لما عديت بالفتره دي واحد بس الفضل جمبي و يستحملني و كدا فانا بجد مش فاهمها

جماعه انا زي اغلب الناس هنا نفسي يكون عندي بيست فريند بنت نحكي يومنا لبعض نكلم نضحك انا حرفيا نزلت البوست ده و كلمني ناس كتير ولا واحد فيهم كملنا ليه بجد مش لاقيها هل هي صعبه مثلا و لا الموضوع حظ

مشكلتى عمرى ما قدرت اتوفق فى موضوع انى اعمل صحاب سواء سوشيال او فى ارض الواقع دايما بيختفوا ومبيكملوش هل العيب فيا ؟ ، بشوف كل بنت عندها بيست فريند لكن انا دايما الوحدة ملاحقانى اتمنى الاقى الصديقة بجد الى تخفف عنى واحس انها هى طلعت بيها من الدنيا

كنت أعرف شخصًا وكنا قريبين جدًا من بعض كأصدقاء، وكان بالنسبة لي مثل الأخ. بيننا مواقف كثيرة تدل على أنه كان يهتم بي ويقف بجانبي. عندما تعرضت لحادث وجرح في رأسي لم يتركني حتى اطمأن عليّ، وعندما مرضت بعد ذلك كان يتصل بي باستمرار ويزورني أكثر من أي شخص آخر، وكنا نقضي وقتًا طويلًا معًا ونتناول الطعام ونسهر كثيرًا. المشكلة بدأت عندما كنت مرتبطًا بفتاه هذا الشخص كان يرى أنها غير مناسبة لي، لكنه لم يذكر لي أسبابًا واضحة. قال لي إنه يريد أن يذهب إليها بنفسه ويحاول التقرب منها ليختبرها، ويرى هل ستوافق على إقامة علاقة أو صداقة معه أم لا، ومن خلال ذلك سيحكم إذا كانت محترمة ومناسبة لي أم لا. أنا رفضت الفكرة تمامًا، وقلت له إن هذا التصرف غير مقبول بالنسبة لي، وأنني إذا وافقت على شيء كهذا فسأشعر أنني لست رجلًا. كما قلت له إن هذا قراري وحياتي، وإذا أخطأت فسأتحمل نتيجة اختياري بنفسي، وليس من حق أي شخص أن يختبر الفتاة بهذه الطريقة. هو سألني عدة أسئلة: هل هي محترمة؟ هل تؤتمن؟ هل تستطيع تحمل مسؤولية بيت وزوج وأولاد؟ وكانت إجابتي في كل مرة نعم. ومع ذلك أصر على أنه يريد أن يختبرها بنفسه ثم يخبرني إن كنت مخطئًا أم لا. وأنا رفضت مرة أخرى. هذا الموقف ضايقني جدًا، وشعرت أنه تجاوز حدود الصداقة ولم يحترم قراري أو ثقتي في اختياري. ابتعدت عنه فترة، وكنت أتجنب الجلوس أو الحديث معه. وفي لحظة غضب قلت له إنه لو كان أخي من لحمي ودمي وقال لي هذا الكلام فسأعتبر أنني لم يعد لدي أخ، ولن أجلس معه أو أتعامل معه. هو رد عليّ بأنه كان يعلم أنني سأنزعج، وكان يتوقع أن أفهم قصده بشكل مختلف، وأنه كان يعتقد أن نيته ستكون مفهومة، لكن هذا لم يحدث. بعد فترة اتصل بي وقال إنه يريد مقابلتي. وافقت مبدئيًا، لكن أخبرته أنني في مشوار مع والدتي وسأتصل به بعد انتهائي. بعد أن انتهيت لم أتصل به، ليس لأنني نسيت، ولكن لأنني لم أكن مستعدًا لرؤيته، وكنت قد قررت أن أضع حدودًا للعلاقة وأقلل التواصل معه. بعد فترة أخرى احتجت إليه في أمر يخص العمل، فاتصلت به أكثر من مرة لكنه لم يرد. بعدها أرسلت له رسالة قلت فيها: "تسلم على تقديرك يا محترم، لكن أنا كنت بكلمك في شغل وأنت مش بترد." فرد عليّ بإرسال أرقام الأشخاص المسؤولين عن العمل، ثم قال لي: "اتواصل معاهم ومتكلمنيش تاني." فقلت له: "تمام، براحتك." فقال: "أكيد براحتي." بعد ذلك حذفت المحادثة، وحذفت رقمه من هاتفي، وألغيت صداقته على فيسبوك. وبعدها قابلته في المحل الذي يعمل فيه، ولم يسلم أي منا على الآخر، ولم يحدث أي حديث بيننا. الآن أنا لا أعرف هل كان رد فعلي مناسبًا أم لا. أريد تقييمًا محايدًا للموقف كله، وليس فقط من الناحية الأخلاقية، ولكن أيضًا من الناحية النفسية والاجتماعية. أسئلتي هي: - هل كان رفضي لفكرته رد فعل طبيعي؟ - هل شعوري بأن كرامتي ورجولتي أُهينت في هذا الموقف منطقي أم أنه كان مبالغًا فيه؟ - هل كان ينبغي أن أتعامل معه بطريقة مختلفة؟ - هل أخطأت عندما تجاهلت مقابلته؟ - هل هو تجاوز حدود الصداقة فعلًا، أم أنني فسرت تصرفه بشكل خاطئ؟ - هل قرار إنهاء العلاقة بعد كل ما كان بيننا قرار متزن، أم أنه كان قرارًا اندفاعيًا؟

نفسي يكون عندي صديقة اتكلم معاها و نحكي لبعض اسرار من غير خوف ومن غير جادجمنت و نحكى لبعض يومنا تحكيلي بتفكر فى ايه نفسى اجرب مشاعر الصحاب اللي بيكلمو عن يومهم طول النهار دي عمري ما حسيتها مع حد او جربتها نفسي بجد

دايماً كنت بفكر، هو فيه أجمل من إن الواحد يلاقي حد يشاركه أفكاره، أسراره، وحتى لخبطته، من غير ما يحس إنه مضطر يتجمل أو يخاف من نظرة حكم؟ ​أنا عن نفسي محتاج حد يكون 'مساحة آمنة' في حياتي، وأتمنى كمان أكون نفس الشخص ده لأي حد حابب نكون أصدقاء بجد.. حد حقيقي، يسمع من غير ما يحكم، ويشارك من غير ما يلوم. لو حد حاسس بنفس الاحتياج، أنا موجود

نفسي يكون عندي بنت نكلم و نحكي لبعض اسرار بعض من غير خوف حد يحكم علي التاني او ان حايتها عامه تحكيلي ماشيه ازاي مشاعر الصحاب اللي بيكلمو عن يومهم طول النهار دي عمري ما حسيتها مع حد او جربتها نفسي بجد الاقي البنت اللي ترتاخلي و انا عامه رغاي بحب احكي كتير مع شخص عنده نفس الشغف في الحكي و الرغي

مش عارفه ابدا منين بس ف العموم مش حاسه ب سوء أو فرح بس انا مش بعرف احب بجد حاسه ده دايما أو يمكن حاسه كده لان شايفه أن لسه مفيش حد يستحق اقدم شئ عشانه ف بضطر ابعد مش لازم يكون مسمي حب عادي صداقه انا ببعد دايما وقت م احس بالخطر أو أن محدش نفس جوي و بمل بسرعه من صحابي وعلاقتي الجديده يعني ممكن اصاحب بنت ف الوقت ده تكون طاقتي full وبعدها بفتره خلاص مش حابه ابادر أو اتكلم اشوف الشات واخرج أو مردش واعلق الشات مبحبش اكون شخص سئ ف حياه حد ف بعتزر دايما تناقض شئ بداخلي مش هامه بس ان ذا سيم تايم بكره اكون اثر سئ ف حياه حد عادي وما الي ذالك ومش مهتمه برأي حد بس استيل بكره اقول اشيائي السيئه حتي لو بقول اني كائن سئ بس لو هحكي الحقيقه انا معرفش انا ايه انهي جانب مني انا مش حوار اني تايهه والله انا مش تايهه انا فعلا معرفش انا ايه بس ف العموم مبقتش احب حاجه ابسط الاشياء الي كانت بتبسطني عادي بتبسطني بردو 😃بس برجع تاني مش تمام أو مش بمعني مش تمام الي هو طيب واي الي بعده بقا ك طبيعه بشريه مش اي كلام مقتنعين بيه وبنقوله ممكن نطبقه ف بس مش عارفه مفروض اي

هو لي كل ما احب اتعرف علي حد يكون صديق يطلع فيه حاجه يا تطلع ست كبيره وجوزها يفكرني بعاكس أو تعمل بلوك يا تطلع صغيره يا يفكر اني من المانيا مش فاهم لي مش بعرف صاحب عاديين بجد حوار مستفز جدا بقيت ازهق جدا

هي مشكله هايفه وانا عارفه بس تعبت .. ليا واحده صحبتي صحاب بقالنا تلت سنين احنا كلوزيد اويي من بعض وزي الفل وانا بحبها جدا وهي كمان يعني .. المهم من فتره طريقتها اتغيرت جداا معايا بشكل ملحوظ واجهتها قالتلي اني مبقتش اكلمها إلا قليل وبرد متأخر وبنفضل بالساعات مش بنتكلم .. انا بصراحه استغربت احنا مش مخطوبين يعني دي بنت وانا بنت واحنا صحاب وكل واحد ليه حياته بس انا فهمتها أنه غصب عني وصالحتها .. وانا الفكره ان بجد مشغوله وانا الاخت الكبيره ف بقعد ب اخواتي لان اهلي مشغولين .. المهم هي وقتها اقتعنت بكلامي وفل .. بس هي جت انهارده برضو متغيره وانا عارفاها هي بالعند بترد متأخر وقاصده استفزاز .. تعبت من الوضع احل ازاي من غير م اخسرها لانها جدعه وقلبها ابيض

يادوب صاحب او اتنين طلعت بيهم من الدنيا و كل واحد فينا الحياة ساحلاه ف حياته بنسال علي بعض بالعافيه علشان نحافظ علي صداقه بقالها سنين صعبان عليا عمري بيضيع ف دوامة الدنيا و فجاه هكتشف انه خلاص الوقت خلص

هو صح مفيش صداقه بين ولد وبنت بس انا كان عندي صاحب ولد مش قادره أنساه وكل مشاعري ليه مشاعر اخويه وبجد واحشني اوي نفسي ارجع زمان عشان اشوفه (بستوتي) كان نفسي هو كمان يفتكرني بقالنا سنين بعاد❤️‍🩹

متضايقة من نفسي جدا، لأني معرفتش فمرة بس اختار صاحب كويس اقدر اتسند عليه، او عالاقل احس فصحبته بأمان و اني مش هتخذل فأي وقت من الأوقات، حتى لو كنت فالبداية حاسة انه كويس ف للأسف سرعان ما بتخذل بجد .. حاسة انها مشكلتي ان اختياراتي كلها غلط ..

صاحبتي بقالنا فترة عايزين ننزل و بيحصل اي حاجة و الخروجة تتكنسل و اظن إن اكتر الكنسلة مني عشان مش عارفة اظبط نومي ف بنقرر نخرج الضهر وانا بصحى متأخر و بعد العصر عندي تدريب مينفعش وكده ف المهم اول امبارح صحيت بدري الحمدلله بس امبارح للاسف صحيت متأخر و اتكنسلت الخروجة بسببي وهي مش بتعترض تقولي مفيش مشكلة الله المستعان وكده ف وعدتها إن خلاص وعد النهاردة هننزل و كنت ناوية أطبق بس نمت على ٧ صحيت ١٠ و خلصت اللي ورايا و كنا بنلبسوا فجأة معدتي تعبتني أوي تقريبا من المروحة ف كلمتها اني نص ساعة بس ههدى و البس قالتلي لو مش قادرة بلاش ننزل عشان متتعبيش برا وكده قولتلها لا مش هأجلها تاني هننزل النهاردة و للاسف الوجع زاد حرفيا لحد دلوقت اهو ف كلمتها قولتلها ماشي و قالتلي الف سلامة و الموضوع عدى ، هي اكيد هتزعل مني صح؟ خصوصا إنها غالبا مش بتخرج و عايزة تخرج بقالها فترة يعني و في حاجات كتير مأجلينها نعملوها سوا و خايفة بجد تكون زعلت مني والله مش بأيدي حاجة على يدها كل يوم بحاول اظبط نومي ، تفتكروا زعلت ولا لا و اعمل اي ، احنا لسة صحاب بقالنا كام شهر لو تفصيلة هتفيد

الثلاثينيه و ما اجملها فعلا معرفش ان كانت مشكله او لا بس انا 22 سنه و بحب جدا اصاحب التلاتينات او بدايه 40 بحسهم انضج و دمهم خفيف اكتر وانا بحب الحد الخفيف عامه علي القلب و فيهم شويه رزانه فيها حدود انما الجيل عامه العشريني اللي فيه حاسسهم بنات خايبه كدا او يعني الحلو قليل منهم و الاغلب طايش

عندي ٢٣ سنة و زعلانة اوي ان بعد العمر دا كله معرفتش اعمل صاحب واحد بس اتسند عليه أو اروح افضفضله او يسمعلي وقت ما اكون محتاجة دا، بقضي وقت زعلي و حزني و انا بتمنى و لو لواحد بس الاقيه اقله اني زعلانة بس مش محتاجة اكتر من كدا، الي بدخلهم حياتي قليلين اوووي و لما بحبهم حرفيا بديلهم الي عندي و اكتر و بيكونوا اهم مني شخصيا فحياتي .. لكن دايما بلاقيهم اختاروا غيري ..

أنا مش بكتب الكلام ده عشان أشفق على نفسي، لكن يمكن لأول مرة أتكلم بصراحة... أنا شاب، ويمكن من برّه شكلي طبيعي، بشتغل وبضحك وبهزر زي أي حد، لكن من جوّه فيه إحساس دائم بالوحدة والتيه صعب أوصفه. معظم وقتي بقضيه لوحدي... أقعد على البحر بالساعات أبص للموج وأفكر، أنزل أتمشى لوحدي في الشوارع من غير هدف، وأسافر لوحدي للقاهرة ومطروح ومحافظات تانية بس عشان أشوف الدنيا وأغير جو. دايمًا الناس بتشوف الصور والرحلات، لكن محدش بيشوف كمية الصمت اللي وراها. الغريب إني طول عمري ما عرفت أكون صداقة حقيقية تدوم، ولا عرفت أحس إن عندي شخص ثابت في حياتي أقدر أرجعله وقت ما أتعب. كل ما أحاول أقرب من حد، بطريقة أو بأخرى بلاقي نفسي لوحدي تاني. حتى الحب... عمري ما عرفت أعيشه بالشكل اللي كنت بتمنى أعيشه. كنت خاطب في يوم من الأيام، وحلمت زي أي شاب ببيت واستقرار وحياة هادية، لكن النصيب مكانش كاتب إننا نكمل. ومشكلتي إني حنين زيادة عن اللزوم. يمكن زيادة عن الحد اللي المفروض يكون موجود. بحب أهتم، وأسأل، وأطمن، وأكون موجود. لكن بقيت محتار... هل الحنية دي بتتفهم غلط؟ هل الناس بتشوفها ضعف؟ ولا بتعتبر إن وجودي مضمون فمش بتحس بقيمته؟ بجد مبقتش عارف. بقيت ساعات أسأل نفسي: هو العيب فيا؟ ولا أنا بس لسه ملقتش الناس الصح؟ ليه كل مرة أتمسك بحد يبعد؟ وليه دايمًا بحس إني الشخص اللي بيدي أكتر ما بياخد؟ عندي 26 سنة، والمفروض في السن ده أكون ببني حياة مستقرة، لكن الحقيقة إني لسه بدور على شعور بسيط جدًا... إني أحس إن فيه حد موجود عشاني بصدق، حد أقدر أكلمه من غير ما أحس إني تقيل، حد يفتقدني لو غبت، وحد يختار يفضل جنبي من غير أسباب ولا مصالح. يمكن أكتر حاجة وجعاني إني اتعودت على الوحدة لدرجة إني بقيت بعرف أعيش بيها، لكن عمري ما حبيتها. وفي الآخر، رغم كل حاجة، لسه عندي أمل إن ربنا يعوضني عن كل مرة اتخذلت فيها، وعن كل مرة حسيت فيها إني لوحدي وسط الناس، وإن يجي اليوم اللي ألاقي فيه مكاني الحقيقي وسط ناس تحبني لكوني أنا، مش للي بقدمه. يمكن أنا تايه شوية... لكن لسه بدور. 🖤

هو ليه بجد انسان يفضل معلق انسان جنبه شهور تحت مسمي الصداقه ( الاستهبال) ولما تيجي تواجهه او تعترفله بحاجه يطلع انه ظهر حد في حياته علشان كده هو اتغير معاك ليه بجد حد اتعلقت بيه من كتر مانت لتكلمه كل يوم تشاركه تفاصيلك وتفاصيل يومك وهو نفس الحاجه وعايش معاك فليرتنج والدنيا حلوه ويجي حد تاني وياخد معاه خطوه رسمي وانت لا مع انك كنت اولي ومع انك متأكد انه بيحس ناحيتك يإعجاب زي مانت بتحس ناحيته

محتاجة صحاب صحاب نشجع بعض على الصلاة والقرب من ربنا ناس مش كدابة ولا منافقة .. نشجع بعض لدراسة لشغل نحب بعض بجد من جوانا نبقى موجودين وقت نحتاج بعض .. ملاقتش حد كده لحد ما بطلت ادور من الاساسسس 😞😞

رساله شكر الي صديقي س مش عارفه هتشوفها ولا لا بس.. شكرا انك كنت انسان خلوق و محترم جدا معايا شكرا ان صداقتنا كانت صداقه جميله زي قلبك كدا اسفه ع الاختفاء دا بس حقيقي لا تعلم ظروفي بتمني بس تدعيلي كتير ف صلاتك و ان شغلك ميسحلكش عنها و ان مستنيه خبر حلو عنك اتمني والله سماعه بأي طريقه شكرا و حقيقي مفتقده وجودك ف يومي شكرا س💗

في حاجه مضايقني اوي اوي عايز حل ليه في الأول والآخر انا الي غلطان عمتا يعيني بس عايز حل مش عارف ايه هو ايه او دماغي بتسوحني لي ايه من غير كلام كتير دلوقتي انا في حد كنت بعتبره صديقه ليا جدا كانت بتنظم حياتي وانا كنت معاها في كل حاجه حرفيا هيا كانت بتحبني وانا عارف وعامل نفسي عبيط وهيا عارفه اني عامل نفسي عبيط جه يوم كانت بتتخطب وانا كنت فرحان وزعلان في نفس الوقت فرحانه هيا هتجوز وزعلان اني هسيبها لاني بحبها بس مش هقدر اتجوزها لأسباب كتير اولا تقاليد العيله وي بيت عيله ومينفعشي اسيب البيت وأخرج بره ثانيا ابويا وامي كبار في وتعبانين وانا موجود معاهم فا انا لسا شاب زي اي شاب بيبدء حياته أبيض ممعهوش جنيه المهم خرجتك عن الحكايه قلتلي هتخطب قولتلها ماشي احنا اخوات المفروض افرحلك شتمتني وحسبنت وكدا ورجعت تاني ورفضت العريس اتكلمت معاها تاني كا أخوات وانا وسخ وسخ وسخ سمعت كلام صحابي قلولي البنات عيش يومين اعشمها بالحب أكلها الجافه وكدا قولتهم حرام وكدا ومينفعشي قلولي جرب بس المهم جربت وندمان اني جربت لقيتها طارت من الفرح لدرجة اني هيا كانت مبسوطه جدا مبسوطه اوي انا قلبي فرح اوي حسيت اني طاير ومبسوط والدنيا مش سايعاني قالتلي يا.. فكر. تاني وحيات حبيبك النبي متكسر قلبي لو هتبعد عرفني متعشمنيش وتضحك عليا قلتلي فكر قدامك لي بليل واستعدي بالله حسيت بي اني قلبي بيوجعني اني بضحك عليها ايوه انا فاشل مستهالهاش رغم اني هيا بتكره لما اقول حاجه غلط عليه بس انا معنديش فرص اني اكون نفسي معنديش فرصه اعيشها مستواها الي هيا فيه معنديش فرصه اني اسيب اهلي معنديش فرصه لنفسي حته اكون كويس قلتلها حقك عليا انا اسف وانا قلبي بيتحرق وحسيت بكسرت قلبها لاني غبي مش بفهم معتشي بتكلمني عملت بلوك بعد يوم قفلت كل حاجه عني غيرالتيك توك هيا الي سبيته تشوفني من عليه وانا كل يوم اشوفها في حسابي الحاجه التقهرني وتاكل قلبي بس مش قادر اكسر قلب حد نضيف انا بجد تعبت مش بكلم حد ولا عايز اكلم حد ولا عايز حاجه تانيه ولا عايز اعرف حاجه كل الي انا عايز اعرفه بس حاجه واحده بتخش علي حسابي كل يوم تشوفني بعمل ايه ليه انا كسرت نفسي عشان تكون كويسه ومتضحكشي عليها

حد اكتشف أن كل الناس الحوليه و اليعرفهم وسط كل دا هو معندهوش صاحب واحد ولا أنا بس اللي لسا مكتشف دا و الاعرفهم دول مش مجرد معرفه لا بنتكلم كل يوم بس اعتقد انهم مبقوش عايزين يتكلموا معايا تاني 😁 حرفيا محصلش مني حاجه ولا من البكلمهم حاجة و لا مش اوهام كل ما افتح موضوع يترد عليا بأي حاجه تقفل الموضوع 😅 أنا اللي لسا مكتشف دا ولا ايه بقا هل مثلا دا بيحصل علشان كنت متاح بذياده فبقيت مضمون فاتحطيت على الرف اصل لما كانوا بيبعتوا اي حاجة كنت برد و بتكلم و لو مشكله كنت بسمعهم و بحاول اساعدهم بس غالبا مكنوش بيدوروا على صحاب بجد كانوا بيدروا على كلام و حد يسمعهم و خلاص 😅 اتصدقوا غالبا لو قفلت موبايلي ممكن محدش يعبرني 😅😅 ممكن يحسوا اني اختفيت بعدها باسبوع 😅 لا بلاش اڤوره هي تلت ايام مثلا ممكن انا المش عارف احطهم في المكانه الصح وارد شكرا انك كملت للآخر كنت بطلع الجوايا بس

السؤال موجه للبنات والشباب عادي.. هو احنا ليه كرجالة مش بيملأ عنينا بنت واحدة.. سواء صداقة او حب أو جواز ايا ما يكون نوع العلاقة يعني.. ليه الراجل مننا مش بتكفيه واحدة مهما عملت له يعني لو مهما كان القرب بينهم بيحس دايما انه ناقصه حتة ممكن يلاقيها مع واحدة تانية مع الحفاظ ع الأولى يعني الفكرة مش بتبقى رغبة في الخيانة لكنها رغبة في اكتساب آكبر قدر من اللطف والأنوثة والدلع والحاجات دي..

عاوزة اعرف المشكلة فين ليه مبيفضلش ليا صاحب يعني بكون لسه متعرفه على واحدة وصحاب الاقيها بعدت بدون اسباب انا بجد عاوزة حل وعاوزة اعرف فين المشكلة . . ................................................... ...............ددددددددددددددددددددددددددددددددددددد

دلوقتي انا وصاحبتي القريبين جدا من بعض احنا يعتبر اخوات يعني اتعرفنا على وحدة السنادي وبقيت صاحبتنا جدا هي دايما بتقول نخرج مع بعض ونقعد مع بعض وحاجات زي كده خرجنا معاها مرا واتنين لأنها بتقول نخرج طبعا انا وصاحبتي مش بنعرف نقول ايه بس بينا وبين بعض عاوزين ننزل اتنين صحاب قريبين انا وهي نحكي براحتنا وناخد راحتنا في الكلام عشان وهي معانا ده مش بيحصل اوي فا قعدنا مع بعض من كام يوم عندي في البيت ودلوقتي هي عاوزانا نخرج بس صاحبتي قالتلي انها زهقتت من أننا بقينا دايما نخرج معاها وعاوزة نخرج انا وهي بس وانا كمان عاوزة كده شويه بس مش عارفين نقولها ايه خالص ومش عاوزين نقول مش هننزل وننزل من وراها حساها وحشه جدا ولو قابلناها صدفه مثلا هتكون وحشه اوي برضو احنا بنحبها والله عادي بس انا وصاحبتي بطلنا نقعد مع بعض لوحدنا خالص فا ايه الحل في موقف زي ده بجد مش عارفه

من زمان نفسي يكون ليا صحبة بنت بس للاسف كانت كذبة اي نعم حصل وصحبت بنت بس للاسف الموضوع منفعش لان في طرف حب التاني انا والله مكاتب كدا عشان حاجة بس شعور ان عندك صاحبة بنت تسمعك وتهتم بيك منغير حب ولا انك تبقي عاوز منها حاجة معينه او بتحكم عليها جميل يعني مش مجبر تقولك مكلمش حد ولا متحكمه فيك لا صاحبتك وبس عارف في ناس هتهاجم بس بجد الي هيفهم غلط حضرتك محتاج تتعالج

انا بتغفل من صحابي بجد عندي واحده صحبتي دايما مشيلاني الهم في حياتها دايما بتشكيلي وانا دايما بسمع وبدي حلول وهي علطول شايله الهم معني هي حياتها الي حد ما كويسه بس عمرها ما بتحمد ربنا مثلا وتقول الحمدالله مهم اني جات فتره كانت دايما يتشكتيلي من حالتها ماديه وان قد اي هي بدبرها علشان تعيش معني هي بتشتغل ومخطوبه ل شخص محترم جداً ومرتاح ماديا كمان انا كانت بتصعب عليا واي فلوس كانت تحتاجها كنت بدهالها ١٠٠ ف ٢٠٠ كده يعني مع الوقت لقتها بتبعد عني ب حوارات غريبه ومشاكل ليها في حياتها ،، معني ظاهر غير كدا مش عارفه اعمل ايه انا بحبها وباقيه عليها وفي نفس الوقت بحس انها بتستعبطني

عندي مشكلة إني محتاج حد قريب أتكلم معاه وأشاركه يومي، يسمعني وأسمعه ونشجع بعض من غير تعقيدات أو أحكام. إزاي ألاقي بنت مناسبة لعلاقة صداقة محترمة ومجهولة بالشكل ده؟ عندي مشكلة إني محتاج حد قريب أتكلم معاه وأشاركه يومي، يسمعني وأسمعه ونشجع بعض من غير تعقيدات أو أحكام. إزاي ألاقي بنت مناسبة لعلاقة صداقة محترمة ومجهولة بالشكل ده؟

معرفش لو في حد هنا مؤمن بالصداقة بين الولد والبنت بس انا اقرب حد ليا "بنت" كنا صحاب لمدة ٥ سنين مثلاً عملت فيهم كل حاجة علشان افضل ابصلها دايماً كمجرد صديق ومخسرهاش بس للأسف هي معملتش اي حاجة ناحية الموضوع دا واعترفتلي من شوية والاسوء ان اساليبي اللي استخدمتها عشان افضل شايفها صاحبتي وبس كانت ناجحة اوي فا مش قادر اشوفها في اي حاجة تانية ، حد يقولي ازاي مخسرهاش بالله عليكم

مشكلة إنك تبقى محاط بناس كتير، لكن مفيش حد قريب منك بجد.. نفسي ألاقي بنت تكون صحاب، ندعم بعض ونشارك تفاصيل الحياة ببساطة وراحة، ونفضل مجهولين لو حابه. مشكلة إنك تبقى محاط بناس كتير، لكن مفيش حد قريب منك بجد.. نفسي ألاقي بنت تكون صحاب، ندعم بعض ونشارك تفاصيل الحياة ببساطة وراحة، ونفضل مجهولين لو حابه.

اللي مضايقني ان فيه ناس اعتبرتهم كل حاجه ف حياتي ومطلعوش كدا بيعلقوا رسايلي بالايام وميردوش بحجه انهم مشغولين ومضايقني انا ليه بعمل ف نفسي كدا ليه بصدق انهم بيحبوني ي جماعه هو معقول حد يحلف لحد انه بيحبه بجد وتلاقيه مشغول ف دنيا تانيه غيره ولا بيحكي تفاصيله عكسي انا بحكي هي ليه الناس متعبه كدا نفسي ف اشخاص واضحه من البدايه مش بتخبي

هو ليه البنات بتفهمنا غلط في كل حاجه في حبنا ومشاعرنا حتي طريقتنا واسلوبنا وخوفنا عليهم بردوا بيفهموا غلط أما نكون واضحين معاهم بردوا يفهوا غلط انا نكون عارفين أن هي صداقه بس يفهوا غلط ويقلبوها حب ومحن احنا موجودين في حياتهم عشان يكونوا افضل يكونوا أحسن لان هما يستاهلوا وياريت يفكروا بعقلهم شويه

عندي مشكلة إني محتاج حد قريب أتكلم معاه وأشاركه يومي، يسمعني وأسمعه ونشجع بعض من غير تعقيدات أو أحكام. إزاي ألاقي بنت مناسبة لعلاقة صداقة محترمة ومجهولة بالشكل ده؟ عندي مشكلة إني محتاج حد قريب أتكلم معاه وأشاركه يومي، يسمعني وأسمعه ونشجع بعض من غير تعقيدات أو أحكام. إزاي ألاقي بنت مناسبة لعلاقة صداقة محترمة ومجهولة بالشكل ده؟

عندي واحد صاحبي و كان صاحبي جدا في اولي جامعه و فضلنا اول سنه صحاب جدا و من تاني سنه بدأ يتغير معايا و بقي لما يشوفني في الجامعه يخبي وشه و يتجاهلني و يمشي و يسيبني و اسلوبه معايا لما اعاتبه واتس كان وحش و كان بيقولي انا اتغيرت و ابعد عني و مش عايز اعرفك تاني و لما سألته انا عملتلك ايه يقولي انا معنديش مشكلة شخصية معاك و انا مليش في حوار البيست فريند فا بقوله بس انا دايما بلاقيك ماشي مع صحابك في الجامعه و بتكلم عادي و بتهزر و انا بتعاملني وحش جدا يقولي لا انا بتعامل مع كل الناس نفس المعامله كل دا تاعبني جدا و خنقني لاني اتعلقت بيه جدا بس بعد كدا اكتشفت انه بيعمل مع صحابه اعمال لوطيه في الاول شكيت بس لما واجهته قالي جايز يبقي عندك حق بس بعدها انكر بشدة جدا الفكرة اني معنديش صاحب غيره و حاولت مع ناس كتير بس هو كان اكثر حد بيفهمني و بندمج معاه و عکس اغلب الناس مش شبهي دلوقتي المشكلة اني دمي بيتحرق كل مرة اشوفه في الجامعه و افتكر معاملته معايا و في نفس الوقت اشوفه مع صحابه بيتكلم عادي و بيضحك و بيهزر و بیخرج معاهم و انا بيخبي وشه كل لما يشوفني بقالنا سنه و نص كدا و نفسيا بتعب جدا لما كل مرة يخبي وشه مع العلم انه بيعمل كدا انا حتي و مش بحاول اتعامل معاه مجرد اعدي من جنبه عايز افهم هو ليه بيخبي وشه و بيتجاهلني و لو افترضنا انه عشان مش عايزني احتك بيه هو و اصحابه عشان معرفش اللي بيعملوه دا طب ما هو مستمر في كدا حتي بعد ما انا اكتشفت و واجهته يبقي ليه مستمر في تخبية وشه ما انا خلاص عرفت و حتي صحابه اللي بيمشي معاهم بيتعاملوا معايا عادي كزملاء لانهم مش صحابي و مش بلاقيهم بيتهربوا مني او بيخبوا وشهم اومال اشمعنا هو بيعمل معايا كدا و عايز اعرف هو منين كذا مرة لما اواجهه باللي بيعمله و يعملي بلوك بيشيل البلوك بعد فترة و كمان لما بقوله انت ليه بتعاملني كدا يقولي مش عاجبك اعمل بلوك طب هو ليه شاله لما بسأله بيقولي الدنيا مش مستاهله فا شلته و في نفس الوقت بيقولي كل واحد في حاله و من سكه و منين ساعات بلاقيه بيبصلي نظرات فيها حزن لما اكون مش باصصله يعني هو منين بيقولي اعملي بلوك و منين هو بيشليه بس بيقولي مش عايز اعرفك و متبعتليش تاني و لما سألته انت منين مش عايزنا نتعامل و منين بتشيل البلوك يرد عليا يقولي ارجعه تاني؟ ممكن تردوا علي كل أسئلتي

عندي مشكلة إني محتاج حد قريب أتكلم معاه وأشاركه يومي، يسمعني وأسمعه ونشجع بعض من غير تعقيدات أو أحكام. إزاي ألاقي بنت مناسبة لعلاقة صداقة محترمة ومجهولة بالشكل ده؟ عندي مشكلة إني محتاج حد قريب أتكلم معاه وأشاركه يومي، يسمعني وأسمعه ونشجع بعض من غير تعقيدات أو أحكام. إزاي ألاقي بنت مناسبة لعلاقة صداقة محترمة ومجهولة بالشكل ده؟

عندي مشكلة إني محتاج حد قريب أتكلم معاه وأشاركه يومي، يسمعني وأسمعه ونشجع بعض من غير تعقيدات أو أحكام. إزاي ألاقي بنت مناسبة لعلاقة صداقة محترمة ومجهولة بالشكل ده؟ عندي مشكلة إني محتاج حد قريب أتكلم معاه وأشاركه يومي، يسمعني وأسمعه ونشجع بعض من غير تعقيدات أو أحكام. إزاي ألاقي بنت مناسبة لعلاقة صداقة محترمة ومجهولة بالشكل ده؟

هحكيلكم وانتو احكمو انا صحبتي عاتبتها كذا مرة انها مش بتسال ولا بتكلمني خالص للعلم احنا صحاب من ٧ سنين وقريبين جدا من بعض كل ما اقولها نتقابل متردش او تقولي يوم تاني وكل ما ابعتلها ترد عليا ببرود جدا ودا شئ تعبني نفسيا عاتبت مرة والتانية وهي تقولي فاهماكي بس ومش بشوف منها حاجة لحد ما زهقت وعملتلها بلوك دخلت كلمتني علي الانستجرام وقولتلها انا لية عملتلها بلوك قالتلي انها اتغيرت ومش عايزة دا ياثر عليا بس محاولتش تصالحني خالص اتا بجد زعلانة اوي وحاسة اني لوحدي هي كانت صحبتي الوحيدة واقرب شخص ليا من زمان تقدرو تقولو عشرة عمري

السلام عليكم ورحمة الله وبركاته عندي مشكلة يجدعان والموضوع بدأ يبوخ بجد عندي واحدة صاحبتي عرفتها في اعدادي مثلا هنسميها مريم مثلا وعندي واحدة تانيه كنت عرفاها من قبل مريم دي تمام اسمها ملك مثلا تمام المهم ان جه في فتره ما بعدنا انا وملك اشطا لاحد الاسباب يعني بس هي اللي كانت غلطانه واتأسفت يعني وكده وجتلي لحد البيت ومش عارفه وبتاع فا احنا رجعنا صحاب تاني مرجعناش زي الاول بس بعد فتره بدأنا نرجع صحاب جداا واكتر من الاول كمان المهم ان مريم دي بدأت تضايق اني بقرب من ملك تضايق جامد ومتكلمنيش انا ابقى بكلمها يعني تقعد تقولي متتكلميش معايا انا مضايقه منك وبتاع وانا اقولها في ايه تقولي مفيش وطريقتها تخنق بجد انا مش بحب كده المهم ان في بنت تالته خالص هنسميها ندى ندى دي صاحبة مريم وصاحبة مين ملك الاتنين بس بتحب ملك اكتر تمام وده واضح يعني المهم ان مريم بدأت تضايق برضو ان ندى بتحب او بتقرب من ملك اكتر منها وراحت قالتلها مريم دي بقى بدأت تعاملني ببرود كده مش ببرود انها بتبعد لا هي مضايقه ومش بتقول وانا اللي ادخل انكشها واحاول اتكلم وهي تقفل الكلام ف انا اصلا مش من الناس اللي بتتحايل عشان تتكلم انا عارفه بس انها هتتضايق عشان انا مش بكلمها عشان كده انا بكلمها يعني بس انا مش بقبل في نفس الوقت ان حد يتعامل معايا كده وبجد الموضوع ممكن يكون اهبل بس يخنق انك تلاقي حد جاي يقولك انت بتحب ده اكتر مني ليه يعني ايه بجد بدأت احس اني عايزه ابعد عامة عشان انا مش عايزه حوارات طولت عليكوا معلش

قولت كتير اني مبقتش عارف ادي فرصه لحد جديد يدخل حياتي حتي لو مجرد أصحاب نتكلم أو احكي لما اكون مدايق أو ارتباط أو اي حاجه وكل مره تجي واحده تقولك لأ مش كل البنات زي بعضها دي ناس مش تمام ومش كلنا كده ويادوب نتكلم كلمتين وتأكدلي أن كله بقي واحد فعلا معتش في حد سالك ودوغري وواضح او حتي حد ترتاح وانت بتكلم معاه وعشان كده دايما برجع ادور علي الناس القديمه الي مش بلاقيهم ولا هلاقي زيهم

محتاج اوى اتكلم مع حد احساس دائم بالوحدة ومعنديش صحاب لو يس اتكلم مع حد يفتح اى موضوع او يحكيلى تجربته فى موضوع الصحاب وهل فعلا فيه صحية بتدوم تلل كلها فترات يا ريت متعدوش البوست وتفيدونى

السلام عليكم المهم انا صحابي قليلين جدا واعزهم عند حصل منه مواقف غريب انا وهو كنا فترة ست سبع شهور صحاب جدا ومع بعض في اي حته وفجأه لقيته بيبعد واحده واحده ومن معزته عندي بقيت بسأله ايه يسطا مش كنا متفقين علي خروجه يقولي اصل كنت في مشوار مع(خلينا نسميه واحد)واحد دا كان صاحبه من ست سنين تقريبا وحصل بينهم مشكله واتخاصمه ولما اتصالحو بعد عني ودا شئ ماقبله عادي اصلي مش هتحكم في حياته كل واحد وراحته المهم لما ناقابل او نقعد مع بعض يقعد يشتكيلي من (واحد)وانه قد ايه بتاع مصلحته و اهم حاجه اللي هو عايزه وبس اقوله طب انت ايه اللي جابرك مش عاجبك ابعد عنه يقولي اصله صاحبي من زمان واهله يعرفو اهلي وحجاج مش مقنع و مثلا من قريب بقوله طب مش يلا ننزل نجيب لبس العيد يقولي ماشي وبعدها القيه بيقولي بقولك ايه انزل انت انا خلاص جبت لبسي مع (واحد) وعلي هذا الوضع في اي حاجه

حساني مضايقه، مش عارفه المفروض اكون مضايقه ولا لا الموضوع يستاهل ولا لا؟ هي مضايقه ولا مدايقه؟ بعمل نفسي مش واخده بالي من كلام صحابي الي بيزعلني زي جو ابعدي عني او انا اصلا مش عايزه اكون صحبتك، في حين انا بس مكنتش عايزه اسيبهم و هما زعلانين عشان ميكونوش لوحدهم في اوقاتهم الصعبه بس تقريبا زعلهم ده كان بيطلع عليا انا. انا زعلت شويه شويه بس🤏🏽 و انا مش عارفه اعاتب لاني لو عاتبت الحوار هيكبر و ابسط حاجه هتتقال "محدش أجبرك تفضلي موجوده او تعملي كده." هو محدش أجبرني فعلا انا بس كنت بحاول اكون صاحبه كويسه... حقيقي انا مش عارفه المفروض اكون مضايقه/ مدايقه ولا لا.

من الحاجات للي بستغربها ف الدنيا بجد اننا اوقات بنقابل ناس كويسه اووي للي هو يايتني قابلتك من بدري بس طبعا حكمه الحياه ان مفيش حاجه بتدوم عموما ف هل الصح اننا مش نتعرف علي حد عموما علشان مش نعلق نفسنا او نعلق حد بينا (ونا هنا بتكلم كأننا صحاب عادي يعني مفيش ارتباط او حاجه) ولا نعمل اي لما نقابل حد كويس بس الظروف بتقول ان كلامنا مش هيطول

كل فترة بتعدي علي الواحد ف حياته بتعلمه إن كلمة صاحبي/صاحبتي دي كبيرة ومينفعش تتقال لأي حد الصحاب مش بالكلام عموماً الصاحب الي يزعل لفرحك ولنجاحك أو لمجرد انت احسن منه ف حاجة معينه دا مش صاحب ولا ينفع نطلق عليه أو ع علاقتنا أننا صحاب دا نوع واحده صاحبتي المفروض اننا صحاب بقالنا 9 سنين حقيقي بعد دا كله بانت ع حقيقتها لما معرفتش تدراي زعلها لما جبت تقدير كويس الترم الي فات وهي شالت مادة لدرجة أنها بتتهرب وحتي مش قادرة تتكلم بتتكلم بالقطارة من وقت ما دا حصل ، مع اني اكتر حد بيقف معاها ومعاها ع المره قبل الحلوه بس كويس أن دا حصل ودا مش اول مره بس كنت بحاول اكدب نفسي واقول لا اكيد هي مش كدا عموماً حتي لو رجعنا واتكلمنا هنبقا زي اي اتنين مجرد عارفين بعض واتمني من كل قلبي ربنا يوفقها بس لحظة إدراك اني لحد دلوقتي معرفتش اعمل صحاب حقيقين صعبه اوي

امبارح كان عندي امتحان وكالعادة ليلة الامتحان عبارة عن أرق وصداع ومش بقدر أفتح عيني من التهابات الجيوب الأنفية ومش ببقى فاهمة لي في الوقت ده بالذات يعني المهم معرفتش أنام ولا أطبق معرفش نمت إمتى من التعب بس متأخر أوي وصحيت متأخر ورحت اللجنة في نص الوقت أنا طالبة مغتربة في محافظة بعيدة أوي عن أهلي وكنت معتمدة على بنت في السكن تصحيني بس نامت ومحدش صحي على العشرتاشر ألف منبه اللي عملتهم المهم رحت الامتحان دخلت عادي الحمدلله بس المراقبة قالتلي لو كله سلم وخرج في نص الوقت مينفعش تقعدي لوحدك ورقتك هتتسحب يعني الامتحان كان سهل بس طويل فكله كان مخلص تقريبا خرجو كلهم واستناني ولد كان مخلص برضو بس مسلمش غير لما انا سلمت وخرجت الموقف مش واو زي ما قد يبدو ومش فارق معايا تصرفه مشوفتش غير لطف ربنا الصراحه عشان عارفه سابقا ان الولد ده مش كويس وبيعمل ده لسبب مش مشكلتنا دلوقت المهم في بنتين المفروض انهم زمايلي يعني مع بعض علطول مش بتعامل مع حد غيرهم في الكلية كلها كانو معايا في اللجنة وخرجو مستنوش لا وخرجو استنوني بره عشان نخرج ونتصور ولابلابلاب طيب إي يعني مكنش ينفع تنستنو في اللجنة مثلا عشان مشيلش المادة انا لو مكانهم وبنت معرفهاش ومليش مواقف كويسه معاها معرفش أصلا هي كويسه ولا لا كنت هستنى عشانها والله أصل لي قدامنا فرصة نساعد حد في موقف زبالة زي ده ومنساعدوش بجد لي ولما بقولهم بيقولولي مفكرناش كده اه طبيعي متفكروش كده انا من الأول فاهمة انهم مزيفين ومستمرة بس عشان هما الأقل سوء في الكلية كلها بالمعنى الحرفي بحسهم كلهم حابين شخصيتي وهيئتي وفي نفس الوقت مضايقين مني ومش طايقني بيحسدو النتيجة ومش شايفين المدعكة اللي حصلتلي عشان ابقى كده يانهاري ده انا اتطحنت بالمعنى الحرفي وحياتي بايظه من كل النواحي محيلتيش غير اللي هما شايفنينه وبيحسدوني عليه كده كده مش فارق معايا وانا فعلا مش طيقاهم كلهم بسبب شخصياتهم وطريقة تفكيرهم وما إلى ذلك وتخطيت من بدري الحمد لله مرحلة اني ابقى عايزة حد يحبني والتسول ده مش فارق معايا بجد وبعرف ابقى مبسوطة لوحدي اهوممكن استوحش أحيانا من كتر ما بقعد لوحدي طول الوقت بس وجودهم برضو موحش يعني وجودهم أسوأ من عدمه فكده أحسن المهم افتكرت نفس الوقف ده اتكرر قبل كده في تالته ثانوي حرفيا صحابي فوق ال٢٠٠ كول منغير مبالغة وخرجو يدورو عليا في اللجان والله معرفش خرجو ازاي بس حرفيا خرجو بيدورو عليا في وقت الامتحان ومواقف كتير طبعا الحمد لله عندي صحاب تحفة في محافظتي التانية بس كل واحدة في جامعة مختلفة دلوقت ومش بنعرف نتقابل كتير لكن حاسه اني مينفعش أقبل بأقل من كده وكنت غلطانه لما جاريتهم وانا فاهمة كويس اوي هما عاملين ازاي وقولت محدش معندهوش عيوب وانا عارفه ان العيوب دي مش هعرف اتأقلم معاها فأنا دلوقت عايزه اقطع علاقتي بيهم وهما بيتواصلو معايا كتير المفروض اسحب نفسي منهم بالتدريج واتعامل بسطحية ولا اقولهم الموقف قفلني منكم ومش حابه امشي معاكم وخلاص ولا انا مكبره الموضوع بس قد يبدو الموقف بسيط بس دي الحاجات اللي بتقيم الناس عندي بجد لو كان بنت استنتني لمجرد انها فعلا عامله كده عشان مصلحتي وفكرت بالشكل ده منغير أي أسباب تاني كنت اديها عيني بجد أنا لما بحب حد ببقى جميلة أوي كل وقتي وطاقتي ومشاعري بوجههم اني اعمل كل شيء ممكن يبسطه ويساعده حاسه اني كتير عليهم عشان مينفعش طاقتي الحلوة دي تستنزف على ناس مش صادقين وخليهم كلهم مبهورين من بعيد ومحدش يعرف يبقى في دايرتي أحسن

كنت داخل الاب ده حرفيا مدمر نفسيا بس في بنت هنا سعدتني بجد وي وقفت جمبي اوي وكانت بتخليني قريب من ربنا وسعدتني اوي اعمل موف اون وامسح الاب اصلا بجد هي حد كويس اوي بس للاسف هي بسبب مسعدتها ليا ده حسسها انها بتحبني انا والله العظيم حولت احبها بدل المره مليون بس كل حاجة كانت بتعملها عشاني كنت بقول يا لو القدمية الي عملتها كنت هكون مبسوط اكتر تقريبا اتعلقت بيا اوي وانا لحد دلوقتي مش عارف اوجها انها بنسبالي صحبة زاي اختي 🥺🥺

يعني انتو ك رجال كيف بتفهم بنت لي معاك لما تكونو اصدقاء فقط بإنك بتحبها أو يعني في مشاعر الاعجاب كيف تتصرف وبناء على ايه ؟ بجد أنا عايزة افهم واعرف لأن موضوع غريب شوي بالنسبالي في من يقولو انو مفيش صداقة بين بنت ورجل موضوع مربكي شوي اتمنى القائي اجابات

تعبت وانا كل شوية بتكلم في الموضوع دا وكل يوم يزيد عن حده بس غالبا اتعودت يعني انا اتكلمت كذا مره عن صحبتي ودايما بحس في غيرة حصل موقف انهارده بردو كنت بعتالها حاجة ع الواتس وكدا بقولها ايه رأيك وعجباني اوي وبتاع المهم هي حرفيا معملتش اي ريأكشن او مدحتني بربع جنيه بعدها راحت قالتلي انا كمان عندي زيها والله مش فاهمه في ايه يعني دا فعلا غيره ولا انا بيتهيقلي ولا انا اللي بفتري عليها يجماعه يريت حد يقولي عشان بدأت اشك في نفسي اني بظلمها وهي تعاملها معايا عادي!!!

اكتر مشكله مش قادر اعلجها مبعرفش افرق في العلاقات ياعني مثلاً زمايل الشغل أنا بتعامل على إننا أصحاب بجد ودا غلط حتي علاقتي بتعامل مع المعارف أنننا أصحاب بجد مش من نحيه طلبات أو خد وهات وكدا لا قصدي في التعامل نفسه حاولت كذا مره اغير الطبع دا مقدرتش وفي الاخر بستغرب لي هما مش بيبادلو نفس التعامل دا مع إني عارف مش عارف اعمل ايه

انا اول مرة احكي حاجة هنا شخصية مش عامة و حقيقي انا عايزة اخلص من المشكلة دي انا في امتدت لوقت طويل اوي يعني معايا من مراهقتي لحد جامعة دلوقت القصة حقيقي طويلة اوي و تفاصيلها كتير و انا مش عندي وقت حتي اتكلم لان ورا امتحانات و مش فاضية بس بجد دي صداقة عدت بمراحل كتير سيئة اناةخدت دور منقذ و اتعلقت و حقيقي مشببالغ انا ادمرت و اتقفلت انا حاولت افضل موجودة مع مسافة تقديرا لعلاقتنا رغم مشاعري راحت بجد بس انا بجد لسة بتاذي نفسيا انا عايزة بجد ناس تفيدني اتمني بجد

بعد ما خلصت ثانويه عامه ونتيجتي طلعت كانت اسؤا فتره بعدي فيها ف حياتي انا كنت قطعت كل علاقاتي بصحابي وانا ف ثانوي ف اما خلصت كان في فراغ ف حياتي و فنفس الوقت كانت نفسيتي متدمره بسبب نتيجتي ف في ابلكيشن كنت بهرب فيه من حالتي النفسيه ف الابلكيشن دا يعني تجمعات وبتعرفي تكلمي ناس وكدا هو معروف بس مش عايزه اذكر اسماء المهم كنت كل ما ادخل ل مكان اقعد احكي قصه حياتي ف ثانوي كنت فرغ الطاقه الي محبوسه جوايا لحد ما اتعرفت علي ناس وكان فيهم ولد المهم كنا كلنا اصحاب بنات والولد دا بس الي معانا وهو اصلا الي معرفني علي البنات كنا بنتكلم مع بعض كل يوم جروب كلنا يعني وعدي شهر واتنين والولد دا كنت بعتبره اخويا بظبط كان محترم جدا جدا وحرفيا هو الي بيحافظ علي حدوده قبلينا يعني ثقه يعني وميتخفش منه وهو كان بيحترمني جدا وكان بيقعد يقولي علي اسرار ليه وبيشاركني حاجات كتير وكان بيقولي اني انا اول حد بيثق فيه وانو بيعزني جدا وكدا والله اخوات مش اكتر حتي هو كان بيحب وحده وحكيلي عنها و فحياتنا ما جه ف دماغي ولا ف دماغه فكره الحب دي خالص عشان متفهمونيش غلط بس واحنا كنا اخوات وفضلنا كدا لحد ما عدي حوالي 3شهور ونص كدا انا بقا ضميري بيأنبني طول الفتره دي انو غلط بنت تكلم ولد مهما كان حرام في دينا احنا كان اخرنا شات وبس ف البرايفت والجروب لكن ميعرفنيش ولا يعرف اي حاجه عني غير اسمي ولا حتي يعرف صورتي ولا اي حاجه و ف حياته ما طلب حاجه عارف حدوده من نفسه المهم ف الفتره الي ضميري انبني فيها قولت خلاص لازم ابعد ومعتش اتكلم معاه رغم ان دا كان صعب عليا اووي والله عرفت ان في يوم مميز ف حياته قرب وبيحتفل بيه وكدا واني لو مشيت ف الفتره دي هنكد عليه ف احسن يوم ف حياتي ومينفعش وقلت خلاص هستني لما اليوم دا يعدي واختفي جيت قبل اليوم دا بيوم بالظبط قعدت اعيط واقول هو انا ضامنه اعيش بكره؟!! لازم ابعد ومعتش اتكلم معاه... رحت خدت الخطوه من غير دماغ ومن غير رساله اخيره اقوله اني همشي عشان كذا خلاص انتهي كل حاجه ومسحت كل اكونتاتي الي يعرفها مفيش غير البنات الي قدرو يكلموني عشان معاهم رقمي كلموني وقالولي هو عايز يكلمك... هو انتي عملتي كدا ليه.. وايه الي حصل... روحت قولتلهم ان حرام مهما كان حتي لو بينا حدود بس مينفعش وانا خدت القرار خلاص وقالولي طب نقوله ايه هو عايز يكلمك قولتلهم انا قولتلكو الي عندي اعملو الي تعملوه بقا.... ف قعدو بقا يقولوله اي حجج عشان يدارو علي الموضوع زي النت فاصل وهي مقرره تغير اكونتتها بس مش اكتر واي حاجه بعد ما عدي حوالي اسبوع من الموضوع بنت بعتتلي وقالتي هو بيقولك اهم حاجه تكوني كويسه مش عايز منك حاجه تاني .... ف قولت اني لازم كنت افهمه بجد انا عملت كدا ليه روحت فتحت اكونتي وبعتله اني عملت كدا عشان حرام اني اكلم ولد ومفيش حاجه ف دينا بيتقول ان عادي يبقا في صداقه بين بنت وولد وانت كنت انسان محترم والله وبعزك حدا بس دا الصح الي لازم يتعمل بعت الرساله وقفلت الاكاونت علي طول مستنتش رده عشان خلاص معتش فيه كلام يتقال.... بعد فتره عرف يجيب رقمي وبعتلي رساله معاتبه وانك خليتي احسن يوم ف حياتي يبقا اسوا يوم ف حياتي ومنك لله.... اتقهرت اوي وقعدت اعيط طول اليوم من الكلام الي قاله ومعرفتش ارد عليه وعملت بلوك ومسحت الشات لاني كنت بموت من الزعل والله اني مش قصدي اي حاجه من دي... وبعد فتره عرف اكونتي الجديد وراح بعتلي رساله.. ممكن اتكلم معاكي؟ قولت اخيرا دي فرصتي اشرحله واتأسف انو كان ف يوم غلط غصب عني... وقولت اه ممكن تتكلم وتقول الي عندك.. وانا عارفه اني هملت كدا ف وقت غلط بس دا الي كان لازم يحصل محدش عارف هيموت امتا ولازم نفوق لنفسنا ويارب تكون فهمتني.... قالي وانا عايز اعرف انتي عملتي اي غلط متقوليش اي كلام وخلاص انا مكنتش بقولك انا بحبك ولا اي كلام من دا كان كل كلامنا عادي ولو علي ان مينفعش نتكلم برايفت كنت ممكن تقوليلي وانا مكنتش هتكلم معاكي عشان كدا بس كنا نفضل ف الجروبات مع بعض عادي وكل فين وفين ابقا اسالك عامله ايه وبس كدا مفيش اي حاجه غلط... إلا بقا لو كنتي حبتيني ف عايزه تبعدي عشان كدا كش عارف اقولك اي بس انا كنت بعتبرك اهم حد. ف حياتي وكنت فاكر اني مهم عندك كدا.. شوفت الرسايل ومبقتش عارفه ارد اقول ايه وهو مش قابل يفهمني ومش عارف يفهمني وانا والله ما فكرت ف حب ولا كلام من دا بالعكس انا ضد ان حد يحب اصلا وف حياتي ما فكرت ف كدا... فضلت يومين مردش وقالي مش بتردي ليه وبعدها بيوم رحت عملت بلوك من غير ما ارد لان خلاص معتش في كلام يتقال وهو مش فاهمني خالص ولو قولتله لا محبتكش هيفكر اني بدافع عن نفسي وخلاص ف سكت بقا دلوقتي طول الوقت بفكر اني انا كدا مؤذيه وهبقا انسانه مؤذيه دخلت حياته ونفسي افهمه بجد بس مش متقبل انو يفهمني عايزه انسي عشان ارتاح واول ما احاول انسى اقول لنفسي اي الي انتي بتعمليه دا ازاي عايزه تنسي كدا .... وتايها بجد.. و فنفس الوقت مش عايزاه ينساني عايزاه يفتكرني بالحلو ويفهمني.. بدعيله ديما ف صلاتي يكون فهمني وبدعيله ربنا يوفقه ف حياته ويحقق احلامه.. وكل ما افكر اني افهمه تاني للمره الاخيره اقول ممكن دا يكون اختبار من ربنا ليا عشان يختبر انا توبت بحد ولا ممكن اضغف وارجع ... تصرفاتي قدامه بتدل اني وحشه اوي بجد وانا والله بموت كل يوم.. انا اتعلقت بين زي ما اتعلق بيا وهو بيعاتبني: ليه علقتيني بيكي من الاول! وانا مقصدش حاجه والله.. كان نفسي نفضل صحاب واخوات زي ما احنا بس كل علاقه بدايتها لا ترضي الله نهايتها لن ترضيك الموضوع ف دماغي 24ساعه ومش عارفه اعمل اي 😔

مش عارفه ممكن مجرد فضفضه مش أكتر من أول ما دخلت الجامعه وأنا مش متقبله الكومينتي إللي حواليا وناس مش شبهي. بس ف رابع سنه بدأت أحاول اتقبلهم وكنت شايفه كله منافق اكله بس قولت أفضل من الوحده إللي فيها ف خامسه إللي هو دلوقتي قربت من واحده من الشله البنت ديه شخصيتها ضعيفه كل ما صحبتها تقرب تبعد والعكس ما كنتش مهتمه بس فجأة قفلت منها ممكن عشان الفتره ديه مش احسن حاجه معاي وما شوفتش منها أي سؤال مالك أو حاولت تتكلم معاي حسيت نفسي استبن بمعني الكلمه إحنا هنتخرج ومش هنشوف بعض تاني بس زعلانه أوي ما عرفتش أطلع بصحاب من الجامعه وإني كل حاجة كنت بعملها كانت فيك بجد مش متخيله كل صوره هشوفها هفتكر قرفهم وإنهم بتوع مصالح. الواحد مفشوخ اوي وزعلان بالمره ف رق. م اتحذف مني هموت وارجعه اللي يعرف يقولي اعمل إيه بكره نفسي أوي لما ازعل على حد بجد بحسني ضعيفه وأنا بكره الضغف

كان في واحده صحبتي كنا مع بعض من تلات سنين ولحد دلوقتي مع بعض بنتكلم عادي بس من اول الترم ده واحنا مش بنتكلم معرفش ليه هي شيفاني بعطلها مثلا ولا مكاني اتغير عندها مش بتطمن عليا عكسي كنت ببعتلها بتاع اربع مرات ورا بعض انا اللي بسال لما بتغيب ، هي معندهاش مشاكل لما بكلمها بتقولي امتحانات مع اني نفس الكليه وعندي امتحانات زيها ، بس بعدي الموضوع بقيت مكبره دماغي منها حتي دلوقتي مش زعلانه بحلل بس المواقف لاني مستغربه ، في مواقف صغيره عملتها بس فرقت معايا زي مره كنا فاكتفتي وسالوها تحبي تشتغلي مع مين لو كنتو مع بعض فتيم فاختارت كذا حد تاني غيري عكسي انا اختارتها ، بردو موقف تاني كنا رايحين مكان بس هي وانا ركبنا من اماكن مختلفه فبقولها لما توصلي رني عليا فوصلت و ركبت المترو كمان و كنت واقف عند السلم برن عليها قالتلي انها ركبت طيب مفرقتش عشر دقائق أو كنتي رنيتي بس متكلمتش عادي، دلوقتي هي اللي متغيره و بعتتلي من اسبوعين بتسلم وبتقولي أنها مقصره فقولت عادي و رديت وهزرت مردتش عليا بعدها علي كلامي و بتعرف تنزل استوريز علي كل البلافورم بس مش بتعرف ترد عليا ف مش عارفه هي ليه بتعمل كده مع اني بمتحن زيها عادي هي دلوقتي مش فارقه معايا عادي بس لما بفكر بستغرب

. انا بالرغم ان انا ما بقدرش كاون اصدقائي كتير. فيه جهون جيه تقريبا. ماشي. اه برغم ان انا ما بقدرش كاون اصدقائي كتير. ولكني اه عندي قوة خارقة كده. ماشي? فان انا اجلب الاطفال الزغارين ليه? ان هم يحبوني او يعني من فترة ولا ايه يعني او خليها فترة كبيرة عشان ما تضطروش عليها اه كنت بروح النادي اه فكنت بروح العب اه في الملاهي برغم اني كبير يعني عندي سبعتاشر سنة بس يعني كنت بروح على العب في الملاهي كنت باكني على للزغارة ماشي بان احنا دي مرجحتنا بقوا بتاعها ونعمل هجوم على المرجح التانية بحيس ان احنا نحتل مرجح اخرى وحاجات زي كده يعني كنت بعمل حاجات كتير من دي ودلوقتي اخر مرة ومواقف اللي خلاني اجي احكي يعني ان انا في كنت مع ابن خالي روحنا النادي في كان في العاب جديدة اضافت قهربة وكده فروحنا نجرب لعبة كده لعبة العربيات يعني بما ان انا بحب العربيات فصرفتنا فلوسنا كلها عليها والله روحت سعب من البنك كذا مرة عشان فتعرفت على عائل صغير كده بتاع ده عاش غير وخو وصغير قوي يعني صغير قوي ظن انت سنة سبعة سنة حيث هيك وده الحد دلوقتي يعرف حد دلوقتي بيقعد يكلمني ونلعب مع بعض يعني اه لعبة ثانية برة اونلاين اه في الحد دلوقتي بيكلمني وحد دلوقتي بيلعب معي برغم انه صغير جدا ولكن ما اعرفش بقى يعني ده حاجة حلوة ولا حاجة بحشة يعني اه قلولي بقى رأيكم

أنا معجب بفتاة تدرس معي. هذه الفتاة تكنّ لي مشاعر، لكنها تُصرّ على أننا مجرد أصدقاء وأنها لا ترغب في الدخول في علاقة عاطفية في الجامعة. مع ذلك، كانت على علاقة في المدرسة الثانوية، والآن تُصرّ على أنها لا تريد تكرار الخطأ نفسه، رغم أنني أرى بوضوح مشاعرها تجاهي. لم أُصارحها بمشاعري؛ ما زلنا مجرد أصدقاء. لكن هل من الطبيعي أن تُصارحني؟ هي دائماً تقول أشياء من قبيل: "انتبه، لا أستطيع تخيّل حياتي بدونك في هذه الجامعة". نحن قريبون جسدياً، نلمس شعرها، ونُبدي لها نظرات حب، وأكثر من ذلك... أريد إجابة واضحة.

مضايقه من نفسي وعجزها عن اني اتغير واكون انسانه جديده بعد العلاقه الاخيره اللي كنت فيها وبعد صداقه مهمه خسرتها وحاجات كتير خسرتها اخر فتره مش عارفه اقوم زي زمان كنت بقوم دايما بس حاليا حاسه بهزيمه وضعف وعجز رهيب

عندي واحد صاحبي عملي اكتر من حاجة بقت مقصرة عليا نفسيا بعد مكنا أقرب اتنين لبعض بعد وقرب ومرة كان كويس جدا معايا ومرة قل مني ومرة قطع معايا شهر ورجع اعتذر الموضوع طويل جدا لو حد عنده وقت لأن الموضوع طويل حابب احكيه

صحبتي عملتلي ghosting و بتتحجج ان واتساب كان في مشكله مع ان سهل تبعت اي ابلكيشن تاني .. مش عارفه انسي الحوار الهو عماله افكر في تصرفاتي معاها الفتره الاخيره وافكر اسألها زعلتها فأيه و هعاتبها ولا لا عموما حاسه بخزلان ومكنتش عايزه صداقنتا تبوظ بعد السنييين دي

كان نفسي اتحب كفاية دايما بقدم لكل الناس الحب والمساعدة بس عمري ما حسيت اني محبوبة كفاية زي ما بحس أن ناس تانية محبوبة فاهمني ؟ ساعات ببص علي الستوريهات اللي صحابي بينزلوها فعيد ميلادهم وقد ايه ناس كتير بعتالهم ومنزلينلهم ستوريهات كاتبين فيها كلام كتير بيعبروا عن مشاعرهم ليهم وان هما بيحبوهم اوي وممتنين لوجودهم فحياتهم . انا اه بجد بتبسط من كل قلبي للناس دي لأنهم فعلا لطاف وطيبين ويستاهلو بس بحس أن نفسي انا كمان يكون عندي ناس بتحبني و وجودي فحياتهم يهمهم ويحبوني بالطريقة دي . انا مش مكروهه بالعكس أنا ناس كتير بتستلطفني وشايفين اني انسانه جميلة بس مشوفتش من حد فيهم مشاعر كفاية تبينلي أن انا فعلا فرقالهم و بيحبو وجودي معرفش هتفهموني ولا لا بس مش مشكلة انا بس كنت عايزة اقول اللي جوايا علشان احس اني بقيت احسن

أنا عندي صديق كنت بعتبره أقرب حد ليا، كنا دايمًا مع بعض ونسند بعض في كل حاجة. فجأة اكتشفت إنه كان بيتكلم عني بطريقة وحشة قدام ناس تانية، وبيضحك عليا في غيابي. لما واجهته أنكر في الأول، وبعدها قال “كنت بهزر بس”، بس أنا حسيت إن الثقة بينا اتكسرت. دلوقتي أنا محتار… أقطع علاقتي بيه نهائي؟ ولا أدي له فرصة تانية؟

سلام عليكم البوست كبير اتمني ميكونش ازعج حد وقولت كل اللي في بالي مره واحده عشان اخلص بصراحه من اللي في دماغي .. انا في منتهي الخنقه حقيقي دلوقتي علي قد ما بشوف نفسي مفيش مني اتنين وان عندي صفات حلوه كتير وعندي قبول رهيب الحمدلله مع ان جسمي وشكلي بالنسبالي مش احسن حاجه وعندي مشكله اني احب نفسي حتي بكره نفسي اوقات كتيره الا والحمدلله محدش علق عليا غير بنصيحه حب او بيتقالي كلام عبيط اني مينفعش افكر في كده وبيقولوا قد اي اني حلوه بقيت الاحظ ان بفا عندي صفات وحشه ظهرت الفتره الاخيره عليا وانا كنت بقول من المسحيل اني اكون كده اوقات ببقا انانيه اوقات ببقا بخيله ودي عكس طبيعتي اوقات ببص في حاجه مش بتاعتي مع اني مش محرومه من شئ وعيشتي ميسوره الحمدلله فدي حاجات بتضايقني مع اني بحاول اخبي الصفات دي عشان مكونش شخص وحش قدام حد مع ان الفكره دي بعيده دي اول حاجه تاني حاجه.. انا مسلمه الحمدلله بحس اني معنديش معلومات كافيه عايزه أبدا اتعلم علوم شرعيه واحفظ قرآن وفقه بس مش عارفه ابدأ منين ومحبطه جدا ومعنديش استمرارية مع اي شئ حتي بردو كنت عايزه اتعلم علم نفس مكملتش بتحمس في حاجه ومش بكمل فيها للاسف بقعد اقول انا هعمل واعمل ولما أبدا مكملش او كمان مبداش حتي الدراسه انا ٢ ث دخلت علمي وانا كنت عايزه ادبي دخلت عشان اهلي اقنعوني انه احسن ليا بس انا من اول السنه وانا مش عارفه اتعايش وانا حقيقي كنت شايفه نفسي في ادبي المهم الامتحانات قربت والكل بقا يتباكس حتي مش عارفه اذاكر ولا عارفه ابدأ في مشروع كمان عايزه أبدا فيه وكده في الاجازه ومتحمسه ليه اوي واتمني اني اكمل فيه بس هو حقيقي تحفه وترند اصلا شغل هاند ميد بالبايب كلينر بس تحفه ايه تاني اممم.. انا عندي اتنين اصحابي يعتبر اقرب اتنين ليا في واحده اعرفها من خمس سنين نديها رقم 1 والتانيه اعرفها في شهر 11 السنه اللي فاتت نديها رقم 2 1 علي قد ما هي قريبه مني علي قد مانا بحس اني بظلمها كتير اوي لانها بتحبني جدا جدا فوق مما حد يتخيل بس بحس اني مش عارفه ابادل نفس الحب والاهتمام ديما لما بنتخانق بطلع ان انا اللي غلطانه وبعديها عشان منطولش في الزعل بتخلق مبرر ياكدلي ان انا اللي غلط وبصدقه هي صاحبه صالحه ودائما بتشجعني الخير بجد بحبها اوي ومش عايزه اخسرها بس بحس انها بتضايقني كتير وبتتقمص علي اتفه الاسباب وانا مش بيبقا عندي طاقه اني طول الوقت اصالح ده غير انها دلوعه زياده عن اللزوم ولازم تعاملها انها طفله معنديش مشكله بحبها زي ماهي بس في اوقات طريقتها بتضايقني في اوقات معينه عامة علي قد ما فيها حلو كتير وميتعدش وعلي قد اني بحبها بس بحس في ضغط في علاقتنا وبحس ان انا الوحشه يعني بحس اني لو انفجرت فيها هجرحها وهخسرها بحس ان لما بتبقا بعيده برتاح ببقا مرتاحه لما تكون بعيده بس بشوف نفسي الوحشه في القصه ولو حصل مني حاجه بطلع الغلطانه والوحشه وبحس ان طول الوقت ببرر لنفسي لحد ما زهت اما 2 فهي تبقا صحبتها اتعرفت عليها يوم عيد ميلادها بقت اقرب حد ليا بشكل غير طبيعي في فتره قصيره جدا لانها شبهي بطريقه غريبه نفس الاسلوب والضحك بتكلم معاها في كل حاجه وبمنتهي الاريحيه غير 1 بحس ان مش كل الكلام يتحكي ليها 1 تبقا قريبه من عيلتي فبحس دايما بتسخن امي عليا حتي لو من غير قصد او بتهددني ان لو عملتي كدا او لو معملتيش كدا مثلا لو مذاكرتيش هقول لمامتك ديما بتقولي كده وهي عارفه ان امي شديده وعلي اتفه سبب ممكن تسخن وتقلب عليا ده غير ان ماما بتشوفني غلطانه بردو في كل مره نتخانق فيها وبحس ان عندهم حق حتي الخناقات انا اللي ببدا فيها فبطلع غلطانه المهم ان 2 قريبه مني وبحبها اوي وبحسها مريحه بس ماما شايفه ان انا اخدت صحبتها منها يعني انا اخذت 2 من 1 فاهمين ف انا تعبت مش عارفه اعمل ايه كتبت قصه حياتي مره واحده عشان مليش خلق اكتب كذا مره شكرا لو حد قرأ ده كله بجد

بدأت احس ان وجودي بقي غير مرغوب فيه عند صحابي يعني حتي لو غلطت و اعتذرت اكتر من مره و بطلت اعمل الحاجه اللي بتضايقهم و مع ذلك مفيش ده معناه انهم مبقوش عايزني صح *قبل ما حد يدخل يشتمني احنا بس شدينا مع بعض ف الكلام لاننا بنتخرج و مضغوطين جدا جدا وانا بعمل المشروع كله لوحدي تسهيلا عليهم ووجدتي تعبانه و شغلي مش احسن حاجه و عاطفيا مش احسن حاجه و هما عارفين كل ده و اللي مزعلهم اسلوبي ف الكلام الفتره الاخيره و اني بقيت بتعصب * معني انهم رغم اعتذراتي و اني بطلت اتكلم عن نفسي او اقول اي كلام يضايقهم و لسه متضايقين مني انهم مش عايزني صح و مبقاش ليا مكان بينهم

انهارده وبعد شهور كتيير اتخلصت من شا.ت حد من صحابي كنت بقعد أقرأه و اسأل لية مشي ولية مرة واحدة بدون مقدمات او اسباب واضحة وحتى لما جتله فرصة يكلمني مكلمنيش المشكلة اني مسحت الشات بس لسة مبطلتش اسأل لية ؟ في حاجة جوايا عاوزة تتخلى عن الشخصية دي تحديدا زي ما اتخلت عني و عارفة اني هعرف اعمل كده الوقت كافي اين كان هيبقى قد اية بس المشكلة انها مش المرة الاولى اللي يحصل معايا كده دايما الناس بتبعد عني من غير ما اعمل حاجة خايفة آمن للي حواليا حتى وهم كويسين معايا جدا جدا حتى الآن بس بجد الغ.در اللي اتغ.در بيا مكنش متوقع وكان من اكتر ناس مش متوقعة واكتر ناس قدمت ليها كتير قدمت ليها اللي كنت محتاجه وهو ان حد يطمني انا خايفة محدش يحبني وابقى لوحدي خايفة محدش يشوفني استاهل اكون في حياته انا كل اللي بحبهم واتعلق بيهم بيمشوا وللاسف انا في بداية التعلق بحد و المشكلة مش هو بس اللي هيمشي لو اتعلقت بيه ده هياخد معه صحابنا كلهم وانا اصلا مش عاوزة اخسر حد فيهم انا تايهه جدا جدا و متلخبطة

أنسيت الهوي؟؟ أم خفت الكلامَ أم أعجبك طول الغِيابَ أم انت سئِمت من العِتابَ أم نحن في مهب الرياحَ أم لم يعجبك شهد الكلامَ أم أن عتابي فيه أغتيابَ أم نحن في الحياة محطاتَ والله إنك اعز الصِحابَ ألا تفهمني أم تخشي الفِهامَ؟؟؟ أم تسمع الكلام من أذنٍ وتخرجهُ من جهه الرِثاءَ لم أعاملك كحبيبٍ بل كصديقٍ نسي الصِحابَ أعاتبك من كل قلبي قائلاً أتفهمني ام ترمي الفؤاد؟؟ أم انت لم تعد لي بحاجةً أم اعتدت شُح السؤالَ إني والله لباقٍ عليك كصديقٍ خليلٍ يريد الكلامَ أهل تعلم انك اقل من تُرسل لي؟!! فأين إذا عهد الصِحابَ إني لا ارتجي منك اهتماما أو أن تعيد ليالينا كما الهوي شاء بل أقول لك ونفسي كسيرةٌ أ تود البقاء أن تفضل الجفاءَ؟؟؟ أتمني ان تفهم كتاب مُحبٍ صادقاً لا يريد فيك الا حميد الخِلال ويا خوفي من أخذك العتاب علي غضبٍ وتقول اغضبني عتابِك يا هذا وان تفعل كما تفعل وتقول انا لست حبيبك فلا تنتظر وِصالاً أعاتبك من كل قلبي في قصيدةٍ مطلعها أ نسيت الهوي أم خِفت الكلام؟؟؟؟ ايه رأيكم؟؟

يعني الواحد كل مره يلاقي حد تروح 6امله بلوك يابر namg بضان بجد اي ليه عشان اي اتخنقت بجد كل شويه كلمه يقولك اصل مش عارف اي ضد اي تصل حاجه خرا بجد بقي حاجه ممله اوي مش عارف ماله معرفش وحاولت حتي احذف الحساب مفيش فايده

يا جماعه انا بحب الهزار اوي اوي اوي اوي نفسي اقعد مع حد ونفضل نهزر مع بعض حاسة بالوحدة + هقول كلام غريب حبتين ومحدش يتضايق ولكن معظم البنات دمهم تقيل ومبيضحكوش وده مضايقني لاني لما بكون عايزة اهزر مبيفهمونيش وبيفتكروني بكلم جد وافضل اقنعهم ان مفيش ده رغم اني لة هزرت مع ولد(ده حرام وانا بكلمش حد) ربنا يتوب عليا طبعا ولكن بيفهمني وبيضحك معايا وبالعكس بيعرفوا يضحكوني من الاخر نفسي في واحدة ملهاش في القرف نفضل نبعت لبعض ريلز وكلام تافه ونفهم بعض انا من برا الكل بيشوفني شخص عاقل جدا وهادي وحكيم بس انا زي ما قلت بحب الهزار نفسي حد يتجنن معايا 😞

انا مزال مفهمتش حاجة بنات منعرفهم مايعرفوني جامي حكيت معاهم تلقايهم يشنفو عليك ولا يهزو فرواحهم 🤷🏻‍♀️نقولو شافو حاجة بيزار فيا ولا!! نوو لباس بيا حمد الله من ساسي لراسي 🙂منيش ق.. وحشاكم🙇🏻‍♀️ منخالط لولاد والو حرفيا عادي علبالكم حتى توسوست لعمري 🙂! ومش وحدة مش زوج دييفوا يعني

مساء الخير يارب تكونوا بخير وسعاده 🥰 من خلال اخر فتره دي اكتشفت انو في نااس كتيره في حياتنا، ما هم الا اسماء فقط، اكتشفت انو ف الاول والاخر محدش هيحتاجلك غير اللي له مصلحه وبس، غير كدا ولا حد يعرفك يا صديقي 👌

دلوقتي يا جماعه انا كنت بحب شخص اوي و كنا شبهه مرتبطين من تلت سنين اول ما دخلنا الجامعه المهم احنا متربين مع بعض و ف بيوت بعض وكده و حالا اتعرفت علي حد من تويتر من شهر ونص بس مفيش حاجه و الاكس بعتلي ادد اللي هو عارفين بعض من زمان ده و انا صعبان عليا الولد اللي حاليا ف حياتي بس هو مقاليش ان عنده مشاعر و علي طول بيعتبرني زي اخته و حاسه اني مرتاحه معاه ك صحاب مش مرتبطين لو قبلت الادد بتاع الاكس بتاعي اللي كل اهلنا كانوا عارفين بعلاقتنا ابقي وحشه ؟ حد يقولي اعمل اي علشان دماغي هيحصلها حاجه و مش لاقيه حد احكيله

جماعة كنت نزلت بوست قبل كدة عن حدود الاختلاط بين الولاد والبنات انا لو عندي صاحبة مثلا وعايزة انصحها عن الاختلاط ازاي اعمل كدة من غير ما تتضايق او تحس مثلا اني بنتقدها مش بنصحها قوليلي افكاار

الحمدلله على قضاء ربنا انا مش بعترض على قضاء ربنا بس هو انا ليه مليش نصيب في الصحاب والحبايب ليه مش بلاقي الحب اللي بقدمه لناس انا لو حد طلب عيني معنديش مانع اني اديهاله وهبقى فرحان وانا بعمل ده بس قدام كل ده انا ممكن حد يستبدلني عادي جدا ويتغير ويعمل كل حاجة وشايف أنها صح ومفيهاش حاجة انا بجد تعبت ومش عارف اعمل ايه وبقيت مش عايز اعيش

طيب ايه ؟ خلاص قفلت كدة يعني ؟! مش هنلاقي ناس نقدر نتقبلهم و يتقبلونا زي ما احنا يا اما نسخ تافهة مش فاهمين عاوزين ايه يا اما نسخ عاوزيننا احنا اللى نبذل مجهود يا اما نسخ كويسين جداا بس فيه مليون حاجة تمنع انهم يكونوا مناسبين لينا و بعدين يعني المفروض الانسان يعمل ايه و هو حاسس ان كل الحلول ،و كل اللى بيقابلهم ،و كل اللى المفروض عليه يعمله.. مش شبهه مش مريح مش مناسب !! هنفضل نمشي فى سكك شوية كويسين و نكتشف انها مش لينا و نلف و نرجع لحد امتى؟ الموضوع سخيف اوووي و مرهق نفسياً لاقصى درجة انك كل ما تبدأ كدة و تسمي الله ف اى حاجة شغل بقا ولا علاقات ولا صداقة حتى لو هواااية بعد كااام خطوة محترمين كدة بتتقفل ف وشك !! 😑 ماشي مش نصيبي تمام و بعدين برضو؟ اللي نصيبي ده بقا هيبان امتى ؟ و هل فيه علامه اصلا انه اه ده نصيبي ولا اصلا مافيش علامات لحاجة ولا مافيش خلاص كدة و ده عشم خايب و فرهدة ع الفاضي فى البحث عن حاجات تشبهنا ؟ و بلاش كومنتات الهزار عشان الواحد ع آخره اصلا 😑

حاسه مستغربه تفكيري .هحكيلكم و قلولي. هو تعبان دكتوره كاتبله ادويه ويارب تعمل مفعول ميحتجش عمليه.. و بينزل شغله ٧ يرجع العشا بيبقا زهقان و حتي معندوش نت اسبوعين. بيقولي اقترح يعمل ايه علشان يغير موده وكدا انا مش عارفه انتم اي اقراحتكم.. متضايقه علشانه بس انا موقف ده فكرني بصحبتي الكنت مبحبش حتي اشوفها تعبانه او زهقانه لدرجه كتبتلها ليسته حاجات تعملها وكنا عيشره سنين بعدنا وهي خذلتني

بجد بدون افكار فلسفيه انا شايف ان الارتباط في السن ده مش هيجيب غير مشاكل سواء انك هتحس بانتماء زائف ممكن يتسحب مك في ثواني او انك تحس بانك مستهلك علشان في شخص دخل حياتك وبقا يستغلك او حتا انك تضطر تشتغل اكتر بس علشان تشتري ليها طلباتها علشان تفضل معاك فاصبح وجود الانسان معاك عائق مش تحفيز لكن لما نيجي نبص علي الاكبر مننا سنا بنلاقي في اختلاف الارتباط م مجرد حب لا يمكن تقيمه هو حاله كامله من المشاركه سواء بتقديم دعم نفسي معنوي من المرئه او دعم مادي و جسدي من الرجل وعمرك مهتوصل لمرحله النضوج النفسي دي طول منت في السن ده لان السن ده مجتمعيا هو سن انفتاح الثقافات على بعض المباح و المحظور بقوا شئ واحد علشان كده اصبح من الصعب رؤيه الخطئ او حتا تجنبه اصبح انك لازم تجرب الخطئ علشان تتعلم منه و في مننا مش بيتعلم اصلا وبيكمل وقوع في نفس الخطئ بالنسبه ليا انا كنت بدات اتعلق بوجود بعض الاشخاص في حياتي كنت مبسوط بوجودهم و كنت بشاركهم اغلب افكاري و تخطيطاتي و كانت محادثاتي معاهم محادثات عقلانيه تماما ولكن الموضوع اصبح بالنسبه لي يؤثر على ميزاجي اليومي بمعنى اني اصبحت متعلق بوجودهم لما يكونوا موجودين كنت بفرح و العكس كنت بزعل علشان كده قررت اني امشي وقد كان اه طريقتي في الانسحاب طفوليه ولكنها كانت اسلم طريقه للانسحاب دون مشاكل بعيدا عن كل ده هي مكنتش ارتباط ولكن وجدت ان صداقتي مع بنت هتسبب لي مشاكل على المستوى النفسي حتا لو الكلام كان في حدود المنطق والمعقول قد اكون غريب في اللي بقوله قد اكون مش متقبل ليك لكن ده اللي انا حسيته فعلا و ده اللي حبيت اشاركه معاكم

انا عندي مشكلة ان لما بعرف حد مثلا علاقته ب اهله مش قد كدا سواء بقا صحاب او حد من قرايب حكالي مشكلة ف بيته ببدأ انا كمان موريهوش الجانب الحلو ال علاقتي ب اهلي اوي يعني مش لجل فكرة حسد والله او كدا ب العكس تماما بحس اني م عايزة ابان احسن عشان ال قدامي ميحسش ب مضايقة اكتر يعني ع سبيل المثال لو واحدة صحبتي عندها مشكلة مع اهلها ف بيت مش هاجي بعد كام يوم اقولها دا انا خدت ماما ونزلنا خرجنا بحاول ابين ان بردو عندنا مشاكل ف البيت وان مفيش بيت كامل100% بس والله مش لجل حاجة وحشة بجد بس انا سعات ببدأ احس شوية اني منافقة مع ان والله بعمل دا عشان انا بجد بحبهم ومش بحب حد يحس ب مضايقة لجل حاجة مثلا موجودة عند غيره ومش عنده وخصوصا لو موضوع متعلق بيا انا وحد من حبايبي بحس م عايزة اكسرهم انا كدا صح ولا انا كدا اي لان موضوع د كل مدى م بيكبر جوايا اني بنافق نفسي وال حواليا....

انا اكتر واحد ف الدنيا دي ممكن يتضحك عليه يجي واحد صاحبي يقرب مني ف فترات معينه ويبعد ف فترات معينه ولما يعوزني ف حاجه دايما يلاقيني وانا لو عوزته ف موقف عينه ف عيني ومساعدنيش والمشكله انه بصدقه وهو قريب علي طول يقولي انت أعز صحابي وانت كويس وانت كذا وكذا وطول مهو جمبي يمدح فيا دايما يكون جمبي لو عندنا practical ف الكليه لاني كويس فيه وعمري ما بخلت عليه ب معلومه وكنت افضل جمبه ساعات عشان يطلع شغل حلو خلصنا الشغل دا لقيته مره واحده بعد خالص وجه ف الفتره اللي فاتت قرب علي طول معايا رايح جاي جه دلوقتي قدامي ف امتحان انا مبحبش اسال حد بس هو عشان صاحبي وقريب مني عني الباقي كنا ماشيين والدكتور بيلم ف سالته ع سؤال اختياري كان ممكن يقوله بكل بساطه بعد عينه عني وقال معرفش وبعد طلع حالل الاسئله عادي انا مش بشجع حوار الغش يجماعه بس احنا قليلين وكلنا بنساعد بعض ف اي مواد وانا اصلا مش بحب اسأل بس سألته هو والشباب كلها بتسال بعض وهو بيجاوب معاهم انا مش زعلان من فكرة السؤال والله انا عارف ان الدرجه رزق ومعنديش مشاكل انقصهم اقسم بالله عادي عندي انا ف الفكره العامه هو بيجاوب مع باقي صحابنا واحنا عملنا كده كذا كره وكان اخر الوقت وانا مزنوق وشايفني وواقف جمبي وعمل كده المشكله انه الفتره اللي فاتت صاحبي دا كان قريب جدا جدا مني ليه عمل كده وحاليا بيبتدي يبعد زي زمان بقي يشيل عينه من عليا ف الجامعه وبيهرب عينه مني انا زهقت ومش عارف دا عيب عندي ولا عنده

ازيكم يا جماعه، عايزه احكي حاجه من ٣ سنين اتعرفت على صديق ليا ، شخص محترم جدا و فعلا خلوق كنت معاه في اول خطوات في حياته يعتبر ، اول يوم جامعه، اول مره ينزل شغل، كنت سيف بليس بالنسباله وهو كذلك كان يعرف عني كل حاجه الموضوع مكنش متعدي الصداقه كده كده و مكنتش بحس بمشاعر اعجاب حتى اتجاهه بعدها ب سنه قربنا جدا من بعض و كنا في وقت اجازه كنت انا وهو فعلا بنتكلم كتير جدا ، كان هو بيظبط يومه عليا و هو كان قليل المدح جدا لكن الفتره دي كان بدا يمدحني و بدا يعبر عن مشاعره انه بيرتاح معايا وانه بيحب يتكلم معايا..كانت ايام لطيفه حقيقي كنت انا وهو بنقطع بالكام شهر و بعدين نرجع تاني زي الاول عادي مفيش حاجه بتتغير في ٢٠٢٥ كلامنا قل بسبب انشغالنا اخر مره اتكلمنا كانت غالبا في شهر ١٠ ، بس كنا متابعين بعض من السوشيال ميديا و هكذا و فجاه الاقيه شالني من كل مكان في ٢٠٢٦ و بلكني كمان ، عرفت بالصدفه انه ارتبط وانه راح قابلها وهي اللي شالتني هما مع بعض لسه بس انا قلبي موجوع، ازاي هونت عليك؟ حتى مكنتش عارف تبعتلي رساله تعرفني؟ قلقت عليه فكرت حصلتله مشكله في البيت او حاجه متضايقه يا جماعه منه اوي و صعبان عليا نفسي خصوصا انه كان شخص محترم جدا ، لكن كان عنده مشكله انه فعلا بيتاثر باللي حواليه (صحابه) خلوه يشرب سجاير و يبدا يكون غريب لكن على طول بيرجع تاني لعادته المره دي مرجعش، و راح لبنت فعلا مش شبهه ومش ذوقه مش عارفه ازاي يتخلى عن مبادئه كده متضايقه اوي و حاسه جوايا كلام كتير عايزه اقوله ليه او اوبخه..تتوقعوا ممكن يرجع تاني : ( اسفه على الاطاله.

امتى قررتوا تنسحبوا من صداقه واتأكدتوا أن لا خلاص كفايه كدا وهل لازم حاجه واضحه أو موقف معين يحصل يخليكي تبعدي ولا مجرد احساسك أو التفاصيل الصغيره اللي بتلاحظيها كانت كفايه انك تتأكدي أنها صاحبه وحشه وتبعدي عنها وبعدتي وخدتي الخطوه ازاي وهل ندمتي بعدها ولا شكرتي نفسك

يا جدعان عايز اخد رايك في حاجه دلوقتي ليا واحد صحبي و بقوب عليه اخويا يعني هو جدع معايا و كل حاجه بس انا مش حاسس اننا عارفين نهزر مع بعض لو انا هزرت معاه مثلا قلشت ف وست الكلام او برخم بهزار ف وسط الشات يقولي اعقل و انضج و ميكملش هزار و لو هو جه يهزر معايا و انا مفهمتش الهزار او مثلا كملت ف الهزار و التكمله معجبتهوش يقولي برضو نفس الكلمتين ابسط مثال كنا علي باب الجيم و بهزر و بقوله اخيرا طلعلي شيست و بدا يبان فا لقيته بيقولي رزمن و اعقل فا بعد ما خلصنا و بدانا نتكلم قالي مفيش حد عاقل يعمل و لا يقول كده قدام الناس فا انا عايز اعرف اعاتبه و انا عارف اني لما اعاتبه حرفيا هتتقلب عليا كلها ولا اسكت و اكبر دماغي زي ما بعمل علطول و انا ربنا يعلم خايف اتكلم معاه فا نخسر بعض و نخصر قربنا لبعض ده رغم اني بعتبره اخويا و الخوف جي منه هو مش مني انا

الصراحه يا جماعه انا مش عارف اجد حد نفس اهتمامي بالانجلش او مثلا ننصح بعض نتكلم مع بعض انجلش و كل انا اي حد بحاول اتعرف عليه في الكورس بيحبني بس بعد ما مثلا اجيب اعلي منه يزعلي مني فزعلان جد

محتاج ب.ن.ت نكون صحاب واخوات لبعض نساند بعض وقت الشدة والضعف نكون ساب.ورت لبعض هي تضايق من حاجه تحكيلي و العكس ونستشير بعض في المواقف ونوصل لحل يكون مفيد للمشكلة وما الي ذلك هل ممكن الاقي حد كده ؟

انا شخصيه لما بتحب وتعطي كل شي ومن قلبها ف انا كل ما اصاحب بنت * واتعامل معها كويس وبعد معترف لها اني بحبها ومقدرش استغني عنها وانها بيست فريند الاقيها معاملتها اتغيرت اكنها خلاص ملكتني وضمناني انا الصراحه نفسي اكون عندي صحبه اثق فيها تقدر حبي ليها بحبها وبخاف عليا تبقي مهتمه بأدق التفاصيل زي بغار عليها من اي صاحبه تانيه وهي كمان كدا متكنش استغلاليه او علاقتنا تبقي مصلحه لا عايزاها بحب و ود واهتمام نخاف علي بعض ننصح بعض تفهمني منكنش محتاجين لاي شخص أخر تكون محترمه انا كنت صاحبه لكل واحده الصاحبه الي تتمناها بس هما خسروني بمعاملتهم وتجاهلهم و تصرفاتهم الي عارفيني مش بحبها او بغار منها او بمعني اصح هما ضمنوني ف معتش بقو زي الاول نفسي في حد يكمل معايا ويكون انا صحبتها الوحيده المقربه وانا كذلك ونكون مع بعض ابدا و منخليش حاجه تقصر علي علاقتنا او تبوظ او نتخانق تبقي بيست فريند forever

عايزه حد يفهم اللي هقوله أنا دايما بحب أسمع الناس لما حد من صحابي بيحكي مشكلة بحب أسمعهم وأساعدهم بس في المقابل أنا مبعرفش أحكي حاجة فبقيت أحس إني مستنزفة إني أسمع مشاكلهم وأحاول أقنعهم بحلول، وأنا غرقانة في مشاكل وكمان مش عارفه أحكيها فبدأت احاول ابعد عنهم معرفش دا صح ولا ايه ومعرفش امتي اتغيرت؟ ودي حاجة حلوة ولا وحشة أصلا؟ ولا أنا اللي مشاكلي زادت؟ حد فاهمنييييي اعمل ايييه؟؟؟

عندي صاحبتين كانو صحاب جدا زمان دلوقتي هما متفرقين بس انا لسه مصاحبة كل واحدة لواحدها و بروح مع دي دروس و دي دروس مختلفة بس الاتنين بيحبوني و مش بيحبو أمشي مع التانية والاتنين فاكرين ان علاقتي بالاتنين مش حلوة

أحياناً بتمر لحظات هدوء طويلة بنحس فيها إننا محتاجين روح قريبة تشاركنا التفاصيل الصغيرة، قلب يسمع اللي مبيتحكيش ويفهم السكوت قبل الكلام. الوحدة مش مجرد غياب ناس، هي احتياج لـ ونس حقيقي، لحد يكون شبهنا لينا في أفكارنا واهتماماتنا. نفسي ألاقي الشخصية اللي تكون بمثابة أخت وصديقة، إنسانة رقيقة بتفاصيلها، عندها قدرة على الاحتواء والمشاركة في كل لحظة حلوة أو صعبة. الصداقة اللي بتبدأ بكلمة وتتحول لـ رابطة قوية بتخلي للحياة طعم تاني، بعيداً عن زحمة العالم، مجرد روحين متفاهمين بيلاقوا في بعض الأمان والرفقة الطيبة. هل في حد لسه بيؤمن بالصداقة العميقة دي؟

انا شخص معروف في شارعي و حتي الناس في الجامع عارفين مجرد مراهق طيب محترم لكن في نفس الوقت حاسس بالوحدة محدش مهتم يعرفني اكتر كشخص أو حتي كصديق بقيت معتبر ده شئ طبيعي مش علشان انا مقتنع علشان اعرف اعيش طبعا مش قصدي اعترض انا بس مش عارف احدد هل ده عادي ؟

حاسس ان مخنوق ومحتاج اتكلم المشكلة اني لما بحكي لحد بيفهمني وبنبفضل نتكلم وفعلا بتعود ع وجودو بعد كدن القي بيتعامل وهوا خايف مني بسبب الي حكيتو عني طيب انا مفسي احكي لحد ومصحبوش يعني كذا مره اقع ف الموضوع ده وبجد بيخنقني لو حد عندو حل يفدني

السلام عليكم من فضلكم دلوقتي انا طالب جامعي فرقة تالتة هندسة والحمد لله حالتنا المادية كويسة جدا الحمد لله رب العالمين يعني ف دلوقتي في بنت صاحبتي حاسس انها بتتقرب مني والكلام ده وهندخل في مواضيع الحب والكلام دا بس انا الصراحة مش ناوي ادخل في الخطوة دي دلوقتي خالص وانا الصراحة شايفها صاحبتي وبس مش اكتر لاني معمريش قولتلها كلمة تدل او تخليها تحبني بس انا اول لما لقيتها بالشكل ده قولتلها ان انا بحب بنت تاني وناوي اخطبها انا مفيش بنات في حياتي بس انا قولت كدة علشان معشمهاش وواخد ذنب وهي مش وحشة بالعكس هي إنسانة جميلة جد في كل حاجة بس انا اللي مش جاهز للخطوة دي دلوقتي لاني لسه معملتش حاجة لنفسي يا رب تكونو فاهمني هل كدة انا غلطت او اتصرفت غلط ؟

كنت دايما لما بخرج مع اى جروب بحس نفسي بتقل عليهم ال هو لو خرجوا من غيرى اعتقد كانت هتبقى خروجه احلى انا حد مش منطلق اوى على الدنيا وهادى حتى فى الخروج ببقى حاسب كل حاجه ومخطط هعمل ايه وكده بحسنى ببوخ اى حاجه بكون فيها وبقول ياريتنى مبقاش موجود وحتى لده بقيت مش بروح تجمعات كتير وببعد عن الناس اكتر مع ان الناس بتقولى انى كويس وكده وبيحبونى بس انا بحس ال هو لا انا مجرد حمل عليهم يعنى بقول دايما ليه يصاحبونى اصلا انا لو اقدر افارقنى كنت فارقتنى من زمن

عشان عمري ما اتكلمت ولقيت حد فاهمني عمري ما اتكلمت وارتحت دايما بتلام اني بتكلم مع ان انا صاحبه الكل كويسه مع الكل بس لو طلبت ربع اللي انا بعمله هتشاف ان انا كده عايزه مقابل وماديه وقد ايه ان انا مش بعمل الحاجه دي كده لله ايوه.

بوست مهم و بجد محتاج كل راي حتي لو نفس رايك اتكتب بس هيفرق انا ليا واحد صحبي يعز عليا اوي انا و هو 23 سنه يعني مش عيال في فرق نضج واضح هو ناضج اوي و شاف اكتر مني و انا بالنسباله مشوفتش حاجه اوي و احنا صحاب بقالنا سنه و نص بس بقينا قريبين نيك لبعض فا المهم ان انا لو قاعد مع حد انا حرفيا مش ببطل شكر فيه و قد اي هو مغيرلي حياتي و حرفيا مبعرفش سيرته تيجي قدامي غير لما اخلي الي قدامي يستغرب ان في شخص كامل كده و برضو ممكن اتضايق لو مثلا لقيته نازل مع حد من صحابنا احنا الاتنين و مقليش مثلا فا ممكن اتخنق منه و بسبب الحوار ده بقيت اخاف الناس تفهمنا غلط او الحاجات بتاعت الجيل ده عشان الوضع بقي صعب و في نفس الوقت خايف من كتر النفخ فيه يفرقع في وشي و يزهق و يبدا يبعد واحده واحده فا هل الي بعمله ده عادي اي صحاب اتنين قريبين من بعض بيعملوه ولا انا محتاج اراجع نفسي ؟

انا دلوقتي كنت في فرح اخو اعز صاحب ليا (نسميه عصر) وكان يوم حلو مكنش في أي حاجة تضايق وهو لسه قافل معايا لما روحت وهزرنا وكده بس هو قالي أنه بكره رايح يخرج مع البت بتاعته انا قولت عادي مفيش حاجة تخليني افرح أو اضايق في ده اصلا بس لقيت واحد صاحبي تاني من الشلة وهو برضه عزيز عندي جدآ وبحبه جدآ والله بس عصر أزيد منه شوية بيكلمني بيقولي انا عايز الكوتش كذه منك قولتله عيني ليك يقلبي خده بس ليه قالي رايح خروجه بكره قولتله مع مين قالي مع عصر قولتله ليه سكت دقيقتين وبعدين قالي معرفش ف ساعتها انا غلطت روحت قايل عصر خارج مع البت بتاعته انت هتجيب البنت بتاعتك وتروح معاه ؟ في الوقت ده هو كان بيكتب ولما خلص كلام كان باعت أنه ميعرفش هو قاله البس لبي حلو هتخرج معايا يوم الاربع ف لما شاف الماسدج بتاعتي اللي فيها أنه خارج مع البت بتاعته اتصدم وقالي بجد وكده (معرفش الصراحة بيمثل ولا لا) بس انا لحقت نفسي وقولتله معرفش انا بخمن عادي قالي ماشي ف انا دلوقتي مش عارف اعمل ايه وحاسس اني مضايق شوية بس مش حقد على حد والله البنت بتاعت عصر تبقا اعز صاحبه يعتبر من الاكس بتاعتي وانا حصل بيني وبين الاكس ديه مشاكل وخلصت ب أننا متخانقين لحد دلوقتي و مش بنبص في وش بعض ف انا مش عارف اعمل ايه

انا كنت صديقة لشخص وكان عزيز عليا مرة كثير وكنا نحكي ونتكلم وكنا مرة قراب بس تركنا مانحكي مدة بعدين رجعنا صح نحنا كنا رفقة بس بنحس في اشي يعني بيناتنا انا هيك كنت حس من الكلام بس ما بعرف وبعدين كان معي في السناب وكنا نحكي نحكي فجا بطلنا نحكي شي يمكن شهر بعدين محاني منو ماصار في تواصل ابدا حتا في الحياة الواقعية لما نلتقي صدف ما يسلم ويحكي وانا هاد الشي كثير مدايقني واشتقتلو الصراحة ومش عرفانة ليش يعمل هيك بدي رايكم 🤷🏻‍♀️

لم استطع ان اعطي اي رد فعل حقا، الشيء الوحيد الذي فعلته هو الضحك وقتها، كنت سأتخطى الامر و اتعامل كأني لم اعلم ابدا لكن قررت فحسب مواجهتها و الامر الذي قابلني كانت مجرد جملة "لم يجبرك احد على مصادقتي" هذا وحده يمنعني حتى من الشعور بالخذلان، فلا احد يستحق مشاعرك حقا لذا ها انا ذا اليوم بدون اي انسان بجانبي و انا بخير من ذلك

طيب دلوقتي انا محتاجه حد يفاهمني اي دا انا وهو المفروض صحاب بس احنا مش صحاب احنا اطتر من كده بكتير يومنا كله سزا وبنعمل كل حاجة سوا بنخرج سوا وفعلا يمكن في مقام المتجوزين بس انا دلوقتي بحس ان لسا بكتشفه او اول مره اعرفه لان ازل مره يحصل بينا كده بقالنا تالت ايام مش بنتكلم عشان قبلها كان عندي امتحان وانا كنت بذاكر مكنتش ماسكه تلفوني بس عارفه ومتأكده انه بعت بس كنو حبه احس انا مهمه عنده وهيحس بغيابي ولا لا فمفتحتش زلا رديت عليه بس هو رن عليا قولته اسفه كنت مشغوله في المذاكره وماختش بللي هو قالي بجد وزعل وقلب المكلمه علي طول اما بصراحه كنت مبسوطه انه فاكرني ومهتم وكده واستنيت وبعتالي تاني مسدج قالي براحتك وبكفيك وكده قزلته ان فعلا مشغزله عشان عندي امتحان قالي تماام انتي حره وقولته مش هبررلك اكيد انا عرفتك متكبرش الموضوع راح رن تاني وقالي بكيفك انتي هنبدائي الشغل ده انت حر وانا هعرفك وبتاع قولنله اقفل بلاش هبل وقفلت في وشه ومتكلمتش تاني شويه اخر الليل رنيت تاني عشان اصالحه ومكبرش الموضوع مردش عليا تاني يوم رنيت مردش بعتله قولتله تمام مردش عليا واحنا كده تالت ايام مش بنتكلم معا انه كام كل يومي وكل حاجة بشركها معاه مش عاوفه اعمل اي بجدعوزا حل وفي نفس الوقت اما مش هكلمه تاني عشان هو اصلا معبرنيش كل ده ولا اطمن عليا وهو عارف ان انا في فتره امتحانات اعمل اي بجد حد يفدني

ممكن أعرف ليه حد يتغير عليا بدون سبب ؟ يعني انا وهو صحاب من سنه ونص مره واحده قلب عليا ومبقاش بيرد كأني مش موجوده ايه يخليه يعمل كده مع أن اخر مره اتكلمنا كنا بنتفق نرجع ايام ما كنا بنلعب زمان بعد ما قطعنا لعب 8 شهور تقريبا وراح ساحب عليا واختفي ومتكلمش تاني يعني متخانقناش ولا كان في زعل ولا حاجه تستحق انو يطنشني 20 يوم كاملين والاقيه منزل حرف غيري فاستوري انا وهو صحاب اساسا بس انا بحبه ومن شهر كده قبل ما يختفي قولتله اني بحبه ومن بعدها وهو كده مع أن رده عليا لما قولتله اني بحبه كان بيقول انو كان مستنيها مني من زمان وانو حاول يتقبل اني مش هحبه عشان كده كان دايما بيبعد ويرجع مع اني مقتنعتش بمبرراته دي بس سكت ومن وقتها وهو كده واضطريت اعمله بلوك لأن تصرفاته زعلتني بس حتي مخدش باله اني مبلكاه ف فكيت البلوك ورجعته علي سناب عشان الاسكور بينا عالي وخساره يضيع يعني مش مرجعاه عشان حاجه تانيه بس حتي الاستريك مش بيبعت عشان يلحق الاسكور وانا مش هقدر اضيع الاسكور صراحه لأن 570 يوم مش قليل ف ازاي اتعامل مع البني ادم الغريب ده

بقالي فتره حاسه ان انا مش راضيه عن اي حاجه واوقات بحس بشعور غيره حرفيا من كل حاجه حواليا الاحساس ده بيضايقني لاني عمري ماكنت الشخص ده بس انا فجاءه لاقيتني علاقتنا ف البييت بدات تكون سيئه مع بعض بالذات بابا بقالي داخله حرفيا ع السنه بدور ع شغل ومش لاقيه شغل مناسب ومعايا شغل حكومي ومش عارفه استلم بسبب كذا عائق فجاءه كل صحابي بقو معارف ما بقيتش حاسه ب احساس الصديقه المقربه مش عارفه اقرب من حد وبرضو مش قادره احب واكون ف علاقه مع شخص خلاص حاسه كل حاجه ضاغطه عليا وكل حاجه بايظه من جميع الجوانب

عاملين ايه من ساعة ما دخلت اعدادي وقبلها كمان كنت بشوف كل البنات مصاحبين وبيعيشو حياتهم عادي ومخبيين علي اهاليهم ورايحين جايين مع ولاد والموضوع تمام والدنيا ماشيه عادي بس انا علي تربيتي متربيه علي أن ده حرام ومينفعش ومفيش حاجه اسمها ده زي اخويا ولا ده وعدني أن لما نكبر هييجي ويتقدملي وطول عمري مقتنعه أن ده هبل ومفيش حاجه اسمها كده والحمدلله علي ده بجد بس مشكلتي ان لو شفت حد من صحابي مثلا بيعمل حاجه زي كده مقدرش موقفهوش المهم في مره كنا خارجين كلنا من المدرسه ف في واحده من شلتي قالتلي أن واحده صحبتنا راحت تقابل ولاد في شارع معين كده طبعا في الاول مصدقتهاش قولتلها يبنتي ازاي دي محترمه اوي مستحيل تعمل كده ف اخدتني للشارع ده عشان تثبتلي وفعلا لقيتها واقفه هناك معاهم طب ساعتها اتشحنت روحت بهدلتها وازاي تعملي كده وبتقوليلهم كلهم(باقي الشله يعني)وتخبي عني ده انا اقرب واحده ليكي بتكدبي عليا وهددتها اني هقول لمامتها لو مروحتش دلوقتي وبعدين صحابي هدوني ومشينا ومن بعدها مكلمتهاش تاني برغم انها اتاسفت كتير بس انا مبقتش أصدقها و لو عملت كده مره ممكن تعمل الف مره بس بعد ما الموضوع اتنسى رجعت افكر فيه وفي موقفي وان ليه اخدت الموضوع علي قلبي بالشكل ده وان كان ممكن اقطع علاقتي بيها وخلاص ومازلت بفكر فيه ومش عارفه الي عملته صح ولا كنت اوڤر محتاجه نصايحكو اوي

صباح الفل مبدئيا اسف اني هطول والكلام طويل اوي من 2000 كلمة وبعتذر لاني تعبان نفسيا اوي ومحتاج اللي يسمعني البوست نفسه مش هيقبل القصة كلها عشان كده هحط جزء هنا وجزء في الكومنتات. ليا واحد صاحبي اقسم بالله كان اكتر من أخ وكان بينا رغي بطريقة مش طبيعية يعني هو قبل الشغل يتصل من اول ميطلع من باب البيت لحد ميوصل وفي الشغل يتصل وبعدها يتصل وانا في شغلي برضو نفس القصة ولو راح يجيب حاجة وهو في الطريق يتصل ده غير الشات طول اليوم. بداية معرفتي بيه كانت خناقة وقال عليا اسوء كلام في الشغل قدام كل الناس في الجروب بسبب انه عايزني اغير من طريقة شغلي وانا مش مقتنع بوجهة نظرو عمل كده بعدها كان بيحاول يقرب وانا اصد وهو يقرب لحد متصاحبنا. وقت الامتحانات عندي كان ناقص مادة اشيلها واعيد السنة كنت مرعوب اقسم بالله كان عارف مواعيد الامتحان وكان يتصل بيا قبل منزل من البيت ومرة في القطر ومرة قبل وبعد اللجنة فبقى في قرب بينا مش طبيعي والكلام مكانش بيخلص الا لما حد ينام ولو حد زعلني أو زعلو كنا بناخد موقف معاه وممكن نقاطعه والله كان بيتصل بيا يقولي يعني اية انت متسألش انا شيفت امتى بكره او لية مكلمتنيش غير مرتين بس النهارده لدرجة اني قاعد بقلب في الشات مستغرب من كلامي معاه دلوقتي ازاي وكان زمان ازاي. بعد كل ده بدأ يتغير معايا فترة بدون اي سبب ولا مقدمات انا كنت بعزه جدا جدا لدرجة أن أمي كانت تقولي ابقى اعزمه في البيت بما أنه قريب منك للدرجة دي. زي مقولت في يوم وليلة اتغير 180 درجة نهائي ومن غير اي سبب جه في يوم قالي تعالى جيم بيس لعبت معاه عادي على الموبايل لاقيتو قاعد متعصب قولتلو مالك قالي مرهق فضل بعدها يرد على قد الكلمة وقالي اشغل نفسك بحاجة غيري وقطع معايا 3 ايام بعد مكنا 24 ساعة رغي فون وشات ومكنتش متخيل أنه يعمل كده. ولما اتكلم قالي بعدها بيس ومفتحش كلام وقولتله احنا على طول مع بعض واكتر من أخوات ازاي تتغير كده معايا قالي عشان مخك صغير قولتلوا يبني عيب لما تقول كده لو حصل مني حاجة وحشة قولي انت طلع منك واحد اتنين تلاتة قالي ولا اي حاجة هو كده. فضل بعدها فترة يرجع زي زمان من رغي ومرة يكلمني وحش لدرجة أنه اتصل الفجر قالي اقسم بالله العظيم بكرهك وعمري محبيتك قولتلوا يبني انت ازاي متغير كده قالي عشان مش عايز اكلمك قولتلو انت حر بعدها اتكلم وقالي متيجي نخرج قولتلو ماشي يخويا جابلي حواوشي وانا جبتلو من بلبن وقعدنا على القهوة قولتلو عرفني انت بقيت متغير كده لية ده احنا كنا اقرب اتنين لبعض واللي بينا مكانش قليل انت عملت معايا اللي معملوش اخويا ودلوقتي انت حد تاني راح قالي انت ازاي تدفع انت بلبن قولتلو انت قايلي أن عندك التزامات ومع ذلك جايبني نخرج فطبيعي مخليكش تدفع حاجة انت وراك انا الحمد لله معايا فلوس بابا وماما بيدوني مصروف غير اني شغال في مكانين واصلا عايش لوحدي بيفيض مني كل شهر ومش عايز اكلفك راح قالي يالا تكلف أية انت موبايلك وحش وانا معايا ايفون ا وقعد يقولي على أسرار ليا انا زعلت وقلبت وشي قالي عايز تع*يط عادي معنديش مشكلة وفتحت شنطة بلبن قالي في اية ياض انت مح**روم للدرجادي قولتلو متكلمني عدل بقى قالي هو ده اللي عندي انت عيل مت**وحد اصلا قولتلو هو انت زعلان وكل ده عشان أنا اللي دفعت قالي اه هو كده بعدها كان المفروض اروح 11 ونص عشان المترو لاقيتو 10 ونص بيقولي يلا نقوم انا مش قادر وفي وسط الطريق قالي مش عايز اعرفك تاني ولا تكلمني قولتلو انا يكررها عيب يا ابني كده والله قالي انا حر فركبت المترو وانا مش مصدق ازاي الشخص اللي كنا اقرب اتنين ورغي 24 ساعة بقينا كده وعشان مكونش غلطان بعتلو رسالة قولتلو اسف حط قلب وسكت وبعدها قطع شهر بعد القطع شهر كلمته اعرف منه الاسباب كلمني وحش جدا جدا عملتله بلوك راح اتصل كتير جدا وقالي فكه ده انت انسان مريض رفضت وفكيته من نفسي بعد اسبوعين وقعد يعتذر وسكت وبعد اسبوع قالي أنه ساب الشغل وعيط فيه واتخصمله وكلمتو على القد وقولت لمديري في الشغل ده أشطر مني هاتوا وقالي هحاول وبعدها قالي أنه نازل مكان تاني ولو المكان اللي أنا اتكلمت فيه هيجيبو هيشتغل الاتنين مع بعض، لاقيته بعدها كان بيطلب مساعدة في شغل اني امسكله سيستم وكده وكنت بوافق عادي وهو كان بيكون عنده امتحان أو حاجة وطلبت منه رقم شخص هو كلمه عشان اطلب منه حاجة في حدود الشغل راح قالي "يلا ياض من هنا بطل صياح ومش هديك حاجة" وقطع معايا اسبوعين كاملين وبعدها طلب مني مساعدة في الشغل كلمتو بنفس الأسلوب راح شتمني وقفل في وشي. في الفترتين اللي قطع معايا فيهم، اخويا خطب وهو اختفى وكان قاطع معايا، وقعت في قلب الشقة وأغمى عليا لأني عايش لوحدي وقومت من نفسي وهو معرفش اي حاجة غير بعدها دكتورة مادة معينة زعقتلي في الفون وبسببها قعدت اعيط وسافرت يومين ورا بعض مكلتش لقمة فيهم ودخلت البيت عيطت وخدت إجازة من شغلي ومعرفش لانه كان قاطع معايا، جالي ارتكاريا وعرف بعدها بفترة لما رجع واتصل تاني بعد امتحان وقالي صوتك متغير قولتلو تعبان عندي كذا وكذا ولاقيتو قالي انت جربان قاعد بتهرش واتصل بيا مردتش قالي عشان خاطري رد انا نفسي اوي اشوفك وانت بتهرش وبتتوجع وشديت معاه قالي بهزر ده انت نكدي ومقرف وبقى بعدها يسأل عادي على تعبان عندي اية. جيت في رمضان قولت لنفسي يا واد خليك كويس واعمل بأصلك قولتلو انا بحكي لامي كتير عنك انك اخويا وحبيبي تعالا البيت اعرفك عليهم هي واخويا وتفطر قالي اشمعنا البيت هو انت شايفني جعان؟؟ وانا مش هخش بيوت ده انت بعيد عني ساعة ونص قولتلو انا جيت لك مرتين عشان متزعلش عاملني بالمثل قالي مفيش مثل ومش جاي في حتة وبطل صداع لاني مش بدخل بيوت انت لو ساكن جنبي هخش بيتك غير كده لا ولاقيتو جاي يكلمني يقولي كنت سهران مع صحابي في الوقفة وقعدو يشربوا خش*يش وخمو**ر وانا فيب بس رغم انه كان ممكن يجي يقعد عندي وياكل وبعيد عن القرف ده برضو وهو كان فاضي وانا فاضي.

احس اني وحيدة ومعنديش اصدقاء رغم كثرت الناس لي معايا وفي نفس الوقت حتى صديقاتي القريبات الي بعتبروني واعتبرهم قربين ماحس معهم بصداقة ماحكليهم عن مشاكلي او ارائي او المواضيع لي تهمني بس احس بالرغبة اني يكون عندي صديقات قريبات ونطلع ونفضفض جروح بعض بس من فترة حكيت لبنت تشبهني عن علاقة توكسك بعدها حسيت بالقرف من نفسي ولا اردايا كرهت البنت وصرت لفكر كيف نضرتها لي وانتجب ارد عليها وابغى لو احذفها ويمكن لو حصل لي موقف سيئ وشخص قريب شافه او كان تواجدي في ذاك المكان بسببه اكره المكان والشخص هل في يوم راح اقدر احكي لشخص وتكون عندي صداقة حقيقة او راح ظل في دور الطبيبة النفسية لل الجميع الصديقات في حياتي هوما الي يلصقو في وانا اعاملهم بشكل جيد فيبقو معي او مرة في بنت فالمدرسة هادئة جدا لطيفة متجاوبة حبيت تكون صديقتي وحاولت اترقب منها يعني اطلب منها تجلس معي او انتظرها لما يخلص الدرس او ابستم بكثرة على عكس عادتي احس بشعور اني انانية وبس ماريد الوحدة او ان شخص بائس يسعى لتقرب من شخص بس عشان مصلحته اني احب ابقى مع شخص هادئ حتى لو مش نتكلم

أنا عايزة أتكلم في حاجات أنا مش مرتاحة خالص الفترة دي. أنا كان في ولد عرفته من فترة حوالي 6 شهور، عارفين بعض عرفته من جروب مشترك كان بنات وولاد، تمام، واحنا كنا بنتكلم عادي، احنا أصدقاء، ما فيش بينا أي حاجة. مع إنه بعد فترة من تعرفنا اعترف لي بحبه مرتين، وأنا رفضته، كنت بقول له خلينا أحسن أصدقاء علشان ما نخسرش صداقتنا، وأنا ما كنتش حاسة بأي حاجة تجاهه ولا أي حب ولا مشاعر ولا أي حاجة خالص، كنت شايفة إن احنا أصدقاء بس. المهم كان بيختفي ساعات، بيرجع تاني، بيقول لي إن حصل معاه مشاكل، فأنا كنت بقوله تمام، ما فيش مشكلة. المهم جه الفترة اللي فاتت دي، آخر فترة، كان بيفتح تاني معايا موضوع الارتباط، وإن هو بيحبني، وقال لي "أنا بحبك حتى لو أنت مش بتحبيني، أنا هفضل أحبك، وحتى لو أنت مش هتحبيني، أنا هخليك تحبني كده بالعافية". وأنا قلت له "ما فيش حاجة اسمها بالعافية"، قال لي "بس أنا بحبك وهفضل أحبك حتى لو أنت مش هتحبيني". المهم بعد كده، احنا حاليًا بنتكلم بس، أنا مش مرتاحة، أنا ماما كانت عرفت إن بتكلم معاه وقالتلي متكلميهوش وهو من المحافظة مختلفة عن المحافظة بتاعتي، فأنا كنت يعني حاسة إن هو عادي إن احنا بنتكلم، وإن مش هيحصل لي مشاكل علشان هو في المحافظة مختلفة، والكلام ده كله. بس أنا حاليًا مش مرتاحة، وحاسة إن علاقتنا مش عارفة هي هتروح على فين، حتى لو هو بيحبني وأنا مش بحبه، وهحبه مع الوقت، أنا مستحيل أهلي يوافقوا عليه كزوج مستقبلي، ولا أنا حتى مستحيل أخليه أبو عيالي لأسباب كتير، وأهمها إن هو كان بيشرب سج*اير و حشي** وأنا اللي خلته يبطلها، غير كده إن هو اتحبس في خناقه قبل كده وخرج منها. أنا بتكلم مع إن هو صديق مش أكتر، فعشان كده مش فارق معي كل الحاجات دي مع أنه طيب وكويس بس مشاكله كتير أنا مش عارفة علاقتنا هتمشي لحد فين، ولا إيه اللي هيحصل، بس أنا عايزة أبعد عنه، ومش عارفة، وخايفة أشيل زنبه، وفي نفس الوقت هو يعني أكسر قلبه أو حاجة زي كده، مش عارفة أعمل إيه. كمان أنا أتعرفت على شباب تانية احنا اخوات بس ، وأنا والله أخلاقي مش وحشة ومحترمه جدا وكل الناس بتحلف بأدبي واخلاقي ولا عمري اقف اتكلم مع ولد في شارع ولا حاجه ولا إن أنا بكلم ولاد كتير طول الوقت ولا الكلام ده كله، احنا من عيله محافظة جدًا، وأنا مش بحب إني أتعامل مع شباب طول الوقت. بس أنا ساعات بلاقي ناس بتدخلني جروبات غريبة كده، وعادي برتاح فيها مع الكلام مع الناس، والكلام ده كله، أغلبية الوقت كمان بيبقوا في مدن ومناطق ومحافظات مختلفة عن اللي أنا فيها، وساعات بلاد مختلفة. في شباب أنا عارفاهم حاليًا، هم معتبرين أخت، وأنا معتبرهم أخواتي، وما فيش أي حاجة بينا خالص، بس أنا برضو مش مرتاحة، يعني حتى وهم أخواتي، وما فيش حد فيهم معترف لي بحبه، ولا في حد فيهم بيحبني، ولا أي حاجة خالص، ولا أنا بحبهم، بس برضو أنا مش مرتاحة، ومش عارفة أعمل إيه، ومش عارفة أنسحب من كل الناس دي إزاي، وكل يعني ناس كتير قوي في حياتي. أنا لو بعدت عنهم هم يعرفوا يوصلوا لي تاني، ويعرفوا يجرعوا ويحاولوا يكلموني تاني علشان أنا يعني شبه بقيت شخص مهم جدًا في حياته، ما بقيتش عارفة أعمل إيه . اسفه علشان طولت عليكم

السلام عليكم ليا صحبتي من 15 سنه اعترفتلها ب حبي ليها لاني حبيتها فجاه و اترفضت ب حجه ان احنا طول عمرنا صحاب و لو بقينا غير كده هنخسر بعض الموضوع تاعبني نفسيا جدا و صعبان علياا نفسي مشعارف اعمل اي ده مختصر بسيط لو حد مر ب حاجه زي كدا مشكلتي كلها ان صعبان عليا نفسي جامد و بقيت حاسس ان انا فيا مشكله لما اترفض منها بالزات

الموضوع عنده قراية ال3 اشهر، من تاريخ 13 جانفي الى يومنا هذا، عندي صديقة من 2 ثانوي، صداقة عميقة ما تتخيلوهاش، انا شخصيتي مرحة وايجابية جدا جدا جدا وهي عكسي، انا نشوف الامل من ثقب الباب وهي تغوص فالحزن وتحب تحزن وتعاود تستحضر الذكريات السيئة لدرجة ما تتخيلوهاش، حتى ولات تشككني في الامل الخاص بي وتقلي اني كثيرة امل،..تمر الايام وكثير من الشجار حتى قررت في يوم اني اقطع علاقتي بها بعد ما يقارب 4 سنوات من الصحبة اللي كانت كلها قران ولعب ومواساة، لكن انا طرف يقدم بشكل واضح اكثر منها، لما خلص شفت حالي صرت كئيبة ابتعدت علما انها كانت صديقتي الوحيدة والان هي تلقي اللوم علي وتعاتبني وتعتبرني غدرتها وضريتها وهان علي حزنها، وانا والله لو ما نفذ صبري ما ابتعدت رغم اني كنت اتأذى...جربت هي كل الطرق، وانا بعد ما جربت كذلك اني اوصل لها الفكرة ولقيتها عالقة بفكرة اني انا الظالمة، ما حدثتها ولا اجبت عليها، وبما انو عندنا مجموعات مشتركة، يعني تشوف مالذي اكتبه وانا اشوف الذي تكتبه هي، اليةم سألت هي وانا اجبتها...ردت علي قدام الخلق"هنا نشوف ردودك وفي الخاص تاركتني معلقة من شهرين، على كل مشكورة" انا تفاعلت بـ قلب، وادري ان هذا يستفزها لكن ما كان عندي خيار، قلبي كان ينبض كثير حتى صرت اسمعه في اذني، نَفَسي ضاق، كنت ارتعش انا في حياتي ما اذيت حد لكنها مصرّة على طعلي الشخص المؤذي لدرجة اني احس انني فعلا مؤذية...كيف اتخطاها...انا غفرت لها اخطاءها والله مسامحتها ولكن ترجع علاقتنا؟ ابدا...سقطت من عيني وقلبي وما عاد لي روح ولا نفس لها...ابغى مساعدة، احس نفسي مخطئة...

في واحده اتعرفت عليها وبقينا صحاب اوي وكنت بروح معاها ف كل الدروس وبنخرج مع بعض ف فمره كنت أنا و واحد قارين فاتحه ف هو شغال ف كافيه ف روحتلو الكافيه الي شغال فيه ف وقت البريك بتاعو جه قعد معايا انا وصحبتي وصحبتي دي فضلت تكلمو وكده وقولتلها انا مش حابه كده قالتلي انا بس كنت بسالو علي حجات عن الاكس بتاعتي عشان افهم دماغهم عامله ازاي قولتلها ماشي بس هو مكنش شايفها اصلا عموما والموضوع اتكرر تاني قالتلي انتي متخيله اني ممكن اخدو منك انتي عبيطه قولتلها اه عادي ممكن اي حد يعمل كده قالتلي بس عبط هل انا بغير كده زياده وكمان بعدها بفتره كده في واحده تانيه دخلت حياتها وقربو من بعض اوي زي انا وهي كده وعرفتني عليها ف فمره كنت ف محل بشتري اكسسورات ليا ف لقيت انسيال عليه حرف البنت الي عرفتني عليها ف قولت اشتريهولها ف بعدين بعتلها صوره الانسيال عالانستا ف صحبتي معاها الباسورد بتاع الانستا بتاعتها ف شافت الصوره فضلت تقولي انتي فاكراها صحبتك دي صحبتي انا انتي مضحكه وبتضحكيني دي مش صحبتك وفضلت تضحك وقالتلي انا فاهمه حركاتك قولتلها مش عايزه اعرفكو انتو الاتنين تاني وبعدين هي صالحتني وقالتلي أنها بتغير علي صحابها قولتلها انتي عبيطه فكراني هخدها منك انا شوفت الانسيال بس ف عجبني واشتريتو عادي قالتلي اه طبعا م انا عارفه وفي فمره قبل كده في واحد راح قالها اني جبت سيرتها وطلع مسجلي فويسات بس مكنش واضح الكلام علي مين وانا مكنتش بتكلم وحش علي حد انا كنت بقلد طريقه كلام واحده عالتيك توك ف هي صدقتو واتخانقنا خناقه كبيره وفضلت تقولي ده بيتكلم عليكي وحش ومسترخصك ومش عايزه اعرفك تاني وبعد م عرفت الحقيقه جت اعتذرتلي تاني انا زهقت اعمل ايه بجد بس من ناحيه هي كويسه ف هي كويسه جدا بتبقا جمبي لما بحتاجها ومش بتسبني اعيط انا مش عارفه احدد هل هي صاحبه صالحه ولا لا

عندي مشكله حطيت نفسي فيها ومش عارف أخرج منها أنا شاب في تالته ثانوي حاليا وفي بنت اصغر مني بسنه كنت عارفها شكلا وبتقابلني وانا ماشي في الشارع على طول لقيتها من فتره عملالي فولو انستا ودخلت كلمتني عن حب وبتاع وانا مكنتش حاسس بأي مشاعر ناحيتها نهائي المهم فكرت لقيتني مش عايز اكسرها لما قالتلي بحبك وكده عشان حرفيا كنت مكانها من فتره واترفضت لما اعترفت بحبي مش مشكلتنا دي بس في نفس الوقت مش عايز اكذب عليها فا قولتلها اني في فتره مهمه دراسيا ومش فاضي لكده خلينا صحاب لحد ما أخلص مش عارف ازاي هي فهمت كلامي موافقه على حبها وحب متبادل كمان حرفيا بتبعت كل يوم عايزه تقعد تتكلم وبتقعد تقولي يا حبيبي و يا روحي وانا مش بقول اي كلام من ده خاااالص عشان تفهم بس مفيش فايده والبنت حرفيا متعلقه بيا لحد الموت لدرجة اني حاسس انها ممكن تعمل حاجه في نفسها لو قولتلها حاجه زي اني مثلا مش ببادلها نفس الشعور او كده فا عايز حل بالله عليكو افهمها من غير ما اكسرها أو تزعل أو يحصلها اي حاجه عشان هي بصراحه محترمه ومشوفتش منها اي حاجه وحشه ومش عايز حد يقولي كمل معاها وحاول تحبها والله حاولت بس مش عارف خالص

عايزه صحاب بجد وكل ما بصاحب بحس ان الفتره الاولي بنبقي قريبين وبعدين بنبعد يا كل واحد بينشغل ب حياتو يا انا بحس نحيتهم ب حاجات غريبه زاي انهم مش حابين ليا الخير او لو الشغل بشوف منهم بكاسه وبشوف منهم حاجات تخليني اخد جمب عشان هما مش شبهي بس بيبقي التعامل عادي زمايل وبحس ان كل صحاب الشغل منافقين نفسي يبقي ليا بجد صحاب نحكي لبعض كل حاجه مش شرط نكون بنتقابل ع طول مع انها حاجه حلوه بس بجد نفسي الاقي الناس اللي ابقي مرتاحه وسطهم وابقي متاكده انهم بيحبوني زاي ما بحبهم

سؤالي للبنات لأن الشباب هنا مش مقصرين قايمين بالواجب 😂 .. السؤال ممكن لما بتشوفي حد كاتب كلام عاجبك أو مصرح عن ميول معينة هل بيبقى عادي انك تتكلمي معاه و تتناقشوا و لو عجبكوا الكلام تكملوا ولا هنا مجرد بتشوفوا بس أو بتفضفضوا بس و فاصلين حياتكوا خالص عن هنا

ان ولدي عمري ١٥ سنه،كان عندي ظروف منعتني ان انول مدرسه فا اولي ثانوي دي اول سنه ليا في المدرسه، المهم ان انا عندي افكار بتخص الدين يعني انشطه، فا رائد الفصل بتاعي قالي ابقا اتعرف علي المسرف الديني بتاع المدرسه، قولت لي لا ال عايزني يجيلي، قالي ماشي ونسينا الموضوع، فا بعدها بي فتره كان عندينا مسرح فا جللنا نبأ ان نجمع طلاب للمسرح، فا روحنا فصل جنبينا لقيتو قاعد فيها فيه فا المهم ان الرائد قالي هوا دا فا اتعرفت عليه، والكلام خدنا وبقينا بنروح مع بعض وقرينا من بعض بسرعه جداً، بس هوا عمل اي قعد اسبوعين يمشي معايا ويهتم بيا بطريقه حلوه جداا انا حبيتها، وملحوظه انا اول سنه اكون اصدقاء بردو، نرجت لي مرجعونا، وجه الاسبوع الثالث بداء انه يبعد شويه شويه قولت عادي، بعدها رجع يقرب تاني، ويبعد، انا ما بقت فاهمه، بعدها علاقتنا قويت اكتر واكتر يعني بقا يبعتلي كلام حلو اوي انت اخويا ومواقف هوا لاحظ فيها ان لو خسرني خسر حياته وان حولت حياته من جحيم لي جنه، وان هوا عايش علي شاني وكده، وانا بقول الي علي قلبي لاكن هوا كلامه اكتر، وافعاله معدومه، المهم ان لاحظت ان انا ال ديماً ببداء كلام ولو ما بداءتش الكلام هوا مش بيكلمني اصلا، وبيكلمني حسب مزاجه، وهوا عارف ان حساس لاكن مش بيهتم لي مشاعري عكس ان بهتم بي كل تفصيله، انا اه حساس وعندي تفكير مفرط بس هوا مش بيتعامل معايا بي طريقه تحسسني ان بكلم واحد مهتم بيا، وببعتلو بيرد علي مزاجه بردو

لما بكون مع صحابي بحس اني مش موجوده اصلا بيفضلو يتعاملو مع بعض وانا بحس اني منسيه وعملو مواقف كتير اوي رخمه معايا انا مش حباها وزهقت منهم بكل صراحه وم شعارفه اخد قرار اني ابعد عنهم بجد زهقت اوي ومش عارفه اعمل ايه.

سلام عليكم انا عندي صاحب اعرفه مدة اربع سنوات وانا يشهد عليا الله اني احبه و مقامه مقام اخويا بدعيلوا في كل صلاتي بالهداية و ان الله يرزقه من خيراته بس لاحظت انه ما عندي قيمة له و يتصل بي وقت الضيق بس و دائما اكون معه بس لما يكون مبسوط عامل له اصحاب يشاركهم الفرحة و اغلب وقته معهم بس يكمل مصلحته مني اتصل ما يرد ارسل له مايرد انا ما حبيت اقطع علاقتي بيه لأنه ما يهون عليا خصوصا انه يتبع طريق خاطئ وانا حابب ارجعه للطريق الصح

بقالنا صحاب داخلين ف الاربع سنين قرر يعترفلي وبعدين اختلفنا ع حجات وسالتو انت عايز نسيب بعض قالي اه واحنا مكملناش 20يوم سوا ولسا بفكر في سعات لحد دلوقتي اعمل اي عشان اتخطاه حساه توكسيك..... 🙂

انا مخنوق جدآ معنديش اصحاب،،ومش بغمل اي حاجه مفيده انا مهندس 32 سنة ولسه مجوزتش وعايش كدا مش فارق معايا حاجه وعايز اتجوز واحده بردو الوهوا مش لازم نخلف ونعيش ننبسط كدا ونكون اصحاب وبنحب بعض وندفع بعض لقدام ونساعد بعض اننا ننجح بعض ونكون فخورين ببعض ونفكر مع بعض ،،

لو حد صاحبي كنا انا وهو أقرب اتنين لبعض زمان واتغير فاجأة واتعوج عليا مرة قالي في قلب الشارع مش عايز اعرفك وقطع شهر كامل رغم اني كنت رايح قاعد معاه على قهوة وجبتلو من بلبن حاجة حلوة وكلناها سوا وقالي وحشة وقعد يقل مني وقالي التي شيرت بتاعك وحش ولما عملت بلوك صالحني وطبيعي مكنتش عارف ارجع زي الأول معاه بعد اسبوع من لما أعتذر وكان قطع شهر دخل قالي أنه ساب الشغل وعيط فيه واتخصمله وكلمتو على القد وقولت لمديري في الشغل ده أشطر مني هاتوا وقالي هحاول وبعدها قالي أنه نازل مكان تاني ولو المكان اللي أنا اتكلمت فيه هيجيبو هيشتغل الاتنين مع بعض، لاقيته بعدها كان بيطلب مساعدة في شغل اني امسكله سيستم وكده وكنت بوافق عادي وهو كان بيكون عنده امتحان أو حاجة وطلبت منه رقم شخص هو كلمه عشان اطلب منه حاجة في حدود الشغل راح قالي "يلا ياض من هنا بطل صياح ومش هديك حاجة" وقطع معايا اسبوعين، وبعدها طلب مني مساعدة في الشغل كلمتو بنفس الأسلوب راح شتمني وقفل في وشي. في الفترتين اللي قطع معايا فيهم، اخويا خطب وهو اختفى وكان قاطع معايا، وقعت في قلب الشقة وأغمى عليا لأني عايش لوحدي وقومت من نفسي وهو معرفش اي حاجة غير بعدها دكتورة زعقتلي في الفون وسافرت يومين ورا بعض مكلتش فيهم ودخلت البيت عيطت وخدت إجازة من شغلي ومعرفش لانه كان قاطع معايا، جالي ارتكاريا وعرف بعدها بفترة ولاقيتو قالي انت جربان قاعد بتهرش وشديت معاه وبقى بعدها يسأل عادي على تعبان عندي اية. جيت في رمضان قولت لنفسي يا واد خليك كويس واعمل بأصلك قولتلو انا بحكي لامي كتير عنك انك اخويا وحبيبي تعالا البيت اعرفك عليهم هي واخويا وتفطر قالي اشمعنا البيت هو انت شايفني جعان؟؟ وانا مش هخش بيوت ده انت بعيد عني ساعة ونص قولتلو انا جيت لك مرتين عشان متزعلش عاملني بالمثل قالي مفيش مثل ومش جاي في حتة وبطل صداع لاني مش بدخل بيوت انت لو ساكن جنبي هخش بيتك غير كده لا ولاقيتو جاي يكلمني يقولي كنت سهران مع صحابي في الوقفة وقعدو يشربوا خش*يش وخمو**ر وانا فيب بس رغم انه كان ممكن يجي يقعد عندي وياكل وبعيد عن القرف ده برضو وهو كان فاضي وانا فاضي. وقريب مديري في الشغل قالي رشحلي حد اجيبه قولتلو فلان ده راح قال للنائب بتاعه في المكان كاستشارة احنا عايزين نجيب فلان ده والنائب ده صاحبي وهو اللي جايبني الشغل جه وهو قاعد يضحك يقولي بعد كل اللي عمله؟ قولتله هو شاطر في الشغل مليش دعوه باي خلافات شخصية معاه انا بفصل ده عن ده وقالي ربنا يسهل ولاقيتهم جابو حد تاني غير اللي أنا عايزه. لحد دلوقتي من شهر 8 اللي قالي فيها مش عايز اعرفك تاني مشوفتوش ولا مرة وانا بخرج مع كل صحابي وهو مع كل صحابه لكن نشوف بعض لا خالص والفترات اللي قطع معايا فيها واجهت ظروف كتير تعب وضغط دراسة واغماء وتحاليل وعياط لكنه كان مختفي. ومرة تانية قولتلو انا راجع البيت اهو هفتح اللاب بعد عشان اشتغل قالي يعني اية تجيب لاب ومتقوليش قولتلو منت جبته ومقولتش قالي أصل احنا مكناش بنتكلم قولتلوا مهو مش بمزاجك بقى راح غير الموضوع. ومرة زعل جدا عشان حد جالي من غير استئذان وقولت لصحابي اعمل ايه وقولتلو بعدها قالي لية مقولتش ليا انا اول واحد هو انا مش اولوية عندك؟ تعمدت اضايقو وقولتلو لا هما راح حط لايك وسكت وقالي روحلهم ربنا يخليهم لك. الشخص ده بداية معرفتي بيه خناقة وقال عليا كلام وحش في شغل كنا في سوا بعدها بقى كويس جدا جدا جدا جدا جدا جدا رغي 24 ساعة حرفيا ولو عندي امتحان كان ييرن في اليوم الفين مرة قبل وبعد اللجنة لحد مخش البيت وكان بيساعدني في شغلي كتير جدا جدا جدا جدا وكان كويس جدا معايا بس بقى يعاملني بالطريقة دي وقطع مرتين بدون اي أسباب وكل مقوله انت بتعاملني كده لية يقولي مفيش حاجة أو يقولي مخك صغير اقوله يعني بعمل اية انا مش فاهم يروح يحط لايك وكل شوية يرجع يعتذر ومرة برضو قالي تعالى نخرج اعرفك على صحابي قولتلو عندي تكاليف دراسية قالي لا تعالا قولتلو مش هقدر قالي طب انا زعلان منك ومع الوقت ابقى اصفالك وقطع معايا برضو وبقى يرد بالقطارة وبعدها بفترة الموضوع اتعكس قولتلو تعالا المنطقة تحب تاكل اية قالي وانت شايفني جعان؟؟؟ وكررها وراح خرج هو ومرة قالي مش معايا فلوس قولتلو عايز كام قالي هو انت شايفني شحات؟؟؟ قولتلوا مرة انت عايز كل حاجة بمزاجك وقت متكون عايز تكلمني تكلمني وقت متكون عايز تقطع معايا تقطع وقت متكون عايز ترجع تتكلم ترجع عايز تتكلم فون تتصل بمزاجك وتزعل لو مردتش بس انت متردش عادي براحتك وطبعا تقول في دماغك عيل عب#يط وأه#بل اعمل اللي أنا عايزه معاه ولو قرفت منه اعمل اي حاجة تزعله ولو عوزت أكلمه أراضيه بكلمتين وهو هيوافق، راح قالي انت مجن،ون وراضي عن اللي بتقوله قولتله اه جدا قالي لا انا مش إنسان وحش للدرجادي انت شايفني كده. ومرة تانية قالي تيجي نخرج قولتلو تمام قالي لا انا هروح عند بيت جدي وانت ملكش حد يسأل عليك وعايش لوحدك هههههه انت مش متخيل قد اية انا مبسوط انك قاعد لوحدك وملكش أهل ولا حد شديت معاه قالي بهزر معاك ولا انت هتقف على الواحدة؟؟؟ المهم بعد كل ده انا اقسم بالله بعد مكنا أقرب اتنين لبعض بقيت اتخنق لما اسمع سيرته حتى لو انا رايح مكان وعارف أنه هيكون موجود مش باجي حاولت كتير جدا جدا جدا جدا اني أبعد لكنه بيخش يتكلم عملت أن فولو ومش بخلي الاستوري بتاعته تظهرلي خافيها ومحافظ على العيش والملح مش عايز اخسره لكن مش عايز اكلمه تاني لان وجوده بقى بيتعبني جدا جدا جدا وتقيل عليا بس برضو بيخش يكلمني ويسلم عليا وانا مش عايز ده احنا زمان كنا رغي 24 ساعة دلوقتي كل 3- 4 أيام وهو بس اللي بيسأل مش أنا قولت لنفسي متسألش تاني وهو هيبعد من نفسه لكن لا برضو هو موجود ومش قادر اعرف اعمل ايه.

انا واحد مبعرفش اعمل صحاب بسهولة وبحس اني وحيد دايما فلما حد يخش حياتي جديد والاقي فيه تفاهم ف الاوب بحاول اعمل كل الي اقدر عليه ف سبيل العلاقة دي بس الشخص ده بيجي بعد فترة صغيرة ويتغير ويقعد يتحجج ويحاول يبعد وبرغم الحجج ببقا عارف ومتأكد انه فيه سبب تاني مش راضي يقوله المهم انت قلبي بيوجعني بسرعة من الحاجات دي ونفسيتي بتتعب بسبب ان كل الي بيدخلو حياتي كده ومش عارف ابطل احتك مع البشر مش قادر وتعبت بجد وقلبي واجعني وحاجة زي الزفت

انا قاعد فاضى ومش مستغل وقتى صح ونفسى اكون انسان جديد متفائل اجتماعى حد اكون معاه أو معاها فى صداقه مستمرة ومستدامة انا محتاج نصيحه اعمل اية علشان اكون هذا الشخص

اسوء حاجه بتحصل انك لما تكون في علاقه و مقصدش علاقة حب يعني تكون صحاب عادي بنتين او ولدين عادي و تلاقي ان انت الطرف الي دايما بيضحي و بيبذل مجهود عشان العلاقه تستمر و انت الي بتسأل و تحط للي قدامك ١٠٠ عذر على تأخيره في رد او انه مش بيسأل فيك و بردو تعمل نفسك مش واخد بالك بس الموضوع يزيد عن حده لدرجة ان الحواليك بيبدأوا ينبهوك من الشخص ده و بعديها لما انت تفوق لنفسم و تستوعب و تبدأ تتجاهل الي قدامك او حتى تعامله بنفس الطريقه تلاقي اول رد فعل منه انه كان عنده ظروف و انت الي مش قادر تستحمله و حساس بزياده و انت ليه اتغيرت اوي كده....يعني معقول عندك ظروف لمدة تسع شهور لاء و ايه في وسط الظروف الي مخلياك معندكش وقت ترد على رساله بتخرج مع صحابك عادي؟!!!!

جماعه انا عندي صديقه ما رح اذكر اسمها، من زمان و احنا بنعرف بعض، المهم ان علاقتنا كانت قويه كتييييير و بعتبرها زي اختي و بثق فيها، بس فجأه بعدنا عن بعض، صارت تخبي عني كتير اشياء، و انا بكتشفها صدفه، ياخي الوصع مزعج مثلا هذيك المره رحنا للحديقه بعد المدرسه، و كل ما اقرب منها تبعد و تروح ع صديقتها الجديده، انا ما بدي اقيدها فيني زي ما الي صاحبات غيرها اكيد رح يكون لها صاحبات غيري، بس هي حرفيا ما بتحكي معي ابدا غير لما اراسلها، الوصع مزعج، بس انا مو مهتمه بس اللي بيقهر عنجد ان كل ما اقول لها اشي بتقعد تحكيلي طيب؟ شو اسويلك؟ مع اني اقسم بالله حتى لو سالفتها تافهه بسمعها، برصو لما نكون مع الناس بنصر تحرجني، مش عارف شو اسوي، انا ما رح اتركها لأني مراعية لظروفها النفسيه

السلام عليكم، عايزة اتكلم عن موضوع يمكن يكون مقعد شوية بس دماغى خلاص حساها وقفت ومش فاهمة حاجة، فيه واحدة صحبتى كنا صحاب اوى وفجأة مش عارفة ايه اللى حصل، انا كنت فى كلية بس حولت منها ودخلت كلية تانية، المهم ردة فعلها على دا كان غريب ومش هى لوحدها برضو حتى صحابى التانيين، انا استغربت بس كنت مضغوطة ف ما اتكلمتش فى الموضوع وفجأة فى اول الدراسة كان يصادف يوم ميلادى المهم هى ما اتكلمتش خالص رغم انها كانت بتشوف الاستوريز عادى ف وقتها استغربت فعلا وانا مش فاهمة فيه ايه ف دخلت لصحبتى التانية وسألتها ف لاقيتها بتقولى انها زعلانة منى من قبل كدة وانا حتى مش عارفة ايه الاسباب، بعدها كلمتها وان هى تفتح الموضوع وتقول اصلا ايه اللى حصل ما اتكلمتش ولا قالت حاجة، بعدها سافرت وجيت وكنت ابعتلها على الواتساب وبرضو مافيش وتتكلم عادى وقبل ما اسافر اتصادفنا فى مكان ف هى دخلت واللى هو اكأنها ما شافتنيش رغم انها شافتنى عادى برضو، حاولت اكتر من مرة بعد ما جيت،هو الموضوع دلوقتى بقالو اكتر من سنة ونص، وخلال الفترة دى ما حاولتش هى ولا مرة، صحبتنى التانية النهاردة كنت بكلمها ف عرفت انهم ما حاولوش يصلحو لانها قالت ليهم ما حدش يتدخل ف استغربت برضو منين مصايقة انهم ما حاولوش ومنين انتى اللى طلبتى كدة، بقيت احس كل ما الموضوع يتفتح بضايق اكتر وبضايق اكتر انهم دايما بيحاولو يوصلو ليا انو ليه ما افضلش احاول لغاية ما هى تتكلم 🙂🙂 واعرف بالصدفة كمان انو فيه اسباب من زمان اوى يمكن 3 سنين او حاجة كمان داخلة فى الموضوع وبرضو مش عارفاها ايه هى اصلا، ف ما بقيتش فاهمة هما ليه بيعملو كدة، رغم انو فيه حااجات كتيرة وتصرفات كتيرة بيعملوها بتضايق بس مش بعلق عليها وبنسى اصلا، دلوقتى انا كنت مكلماها علشان نتكلم فى الموضوع بس بقيت حاسة حتى لو اتكلمنا انا مش عايزة اقرب منهم تانى، احساس ان الشخص يبقى مهمش وحش اوى ودا بقيت حاساه ومن فترة بس كنت بكدب نفسى بس عمرهم اصلا ما فى مرة سألو حتى ولو بمسج ولازم انا اللى ارن وابعت علشان اكلمهم اصلا غير كدة لأ حاسة انو الموضوع طول اوى، بس حقيقى فيه كلام كتير جوايا ومش عارفة اطلعه 🙂

هاخد رأي الناس للمره التانيه والاخير أنا زي ماقلت لكم مكنتش بصاحب وكده لحد ما صاحبت حد في الكليه بقينا احسن من اخوات بيبات عندي وبروح ا بات عنده و كل يوم كان كل واحد فينا عند التاني كنت ممكن أحرم نفسي من حجات كتيره عشانه ولو لقيته مش معاه فلوس كنت اطلع الي ف جيبي كله أدبه ليه غروما كنت بحب احوش وجبله اغلا الهدايه حتا كنا بنغير في هدوم بعض مش عارف اتحسدنا بقا ولا ايه بقت من اقل مشكله تحصل يبعد عني ويخاصمني وتحليل عليه عشان أصلحه مش بيرد عليا أنا وهوه مش بنتكلم هل الصحه ف العيد ولا اكبر دماغي زي ما هوه مكبر ولا اعمل ايه ده الموضوع باختصار عشان فيه حجات كتير متكلمتش فيها يعني كنت أما أصلحه كنت بحس أن الموضوع فيه اهانه ليا وقله كرامه وحاجات غير كده تنبه

الحمدلله خدت قرار ومستني رايكم ونصايحكم 🙏🏻 بالصدفه اتعرفت علي بنت من عشر ايام كدا هي من محافظه تانيه واتكلمنا كول علطول كانت علاقتنا صحوبيه جدا مفهاش اي حاجه خارجه عن الادب وفعلا ارتحنا لبعض بس انما هي كانت خارجه من ارتباط دمرها لكن انا كنت واخد بالي كويس اني مش شخص استغلالي وفعلا مكنتش كدا ورغم انها كانت طيبه وجواها شخص كويس بس برضو في صفات مش كويسه وانا عرفت اتعامل زي انها مش سالكه طب ليه؟ لاني اول امبارح بعتلها في نص اليوم نتكلم شوية لاني بليل مش هكون فاضي قالتلي مسافرة النهاردة لاختي وهعملك بلوك لانها. بتمسك التليفون ولما ارجع نتكلم وعلي فهمي وعارف ظروفها كنت متوقع انها هترجع في نفس اليوم لكن الله اعلم حصل معاها ايه وانا كبرت دماغي وعملت انا كمان بلوك النهاردة يعني ادتلها فرصه يوم كامل وبس كدا تجربه اتعلمت منها رغم اني كنت مرتاح واخيرا بتكلم مع شخص بحب اتكلم معاه