سؤال فضولي شويه وبعيد تمامًا عن أي إساءة أو أحكام مسبقة 🤍 ليه دايمًا فيه انطباع متكرر إن أغلب البنات المنتقبات شخصيتهم يغلب عليها طابع الجدية والرسمية وقلة الهزار؟ هل ده فعلًا امتداد طبيعي لفكرة الوقار والالتزام ولا هما في الحقيقة أشخاص طبيعيين جدًا ومرحين لكن إحنا اللي ربطنا بينهم وبين صورة ذهنية معينة؟ بصراحة واحدة من النقاط اللي بتخليني متردد نسبيًا في فكرة الخطوبه ببنت منتقبة إني أحيانًا بحس إن أغلبهم شخصيتهم تميل للجدية والتحفظ بشكل كبير فبيدور في دماغي سؤال دايمً : هل ده مجرد انطباع خارجي فرضته الهيئة والهيبة أم أن طبيعة هذا القدر من الالتزام تنعكس فعلًا على الشخصية بهذا الشكل؟ لأني شخصيًا شايف إن الوقار صفة جميلة جدًا وتمنح صاحبها قدرًا كبيرًا من الهيبة والاحترام لكن في نفس الوقت مش شايف إن الوقار لازم يكون معناه اختفاء البشاشة أو خفة الروح… فهل ممكن فعلًا البنت تكون في منتهى الوقار والالتزام، وفي نفس الوقت مرحة، خفيفة الظل، وبشوشة؟ ولا ده بيكون أقل شيوعًا بحكم طبيعة الشخصية أو نمط الحياة المرتبط بالالتزام ده؟