ضغط دراسي

يا جماعة حد كان حاسب حسبة لنتيجة ثانوية عامه و جاب اكتر منها؟ انا قلقانه اوي الامتحانات السنادي صعبه، و أهلي مش هيقدرو يدخلوني خاص و انا ضد الفكره اصلا. و بقيت بفكر اني مش هلاقي كلية تلمني حرفيا.

ادعولي مشيلش مواد كتير عشان نتيجتي ظهرت و معظم صحابي شايلين بالست و السبع مواد و حقيقي الدنيا بايظه خالص و مش هقدر اروح اقول لاهلي انا شايله مواد بجد و حقيقي مش هقدر ادفع ف السمر كل ده اتمني اعدي علي خير وانجح

جماعه انا تالته ثانوي و حرفيا معرفش كلمه في الكيمياء و الامتحان يوم الخميس يعني فاضل يومين و نصف ف انا محتاجه اخلص المنهج و احل كمان عليه خلال اليومين و نصف دول ف لو حد عنده حل يقول او مش لازم اخلص منهج انا عايزه انجح و خلاص ف لو حد عنده حل يقول لو حد هيفتي يبقى يخلي رايه لنفسه لانها مش ناقصه

جماعه ♦️♦️تالته ثانوي♦️♦️ باختصار شديد لموقفي علشان تعرفوا تدوني حلول أنا عايز حل للكيميا حضرت اول شابترين بس، و بعدها وقفت، فدلوقتي عايز حل للأربع ايام دول، في مدرس هيجيلي كل يوم و ممكن يجي مرتين مش عارف هيحل ولا هيشرح ولا الاتنين، بس هو اكيد عارف هيعمل ايه فلو حد عنده نصيحه أو شبهي أو عنده فكره حلو فقول و اي حد هيجرح فيا فانا مش مسامحه قدام ربنا دايما و شكرا

انا مراكمه حاجات كتير عربي و نحو مش بعرف احل خلاص يعتبر فاضل 5 ساعات علي الامتحان و قسم بالله محتاجه اعيط بجد خايفه اوي معرفش انا هحل ازاي بكره اساسا اه كان عندي 3 ايام قبل الماده بس حرفيا كانت نايمه فيهم كانت تعبانه جدا مش عارفه اعمل اي مش عارفه للي ممكن يحصل بكره الامتحان هيجي سهل ولا لا عوزه اعيط معرفش بجد اعمل اي بحاول الم اي حاجه بس حاسه ان فقدت الامل

السلام عليكم نا تالته ثانوى النهارده ليله الامتحان والحمدلله بس انا على غير المعتاد مش زى كل سنه مش قادره اذاكر او مش عايزه كل سنه كنت فضل سهرانه وعماله اذاكر بكل طاقتى لكن فى الامتحانات السنه دى مش عايزه وعايزه اكل وانام وبس زى الحيوانات والله انا متضايقه من نفسي جدا وخايفه جدا والمفروض اني مدخلش هنا واركز وبس ولكن انا مش قادره ممكن حد يساعدني

السلام عليكم انا تالته ثانوي النهارده ليله الامتحان والحمدلله بس انا علي غير المعتاد مش زي كل سنه مش قادره اذاكر او مش عايزه كل سنه كنت افضل سهرانه وعماله اذاكر بكل طاقتي لكن في الامتحانات السنه دي مش عايزه وعايزه اكل وانام وبس زي الحيوانات والله انا متضايقه من نفسي جدا وخايفه جدا والمفروض اني مدخلش هنا واركز وبس ولكن انا مش قادره ممكن حد يساعدني

الفتره الي فاتت كانت من الفترات الصعبه و التقيله فحياتي و كانت بدايه ترم جديد ف تالته اعدادي بدات الترم و مخدتش الموضوع جد اصل دايما بنجح و كمان انا كنت الغتره دي اصلا حالتي صعبه نفسيتي بايظه ف مهتمتش دخلت الامتحان عملت الي اقدر علبه و خلاص و طلعت بدراجات زي الزفت 9.5 في الماث من 30 و 6 من 20 ف الساينس ارقام عبيطه اوي بس فهمت الموضوع و بدات اشد الترم التاني شديت و حاولت اعمل الي عليا و كنت ببقى طالع من الامتحان و حاسس اني فعلا عامل كويس لحد انهارده جبت النتيجه و بدايتها مكتوب الدور التاني مش ناجح بس مش الدور التاني عشان انا مثلا المادتين دول ف الترم التاني عكيت فيهم برضوا لا الدور التاني عشان جبت 29.5 من 60 ف الماث يعني نص درجه و كنت هنجح و 17.5 من 40 ف الساينس يعني درجتين ونص عشان انجح يعني 3 درجات كانوا قادرين يغيروا كل حاجه بجد حاسس من ساعه ما شفت الدرجات دي اني مكسور بشكل لا و كمان المفروض اني اذاكر مواد الترم الاول و التاني ف المادتين عشان نقصت نص درجه ف ماث و درجتين ونص ساينس

ازاى اقدر توازن بين نشاطاتى وبين المذاكره لما ببقى عندى مذاكره مبعرفش اعمل اى حاجه بوقف حياتى كلها مش هقول انى يعنى مقطعه نفسى من المذاكره اربعه وعشرين ساعه بس بحس انى دائما اجلت حياتى وضيعت حاجات كتير منى

انا في جامعة ماتعرفش معنى الرحمه بجد حاسه بفقدان شغف الدكاترة عندي بيهددو والمشكلة انو مش مجرد تهديد وخلاص لا دول بيشيلونا المواد نفسيتي تعبانه من ساعة ما خلصت تالتة ثانوي والدنيا كلها متقفله في وشي وتعبت والله من كل حاجه الدكتور النهارده باعته فويس تقول ان كلنا ساقطين ماعدا 8 بنات بس من الدفعة كلها حاسه بوجع رهيب في قلبي والله وانا لسه في فترة امتحاناتي نفسي اموت بجد ومش عارفه بجد مبقاش فيه شغف اكمل ولا دماغ احفظ تاني ولا حياة ولا روح كأني مجرد جسد بدون روح مش عارفه اذاكر ولان المواد بتاعتي كلهم نظري مش عملي المذاكرة كلها حفظ 13 مادة والسمر كورس ب1000 نفسيتي متدمرة بجد ازاي هخلي اهلي يدفعو المبلغ ده في مادة واحده بفكر انزل اشتغل والله او اموت حياتي الاجتماعية معدومة انا انطوائية في الحقيقه بس حرفيا كأني عايشه في كابوس اتمنى محدش يقولي صاحبي كام بنت لاني مش حابه فكرة اني اصاحب عايزه نصايح تخليني ارجع زي ما كنت واكمل مذاكرتي تاني وانسى....

بعمل مشروع التخرج و المفروض ان احنا تيم من ٣ بس اللي معايا مطنشين خالص و يعتبر انا اللي شايل المشروع كله لوحدي و انا بصراحه عندي استعداد اعمل اي حاجة عشان اتخرج بس هما مستفزين فشخ مفيش اي احساس ولا حتي تقدير وده بيخليني عايز اسيبها تولع بينا كلنا اللي هو ان شاله ما حد مننا اتخرج

انا كمان شهر و هدخل تالته ثانوي المشكلة في اني مهمله يعني مش بذاكر كله بمزاجي و اهلي سايبني و مش مهتمين بالحته دي خالص و عادي لو ذاكرت مذكرتش طز يعني مش مهتمين السؤال ازي اتحكم في نفسي و اذاكر؟ لاني بجد خايفه و لو استمريت على كدا انا حرفيا(لقدر الله) مش هجيب حاجة بجد!!

السلام عليكم انا ف تالته ثانوي وانا ف شهر ٤ كان المدرسين قربو يخلصو المناهج ويشهد ربنا ان انا من اول السنه بحاول مقصرش وبعمل ال اقدر عليه وتعب وسهر وشفت سنه مايعلم بيها الا الله وكله متاكد اني هبقا دكتورة ان شاءالله المهم انا طلع قدامي ناس بتعمل سيشن تنظيم مذاكرة ومنزلين اسكرينات لناس بتشكر فيهم واد ايه هما شالو من عليهم الضغط وساعدوهم وبقو بيذاكرو احسن ومستواهم اتحسن وكدا المهم لما المدرسين خلصو المنهج انا بطلت انزل دروس وقلت هراجع ف البيت وهشرك مع الناس دول وفعلا اشتركت وكانو كويسين وكل حاجه وقولتهم ان انا ازهر وامتحاناتي هتكون بدري وقدامي شهر بالظبط اراجع فيه واحل الكتب ال عندي قالولي هتراجعي وتحلي شوامل كتير جدا المهم بعدها بشوية حسيت انهم بيحطولي تاسك صغير اوي ف سالتهم انا هخلص امتا قالولي يوم 25/5 ف قلت كويس يعني مش مضغوطه وهخلص بدري بعدين لحد يوم 19/5 لاقيت ان انا لسا مخلصتش مراجعه اكتر من نص المنهج وقولتلهم قالولي مش لازم تخلصي بدري المهم تحلي كتير قولت ماشي ولحد ما خلاص شهر 5 بيخلص ولاحظت انهم مش عاملين جدول اصلا وبيحطو تاسك ف منتهى العشوائية حرفيا وحتى مش فاكرين انا راجعت ايه وايه لا وانا ال كنت بقولهم وقالولي هنظبطلك دلوقتى المواد الاولى ونكمل ف ليالي الامتحانات ف قلت ماشي وبعدين بدأت امتحانات والامتحانات تقيله وانا قلقانه من المواد ال متراجعتش ولما برجع من الامتحان بيقولولي عملتي ايه بس وواحدة منهم نزلت على الجروب احنا وقفنا شغل ازهر! يعني ايه بجد وانا كمان دفعت فلوس شهر وكمان شهر الامتحانات عشان يسالو عليها بعد الامتحان؟؟؟ اعمل ايه بجد انا حاليا بحاول مضيعش مجهود شهور بسبب ناس بتتعامل من غير ضمير انا طلعت من كل الجروبات وبعت للادمن بقول على كل ال عملوه مردش حتى

جماعه انا تالته ثانوي وبصراحه في حاجات كتير اوي واقعه مني وانا مبقتش قادره اذاكر خالص وخايفه لقدر الله ميحصلش الي انا عايزاه وخايفه من امي تعايرني في يوم من الايام لدرجه اني خلاص قررت اني اشتغل بعد ما اخلص علطول علشان ادقع ليهم كل الفلوس الي دفعوها ليا وعماله افكر لو محصلش الي عايزاه هعمل ايه وقلت هتعلم إنجليزي اكيد كويس والماني وبرمجه علشان اكون مأمنه نفسي حد يعرف اتعلم الحاجات دي ازاي وابدا منين وعايزه ارجع اذاكر تاني انا بمر بفتره صعبه اوي مش هقول بعيط كل يوم ياريت هقول اني نفسي اعيط مره واحده او احس باي شعور

عمري ما نشرت بوست هنا في حياتي ب غرض اني محتاج كمساعد ب العكس بيبقا ممكن بنتقد حاجه او كدا بس المرادي انا فعلا مش حاسس اني كويس انا مش كويس خالص الفتره ده متقدم فيا محضر في الكليه والموضوع كبر وراح للعميد والموضوع ماثر علي نفسيتي جدا يكوني شخص وحيد طول عمري مش عندي حتي اخ ولد ف مش بتاع مشاكل ولا اتعودت اكون جزء منها اتعودت ابعد عن اي حاجه فيها مشاكل علشان مش عندي شخص يقف معايا حتي ف الصحاب محدش بيحبني مش احسن شخص يكون صحاب ممكن ناس كتيؤ تعرفني بس في نفس محدش بيعتبرني شخصو محوره في قصته بحب الجيمز بحسها بتعيشني في عالم تاني بحب اتخيل بس بجد مش عارف مالي الموضوع بتاع المحضر ماثر عليا ومش عارف مصيري اي مذاكرت سنين انا من اوائل دفعتي الموضوع لو تحول ل رفد او تعطيلي سنه عن الدراسه ممكن يدمر مستقبلي المهني كلو معرفش هبقا انا زي ما انا بعد ميخلص ولا لا دعواتك وشكرا لكل حد قرا كل الكلام❤️

محتاجه انام 24h حرفيا 🥲 مطبقه يومين عشان امتحان و كان محتاج قبله ايام كتير مش يوم واحد بس بحاول ملومش نفسي انا عملت اللي عليا ، بس هيبقي في امتحانين بعد بكره كمان 💔 مش لاحقه انام ولا اراجع 😂 دعواتكم

لسة زي ما انا لدرجة اني بقيت اتمني البلاء من ربنا عشان افوق نفسي بس تظبط المرادي المرادي بس عشان ابويا والله مش اكترر نفسي افوق مش عارف اذاكر مش عارف طيب وبدعي كتير انا اه مقصر فيي كلل حاجهه في حياتيي حرفياً كل حاجة بس بجد اهلي ملهمش ذنب انا ثانوية عامة وخلاص امتحاناتي كمان عشر ايام مش عارف اعمل اي وبدعي كتير وبعمل كل حاجة مش هكدب الصلاة مقصر فيها جامدد بس بنزل اصلي وادعي الغريبة اني لما بدعي برجع بكسل اكتر م الاول مش عارف الاقي تفسير ل دا ومش فاهم انا مش معترض علي قضاء الله بس المرادي بس تظبط اكسب ثقة ابويا والدنيا هتبقي تمام لو ع الذنوب والله هبطل ووالله هسعي اني اعمل كل صح وابطل الغلط انا اصلاً بسعي دلوقتي بس الجزاء يجي في الحاجة اللي بحلم بيها همووت ودي بس تعدي والنتيجة تبقي تمام مش اكتر نفسي ربنا يعطيني الهمه عشان اذاكر واعرف اجيب نتيجة مش طالب اكتر من كده بعد كده حياتي بقا انا هسعي فيها وربنا يقدم اللي فيه الخير بس دي تعدي مش اكترر وبس كان نفسي اقول كده ونفسي الاقي حد ارغي اقول الكلام دا بس ملقتش غير هنا والسلام عليكم

انا عايز اهرب لمكان بعيد اووووي مفيش فيه حد غير حاجتين بنات و فاست فووود ويكون في تكييف انا كرهت المذاكره والدراسه بعد ما كنت دحيح وحاليا بعاني من ضعف دراسي مأثر علي حياتي اوسخ من لو كان عندي ضعف جنسي 😔😔😔 اععع

حد عندو فكرة ازاي الم منهج 3 ثانوي المتراكم عليا قدامي 20 يوم الفيزيا 8 فصول مذاكره منهم 3 الكيميا 5 مذاكرة واحد الاحياء 7 مذاكره منهم 3 الانجليزي 12 Unit مذاكرة منهم 9 من غير الكلمات العربي اتبقالي جزء صغير نحو و الادب كلو

يا جماعة انا تالتة ثانوي معنديش شغف لأي حاجه حتى المراجعات مش قادر اذاكرها فأنا عايز study partner سواء بنت او ولد نصحى بدري ونحدد عدد ساعات معين نخلصه في اليوم ونشجع بعض يعني واللي يقع يشد التاني كدة ويفضل يكون تالتة ثانوي برضو

سلام عليكم دلوقتي عندي مشكلة امتحاناتي كمان ١٨ يوم ثانوية عامة لغاية دلوقتي مبعرفش احل وبحاول وافضل احل ورا المدرسين وبردو مبعرفش الفيزيكس عندي مشكلة والكيمستري مشكلة اكبر والماث اكبر واكبر واكبر لسة فاتحو انهاردة عارف الصياح هنا ملوش حل ارجوك لو عندك نصيحة قولها بضيع وكل المواد عندي فيها مشاكل مش عارف اعمل اي والله بذاكر ومش بنام وبردو معرفش في اي بسعي ومفيش نتيجة في الحل وبنسي بسرعة ومش ملاحق الموضوع فارق معايا اوي عايز افرحهم والله انا كده كده مستاهلش وانا عارف نفسي

دلوقتي فاضل على امتحانات تالته ثانوي اقل من شهر و انا حرفيا معرفش كلمه في الكيمياء و العربي ف لو حد يعرف طريقه بجد ازاي الحق نفسي فيهم انا مش عايزه اجيب درجه عاليه انا بس عايزه اعدي صافي في الكيمياء و العربي

نفسيتي تعبانة أوي اول مرة احس اني فعلا مستتقله كل حاجه امتحاناتي قربت، فاضل اسبوعين بس قلقانه، قلقانه اوي تركيزي صفر، بسرح طول الوقت، مهما اجبرت نفسي اركز مش بقدر من زمان مش دلوقتي بس بس دا مزود الهم عليا مش عارفه حتي اضغط نفسي عشان احس اني بذلت. مجهود ف الاخر ع الاقل بكرا يوم عرفة، هدعي ربنا اقول اي وانا مش بسعي بتجيلي افكار اني مينفعش. ادعي اساسا، وفي احساس جوايا ان ربنا مبيبحبنيش مفيش حد بيحبني بالمرة، انا عبء حسه اني تعبت ومش عايزة اعيش حساها من كل قلبي. مش قادرة احكي اصلا ولا امسك تلفوني، اغلب الوقت نايمه مش عايزة اصحي بقعد ع المكتب يعدي عليا ساعتين تلاته قدام صفحه، عقلي مش معايا كل حاجة ضباب مش بيبان عليا الزعل او التعب لاني مش ببين ولا بشكي ابدا بس ماما لاحظت، ولو ماما لحظت يبقا انا ف حته وحشة فعلا انا تعبت.

4408 مش عارفة اكتب ايه بس هو لازم اكتب اي هري علشان البوست يرضي ينزل و ادعولي بجماعة انجح فالامتحانات علشان لو منجحتش هطرد من البيت 😂 و رشحولي كتب حلوة اقرأها و تكون فانتازيا أو جريمة وشكرا جدا

الكيمستري اعمل فيها ايه دي ماده بنت تييييييت تيييييت تيييييت تيييييييتتتتتت زهقتتتتت منهااا موووووووتتتت دي خرجتني عن شعوري فككك يووووووو ي ماده ي صعرانهههه موووتتييييييي بقىىىىىىىىى

عندي سؤال و بجد عايزه اجابه دلوقتي لو حد تالته ثانوي و مفتحش عربي خالص و مش هعرف اذاكره حتى الشهر ده بسبب اني بحاول الم الانا مراكماه في المواد التانيه ف هل هعرف انجح فيه؟ يعني مثلا تعبير على قصه على الحاجات التانيه دي ممكن مثلا يتلموا في يومين قبل الامتحان و ادخل انجح ولا مستحيل الهبل ده و هسقط فيه؟

أنا ف تالتة ثانوى و متلغبطة جامد و ورايا تراكمات ف عايزة حد يكون ف تالتة ثانوى او اكبر بسنة و يساعدنى و يعمل معايا الجدول بحيث انى اخلص اكبر قدر ممكن من التراكمات الى ورايا ف ال 10 ايام دول قبل شهر 6 ما يبدأ

انا مخنوقه اوي حرفيا لسه شهر علي امتحناتي ( تالته ثانوي) انا كل شويه بحاول بحاول بس خلاص انا جبت اخري محدش في البيت حاسس بيا كلهم بيقولو سنه وكل الناس عدت بيها انا مش كل الناس انا بقيت كارهاني كارهه نفسي كاره حياتي كاره شكلي البيت كلو خناق في خناق مش بكلم اخواتي بقالي شهر تقريبا متخانقين محدش حاسس بيا ولا مقدر ولا حد جرب يستل يقولي انت كريسه انتي تمام في نفس الوقت خلاص قلقانه طبعا ومش عارفت اعمل ايه حتي صحابي بعدت عنهم بسبب السنه لانهم مش في تالته بالتالي مش بنتقابل كرهت حياتي بجد ومعنتش قادره وخايفه

عندي امتحان ومش عارفه اركز ولا اذاكر وحاسه اني مشتته وكل شويه افتح الموبايل وبتيجي ف دماغي ذكريات قديمه بتخليني اسرح وحاسه اني عايزة اعيط مش عارفه اعمل اي وانا امتحاني فاضل عليه يومين تعبانه اوي ومش قادرة اعمل حاجه انصحوني بجد

مذاكرتش حقيقي مذاكرتش بكرهه الرياضه بكره حساب المثلثات بكره الرسم البياني بكره الهندسه بكره اي حاجه ليها علاقه بالمهندسه الظا والجا والجتا فلقوا دماغي بالمعني الحرفي انا تعبت دماااغي

فقدان الشغف وقت الامتحانات ده حاجه فظيعةة بفتكر كل حاجه حصلت في حياتي ايام الامتحانات كل المحتوى اللي في الحياة بيبقى ايام الامتحانات كل النوم اللي بنامه بيبقى ايام الامتحانات كل حاجه بتبقى ايام الامتحانات طب ايه هنذاكر امتى والله 😂🫠

ماده قد الفيل حرفياً وكل مااحس اني لميتها تبوظ من حيث لا اعلم المهم دعواتكم ليا يا فواكه أن بعد بكرا افتكر حاجه من كل الروزم اللي كتبتها دي ودماغي تتغابي فأكتر وقت مش مطلوب فيه غير تشغلها وبفكر نفسي وبقولها أن دي اخر فرصه ومش هيجي بعدها تاني وعلي قد تعبك دلوقتي حتي لو كانت المحصله قليله بس علي الأقل لازم تعرفي ترفعي راسك... شكرا 🤍

جماعة هو ليه الواحد بييجي عليه فترة يفقد مشاعره يفقد إحساسه ميبقاش فارقله اي حاجة في أهم سنة دراسية في حياته بعد ما اتطحن حرفيا مبقاش باقي على حاجة هسقط أسقط عادي بعد ما كان من الاوائل بقى عنده لامبالاه رهيبة وتيجي زي ما تيجي بقى ليه الدنيا كدة الواحد تعب ومش عارف يقول ايه

في حاجه غريبه بجد مش عارفه اي ده بجد بجد فاضل محاضرتين ساعتين ونص ولسه محلتش فاضل محاضرتين ساعتين ونص ولسه محلتش فاضل محاضرتين ساعتين ونص ولسه محلتش فاضل محاضرتين ساعتين ونص ولسه محلتش

قاعدة من صباح ربنا عمالة اذاكر وجاية احل حاسة اني بهيمة بجد مش عارفة ايه ده فقدت الشغف بجد ومش عايزه اكمل انا بجد من بدريي وانا بذاكر بجد نفسي اغمض وافتح كده الاقي اسبوع الامتحانات ده خلص وبقينا ف الاجازة

انا في مشكلة كبيرة اوي الترم اللي فات انا ما كنتش مزاكرة برضو بس على الاقل كنت باخد دروس عديت والحمد لله الترم ده انا ما روحتش دروس من الاساس وكسلت و قعدت من الدروس اغلبيتها. يعني يعتبر ما كنتش بروح. انا يا جماعة عايزة انجح كنت بروح بس حرفيا يعني طول الوقت انا ما كنتش بروح وكنت قاعدة من من درس التاريخ وكنت قاعدة يعتبر من العلوم كنت بروح حصة واغيب عشرة يعني اصلا ماكنتش بفهم حاجة بروح والحصة اللي كنت بروحها مكنتش بفهم وعمري ما زاكرت حتى في امتحانات الشهر عمري ما زاكرت ما فتحتش المنهج او اعتبروني ما روحتش دروس ولا فتحت ولا كتاب في الترم خالص اعتبروني كمان مجبتش كتب بس هي معايا يعني. انا عليا امتحان خلاص بكرة يعنى انهاردة ليلة الامتحان انا مش عارفة اعمل ايه. حتى العياط مش عارفة اعيطه انا مش عارفة ازاكر يعني انا دلوقتي قدامي اني ازاكر ليلة الامتحان والم المادة كلها فيها وانا عندي 6 مواد انجليزي وعلوم متكاملة وعربي وفلسفة ورياضة وتاريخ بالترتيب وكلهم ورا بعض على طول يعني محتاجة اذاكر كل مادة في يوم واحد يا ريت لو حد عارف ازاي الم المادة كلها في ليلة الامتحان يقولي انا والله العظيم خايفة جدا جدا جدا See less💔💔💔💔💔

فضفضه كم مره قولنا هنبدأ مزاكره من أول بكره ومبدأناش ولا عملنا حاجه كلها كلام تريح بيه نفسك وضميرك عشان تتمرقع براحتك وفي الآخر كلو بيجي عليك ايام الامتحانات وها أنا الآن المفروض ازاكر منهج كامل في يومين مثلاً المشكله مش هنا أبدا أنا ممكن اجيب امتياز عادي المشكله اني مش هبقى فاهم زي الي جاب امتياز وهوا فاهم مش حافظ ملحوظه أنا مستوايا مش وحش وأنا فاهم الحمد لله وبزاكر بس دايما ببص للي احسن مني واحس اني قليل

جالي إحساس ملازمني بقالو كذا ساعة اني لازم اموت. حقيقي والله فعلا فاضل 22 يوم بس ع امتحاناتي وضايعه جدا جدا.. بشكل مأدركتوش اوي غير اخر كام يوم كإني كنت مغيبه في مادة ضايع مني فصلين كاملين ومادة تانيه تلت فصول والباقي منسي والمادتين التانيين منسيين ومتزاكرين مزاكرة نص نص وأنا مطلوب مني منقصش أكتر من 10 درجات ف المجموع يعني اخر من كل لجنة ناقصة درجتين تلاته بالكتير.. مستحيل. بوضعي دا مستحيل انا ضيعت كل حاجة.. بعد مأجلت. ضيعت سنتين وف الاخر مش هقدر اجيب المجموع المطلوب بردو. أهلي هيخسرو ثقتهم فيا مرتين. وهكسرهم مرتين. انا حقيقي مستاهلش اعيش واثقه ان اكتر حاجه خير ربنا ممكن يعملهت عشاني اني انام دلوقتي مصحاش. انا حقيقي حد ملوش لازمة انا بقولها م كل قلبي المرة دي يارب اموت عشان انا حقيقي مش هقدر ع اللي هيحصل.. وبس تصبحو ع خير. بالمناسبة كنت منزلة الصبح بوست بقول ادعولي بس انا مستاهلش حتي الدعاء والله.

انا بنام نوم السنة كلها في اسبوع الامتحانات ده بس والله مش عارفه ايه ده 🫠 يعني ابسط مثال انهارده مثلا انا كان عندي امتحان رحت وجيت نمت لحد الساعة خمسه وصحيت ذاكرت للدرس ونزلت وجيت نمت ولسه صاحيه وهنام تاني عادي جدا(صاحية اخد بريك من النوم) محتاجين حد يتبرع ويدخل الامتحانات مكاني والله عشان الوضع كارثي

حد يسمعني، انا كان طول السنه نقصني تلات حجات الخبرات والدافع واهتمام الاهل، الدافع كنت بكبر دماغي واكمل ووالاهل كذلك ولكن الخبرات كانت قليله شخص بجد قرر يذاكر دلوقتي المذاكرة الصح عشان يجيب مجموع انا في تالته ثانوي ازهر، فكرة انك معندكش حلم الاهل مسبوش ليك فرصة تحلم بس سابوا ليك فرصه تسمع خناقهم فرصه تتخانق معاهم فرصه من وانت طفل تروح وتيجي مع امك عند خوالك الي من كتر ما كنت بروح لهم لما امي تتخانق مع ابويا مكناش بنلاقي وقت نروحلهم زياره عاديه، فكبرت على اني بس متعبش مراتي ولا اولادي لما اكبر واتجوز واحده مناسبه ليا وشبهي متكونش زي الزيت وانا المايه كما قال احدهم عمري لا فكرة في طموح ولا غيره، اهلي حاليا بيحالوا يهدولي البيت في اخر 28 يوم تخيلوا بعد ما ضاع العمر كله، ابويا لو كلمته هيقولولي مش كنت بديك الفلوس الي عاوزه ياابن الكلب، انا في المذاكره مش وحش لكن مش قادر اكمل وانا مفيش حد في ضهري يدعمني ولا يسمعني فقط مجرد بس يسمعني دا بس الي عاوزه مش اكتر ويكون مهتم ديما ويطبطب عليا مش مجرد كلام وخلاص

انا بجد بقيت حاسه اني بعيد اليوم كل يوم دروس مدرسه مراجعه امتحانات بقت حاجه صعبه حاسه اني بصحي بلاقي ان اليوم بيتعاد الوزير بيعاملنا كأننا عبد مش طلاب خالص و المناهج الكتيره انا جالي اكتئاب بسبب كده ان يومي بيتعاد كل شويه و في الاخر بعد كل ده الدرجه تطلع وحشه

فضفضه عندي مشروع تخرج والمفروض بنجهز حاجات ليه صحابي جابوا كل حاجة نفسهم فيها أنا يدوب عرفت اجيب الأساسيات زعلانه أوي مش عارفه أبسط نفسي وديه آخر سنه مش ببص لغيري والله بس كان نفسي افرح نفسي أنا كل حاجة مفروض تتعمل بفضل أفكر فيها أصلا + عايزه اكافئ نفسي بحاجه مش عارفه اعمل كده مش عارفه ليه الحياه صعبه ممكن الواحد ف يوم من الأيام يوصل كنت ماشيه مع واحده من دفعتي انهارده واتكلمنا عن التقدير لقيتها زعلانه و جايبه امتياز أنا جيد جدا وزعلانه أوي إني استسلمت لظروف الحياه مع إني ف أول 3 سنين كنت ماشيه حلو بس ما عرفتش اكمل نص الكلام مالهوش لازمه بس محتاجه يطلع

اهذا انت ؟ اهذا ما كنت ؟ اهذا ما اردت ؟ هحححخ ٧ ايام على اول ماده وفيض من التراكمات كالعاده يمر علي طيف الثانويه العامه واني كنت زي دلوقتي من السنه زي الخرا ومراااااكم وخدت اكتر مما استحق ٧٦.٠٩ هحححح عارف لما تبقا بتسعى في حاجه مكنتش عايزها ؟ وستيل مش عايزها برضو ما هي كلها ربا وحرام ف حرام وحاجه خرا (تجاره) عارف انك هتقول نظره سطحيه والكلام دا وفي مجالات كتير فيها والكلام الحلو دا بس اهو بقا فوق بقا وبطل اوهامك دي داخل على ١٩ سنه ومش حافظ جزء عم كامل انت عبيط يعم انت اهبل ضيعت عمرك ف ايه هتفضل تسوف كل حاجه لحد امتا يابا هتتعدل امتا هتتنيل تفوق امتا فوق بقا وبطل هبل وتضييع وقت ف قرف عشان وراك بلاوي سوداء ولو شايف ان اكبر كسره كانت الثانويه تبقا اهبل لسه في اقلام اكبر الشاطر مش اللي ياخد قلم واحد الشاطر اللي ياخد القلم ويفوق عشان اللي بعده (مقوله من ابويا ) (النص التاني دا تدخل اضطراري من شخصي التاني بس هو غشيم شوية) طب ما تديها واحده والله ما هتم ٢٠ سنه الا لما احقق حاجه وزي ما تيجي بقا يا انا يا الدنيا "اتجننت"

السلام عليكم ورحمة الله وبركاته عاملين ايه يشباب حابه اصيح شويه بس ✋ امتحاناتي هتبدأ يوم الاتنين اتفجأت بجد ادركت اد ايه انا كنت مقصرة بطريقة فظيعه مع اني كنت بذاكر بس مكنش كفايه حصلي ظروف ف اول الترم ورااكمتتت كتتير اوي قعدت من الدروس اصلا ف اني ارجع الم كل اللي اتراكم عليا كان صعبب اعر اداء دراسي ممكن اكون قدمته ف حياتي الفكره ان انا مثلا مش حاسه بالذنب او كده لا خالص انا كل اللي عيزاه حاليا اخلص واخد الاجازة واخرج وانام وبسس يلا تصبحوا على خير يشباب

يا جماعة انا تالتة ثانوي معنديش شغف لأي حاجه حتى المراجعات مش قادر ابدأ فيها فأنا عايز حد سواء بنت او ولد نصحى بدري ونح دد عدد ساعات معين نخلصه في اليوم ونشجع بعض يعني واللي يقع يشد التاني كدة ويفضل يكون تالتة ثانوي برضو

أنا ثانويه عامه و مش قادر اذاكر اي حاجه و تقريبا مستوايا صفر و اظن في مواد محضرتهاش من اول السنه و خايف مجبش مجموع و الفكره اني مش قادر اذاكر و مش قادر استوعب ولا قادر افهم خالص و نفسيتي بتتقفل مره واحده و بخاف اكتر من الامتحنات و مع ذلك بحاول و لسه مش قادر استوعب ولا حتي في الدروس بقدر استوعب كلمه حاولت أخرج و اتمشي و البس بس مفيش أنا مش عارف اعمل اي

هاي ، اتمنى انكم بخير ، كيف تتعاملون مع القلق و الضغط في الدراسة و التاخر الكبير و خاصة الخوف لان عندك تجربة فاشلة من قبل ، و التفكير الزائد في الفشل مرة أخرى و المقارنة بالآخرين كل مرة تحاول التركيز ...يعنى عندي شهر اريد اني اوصل و خايفة منوصلش و اتعرض لصدمة أخرى ( شهر يمكن يكون ليس كافي لكن لا اريد ان ابقى بدون أن ادرس على الأقل إذا فشلت لن احس بتأنيب ضمير و ....)

ازاي الم المنهج في ٢٤ ساعه حاسه اني مش هلحق ومتوتره معني ماده صغيره مش كبيره لدرجه بس امتحان مقالي ومحتاج رغي وكتابه كتير وانا من النوع اللي بختصر كلام اصلاً وبحفظ قليل ب قليل لان ذاكرتي سمكه

انا دلوقتي في تالته اعدادي في الترم الاول مجموعي مكنتش احسن حاجه ومكنتش مركزه خالص لاسباب نفسيه كبيره جدا انا دلوقتي في الترم التاني وفاضل علي الفاينل شهر واسبوع تقريبا وبابايا قعد يقول لو مجموعها مجبش مش هدخلها ثانوي بالعافيه يعني وانا الموضوع ده محطوط في دماغي ومش عايز يروح ابدا وموترني جدا بجد انا اصلا شاطره جدا في دراستي عمتا بس المشكله ان نفسيتي بايظه جدا وبحارب وبحاول عشان اكمل والله ومش قادره ومش عارفه اعمل ايه

هقسم دماغي وافكاري لنصين، اولا تالته ثانوي انا انا عندي مشاكل كتير دا تفكير________$$$$________ودا تفكير تاني مشاكل في البيت___بس كنت ممكن اسد وداني واكمل تعبتني وبهدلتني___ما كل حاجه بتتعب انت بتستعبط مشاكل. جسديه ونفسيه_لا معندكش مشاكل انت كذاب وعملت الي عليا واكتر__لا معملتش الي عليك يامنافق حاولت بكل الطرق وكل الخطط__بس بدون قيمه بدأت وانا معنديش اي خبره_خبرة اي انت هتخترع الذره ولا حد. ساعدني في اي حاجه_مستنيهم عشان تنجح يافاشل دا صراع جوايا، حجات كتير اوي بالشكل دا اتمنى اكون اتفهمت وفي حد. فهمني انا عاوز اموت وبتمنى الموت اوي بيقلولوا تمني الموت مع وجود مرض نفسي جاىز ومش حرام السنه دي. هي الي غيرتني في كل حاجة بقا دين ودنيا وتفكير، كنت هوصل لو كنت اتغيرت بس بدري شوية قبا ما ابدأ السنه

عندي مشروع تخرج والدكتورة تعبتني دايما تختار مواعيد معندماذ فبها حاجة في الكلية وتنزلنا لم اتخنقنا دلوقتي بتقولي في بكره مؤتمر عشان عملنا بوستر_لوحة تلخص المشروع_ وبيقولو تعالب عشان قال تاخد شهادة انا قولت مش هروح هل لو روحت هءتفيد ولا اكبرماغي خصوصا لو روحت هيتقفل عليك وتقعد غصبن عنك من9الصبح ل4العصر

جماعه مراكمه المحاضرات مع زنقه فاينال العملي بيعمل ميكس تخلف و اكتئاب بس جامد والله ربنا يبعده عني بقي 🙂💔 ـــــــــــــــــــــــــــــــــــــــــــــــــــــــــــــــــــ

I can't accept that I have to take more exams. الحياة حاليا صعيبة و كئيبة و تمشي بسرعة مش قادرة نستوعب اللحظة و نعيشها بلا قلق أو خوف بسبب الاختبارات اللي الحياة تختبرهالي من كل الجوانب، خايفة أني نبقا دائما عايشة في خوف و قلق و ما نستمتعش بالحياة.

انا في تاني سنة تالته ثانوي معايا اربع مواد كنت ماجلاهم هشرح حالي فيهم ب اختصار وعايزة رد منطقي وحقيقي منكو . من غير بقا تعاطف و تحفيز انا عاوزة اعرف هل ب وضعي الحالي دا. وانا قدامي بالظبط ع امتحاناتي 35 يوم لما اشيل اسبوع قبل الامتحان يعني ... يعني اي اقصي نتيجة ممكن اوصلها ؟ واي مستحيل ولا مش ممكن بصراحه ف وضعك دا ا الحق اظبط اللي فايتني واخش الامتحانات انقص ف كل مادة من درجة ل درجتين بس مثلا ؟ الفيزيا 4 فصول كهربية و 4 فصول حديثه فايتني نص الفصل 2 و نص 3 . و4 كاملا وفايتني فصل 7 و 8 يعني مزاكرة اول فصل و 5 و 6 والنص الاول من الفصل التاني والتالت الكيميا حالها احسن ..مزاكرة 70ف الميه منها لكن ناسيه بس ومش حله كتير بدات مراجعه وراجعت الباب 4 و نص الباب 5 ناقص باقي الباب 5 والابواب 1 و 2 و3 واللي يعتبرو اخف شويا الاحياء مزاكرة كويس فصل 1 و 2 ... 3 نص نص 4 متراكم ... 5 كويس و 6 متراكم الرياضة البحته نسياها .. وفايتني زي اربع دروس مثلا محتاجين سماع شرح لكن الباقي عاوزة مراجعه كدا لكل فرع وهتبقا الدنيا تمام التطبيقية كلها ع بعضها 12 درس مزاكرة منهم زي 3 او 4 دروس بس مش شايلة همها بصراحه لانها هتكون اخر مادة همتحنها وقبلها فاضي 10 ايام بالظبط يعني حرفيا عندي الشجاعه اسيبها اخلصها ف 10 ايام لانها مش اصعب حاجه يعني عادي

كبرت والله علي الامتحانات والبهدله دي 🙂💔 بقالي كتير اوي بمتحن و بقالي كتير قاعده بذاكر عندي امتحان بعد تلات ساعات و حاسه مفيش حاجه فدماغيي لو مقفلتش هعيط والله بس عامه انا استاهل لاني بسيب المواد لحد الديدلان 💔💔💔

جماعه انا لسه صاحي وبجد. مخنوق جدا حاسس اني عندي. اكتئاب المفروض اذاكر بس مش قادر رغم اني والله شاطر بس مش عارف ليه مش بذاكر كتير بحس ربنا مش كاتبلي اني اكون اشطر من كده دايما بأنب في نفسي ونفسيتي اتدمرت للاسف

يعني انا المفروض ادخل ٣ ثانوي يعني انا المفروض هيبقي العين عليا و كله مستني هجيب كام يعني انا المفروض أقل حاجه اذاكرها في اليوم ٤ ساعات يعني انا المفروض اقعد اذاكر ١١ شهر يعني المفروض هخلص ثانوي و ادخل جامعه هو انا كده رسميا دخلت حياه الكبار ولا اي اناااا ؟! ياجماعه انا لسه ١٦ سنه !

النهارده ٢٥ ابريل امتحاني ١٦ مايو يعني بعد ٢١ يوم من دلوقتي (حاسس اني رجعت لايام ثانويه عامه ،هححح) المهم انا في ماده تقريبا بيرفكت فيها من سبعه وواحده ضامنها ان شاء الله والتانيه تتلم تمام وهبقا كويس فيها كدا فاضل اربع مواد تقريبا ميح فيهم قررت ابدا بالميح دول من النهارده ان شاء الله النهارده عزا المتراكم الخطوات ( يمكن تفيد حد) هذاكر من المحاضرات هذاكر من ملزمه خارجيه واخيرا هعمل اسئله ب notebook lm والنظام دا محاضره محاضره فاللهم عونك يارب اهديني يارب ابويا وامي يدخلوا الجنه يارب ويارب اهدي اخواتي يارب

خااايفه جدا جدا جدا مش قادره احفظ حاجه مش عارفه عندي توتر شديد وامتحاني يوم الاربع مش عارفه اعمل ايه خااااايفه خالص بعيط كل مابس افتح المصحف مخنوقه جدا متوتر جدا جدا بتمني اني ربنا ياخدي بجد انا تعبت

انا في تالته ثانوي ومعدش ليا طاقه للحياة مش بس المذاكره ومش عارف انا لي مكمل في حياتي لحد دلوقتي يعني انا عائلة كلها مشاكل ومفيهاش حاجه تفرح ابدا ولا حد فيهم بيسمعني من اول ما بدات السنه ولا حد بيقولي حاجه كأني مش موجود مش حاسس من ابويا بالامان، يعني لو مجبتش مجموع ممكن يعاملني ازاي او ابقا بالنسبه ليه وقتها اي، من وانا صغير وانا افتقد وجود ابويا وامي مع انهم موجودين، معلومنيش حاجه تنفعني يعني معنديش احلام ومش محترف في حاجه اي نعم عندي هويايات كتير لكن مفيش حاجه منهم انا قوي فيها، مليش صحاب والكانوا جنبي في فتره من الفترات كان سبب اذاي فمليش، مش عارف لو جبت مجموع هعمل بعديها اي طول ما انا معنديش حلم، ولو مجبتش هروح فين وانا مش بعرف اعمل حاجه ومش متعود على الناس ولا الشغل ولا الزحمه انا حرفيا زيرو على الشمال وعمري ما نجحت في حياتي ابدا ومن بداية الثانوي الناس الي انا اشطر. منهم بيرتبوا عشر الاواىل كل سنه وانا بجيب درجات زفت مع اني ببقا حالل وكل حاجه تمام انا بتخارب من كل. حاجه ويارب انا مليش قيمه ولا لازمه

كنت نزلت عن نفس الشيء من فتره وهوا اني تالته ثانوي وحقيقي مش قادره ازاكر وحاسه اني في سجن وجالس نصايح كتيو وعملت مدا بالكتير زاكرت٣ ايام كنت بجبر نفسي حرفيا بعد كدا مقدرتش مش طايقه امسك كتاب ولا ازاكر حاجه وانا مكنتش كدا اول السنه خالص حاسه انو كلو سابقني وفاضل شهر ونص علي الامتحانات وانا حقيقي كرهت السنه دي وكرهت المزاكره ومش عارفه اعمل ايه بجد زهقت بزاكر يومين اخري بجد خايفه ومش قادره اتحرك وكارهه كل حاجه

فكرة اني مش عايز اكون موجود في الحياة دي سيطرت عليا اوي بقالها كام شهر ماما كانت قاعدة معايا دلوقتي ف بتقول لي فجأة نفسك في ايه؟ كل اللي جه في بالي اني نفسي اموت بدري ومش عايز اعيش الحياة دي، بس اكيد مش هقولها كدة فقلتلها اني اعمل log out من كل حاجة في حياتي واعيش في حالة ليس لها مكان ولا زمان انا مش عارف ليه بقيت محبط اووووي كدة انا بجد غضبان من نفسي عارف لما تبقى كاره نفسك ومش شايف انك تستحق يكون ليك أي حاجة حلوة في حياتك، وفي نفس الوقت حاسس انك مستعد تخسر كل حاجة عشان بس تفضل واقف في مكانك، بس في نفس الوقت مش قادر تعمل ده بسبب انك معلق ناس بيك وانت داخل على اكتر فترة حرجة دراسياً والفترة دي انا لو وقفت فيها كل حاجة هتبوظ، برضو بعمل ده عشان انا معلق ناس بيا مش اكتر عارف جلد الذات اللي بينزل عليك على كل حاجة في حياتك، انا فاشل مع أهلي وفاشل في دراستي وفاشل في حفظي وفاشل في صحتي وفاشل في كل حاجة بقا عندي احساس بالذنب مستمر تجاه أهلي واني عالة عليهم واني ابن مقرف، وجت فترة كنت مقتنع انهم مش بيحبوني عشان هما مينفعش يحبوني فعلا، في يوم تعبت فيه ابويا عيط عليا من الخضة، انا وقتها حسيت قد ايه انا جاحد وقد ايه انا مش بوفيهم حقهم وقد ايه انا بارد معاهم كل يوم بقى عايز اللي حواليا كلهم يموتوا عايز افضل لوحدي مش عايز حد من أهلي يفضل موجود انا جاحد اوي وبكرهني

حاسس اني تعبت من المذاكرة المشكلة اني في ثانوي والسنة الجاية هيطلع عيني بالاسلوب اللي انا بذاكر بيه دة ومش عارف اتنيل اعمل حاجة اهبب ايه فاقد الشغف والطاقة وكل حاجة حاسس اني منطفي وزهقان وقرفان

عندي امتحان بكرة و المادة اول مرة افتحها و اللي بيذاكروا من اول الترم بيصيحوا و مش عارفين يحلوا و انا بتعامل ببرود رهيب ولا كأني معايا الامتحان او ولا كأنها مادة ب ٤ ساعات يعني السمر ب ١٢ الف يخربيت العبث

انا في تالتة ثانوي علمي علوم و متراكم عليا حاجات كتير بسبب ظروف معينة ف انا مش عارفه اعمل ايه و تائهة و عايزة اجيب مجموع يفرح امي لانها تعبت معايا كتير اتمنى لو في حد كان مكاني يقولي هل هيا صعبة زي ما بيقولوا و لا بيضخموا الأمور و لا انا اللي مستهترة لاني كل ما اسئل حد يقول معرفش

طيب صليت والحمدلله قيامي وعاوزه افضفض شوية قبل ما شوف المدعكة اللي ورايا في الحقيقة ياجدعان لو حد سالني نفسي في اي دلوقتي هاقوله كوباية حمص شام علي الكورنيش مع الحجة و نفسي جدا جدا ارخم علي بابايا بقالي مدة طويلة منعزلة في اوضتي كل يوم والدي يسالني اخبارك اي اقوله كله تمام يقفل الباب اشد في شعري لان بصراحة بحرق بنزين كتير في المذاكرة والفايدة بتكون قليلة ده اللي لاحظته و مضايقاني بكره فكرة اني اذاكر حاجة واخرج بفايدة 60% تايهة اوي ومش عارفة هاعمل اي الفترة دي امتحاناتي قربت ومواعيد نومي بايظة وحاسه مراجعتي نص كوم بس في نفس الوقت وسط كل الاحاسيس بلاقي ان درجاتي مش بطالة بس برضو مش احسن حاجة بس كله هيعدي ان شاءالله

انا بنام كتير اوي مش بذاكر بسبب كدا علشان مفيش وقت اصلا ،اعمل ايه انا كدا من قبل رمضان وكل يوم اقول مش هنام وهصبر لآخر اليوم ،بس بنام انا كان زماني أنجزت كتير اوي المفروض اعمل تحاليل بس مش هينفع علشان أهلي مش موافقين في حاجة ممكن اشربها أو أخدها من الصيدلية ؟

انا حاسه اني بغرق و محتاجه حد ينصحني لاني فجاه ولا بقيت بصلي ولا بقيت بخرج من البيت وانا تالته ثانوي و مبقتش افتح كتاب انا مش عارفه هل دا اكتأب ولا ايه بس الموضوع صعب عليا اوي لدرجه اني بأنب نفسي اني مش قادره انا محتاجه حل او نصيحه تفوقني

قبل اي حاجه هحكلكو حياتي عمله ازاي بابا و ماما من ساعت ما اتجوزو كانو علطول في كل خناقه في تهديدات بالطلاق لحد ما بقى عندي 6 سنين كانو علطول يتخانقو قدامي و بابا يشتم أهلها و يقلل منها قدامي انا و اخواتي و انا علطول كنت باخد اختي الصغيره بعيد عنهم عشان بتخاف ف في مره اختي كانت نايمه و انا كنت قاعده ف سمعت ماما و بابا بيزعقو في المطبخ ف و هما بيزعقو سمعت طبق اتكسر ف فضلت اعيط بعد كده فضل عالحوار ده يتخنقو و تهديدات بالطلاق حتى أن ماما كانت علطول بتمشي من البيت لما تتخانق معاه و فضلو يتطلقو لحد ما اتطلقو تلت مرات ده غير هروب ماما من البيت و رجوعها بعد كل خناقه ف بقت حياتي مش مستقره حتى اصلا كانو زمايلي في المدرسه مكنوش بيحبوني و في وقت البريك في المدرسه علطول كنت بقعد لوحدي و كل يوم كنت بصحى على زعيق ماما و بابا و شتمهم ل بعض ف لما وصلت 12 سنه كانو خلاص اتطلقو للمره التالته و كل حاجه خلصت ف كنت بتنقل لوحدي انا و اختي من عند ماما و تيته ل عند بابا كل فتره المهم نرجع لل topic كان انا ساعتها عندي شله ولاد و بنات ف بابا اكتشف ده لما فتش التليفون بتاعي ف فضل يلومني و يزعقلي و يقولي يعني بعد كل الي عملته عشانك و بتعملي كده و ضربني و فضل يقول إنه علطول كان معيشني احسن عيشه و بيجبلي كل الي نفسي فيه ف انا للأسف قلتله على الي كنت حاسه بيه لما هو و ماما أطلقوا و ده كان اوحش حاجه عملتها لأنو فضل يقولي انتي مريضه لأن ده مش مبرر انك تزعلي من حاجه زي كده عادي يعني فيها ايه ما كل العائلات عندها مشاكل انتي بس معقده و مش لاقيه سبب تزعلي بسببه انتي مريضه و بعدين انتي مفيش احسن من حياتك ده انا الي عندي عيال و بشيل مسؤوليتهم انتي ولا ليكي لزمه انتي مجرد عبء عليا و تيجي تقولي انا عملتلك عقده ده انا بدأت ازهق منك و كل بقيت اكرهك اكتر من اليوم الي قبله و فضل يديني في كلام و حرفيا فضل كتير يقولي اني مريضه و عايزه اتعالج لأني عندي أكتئاب و مفيش حاجه وحشه حصلت في حياتي و فضل ماسكلي السيره دي كتير اوي و بطريقه اكتر من اللازم لحد دلوقتي و حرفيا أعلى جبولي كل انواع التروما و الامراض النفسيه بجد ده غير ضغوط الدراسه هو في مواقف اوحش من كده كتير بس هكون كتبت كتير اوي كفايه عليكو كده

عندي مشكلة و هي اني في تالتة ثانوي و مش عارف اذاكر الكيمياء بجد يعني مهما احاول مش بعرف اجيبها يمين اجيبها شمال مش عارف ف يا ريت لو حد عنده حل يبقى كتر خيره (خاصتا العضوية مش فاهم المفروض اذاكر ايه او ايه البيتذاكر فيها او يتحفظ)

انا في تالته ثانوي وانا شاطر واهلي عارفين كده وبذات اني قاعد 24 ساعه في اوضتي وهما فاكريني بذاكر بس الحقيقه اني مش عارف افتح كتاب حرفيا أقسم بالله كنت بادء السنه كويس جدًا وكنت بذاكر بس حاليا مش عارف افتح بس الكتاب كل حاجة تقيله على قلبي حتى الدروس حتى المدرسين نفسهم بقو يبصولي بصة اللي هوا انت اي وصلك ل كده بصه لوحدها بتقتلني حاسس بحاجه تقيله كاتمه على نفسي مخلياني مش عارف اتحرك