منذ يوميشعر بـ متعب
جماعه يريت لو حد ثانويه عامله من الدفعات الفاتت يرد أنا المفروض امتحاني انهارده و مروحتش علشان أنا يعتبر من شهر واحد مفتحتش كتاب فمروحتش انهارده و لحد انهارده الفجر أنا مكنتش اخد قرار اني اروح او لا و فعلا مش عارف أأجل ولا لا، و فعلا مش واثق انا هقدر اذاكر ولا هعمل ذي ما عملت اي سبب اني مكملتش مذاكره؟ أنا حقيقي معرفش أنا علمي رياضه وصلت اني بفكر احول ادبي، بصيت على اسمي الدروس، محسيتش الموضوع سهل ذي ما كنت فاكر شويه ابوس ايديكوا حد يدي نصيحه صح
حاول تروح الفرنساوى يوم ا لتلات حاول تمتحن الدين والووطنيه دور تاني السنادى بحيث لو هتاجل تكون خلصت منهم وكانوا كويسين متخفش لو عايز اى مجموع ذاكر ليالى الامتحان بتاعت المدرسين والله هتضبط الدنيا لو عايز مجموع كويس اجل بس شوف انت هتقدر تغير من الحاجات ال وقعتك السنادى ولا لا
بتمني ربنا يوجهك 🥲🥲
الدين ووطنيه عادي سهل مش حوار يعني م بيتعادلهم سنه
معنديش فكره أن حد ياجل سنه لو كان من الاول كان ممكن قسم المواد حتي وزاكر الي دخله بس دلوقت ليه تعيش سنه تاني توتر وزفت في لم مواد شرح بتكون ع يوتيوب الفيد كبير بس بيشرح وحل كتير وبين كل ماده وماده وقت كتير معرفش بس اعتقد ممكن تستغل ده حرام تعيد سنه تعب بس عموما شوف الاريحلك أن ف النهايه دي حياتك وقراراتك الخاصه الي هتكون مسؤول عليها بس عني لا منصحش
اجل وادخل السنة الجاية
هتضيع من عمرك سنه تانيه وتدخل ف دايره التوتر تاني!!!
انته بتضيع عمرك ومستقبلك وبعدين انهارده امتحان دين كنت تنزل تمشي الدنيا وتفكر من هنا ليوم ٢٨ بالعموم دلوقتي انته علمي رياضه وبتقول شهر مفتحتش كتاب طيب اكيد قبل كنت فاتح شوف نفسك وامكانياتك وحلك واصل لفين وعندها قرر بس قرار تأجيل حطه اسوا اسوا الاحتمالات ومتغيرش لادبي انته اصلا من كليات علمي رياضه تقدر تخش كليات ادبي (في منها) وبمجموع اقل
انت اي نسبة معرفتك. بالمواد واداءك في الامتحانات لو حليت قبل كده؟