عدم تركيز

دي مش مشكله بس حاسس إني تايه ومش عارف أبدأ منين، كل ما أحاول أظبط يومي بلاقي حاجات بتبوظ الخطة، وده مخليني متوتر ومش عارف أركز في اللي ورايا ولا اللي قدامي خالص ومش عارف أرتب أولوياتي صح Sandwich

جماعه عندي مشكله اني مبسمعش اللي قدامي بيقول اي لدرجة كشفت مخصوص طلع السمع كويس ومفيش مشاكل بس في الاغلب يبقي الشخص قدامي ومش عاوزه او مش قادره اسمع كأني مركبة فلتر مبسمعش غير اللي عاوزه اسمعه ومش عارفه احل الموضوع ده ازاي لاني بتعرض لاحراج كتير بقعد اقول اي وعلي الجانب الاخر انا بسمع دبة النمل حرفيا لو عاوزه اسمعها بحس بعربيه بابا لما يوصل باخد باللي من الاصوات الصغيره لكن الواضح بحس اني ببذل مجهود انتو شايفين اي وحد كده ؟

بتعملو ايه علشان تكونو مبسوطين الواحد بقي بيزهق بسرعه وعنده تعفن دماغ بطريقه صعبه ومفيش اي حاجه بتبسطه بسهوله ولا عارف يركز لا في مزاكره ولا ينتظم في كورس او جيم الواحد وصل لمرحله انه بدا يزهق من الريلز 🤣 ومش هعرف اقلل من ماسكه الموبايل لان دي الي بتخليني مفكرش ودماغي تسحلني في مشاكلي بس في نفس الوقت مبكونش مبسوط برضو

فيه مشكلة يا جماعة اني اما بقعد مع الناس بحس نفسي مش عارف هما بيقولو ايه حرفيا يعني مش عارف المشكلة دي عندي من زمان حتى لو انا سامعهم مش بعرف هما بيقولو ايه واحيانا بحس نفسي مش مربط الكلام اللي بيتقال قدامي حد عنده نفس المشكلة؟ وعالجها

عندي مشكلة اني مبعرفش ابطل تفكير ابدا دماغي شغالة بشكل مستمر مبتوقفش مهما حصل وقليل اوي لما برتاح من التفكير او بقدر اركز في حاجة واستمتع بيها دايما دايما دايما بفكر وبحاول افسر حاجات حصلت قبل كدة

حاسه انى مخنوقه بشكل مش طبيعى مش عارفه اركز ومشتته جداا وعندى امتحانات ولازم اركز على مستقبلى اعمل اى انا كان فى حد فى حياتى وانا غلطت وحاولت اعتذر اكتر من مرة وهو مش قابل اعتذارى وانتهى المشوار ومحدش بقى بيتكلم بس برضو محدش قادر يعمل لتانى بلوك وبنراقب بعض طول الوقت بس هو بيثبتلى عن طريق الريبوستات واللايك انه خلاص مش فارقلوا احناا مع بعض فى كل حته مش قادره اتخطااه ولا قادرة اتقبل الواقع مش عارفه حياتى قبله كانت عامله ازاى حتى فى الجامعه موجود معايا

أنا بعاني من مشكلة بقالها سنين: ببدأ أي حاجة أكون متحمس جدًا يوم أو يومين، وبعدها بحس إني بطيء ومش قادر أكمل أكتر من 10–15 دقيقة. بسرح كتير، وأمسك الموبايل بدون سبب، وأقوم أتمشى أو أهرب من اللي بعمله. قبل أي ضغط أو مواعيد مهمة الموضوع بيزيد جدًا لدرجة إني بحس بتجمّد ومش قادر أبدأ أصلاً. ومزاجي بيتقلب وببقى عصبي وأبعد عن الناس بسهولة، مع إني فعلاً عايز أكون ملتزم وناجح. الموضوع ده مستمر معايا من سنين، ومش فاهم سببه. لو حد مر بحاجة شبه كده أو عنده تفسير أو حل عملي، ياريت يساعدني. أي نصيحة هتفرق جدًا 🙏

عندي مشكله ف مذاكره انا ٤ حقوق لغه كل ما احاول انظم دنيا و ابدأ اذاكر و استمر الاقي نفسي مكملش ١٥ د الاقي نفسي قايم متمشي او اكلم نفسي فخيالات اي حاجه ف ماضي طاقه كبيره اوي بدون سبب تنطيت فبيت ملو عصبي متحملش اي كلمه من اي حد و اقطع مع كل ناس مع اني بحب كليه و مذاكره طول ترم اذاكر و اتابع اول باول لحد ما ينزل جدول امتحانات كاني عليا عفريت او ملبوس مذاكرش كلمه او اذاكر اخر نص ساعه بالعافيه ليله امتحان موضوع ده معايا ف ثانويه عامه و اثر فيا بردو اول ما جدول نزل حالي باظ مع اني كنت وقتها من ٨ بادئ سالت اهلي معندهمش اي حاجه يقولوها لو حد عارف اي ده او اي حل ياريت يقولي

نحس في روحي وليت مهوووسة جدا بتلفون منقدرش نخدم مخي في حاجة ولا نفكر فيها با نستعمل Chatgptواذا حساب تاع حاجة calculatrice مهم 🙂💔 اي شي صغير حبيت نحبس هاد خدمة مي زعما كي مام نسيي هكا ونقول لا ومنا منعرفش

بقيت مش حاسس بحياتي ولا ب فرحه ولا سعاده ولا اي حاجة مش عارف في اي ومفيش عندي مشاعر ل اي حد حتي ابويا وامي مش عارف اعمل اي انا حاسس اني متكسر من جوايا جامد وعندي امتحنات ث ثانوي ومش عارف اذاكر خالص اي حاجة

يجماعه انا بجد حاسس اني متدمر ومزاجي وحش دايما نفسي ابقا سعيد ومرتاح البال نفسي احب الحياه يعني مثلا لو حد مات او عمل حادثه وانا معرفهوش حتى ليه احس اني مذنب او غلطان او ان انا الي كنت المفروض اكون مكانه دماغي مليان افكار سلبيه كتير اوي واي حاجه بتخليها سلبيه ومزاجي وحش وحاسس ان حياتي ناقصه بسبب بنت بعشقها حرفيا من ٥ سنين مش بحبها بس ،بس دا حب من طرف واحد هي مش بتحبني انا اعترفتلها كتير اوي وحاولت معاها وهي مش عايزاني معرفش ليه مع اني حلو من جوانب كتير وقدمتلها كتير اوي ومحدش يقولي نصايح من المعتاده بتاعت التخطي وحب واشغل نفسك او باقي النصايح الكتير دي عشان انا مهما عملت برضو بتفضل في دماغي ومش شايف اي بنت غيرها وحياتي من ساعتها بايظه وحاسس بحزن في اغلب يومي واني عايزها تكون جمبي ومش عارف اشتغل ولا اذاكر كويس خالص معرفش مثلا هل في دوا او حاجه طبيه بتقلل المشاعر او بتقتلها عشان اعرف اركز في حياتي وانساها انا عمري ما ارتبطت بحد اصلا حرفيا معلق نفسي بالبنت دي بس واصلا كاره كل البنات وكرهت مشاعري اوي اصلا مشاعري ومزاجي طاغيين على حياتي مش مخليني اركز ولا اشوف طريقي صح بجد لو حد عنده اي حاجه طبيه او دوا تنفع في كدا ياريت يقولي انا حتى بدأت اشرب سجاير من فتره عشان احاول انساها بس مع كل نفس سيجاره بفتكرها اصلا مش عارف اعمل ايه هي مش بتحبني ليه وانا ليه كل الحب دا في قلبي ليها ليه يعني ليييه بجد يحصل فيا كدا مش عارف 😢😢 حرفيا مشكلتي في دماغي وقلبي الي بيضاعفوا اي حزن مهما كان صغير

انا حاسه اني بغرق و محتاجه حد ينصحني لاني فجاه ولا بقيت بصلي ولا بقيت بخرج من البيت وانا تالته ثانوي و مبقتش افتح كتاب انا مش عارفه هل دا اكتأب ولا ايه بس الموضوع صعب عليا اوي لدرجه اني بأنب نفسي اني مش قادره انا محتاجه حل او نصيحه تفوقني

الحمدالله الواحد بقي واخد تصنيف عالمي ف تعفن الدماغ وبقي بينافس علي اقل مده تركيز عالميا وانه يعمل اي حاجه غير الوراه زي البوست ده كده ف لو اي حد عايز نصايح ازاي يظبط تركيزه زي كده انا ف الخدمه طبعا هروق عليكم

انا بقيت فاقده شغفي من كل حاجه حاسه اني استنزفت كل طاقتي علي ولا حاجه دايما نايمه حتي كليتي مش بروحها ولا فتحت كتاب مع العلم اني زي مبيقولو صحابي دحيحه الدفعه جيت الترم ده حاسه ان طاقتي كلها راحت علي ولا حاجه من اهلي ومن صحابي ومن كله والله معتش فيا حيل

انا زهقت من وجع الدماغ ومن اهلي كل واحد م همه غير نفسه ولما بفكر ف نفسي بطلع البنت العاق نفسي ابعد عنهم ابويا ودمر نفسيتي ببعده وخلاني اتعلق بأي حد واكلم مع اني همري ما فكرت اصلا ف ده وامي بتقولي كلام صعب عمرها ماقالتلي كلام يخليني اثق ف نفسي ودايما عايشه دور الضحيه وبتقلب الترابيزه وم بنحب تعترف بغلطها دايما شايفه اننا شبه ابونا وهما منفصلين فاكل واحد بيعاملنا كأنه بياخد حقه من التاني بقا يجيلي بانك اتاك واعصابي بتسيب مبقتش اذاكر ولا اركز ف دراستي زهقت فعلا دايما حاسه بتوتر تجاه اي حاجه

عندي مشكله في فرط التفكير في اي شئ حتي لو صغير واني لازم اجيب الحاجه لنهايتها وساعات بيوصل بيا الحال اني ممكن منامش لمجرد التفكير بس ومبحبش اخد ريسك خالص لازم اشوف ناس جربت السكه واعمل زيهم و ده مخليني اضيع من ايدي فرص كتير اه كله خير وبتاع ربنا بس الموضوع ده تاعبني جداً حقيقي وفي الفتره الاخيره بقي مأثر علي نفسيتي وشغلي كمان مخليني مش عارف اركز ولا اعمل اي حاجه

الاكتئاب بياكل يومي و تفاصيل حياتي بجد مش متشجعه انظم حاجه ولا اهتم بحاجه و محبطه و مخنوقه و مش عارفه انا عايزه اي او اي هيخليني احسن انا بس نفسي اعيش حتي حياه عاديه و اهم حاجه اخد بالي من نفسي واكمل بس مش عارفه بجد

انا في تالته ثانوي وانا شاطر واهلي عارفين كده وبذات اني قاعد 24 ساعه في اوضتي وهما فاكريني بذاكر بس الحقيقه اني مش عارف افتح كتاب حرفيا أقسم بالله كنت بادء السنه كويس جدًا وكنت بذاكر بس حاليا مش عارف افتح بس الكتاب كل حاجة تقيله على قلبي حتى الدروس حتى المدرسين نفسهم بقو يبصولي بصة اللي هوا انت اي وصلك ل كده بصه لوحدها بتقتلني حاسس بحاجه تقيله كاتمه على نفسي مخلياني مش عارف اتحرك