في تريند جامد طالع الفتره دي اللي هو ان اغلب الناس بتقابل حب عمرها في 27 مش في ال18 و متوسط عمر الناس المستقره ماديا 40 مش 25 واغلب الناس اللي بتشتري بيت على 35 مش 25 الفكره والتريند دا حلو اوي لأن شايف ان المحتوى الحلو التحفيزي اخطر من المحتوى التافه لأنه بيزرع في عقلك انك لازم تكون ناجح دايما بدري لازم تكون رياضي لازم تكون معاك فلوس كتير وبدري لازم يكون معاك عربيه لازم تتجوز بدري فا اخنا مش بنقدر نعمل كدا في بنكتأب لأن مش لازم تكون ناجح في حاجه ما بتحبهاش لأن ده هيكلك من جوه بالبطيئ مش لازم تكون فورمه كفايه بس انك تجري كل يوم وخلاص وتحرك جسمك الجيم مش نجاح مش لازم تكون بتسابق حد خليك عادي انت كدا كدا عادي واقل من العادي بس خليك عادي في تفكيرك ومخيلتك مش لازم تكون اغنى واحد مش لازم كل حاجه بسرعه مش شرط تقرأ الفين كتاب يكفي كتابين بس تقراهم بمتعه خليك عادي ✌️