صباح الفل مبدئيا اسف اني هطول والكلام طويل اوي من 2000 كلمة وبعتذر لاني تعبان نفسيا اوي ومحتاج اللي يسمعني البوست نفسه مش هيقبل القصة كلها عشان كده هحط جزء هنا وجزء في الكومنتات. ليا واحد صاحبي اقسم بالله كان اكتر من أخ وكان بينا رغي بطريقة مش طبيعية يعني هو قبل الشغل يتصل من اول ميطلع من باب البيت لحد ميوصل وفي الشغل يتصل وبعدها يتصل وانا في شغلي برضو نفس القصة ولو راح يجيب حاجة وهو في الطريق يتصل ده غير الشات طول اليوم. بداية معرفتي بيه كانت خناقة وقال عليا اسوء كلام في الشغل قدام كل الناس في الجروب بسبب انه عايزني اغير من طريقة شغلي وانا مش مقتنع بوجهة نظرو عمل كده بعدها كان بيحاول يقرب وانا اصد وهو يقرب لحد متصاحبنا. وقت الامتحانات عندي كان ناقص مادة اشيلها واعيد السنة كنت مرعوب اقسم بالله كان عارف مواعيد الامتحان وكان يتصل بيا قبل منزل من البيت ومرة في القطر ومرة قبل وبعد اللجنة فبقى في قرب بينا مش طبيعي والكلام مكانش بيخلص الا لما حد ينام ولو حد زعلني أو زعلو كنا بناخد موقف معاه وممكن نقاطعه والله كان بيتصل بيا يقولي يعني اية انت متسألش انا شيفت امتى بكره او لية مكلمتنيش غير مرتين بس النهارده لدرجة اني قاعد بقلب في الشات مستغرب من كلامي معاه دلوقتي ازاي وكان زمان ازاي. بعد كل ده بدأ يتغير معايا فترة بدون اي سبب ولا مقدمات انا كنت بعزه جدا جدا لدرجة أن أمي كانت تقولي ابقى اعزمه في البيت بما أنه قريب منك للدرجة دي. زي مقولت في يوم وليلة اتغير 180 درجة نهائي ومن غير اي سبب جه في يوم قالي تعالى جيم بيس لعبت معاه عادي على الموبايل لاقيتو قاعد متعصب قولتلو مالك قالي مرهق فضل بعدها يرد على قد الكلمة وقالي اشغل نفسك بحاجة غيري وقطع معايا 3 ايام بعد مكنا 24 ساعة رغي فون وشات ومكنتش متخيل أنه يعمل كده. ولما اتكلم قالي بعدها بيس ومفتحش كلام وقولتله احنا على طول مع بعض واكتر من أخوات ازاي تتغير كده معايا قالي عشان مخك صغير قولتلوا يبني عيب لما تقول كده لو حصل مني حاجة وحشة قولي انت طلع منك واحد اتنين تلاتة قالي ولا اي حاجة هو كده. فضل بعدها فترة يرجع زي زمان من رغي ومرة يكلمني وحش لدرجة أنه اتصل الفجر قالي اقسم بالله العظيم بكرهك وعمري محبيتك قولتلوا يبني انت ازاي متغير كده قالي عشان مش عايز اكلمك قولتلو انت حر بعدها اتكلم وقالي متيجي نخرج قولتلو ماشي يخويا جابلي حواوشي وانا جبتلو من بلبن وقعدنا على القهوة قولتلو عرفني انت بقيت متغير كده لية ده احنا كنا اقرب اتنين لبعض واللي بينا مكانش قليل انت عملت معايا اللي معملوش اخويا ودلوقتي انت حد تاني راح قالي انت ازاي تدفع انت بلبن قولتلو انت قايلي أن عندك التزامات ومع ذلك جايبني نخرج فطبيعي مخليكش تدفع حاجة انت وراك انا الحمد لله معايا فلوس بابا وماما بيدوني مصروف غير اني شغال في مكانين واصلا عايش لوحدي بيفيض مني كل شهر ومش عايز اكلفك راح قالي يالا تكلف أية انت موبايلك وحش وانا معايا ايفون ا وقعد يقولي على أسرار ليا انا زعلت وقلبت وشي قالي عايز تع*يط عادي معنديش مشكلة وفتحت شنطة بلبن قالي في اية ياض انت مح**روم للدرجادي قولتلو متكلمني عدل بقى قالي هو ده اللي عندي انت عيل مت**وحد اصلا قولتلو هو انت زعلان وكل ده عشان أنا اللي دفعت قالي اه هو كده بعدها كان المفروض اروح 11 ونص عشان المترو لاقيتو 10 ونص بيقولي يلا نقوم انا مش قادر وفي وسط الطريق قالي مش عايز اعرفك تاني ولا تكلمني قولتلو انا يكررها عيب يا ابني كده والله قالي انا حر فركبت المترو وانا مش مصدق ازاي الشخص اللي كنا اقرب اتنين ورغي 24 ساعة بقينا كده وعشان مكونش غلطان بعتلو رسالة قولتلو اسف حط قلب وسكت وبعدها قطع شهر بعد القطع شهر كلمته اعرف منه الاسباب كلمني وحش جدا جدا عملتله بلوك راح اتصل كتير جدا وقالي فكه ده انت انسان مريض رفضت وفكيته من نفسي بعد اسبوعين وقعد يعتذر وسكت وبعد اسبوع قالي أنه ساب الشغل وعيط فيه واتخصمله وكلمتو على القد وقولت لمديري في الشغل ده أشطر مني هاتوا وقالي هحاول وبعدها قالي أنه نازل مكان تاني ولو المكان اللي أنا اتكلمت فيه هيجيبو هيشتغل الاتنين مع بعض، لاقيته بعدها كان بيطلب مساعدة في شغل اني امسكله سيستم وكده وكنت بوافق عادي وهو كان بيكون عنده امتحان أو حاجة وطلبت منه رقم شخص هو كلمه عشان اطلب منه حاجة في حدود الشغل راح قالي "يلا ياض من هنا بطل صياح ومش هديك حاجة" وقطع معايا اسبوعين كاملين وبعدها طلب مني مساعدة في الشغل كلمتو بنفس الأسلوب راح شتمني وقفل في وشي. في الفترتين اللي قطع معايا فيهم، اخويا خطب وهو اختفى وكان قاطع معايا، وقعت في قلب الشقة وأغمى عليا لأني عايش لوحدي وقومت من نفسي وهو معرفش اي حاجة غير بعدها دكتورة مادة معينة زعقتلي في الفون وبسببها قعدت اعيط وسافرت يومين ورا بعض مكلتش لقمة فيهم ودخلت البيت عيطت وخدت إجازة من شغلي ومعرفش لانه كان قاطع معايا، جالي ارتكاريا وعرف بعدها بفترة لما رجع واتصل تاني بعد امتحان وقالي صوتك متغير قولتلو تعبان عندي كذا وكذا ولاقيتو قالي انت جربان قاعد بتهرش واتصل بيا مردتش قالي عشان خاطري رد انا نفسي اوي اشوفك وانت بتهرش وبتتوجع وشديت معاه قالي بهزر ده انت نكدي ومقرف وبقى بعدها يسأل عادي على تعبان عندي اية. جيت في رمضان قولت لنفسي يا واد خليك كويس واعمل بأصلك قولتلو انا بحكي لامي كتير عنك انك اخويا وحبيبي تعالا البيت اعرفك عليهم هي واخويا وتفطر قالي اشمعنا البيت هو انت شايفني جعان؟؟ وانا مش هخش بيوت ده انت بعيد عني ساعة ونص قولتلو انا جيت لك مرتين عشان متزعلش عاملني بالمثل قالي مفيش مثل ومش جاي في حتة وبطل صداع لاني مش بدخل بيوت انت لو ساكن جنبي هخش بيتك غير كده لا ولاقيتو جاي يكلمني يقولي كنت سهران مع صحابي في الوقفة وقعدو يشربوا خش*يش وخمو**ر وانا فيب بس رغم انه كان ممكن يجي يقعد عندي وياكل وبعيد عن القرف ده برضو وهو كان فاضي وانا فاضي.
انا قريت كل حرف انت كتبته وفهمتك انا هحاول اوصلك ليه كل دا حصل نبدأ بيه هو وبعدها هكلمك عنك هو انسان مبدأيا نرجسى جدا مبيحبش حد يعلى عليه عنده نقص شايف ناس كتير حوليه كويسين واحسن منه ودا محسسه بنقص شديد فبيتعامل بالطريقه دى بالنسبه لحوارات العزومه بتاعتك والأكل والفلوس اللى كنت هتسلفهاله والقصص دى تانى حاجه مش اصيل ولا امين ولا صريح والاهم من دا كله بقى انه فى شخصيات بتكون مختلفه بس معانا يعنى اى هيعدى عليك حد هتكون معاه بتعامل وبصوره غير الحقيقه اللى انت عليها نهائى هتتنازل عن مبادئ كتير هتقل من نفسك قدامه هتطلع نسخه منك عمرها ما كانت موجوده هتظهر مع الشخص دا وهتختفى مع اختفائه ودائما دى بتكون اضعف نسخه منك الانسان دا ملى عندك فراغ او احتاج الاهل مش قدروا يملوه ليك كان هو بيكلمهولك فانت حبيت دا وعديت الحب ووصلت للتعلق فضلت وراه واول ما الطرف التانى بيعرف او بيحس من المعامله انك اتعلقت خلاص بيسيبم ويجرى وكل شويه يبص وراه يشوفك جاى تجرى وراه ولا لا لو لقاك وقف هيقف يديك اهتمام بسيك عشان ترجع تجرى وراه بدون اى هدف دا انسان مش. سوى ولو دى طريقه تفكيره فهيتحاسب عليها جدا
انا عارف انه عملك حجات كتير حلوه انت حطيت انه شخص مثالى دماغك خد كل الحلو وحطه بس قدامه بقى الوجع والتعب بالنسبالك مالوف اتعودت عليه خلاص انت حطيته مثل قدامك صوره كامله حد بيهتم بيحب بيسال بيتكلم كويس بيطمنى رغم انه فعلا كان كدا بس كان عنده طاقه وقت ما بعد طاقته خلصت او مبفتش تفرق معاه خد وقته منك ومشى فى ناس بتعمل كدا
والله ربنا يصلحكوا ويعمل بينكو اللي في الخير
ده واحد مريض عنده انفصام في الشخصيه ومن كلامك انت حاولت معاه كتير تعرف هو اتغير ليه وكل مره كان بيجرحك من كلامك أنه شويه كويس شويه وحش وانت ساعته كتير شوف صاحب بجد مش علي حسب مزاجه
الجزء السابع والاخير المهم بعد كل ده انا اقسم بالله بعد مكنا أقرب اتنين لبعض بقيت اتخنق لما اسمع سيرته حتى لو انا رايح مكان وعارف أنه هيكون موجود مش باجي حاولت كتير جدا جدا جدا جدا اني أبعد لكنه بيخش يتكلم عملت أن فولو ومش بخلي الاستوري بتاعته تظهرلي خافيها ومحافظ على العيش والملح مش عايز اخسره لكن مش عايز اكلمه تاني لان وجوده بقى بيتعبني جدا جدا جدا وتقيل عليا بس برضو بيخش يكلمني ويسلم عليا وانا مش عايز ده احنا زمان كنا رغي 24 ساعة دلوقتي كل 3- 4 أيام وهو بس اللي بيسأل مش أنا قولت لنفسي متسألش تاني وهو هيبعد من نفسه لكن لا برضو هو موجود ومش قادر اعرف اعمل ايه احنا لحد دلوقتي اخر مرة اتكلمنا كان في العيد وهزار عادي بس مفيش اي حاجة.
الجزء السادس عايز اعرف انا عملت معاه اية وحش ده انا روحت كلمت مديري في الشغل عشانه وكنت عايز أعرفه على اهلي في فرح اخويا بس للاسف مجاش عشان مش بنتكلم يعني هو مشافش مني غير كل خير وانا برضو والله كنت بشوف منه خير كتير وكان واقف جنبي في فترة صعبة من غير اي سبب ولا مقدمات اتغير وحاولت معاه كتير أنه يعرفني السبب يقولي مفيش حاجة او ممكن يتعصب اكتر مش عارف ازاي اصلامل معايا كل خير يتغير 180 درجة ونبقى أخبار بعض بنعرفها بالصدفة ده احنا 24 ساعة كنا رغي وهزار وخروج مع بعض انا نفسي عمر محد أهتم بيا اوي كده زيه زمان دلوقتي حد تاني ازاي أصدق أن ده كان أقرب حد ليا وكان بيعمل حاجات كتير جدا جدا عشاني وكان دايما يقولي انت اخويا وغالي عندي وكان يتصل 100 مرة في اليوم زي مقولت وكان افعالوا تبين فعلا اني ليا قيمة عندو وان احنا اخوات لكن دلوقتي بدون اي سبب عمل كده ودماغي دايما بتسال هو انا عملت ايه؟ معقولة بعد 24 ساعة رغي ده يحصل طب لية، الموضوع والله مقصر في نفسيتي اوي.
الجزء الخامس انا لحد دلوقتي مش متخيل زي مقولت ازاي اللي عوقت شبكة اخويا وجايب معايا 2 صحابي امي قالتلي فين اللي كنت بترغي معاه في الفون 24 ساعة مكنتش عارف اقول ايه لانه مش موجود وكنت في اجتماع مع مديري في الشغل قالي الواد اللي انت كنت عايز تجيبه لقى شغل ولا لسة قولتلو لسة هو في مجال تاني حاليا بس ممكن يسيبه عشان هنا قالي ممكن اقولك تجيبه وكنت متضايق. ازاي أصدق أن حد وقف جنبي في فترة صعبة جدا جدا اتغير 180 درجة من غير اي سبب وبقولو لية بقيت كده معايا عرفني يقولي حصل خير أو مفيش حاجة الفكرة اني بحاول اشغل نفسي في الف حاجة ما بين شغل وقعدة قهوة مع ناس تاني مش عارف اتخطى كل ده سنتين معرفة منهم 7 شهور رغي 24 ساعة واحنا كنا قريبين جدا جدا لدرجة متتوصفش وهو كان كويس جدا معايا في يوم وليلة فضل يتغير ويرجع ويقطع.
الجزء الرابع ومرة قالي مش معايا فلوس قولتلو عايز كام قالي هو انت شايفني شحات؟؟؟ قولتلوا مرة انت عايز كل حاجة بمزاجك وقت متكون عايز تكلمني تكلمني وقت متكون عايز تقطع معايا تقطع وقت متكون عايز ترجع تتكلم ترجع عايز تتكلم فون تتصل بمزاجك وتزعل لو مردتش بس انت متردش عادي براحتك وطبعا تقول في دماغك عيل عب#يط وأه#بل اعمل اللي أنا عايزه معاه ولو قرفت منه اعمل اي حاجة تزعله ولو عوزت أكلمه أراضيه بكلمتين وهو هيوافق، راح قالي انت مجن،ون وراضي عن اللي بتقوله قولتله اه جدا قالي لا انا مش إنسان وحش للدرجادي انت شايفني كده. ومرة تانية قالي تيجي نخرج قولتلو تمام قالي لا انا هروح عند بيت جدي وانت ملكش حد يسأل عليك وعايش لوحدك هههههه انت مش متخيل قد اية انا مبسوط انك قاعد لوحدك وملكش أهل ولا حد شديت معاه قالي بهزر معاك ولا انت هتقف على الواحدة؟؟؟ ازاي أصدق أن حد كان جنبي في كل الأوقات وبيعمل اللي مفيش اخ بيعمله ووقف جنبي في ظروف صعبة وانا برضو وقفت جنبه في ظروف صعبة بقى كده اقسم بالله الكلام مكانش بيخلص غير لما حد ينام
الجزء ال ومرة زعل جدا عشان حد جالي من غير استئذان وقولت لصحابي اعمل ايه وقولتلو بعدها قالي لية مقولتش ليا انا اول واحد هو انا مش اولوية عندك؟ تعمدت اضايقو وقولتلو لا هما راح حط لايك وسكت وقالي روحلهم ربنا يخليهم لك كنت مستغرب إزاي بعد كل اللي عمله فاكر اني فاكرو اعز حد. الشخص ده زي مقولت بداية معرفتي بيه خناقة وقال عليا كلام وحش في شغل كنا في سوا بعدها بقى كويس جدا جدا جدا جدا جدا جدا رغي 24 ساعة حرفيا ولو عندي امتحان كان ييرن في اليوم الفين مرة قبل وبعد اللجنة لحد مخش البيت وكان بيساعدني في شغلي كتير جدا جدا جدا جدا وكان كويس جدا معايا بس بقى يعاملني بالطريقة دي وقطع مرتين بدون اي أسباب وكل مكنت اقوله انت بتعاملني كده لية يقولي مفيش حاجة أو يقولي مخك صغير اقوله يعني بعمل اية انا مش فاهم يروح يحط لايك وكل شوية يرجع يعتذر ومرة برضو قالي تعالى نخرج اعرفك على صحابي قولتلو عندي تكاليف دراسية وشغل قالي لا تعالا قولتلو مش هقدر قالي طب انا زعلان منك ومع الوقت ابقى اصفالك وقطع معايا برضو وبقى يرد بالقطارة وبعدها بفترة الموضوع اتعكس قولتلو تعالا المنطقة تحب تاكل اية قالي وانت شايفني جعان؟؟؟
الجزء الثاني وقريب مديري في الشغل قالي رشحلي حد اجيبه قولتلو فلان ده راح قال للنائب بتاعه في المكان كاستشارة احنا عايزين نجيب فلان ده والنائب ده صاحبي وهو اللي جايبني الشغل جه وهو قاعد يضحك يقولي بعد كل اللي عمله؟ قولتله هو شاطر في الشغل مليش دعوه باي خلافات شخصية معاه انا بفصل ده عن ده وقالي ربنا يسهل ولاقيتهم جابو حد تاني غير اللي أنا عايزه. لحد دلوقتي من شهر 8 اللي قالي فيها مش عايز اعرفك تاني مشوفتوش ولا مرة وانا بخرج مع كل صحابي وهو مع كل صحابه لكن نشوف بعض لا خالص والفترات اللي قطع معايا فيها واجهت ظروف كتير تعب وضغط دراسة واغماء وتحاليل وعياط لكنه كان مختفي. ومرة تانية قولتلو انا راجع البيت اهو هفتح اللاب بعد عشان اشتغل قالي يعني اية تجيب لاب ومتقوليش قولتلو منت جبته ومقولتش قالي أصل احنا مكناش بنتكلم قولتلوا مهو مش بمزاجك بقى راح غير الموضوع.
انا بنت عندي صداقات بس انطوائيه وفي بنت اجتماعية صارت صديقتي لانها تقربت مني وكنا أقرب صدقتنين بس بسبب معاملتها السيئة اخر فترة وانا مقدرتش اتحمل قطعت صدقتنا رغم أنها زميلة لي واشوفها كل يوم بلكتها فالانستا بس في قصتك وش سبب تغير ذا اشخص عليك سبع اشهر تمثيل مش شيى هين اكيد حصل له حاجة خجل يقولها لك او حبيبته حبتك او يغير منك أشياء زي كذا
سوري يعني انت اللي غلطان