مقارنة

مقارنه دي اسوا حاجه البني ادم ممكن يعملها لنفسه لان المقارنه دي هي اللي بتخلي البني ادم مش واثق في نفسه تخلي البني ادم واقف في مكانه علشان مش عارف ياخد اي step علشان هو ديما بيقارن نفسه بالناس اللي حواليه فحاسس ان هو اقل منهم فمش هياخد step تخلي البني ادم ضعيف مش قادر ياخد قرارات تولد مشاعر زي الحقد والغيره اللي هي بيبقي اولها اشمعني انا واشمعني هما ولي انا هنا ولي هما اول حاجه لازم تحطها في دماغك ان مفيش بني ادم perfect الحاجه اللي تاكدت منها 100% ان كل الناس عندها lnsecurities مافيش حد واثق في نفسه 100% بس في نوعين من الناس ناس بيشوف الحياة من شباك ان هو مش واثق من نفسه وان هو طول الوقت بيقارن نفسه باللي حوالي وناس تانيه بتشوف اه انا عندي ال insecurity الفلانيه او انا مش واثق في نفسي في الحاجه الفلانيه بس عادي مش مشكله كلنا كدا وعادي مش مشكله مافيش حد perfect والحياة اوسع واكبر من ان انا اكون حاطه نفسي في dilemma او في مشكله ان انا شكلي مش عجبني طولي مش عجبني شعري مش عجبني وزني مش عجبني عندي حبوب لان الحياه اوسع واكبر من كدا بكتير واي بيكومنت علي الحاجات دي او لو حد مهتم من الناس اللي حواليك ان هو يكومنت علي الحاجات دي اعرف ان هو شخص فاضي من جوا حياته فارغه مافيهاش Experiences ف مش تقارن نفسك بالناس شوف رياضه بتحبها اقراء جرب تسافر لو دا متاح ليك عيش حياتك علشان كل واحد بيبقي في رحله فرديه كل واحد بيتعرض لي حاجات كل واحد عنده ظروفه وكل واحد لي شخصيته

الواحد حاسس بتقصير وتوهان رهيب وإن قدامه ١٠٠ سكة مشعارف يمشي في مين فيهم ودا ف حد ذاته معطله كنت بتكلم مع شات جي بي تي عن الحاجات اللي المفروض أعملها ف الأجازة وبتاع لقيته قال كمبة حاجات المفروض أكون عملتها الأجازات اللي فاتت وأكملها الاجازة دب وحاجات متاحة عادي مش مستحيلة ف حسسني قد ايه أنا مقصر وكأبني أكتر مع العلم كل اجازة منهم عملت خطوة بسيطة ودا محسسني إن الكل سابق وإني واقف لوحدي ف آخر الطريق وكله بيطور نفسه واللي بياخد وكورسات واللي شغال واللي بيطور نفسه واللي واللي واللي

ازيكم عاملين إيه ف حاجة شاغله دماغي مش عارفه ليه بس إحنا مادياً مش أحسن حاجه مؤخراً بقيت شايله هم الحوار ده إني الشخص إللي هيدخل حياتي لو شاف شقتنا أو كده هيعاملني ازاي أنا عارفه لو نظرته اتغيرت هو كده مش سوي بس بتكسف أوي من شقتنا مش عارفه هي سيئه فعلاً ولا أنا بقيت أقارن لدرجة بقى عندي هوس النضافه ومركزه ف كل تفصيله الموضوع تاعب نفسيتي بقيت شايله هم أخد صورة! ف البيت مش عارفه فاهميني أو لا

أعمل إيه لو حاسه إن أنا قبيحه جدا و دايما بحس كل البنات أحلى مني و بفضل أبص حواليا ع البنات و أحس قد إي هم أحلى حتى البنات اللي مش حلوه لما بتصور معاهم بيطلعو أحلى مني بجد أنا بكره شكلي جدا جدا و بكره نفسي و مش عايزه أتعامل مع ناس تاني

"بحس إني دايمًا محتاجة الحاجة اللي عند الشباب اللي بشوف دايمًا هما في على آخرهم خالص بسأل نفسي ليه مش عليا؟! أنا دي حاجة بتمناها من كل قلبي. الحليب دايمًا اللي بيقع على الأرض بيكون نصيبي يكون فيها."

لسه حد مكلمني و قالي لازم تيجي النهارده المحاضره مهمه جدا قولتلوا هحاول قالي لازم و دي الدفعات اللي قبلك نزلوا تدريب قولتله عادي مش سباق قالي اخدوا خبره و اما تنزلي بدري تاخدي خبرة و قالي كمان مش انتي كان كلك حماس تنزلي بس دي مش نفس الشخص اللي اعرفه اللي كان كله حماس ايه التغيير دا ايه اللي غيرك قولتله مش عارفه مكالمه بسيطه مكملتش الخمس دقايق بس بينتلي قد ايه انا اتغيرت و زعلتني كمان مش انا نفس الشخص اللي كان من سنتين او تلاته شاطر و بيحب الحياه و و بيرتب علي الدفعه و بيتمرن و بياخد بطولات و كان منشط عنده طاقه ايجابيه و كله حماس

التنمر مش مجرد هزار تقيل زي ما ناس كتير فاكرة. في ناس لحد النهاردة شايلة جواها كلام اتقالها من سنين… كلمة على الشكل، أو الصوت، أو طريقة الكلام، أو حتى الشخصية نفسها. المشكلة إن آثار التنمر أوقات بتفضل مع الإنسان سنين طويلة: ثقة مهزوزة، خوف من الناس، مقارنة مستمرة، إحساس إنك أقل أو مش كفاية. وفي ناس بتضحك قدام الكل وهي من جواها تعبانة بسبب حاجات عاشتها وهي صغيرة. يمكن كتير مننا عدى بتجارب شبه دي، ويمكن لحد دلوقتي لسه بيتعافى منها. فلو حد حابب يشارك أي موقف أو أي كلام جواه، حتى لو بسيط… أنا موجود أسمعك بدون حكم أو سخرية. يمكن الكلام ميغيرش الماضي، لكنه أوقات بيخفف الحمل شوية.

جيت انام دلوقتي ف لقيتني متضايق جدا، متضايق ليه بقا؟ عشان كلت كتير ف الاكل كابس على نَفَسِي، حسيت بلحظة حزن وكسفة كدة، اننا نبقى متضايقين عشان مش قادرين نتنفس من الاكل وفي ناس تانية مش لاقية اكل يومها، بيصحوا كل يوم وهما مش عارفين هيعرفوا ياكلوا انهاردة ويأكلوا عيالهم ولا لا، احنا تافهين اوي والله كام مرة كان معايا فلوس مش عارف اعمل بيها ايه قمت صرفتها في أي حاجة اشتري بيها دوبامين مؤقت، كنت أقدر افرح بيها حد محتاجها فعلا أقسم بالله احنا بمشاكلنا بالهبل بتاعنا دة كله تافهين اوي بجد قدام مشاكل الناس بجد حقارة والله

انا حلوه و اختى احلى بس كل الل اتعامل معانا حبني انا اكتر بس اللى بيشوفنا احنا الاتنين من بعيد هى احلى فى الشكل و دى حاجه انا معترفه بيها اصلا فـ واحد قريب ماما قاللى م عارفة كنتى تيجي حِلوه زى اختك بدل م انتى وحشه كد 💔

السلام عليكم 🌸. لما ببص حواليا، واشوف الناس، مين عمل ومين سوا ومين انجز، بحس اني بزعل. يعني مثلا، واحدة زميلتي في الدروس، حَكَم ف الهاندبول، وعندها انجازات وميداليات قد كده ما شاء الله ربنا يباركلها. اللي هو انا مش بحسدها والله، بس زعلانة اوي على نفسي؛ مأنجزتش حاجة، معنديش حاجة ماهرة فيها فعلا، حتى هواياتي مستوياتي فيها متدنية جدا لاني فاقدة الشغف فيها، حتى التنس اللي كنت بلعبه زمان وقفته. جسمي متدمر نفسيتي متدمرة، بقى عندي بوادر ارتجاع للمريء من نظام الاكل والنوم الزفت اللي متبعاهم، ده غير فقر الدم والانيميا ونقص الفيتامينات وشعري اللي حرفيا انتهى بعد ما كان حرير. طب صحاب؟ مفيش، اغلبهم طلعوا توكسيك ومهووسين يا بيا يا بتدمير حياتي، وحاجة آخر رعب تقريبا، والكويسين منهم قطعت علاقتي بيهم عشان مكانش عندي طاقة. طب والمذاكرة؟ آخر امجادي كانت تالتة اعدادي، من بعدها معدتش بفتح الكتب الا ليلة الامتحان. آه بجيب درجات عالية نسبيا وكل حاجة، في منتصف التسعينات مثلا، بس هل انا بذاكر؟ لأ، معتمدة على ذكائي بس، حتى امتحاناتي لخبطت ف مواعيدها السنة دي تلت او اربع مرات من قلة الاهتمام والله، بعد ما كنت بصحى نص الليل اعيط مفكرة اني ضيعت الامتحان، واقعد اراجع المنهج والله وانا نايمة من الرعب. مش عارفة امتى حالي تدنى كده، ومش باخد خطوة، انا ببص على اللي حواليا وزعلانة بس برضو ماسكة تلفوني وزي ما انا، ولا فيه اي تغيير. حياتي مش سيئة، بل ممتازة للأمانة، مستوى معيشي منصب اجتماعي تعليم فلوس جمال ذكاء قبول لبس سفريات، كل حاجة تقريبا عندي، بس بحس ان الحاجات دي مش بتبسطني، حاجات انا اتولدت بيها مأنجزتهاش، زي فكرة اني ذكية مثلا، بحسها عار عليا لان انا ذكائي ولا بهتم بيه ولا بنميه ولا انا حتى بستغله ف حاجة مفيدة.. فاا بس، مش عارفة والله اعمل ايه ومكتئبة بشكل غير طبيعي ومليش خلق حتى سريري ارتبه.

جماعه هو ليه الناس دايما بتختار أو بتتقدر بمقاييس معينه زي الجمال، الفلوس ، اللبس والمركات الحمد لله انا عندي كل ده بس ساعات بفكر اشمعنا انا فاهمين يعني ليه صاحبي اللي معندوش كل ده الناس مش بتقدرو ولا بتحبو لي لازم الشخص يكون نرجسي ومستقوي عشان الناس تعجب بيه حرفيا حاجه تحير وبحس نفسي اني شيلت زنب اصحابي أو الناس اللي مش مقتدره عامتا عشان انا مقتدره عنهم مع اني مليش دعوه بس بحس اللي هوا ليه هما مش زيي ي ريت حل المشكله دي علشان علي طول حاسه بالذنب تجاه نفسي فبطر اني اعمل حاجات متخلفهه بحاول انعزل عشان محدش يقارن نفسه بيا أو يحس بالغيره لأن كذا مره اتقالتلي انتي شخصيتك حلوه اوي ونفسنا نكون زيك بس للاسف بدل ما احس بالفخر أن الناس بتحبني وبتعتبرني قدوه بقيت اعمل الحاجات دي وللاسف بعض الناس فكرتني اني بتكبر عليهم عشان واخده جنب ( حرفيا اللي يشوفني ميقولش اني بفكر ف الحاجات المتخلفه ديي بس هنعمل اي😂 ) عاوزهه حل يجماعهههه

عندي مشكله فظيعهه وهي المقارنه دايما بقارن نفسي ب الناس مع أن انا الحمد لله حياتي كويسه جدا وكل حاجه بتمناها بتجيلي ده بجانب اني شخص كويس بس بيجيلي افكار اني بغير وبتاع وده سبب اني بكره الناس من غير سبب لاني شايفاهم احسن مني بمعني اصح بيتكبرو علياا عاوزه اقولكو أن حرفيا اول مره اعترف بده انا نفسي كنت بنكر الشعور ومحدش حتي يتخيل أني ممكن افكر بده لان اي الكل شايفني راضيه وناس كتير قالتلي اني بحب الخير للناس وده فعلا بس مش عارفه انا مالي الفتره دي!

السؤال لي ديما كيجي فبالي علاش ماشي أنا ، هي باش حسن مني مع اني مناقصني والو انسانة واعية لطيفة جميلة مربية اخلاقي عالية شنو زعما انا حسن منو بزاااف ولا مكيشوفنيش كأنثى كيشوفني كاختو و صافي مع انه ديما كيكولي انت مكانش بحالك نتي لي كتفهميني وخا هكاك تخطاني و مشا عند وحدة شاف صورتها فقط و عجباتو مع انه مكيهموش الشكل وا علاااااااش تفقصصت

السلام عليكم ورحمة الله وبركاته عاملين ايه انا بجد بجد من الناس اللي بتحب لأي حد الخير سواء حد اعرفه او لا السنة الجاية هبقى ثانوية عامة وهيبقى معايا في عيلتي كتيير بجد وكلهم قرابة درجة اولى ابن عمي بنت عمي كده يعني وفي قرابات تانية بعيدة يعني المهم اني اقسم بالله بتمنالهم الخير وعمري ما غرت من اي حد منهم بالعكس لو حد فيهم جاب درجة احسن مني في اي حاجه كنت دايما ببقى مبسوطة من قلبي بجد بس انا خايفة خايفة من السنة الجاية جدا اخواتي الاكبر مني ما شاء الله كلهم في كليات حلوة وكانوا جايبين مجاميع كويسة جدا الحمد لله عندي خوف من اني ابقى اقل من اي حد فيهم مش غيرة بجد على اد ما هو اني هبقى مضايقة من نفسي ان كلهم كويسين وانا اللي كمستوى اقل ماما وبابا بجد مش هيبقوا راضين عني حد فاهمني؟؟ حاسة ان محدش هيبقى فاهمني غير لو حد في نفس موقفي يعني بس بجد بجد بتمنالهم كلهم الخير وعمري ما اكره انهم يبقوا في مكان احسن مني بجد

التنمر مش مجرد هزار تقيل زي ما ناس كتير فاكرة. في ناس لحد النهاردة شايلة جواها كلام اتقالها من سنين… كلمة على الشكل، أو الصوت، أو طريقة الكلام، أو حتى الشخصية نفسها. المشكلة إن آثار التنمر أوقات بتفضل مع الإنسان سنين طويلة: ثقة مهزوزة، خوف من الناس، مقارنة مستمرة، إحساس إنك أقل أو مش كفاية. وفي ناس بتضحك قدام الكل وهي من جواها تعبانة بسبب حاجات عاشتها وهي صغيرة. يمكن كتير مننا عدى بتجارب شبه دي، ويمكن لحد دلوقتي لسه بيتعافى منها. فلو حد حابب يشارك أي موقف أو أي كلام جواه، حتى لو بسيط… أنا موجود أسمعك بدون حكم أو سخرية. يمكن الكلام ميغيرش الماضي، لكنه أوقات بيخفف الحمل شوية

انا اتعرفت على حد. من شهرين ومش من هنا المهم العلاقة إلى بينا صحوبيه بحت بس هي امبارح فى وسط ما احنا بنهرج قالتى انا خايف نكمل مش حابة اتعلق بحد و يمشي و بتحطتنى فى مقارنة مع ناس توكسيك أو نرجسين مش فاهم

مش عارفه ليه كل ما أنزل حاجه البرنامج ميخليش أن حد يعلقلي يارب المره دي م يعمل كدا تاني أنا بجد حاسه بطاقه سلبيه اوي حاسه اني مش جميله وكل اللي حواليا حلوين شكلا وجسمهم حتي الأصغر منييييي

اكتر حاجه مبحبهاش او بخاف منها بمعنى اصح لما بكون بتكلم مع حد اكبر مني ف حاجه فيقولي فجأه "كنا بنقول كده برضو زيك" اللي هو بصي يعني حالي دلوقتي و كده عامل ازاي انتي كلامك اهبببببل و عبيططططط يعني مش هيحصل غصصصصب عنهم.. فببقى عايزه اقولها لا مهو انا مش هعمل زيك😭😂.. و بيخلوني اخد الموضوع بدل ما هو مجرد افكار لتحدي بيني و بين نفسي و اقعد مع نفسي بعدها اعيد حساباتي هل فعلا هكون زيها و لا لا انا رايحه اذاكر

ببص لحاجات كانت بتحصل السنة اللي فاتت نفس التوقيت وبحس ان الدنيا مظلمة دلوقتي، دايما لما بقارن أي حاجة دلوقتي شبهها في الماضي بفضل الماضي رغم ان ممكن يكون دلوقتي أحسن، معرفش انا متشائم وشايف كل اللي جاي هيبقى قرف على دماغي ولا ايه بس فعلا انا شايف اني في فترة لازم استغلها عشان اللي جاي كله سواد ودة بينطبق على العشر سنين الجاية مش بكرة بس في نفس الوقت مش عارف مش مستني نصيحة بصراحة مش عايز إجابة بس الكتابة اوبشن جامد🤙

جماعه انا اكتشفت ان صاحبة عمري بتغير مني وبتكره ليا الخير الغريب ان حياتها مرفهه عن حياتي اهلها مهتمين بيها زيادة ربنا يخليهم لهايا رب وكل اللي نفسها فيه اوامر ودا شيئ حلو جداً طب ليه بنت حياتها كدا تغير مني انا ونا مش بحسد والله ربنا يزيدلها ويبارك لها بس انا يمكن اقل منها مادياً بكتير حياتي فيها صعوبات ومش مرفهه خالص انا شايلة بيت لوحدي ومامتي سايباني انا شوفت ايام كتير في حياتي صعبه وهي اكتر واحدة عارفه دا ليه لما تعرف خبر حلو حصلي تتجاهلني ووشها ينقلب وحرفيا متعرفش تبين فرحتها مقارنتها بيا بتبان في اقل الكلمات زي انها تقولي انتي ليه دايماً عايزه تحسسيني انني قليلة عشان كنا بنراجع امتحان ونا كنت حليت كويس وهي مش واثقه مع انها بردو متفوقه عني بكتير ودلما طلعت الأولي بجد كنت فرحانة بجد وهي زي ما يكون مش مصدقه اني فرحانه ليها عمري ما تجاهلت ليها انجاز ولا استكترت عليها نعمة وهي مع انها عارفه حياتي والصعوبات اللي مازلت بمر بيها من صغري ما شفتش راحة وبتستكتر عليا اي فرحه وتفسدهالي بطريقتها.

عاملين يارب يارب تكونوا بخير انا عايزة أقول حاجه انا ديما بقارن نفسى بالناس المحيطة بيا فى كل حاجه وبقول ليه انا مش كدا ليه مجبتش القدير الفلانى انا ناقصنى اى وليه ما مهما ذكرت نفس النتيجة انا مستوية حتى طول سنين الدراسية 19/20 27/30 48/50 الدرجات دى ديما مفيش مرة احاول اوصل لتقفيل حتى فى الجامعة تقديرى نفس الامر لا جيد جدا ولا جيد جيد مرتفع بذاكر مهما اذاكر بقول يمكن بذاكر غلط مفيش حتى الشكل بحس انى مش حلوة مهما اشتريت كريمات غسولات اهتميت برضوا مفيش النتيجة انا حسه انى مريضة كمال بس بقول مادام حد عمل الحاجه دى انا ليه لا ويمكن ارجع اقول دى قدراتى اتقبلها بس حقيقى مش متقبلة اى شىء لا أنا ولا شكلى ودراستى والناس المحيطة ولا حد اى الحل بجد انا بقعد كل يوم اقعد اعيط ومش عارفة افكر بطريقة صح او حتى اكون انسان عادى يستمتع بكل لاحظة وخلاص

فضفضه كم مره قولنا هنبدأ مزاكره من أول بكره ومبدأناش ولا عملنا حاجه كلها كلام تريح بيه نفسك وضميرك عشان تتمرقع براحتك وفي الآخر كلو بيجي عليك ايام الامتحانات وها أنا الآن المفروض ازاكر منهج كامل في يومين مثلاً المشكله مش هنا أبدا أنا ممكن اجيب امتياز عادي المشكله اني مش هبقى فاهم زي الي جاب امتياز وهوا فاهم مش حافظ ملحوظه أنا مستوايا مش وحش وأنا فاهم الحمد لله وبزاكر بس دايما ببص للي احسن مني واحس اني قليل

ساعات كتير اوي لما ببص لصحابي الاهاليهم بيسمحو ليهم يحطو حرفيا full makeup وهم خارجين ويبنوا شعرهم وعادي وبيصاحبوا ويرطبتوا عادي لما ببصلهم بحس انهم في الظاهر مرفهين ومقابل الرفهيه دي كلها ربنا سلب منهم حاجات كتير وان دي ذنوب بتأثر علي قلب وحياه الواحد بقول الحمدلله ان ربنا حرفيا رزقني هم بيحلموا بيها زي حاجات كتيره بجد حرفيا انا بالنسبه ليهم في الجنة الحمدلله

فضفضه عندي مشروع تخرج والمفروض بنجهز حاجات ليه صحابي جابوا كل حاجة نفسهم فيها أنا يدوب عرفت اجيب الأساسيات زعلانه أوي مش عارفه أبسط نفسي وديه آخر سنه مش ببص لغيري والله بس كان نفسي افرح نفسي أنا كل حاجة مفروض تتعمل بفضل أفكر فيها أصلا + عايزه اكافئ نفسي بحاجه مش عارفه اعمل كده مش عارفه ليه الحياه صعبه ممكن الواحد ف يوم من الأيام يوصل كنت ماشيه مع واحده من دفعتي انهارده واتكلمنا عن التقدير لقيتها زعلانه و جايبه امتياز أنا جيد جدا وزعلانه أوي إني استسلمت لظروف الحياه مع إني ف أول 3 سنين كنت ماشيه حلو بس ما عرفتش اكمل نص الكلام مالهوش لازمه بس محتاجه يطلع

عندي وحده صحبتي اجتماعية جدا و الناس بتحبها و بتحب قعدتها و انا بحبها بس بحس اني بزعل شويه لما حد يمدحها قدامي ممكن عشان هي فيها حاجه مش فيا فهو ده اللي مخليني بتضايق بس هي فعلا بيئتها و عيلتها و حياتها مخلياها شخصيه اجتماعيه و بتتعرف على اي حد بسهوله في حين ان انا بحس نفسي مبخليش حد يقرب مني بسهولة حتى وانا مش قصدي و لما بكون انا عايزه اتعرف ع حد جديد الموضوع بيكون صعب اوي.. و مش عايزه شعور الزعل من ان حد يمدحها قدامي ده يكون فيا ولا عايزه احقد ولا احسد بس مجرد بسأل نفسي هو ليه مش انا

ايه اللى اقدر اقوله او اعمله بحيث اخلي مشاعري تجاه اى حاجة تهدا و ماتبقاش مرعوبة من اى جديد زي ماهي مرعوبة حالياً كدة ازاي ابطل كل ما احس بربع مشاعر كويسة كوييييسة مش حلوة حتى و الله لا كويسة عادي جدا يحصل ايه بقا تقلب فى مخي كل اللى فات و تفرشه كدة قدام عيني و كأنها بتقولي بصي كدة و شوفي بعينك و قارنى .. هتلاقي زمان كنتى مبسوط اكتر ازاى هاه و بعد فرحتك دي اتدشملتي ازاي ؟! و رجعتي بخيبة امل و اتخذلتي خذلان معلم فيكي لحد اللحظة دي 🙂💔 و دلوقتى هتبدأي اهوه تبتسمي ابتسامة بداية 🙂لحاجة او حاجات غلط تبسطك و نهايتها هلاك بقا المرة دي مش كسر بس تؤتؤتؤ لا هلاك خالص بقا 🫩 ده غير ان انتي اصلا عارفة كويس ان الحاجات اللى مبسوطة بيها دي حتى انبساط خفيف عبيط زيك هى فى الآخر ماتنفعش 🙂🤷🏻‍♀️ و مافيش اى نسبة امل و لو بسيطة انها تنفع تكون ليكي ف ليه من الاول اصلا تفرحي بحاجة غلط مابنتعلمش بقا ولا ايه 🙂 ف عاوزة تفرحي ليه شوية عشان ترجعى تنتكسي تانى و المرة دى بقا بموتة صح مش بمجرد كسر كام سنة 🤦🏻‍♀️💔

هوا عادي الواحد يبقا داخل عال٣٠ خلاص و محققش اي شيئ في حياته هل في امل؟ وغير كده كل الي حواليه بيتقدمو في حياتهم و انا واقف مكاني بالعلم اني مريت بفتره اكتئاب غبي الصراحه خمس سنين تقريبا بسببها طول الخمس سنين قبل ما انام كنت بفضل اقول حسبي الله ونعم الوكيل و من فتره لقتها رجعت كلمتني و بتقولي انها اتجوزت و في مشاكل كبيره مع جوزها و حجات و كل الي برد بيه ربنا يكتبلك الي فيه الخير و العلم انا رجعت اكلمها عشان اعمل تست لقلبي بس الحمد الله مطلعش شغال

انا بنت معديه ٣٠ و معروف عني وسط صحابي اني حد كويس و جميل وروحي حلوة و انا في مجالي شاطرة طول عمري مش بيفرق معايا اني ابقى سنجل او لا لان حياتي هى شغلي بس مؤخرا بقيت بتضايق من حاجه اوي و هى ان ممكن الناس ترشح حد قدامي إنهم عايزين مثلا فلانه لحد من قرايبهم أو فلانه لزميل ليها ...الخ بالرغم اني ببقى قريبه من الناس دي و لما يجوا يقولوا قدامي .. الاول مكنتش بتأثر بس دلوقتي بقيت احس اني مش مقياس بنت جميله زي ما بيقولوا و بيضايقني أنهم عارفين اني مرتبطتش قبل كده و يتفقوا معايا مثلا انا شايفه فلانه كويسه لفلان و أنهم مثلا انا شايفه إننا نشوف فلانه دي ولا فلانه دي احسن لكذا يعني مش بس حد واحد بيرشحوه .. يعني عمري ما كنت اختيار من اختياراتهم للبنات في الارتباط قبل كده .. انا عارفه إن نصيبي لسه مجاش و بميعاد بس طريقتهم بتضايقني اوي الايام دي الاول كنت متقبلاها لكن دلوقتي بقيت بحس انها بتقلل مني و اني حاسه ان ثقتي بتتهز كبنت في الموضوع ده و اني مش حلوة زي ما بيقولوا

بكره شكلي وشي وكل حاجه فيا ومعندش ثقه ف نفسي بسبب الي اذوني بردو ده غير لما افتح انستا اشوف بنات الي اصغر مني وشكلهم حلو وبعرفوا يحطوا مكيب مش بيلاقي نفسي عارفه اعمل كدا لاني شايفه دايما شكلي وحش ومش هينفع لاني كبرت لاني عندي 29 سنه يعني شايفه نفسي مش هبقا حلوه زيهم حاولت اثق ف نفسي حاولت البس زيهم طلعت شكلي وحش بردو لحد ما كرهت نفسي وشكلي اكتر وبقيت انزل اجيب اي حاجه بلبس واحد والبس نضاره ومبقتش البس لنسيز بتاعي ولا احط مكيب لحد ما تحت عيني اسود حتي مش عاوزه اخفيه بقيت شايفه لما امشي ف شارع كدا احسن انا مش حلوه زيهم بقيت مش بخرج ولا بروح ف حته لأن معندش صحاب حتي مبقتش احب خروج علشان شكلي مش هيبقا حلو زيهم كل ده بسبب ناس ف حياتي كانو بيقولي ليا غيري من نفسك وشكلك شويه شكلك مش حلو حاولي تخلي نفسك احلي شكرا ليه والله الي قالي كدا كرهني ف نفسي وشكلي وكل حاجه بقيت ولا حاجه 💔💔

المشكلة مش فى تخطيه .. قد ما اني بقيت اخاف اتطمن لاى حد اصلا فكرة ان( حد ممكن يقدملي الامان) بقيت بترعبني 💔🥲 .. رغم اني اصلا محتاجة اتطمن فعلا بس خايفة اتطمن و هوب اتخذل تاني ف مخي قرر انه لا خلينا خايفين و خلاص اسلم يعني بدل المرمطة دي و نتطمن و نتخذل و نرجع نجرب و نتخذل و هكذا 😅💔 ده غير ان وجود اى شخص بيخلى مخي كمان بيقارن باللى فات طيب افرض طلع زيه و خذلني افرض عمل زيه لا اصل هو كان بيعمل كذا و الشخص الجديد لا اصل كان بيحب كذا و الشخص اللى بيحاول حاليا لا كان عارفني اكتر الشخص الجديد لا كان بيفهمني اكتر الشخص الجديد اكيد لأ كان فيه نقط كتيييير اوي تقول اننا هننجح و مانجحناش .. فما بالك بشخص جديد مافيش اى اتفاق بينا لاننا مانعرفش بعض اصلا و حتى بعد معرفة بناس كتير بلاقي اختلافات رهيبة تقول لا مش هينفع ف برجع لنفس النقطة تاااااني انه الاكس كان مناسب اكتر منهم كلهم و كان فيه توافق اكتر على مستويات كتير و برضو الموضوع باظ ما بالك بماافييشش إتفاق من اساسه هتكمل ازاي اكيد هتبوظ ف بهرب قبل ما اى حاجة تحصل و برفض اى ارتباط ! مش عارفه آخرها ايه بس اتمني حقيقي يظهر حد مناسب هين لين لا اشقى في صحبته ابدا و يعوضنا ربنا خير 🥺🙏🏻

اكتر حاجه بايخه و بكرهها لما يكون اليوم ماشي كويس و فاكره اني بقيت كويسه فتحصل حاجه في آخر اليوم بتهد كل اللي بنيته زي مثلا شفت وحده عملت حاجه احسن مني شفت نفسي تافهة قدام حد معين كلمة غلط قلتها بتخليني احس اني عماله اوهم نفسي اني بتحسن و بطور من نفسي بس فالحقيقه لا و شخصيتي مش هتتغير و هتفضل كده شعور وحش اوي

راح نقدم على مقابلة عمل لكن الخوف مانعني من الاستعداد و مخليني نشوف روحي أقل و صعيب نوصل و خايفة نهار المقابلة نبقا نقارن روحي بالبنات لخرين و ندخل في بعضايا و بعيد الشر إذا ما تقبلتش خايفة نكتأب و نشوف روحي فاشلة.

هو أنا قربت أموت ولا ايه يا جماعه 😅😅 بيقولوا اللي بيموت قبلها بيقعد يراجع حياته من أولها لأخرها وأنا عمال شريط ذكريات يعدي عليا وحاسة اني عيشت كتير أوي ومشاهد بقى كدة كأني شايفاها بجد .. هو فيه ايه 🙈🙈 وبعدين قعدت أشوف صوري وأنا صغيرة وأقارنها بيا دلوقتي واجمعهم جنب بعض أنا بتجنن ولا ايه 😅 عامة تمام يعني لو مت بس اترحموا عليا بالله عليكم 🤍🤍

هاي ، اتمنى انكم بخير ، كيف تتعاملون مع القلق و الضغط في الدراسة و التاخر الكبير و خاصة الخوف لان عندك تجربة فاشلة من قبل ، و التفكير الزائد في الفشل مرة أخرى و المقارنة بالآخرين كل مرة تحاول التركيز ...يعنى عندي شهر اريد اني اوصل و خايفة منوصلش و اتعرض لصدمة أخرى ( شهر يمكن يكون ليس كافي لكن لا اريد ان ابقى بدون أن ادرس على الأقل إذا فشلت لن احس بتأنيب ضمير و ....)

عارف لما تبقى في حاجة معينة انت متفوق اوي فيها ومُتقدم وحتى كل اللي حواليك في البيئة دي بالذات بيشهدولك بكدة وانك مُميز فيها، فجأة بتلاقي نفسك انتكست ووقفت وكل اللي حواليك سبقوك وانت واقف بتتفرج مكانك وقتها مخك بيدخل في حالة استفهام بيكون مش عارف يفسر الوضع أو يدي أسباب، ف يقوم واخدك لحتة تانية يوريك فيها قد ايه انت زفت في كل حاجة في حياتك ف يقوم موصلك لمرحلة انك تكره نفسك تقوم موقف كل حاجة وترجع تاني لنفس الدايرة بس اللي يزعل بجد التقدم اللي انت كنت عامله في حاجات كتير وفجأة كل دة يقف

المقارنة هي "الفخ" اللي بنقع فيه لما بنبص على حياة غيرنا من بره، وننسى إننا بنشوف مجرد لقطة متلمعة، مش الحقيقة كاملة. المشكلة إنك بتقارن "تعثّرك" بنجاح غيرك، وده بيخليك تحس إنك قليل، رغم إن ظروفكم والفرص اللي جاتلكم مختلفة تماماً. انشغالك بسباق غيرك مش هيخليك تسبق، ده بس هيستنزف طاقتك ويعطلك عن استغلال مميزاتك اللي مش عند حد غيرك. ركّز في "ورقتك" هتنجح بشروطك أنت.

هل المشكلة ممكن تتحل بالتجاهل؟ زي مثلا مشاكل الشخصيه و التعامل مع الناس و الرهاب و المقارنه و كده بتتعبني و بتاخد مساحة كبيرة من تفكيري و بتشغلني عن حاجات تاني كتير فهل لو اتعايشت عادي و اشغلت نفسي المشكلة هتتحل؟ عشان حاسه اني مدياها اكبر من حجمها بس هي فعلا مستنزفه كل طاقتي و يكاد اغلب مشاكلي هنا عالبرنامج حوالين الحوار ده

احس ان الكل عندو شي يتقنو او جيد فيه ، جسم او شعر او وجه حلو ، عندو موهبة في الرياضة او الرسم او اشياء زي كذا ، او مستواه الدراسي حلو على الأقل ، او غني، او علاقاتو حلوة ، او عندو شخصية حلوة ، سواء واثقة او اجتماعية، و الأشياء لي زي كذا ، بس انا ما عندي ولا شي من هذو الأشياء ، و لما احاول احسنهم اتعب لأني احاول احسنهم كلهم مع بعض ، و تجيني كذا زي حالات استسلام مؤقتة بعدين بعيد المحاولة

فضفضه قبل النوم تجيب اجل دماغك ع تعرف تنام وتحلم بكوابيس كويس عارفين لما يكون الشخص فاكر انوا محبوب من اهلوا او وهوا بيتربي كان فاكر ان دا الحب والتربيه الصح... وهنا بقي تيجي الصدمه لما تلاقي حد من اخواتك بيتعامل بشكل مختلف اللي هوا الله اي الحب دا.. طلعت التربيه ف وجود الحب حاجه جميله وتحسهم كدا مهتمين بيك وبمشاعرك حتي لو بيشدوا عليك او بطبيعتهم م عارفين يشدوا عليك ع هما بيحبوك.. شعور تحفه كان نفسي اكون فيه م بتفرج عليه من بعيد واقارن

كنت بحب شاب ايام المراهقه المهم اني انا اللي بادرت ب اني اسيبو ع تعبت من العلاقه الحرام دي وكمان ع كنت حاسه اني انت بس اللي ببادر حاليا عندي٢٤ سنه ومش عارفه احب حد ومش قابله حد فحياتي ولسه عقلي بيختاروا لما بعمل مقارنه بينوا وبين اللي بيتقدمولي للخطبه. احل المشكله دي ازاي

افرح عالحاجه اللي كان نفسي فيها وعملتها ولا ازعل من ان دوام الحال من المحال ، اعيش حياتي واكون مبسوط وراضي باللي انا فيه ولا ازعل من ان اي حاجه فالدنيا ممكن تضيع عادي ف وقت اقصر بكتير من الوقت اللي انت خدته عشان تبني الحاجه ده ، اركز علي نفسي وحياتي ومبصش لغيري ، ولا اشوف غيري بيعمل اي ومخليه ناجح ومبسوط ف حياته اكتر مني ، احلم واطمح لحاجات افضل ولا معملش كدا عشان لو معرفتش احقق حاجه من احلامي ، اهرب علي فين…

المفروض كنت داخله الكليه بشغف واني بحب المحتوي بتاعها فجأه مش حاسه اني اقل منها واني. مش كفايه اصحابي واحده صاحبتها ف أولي كانت كويسه وبعدين اختفت احنا دي تالت سنه مع بعض وكل مره انا اللي بسال بس خلاص مش هسأل حسيت نفسي تقيله أو بعطلها أو ايا كان السبب مش مهم المفروض كنت فتريننج ورجعت مره 9pm فمامتي اتضايقت ومن بعدها مروحتش هو اللي اتعلمته سكيلز و محتوي علمي شويه كان في تغيير فيا دلوقتي انا مش فاي اكتفتي وكمان منزلتش تدريب فالصيف وصحابي نزلوا ، حاسه اني متاخره وبعيده جدا جدا عن اللي فسني أو حتي اصغر اعتقد انا المشكله

انا حاسة ان حياتي كلها غلط من اولها لآخرها انا ثانوية عامة و مش بذاكر ولا بفتح كتاب انت لو بتجيلي الامتحانات لحد عندي مش هبقى كده و يا ريب رايقه ده بتأنيب ضمير… متقطعه في الصلاه او زي منقول كده مش بصلي اصلا اتوب يومين اعصي شهر مش بعرف اذاكر دقيقتين على بعض عندي ADHD و تركيزي اقل من الصفر و المشكلة اهلي ميعرفوش ده ايه و قلت لهم هيقولوا ده اكيد من الموبايل ال هو انتو فاهمين دماغهم … انا مفيش حاجة صح بعملها لا باكل كويس ولا بنام كويس ولا بذاكر اصلا ولا بصلي و قريبة من ربنا و لا عندي هدف عايزه احققه و زيد كمان ان من بعد الفصل الأول و انا مش عارفه اركز اكتر بسبب النتيجة الهباب ال جبتها (٩٠٪؜) و المفروض ان ده الفصل ال اعوض فيه عشان ارفع النسبه بروح المدرسه مش بهدف اني اخد معلومه لا، بهدف ان دي حاجة مجبره اعملها و خلاص و ماما مش بتعمل اي حاجة غير انها تقارن و بس شوفي دي و بصي لدي انا مش فاهمه حاجة و مش عارفه حاجة … بجد تايهه اوي😭😭😭😭😭😭

انا شاب عمرى 20 سنه وانا طفل كنت بحس دايما انى مميز وذكى بس لما كبرت شويه الموضوع اتغير بقيت بحس دايما انى قليل وان كله احسن منى لدرجه ان لما حد بيمدحنى بحس ان انه بيتريق عليا او بيستهزا بيا بدخل نفسى ف مقارنه مع كله لدرجه بمشى فى الشارع بقارن نفسى مع كل الناس سواء اعرفها او لا

السلام عليكم ، حابه اخد نصيحة كيف تتعامل مع الم العائلة دائما تحسهم يقارنوك ويفضلون غيرك عليك ، وبسبب اني الاخت الصغيرة احس اني مهمشه في العائلة وان قرارات حياتك يتحكمو فيها اخواتك لكبار ، وكل ماادخل للبيت احس بالقهر .

هو طبيعي أن أمي متقوليش اي كلمه حلوه ابدا في حياتي مع انها بتقول لأخواتي يعني مثلا انا ابقي لابسه فستان وكل الناس تقولي حلو وهي تقولي مش حلو عليكي حتي من غير ما اطلب رأيها حاسه أن قلبي واجعني اوي والله

هي صح الطفلة ليق تتعلم كيفاش طيب وشغل الدار وانا نعرف شوية ماشي مانعرفش بصح خصني نزيد نتعلم كيفاش نطيب ومنا بصح ندير شغل الدار باينة ونعاون بصح ماما مايعجبهاش العجب وظلي تعايرني بالكوزينة والطياب هي ويزيد عليها بابا كي شغل النصيحة تاعها تجي على شكل معتبرة ومقارنة بالاخرين و هاذي الحاجة لي تخليني نكره باش نتعلم مانيش نديرها كعذر لاني نعترف بلي خطرات نعجز على الكوزينة وباش نتعلم بصح صيغتهم في طلب الامر ونصحي كانهم يقولوك نتي خدامة والمراة يليق تكون غي في الكوزينة خصوصا من جيهة بابا مانيش عارفة اذا الغلط مني ولا منهم هي علابالي راني غالطة في امور ومقصرة في صوالح بزاف بصح راكم عارفين هذاك الاحساس مانيش عارفة كيفاش نشرحو

لما بقارن بيني وبين نفسي زمان اللي هو من سنتين تلاتة كدة بعرف قد ايه الاكتئاب ده خلاني مطفية انا قبل كدة كنت لما الاقي نفسي متضايقة اقوم اوضب حاجة في البيت اخرج اتمشى اعمل كيك اي حاجة تخرج طاقتي ايا كان بقى ده كان بينجح ولا لا بس على الاقل كنت بعمل حاجة دلوقتي انا مش قادرة حتى افكر اعمل ايه كأن فيه حاجة تقيلة ماسكاني ومش قادرة اتحرك مش عارفة انا بكتب ليه .. أنا فعلا ماكنتش عاوزة اكتب تاني بس أهو بطلع اللي جوايا ويمكن شوية وامسحه بردو

عارفين فلم اكس لارج لما دينا وقفت جمبو وحسستو ب اهتمام وحب وكان حرفيا بيعمل كل حاجة عشنها يعني هوا عمل كل حاجة حلوة وكان عيبو الوحيد فشكلو انما دينا كان اه شكلها حلو بس بتتعصب بسرعه وفيها عيوب تاني هوا حبها وخبا عليها عشان مكسوف من عيبو ولما حس انها حبتو وصرحها كسرت بخطرو ولما اتغير فل الاخر عمل نفسو ميعرفهاش عشان هي عاوزه حد منغير عيوب هنا بتكلم علي حاجة وهي ان الكل في عيوب لاكن محدش بيشوف عيوبو

انا مش عارفه ليه ماما دايما مهتمه بالدرجات بتاعتي اكتر مني اول ما اخلص اي امتحان بتسأل عليه بس لما صحابي يكلموا مامتهم مامتهم بتألهم عاملين ايه و بعد كده تشوف الامتحان و لما انقص درجه تقعد تقولي لو كنتي ركزتي شويه لاكن انا عملت اللي عليا و تقعد تقولي شوفي صحابك جايين كام المشكله ان انا بحل ب مجهودي لاكن هما بيغشوا من بعض انا مفسي ماما تهتم بيا بس شويه حتي لو شويه صغار المهم انها بتهتم اصلا

انا مقتنعه جدا جدا ي اصدقائي أن محدش بيحب حد احسن منه حتي لو اخوك او اختك اللي من دمك (اقرب الناس ليك) ؟؟؟🥲💔 دا السؤال اللي كنت بسأله لما كان اي حد يقولي كدا بس اكتشفت مؤخرا للاسف أنه ايوه محدش بيحب ولا عايزه حد احسن أو افضل منه عندي اخت اكبر من ب ١٠ سنين هي اللي مربياني الحقيقه، اتزوجت وانا لسه ف اولي ابتدائي كنت طلفه لسه بتتعرف علي الحياه معرفش يعني ايه يكون عندي اخت وسري يكون معاها ونكون اصدقاء علاقه كدا اكيد اللي مجربها هيفهمها. لكن انا عمري ما حسيت أنها قلبها عليا عمرها ما نتصحتني ، عمرها ما خدتني ف حضنهااا لما دخلت الثانويه العامه كانت بتقول عليا مش هنفع عمرها ما شجعتني علي دا لما كنت بروح اتكلم معاها في حاجه مزعلاني كنت بشوف في عينيها نظرة الشماته فيا تسمع وماتردش قد ايه كان نفسي لما اخلص كلام اترمي ف حضنها واعيط مش عايزه اسمع حلول أو اي كلام من اي نوع كنت بس محتاجه أن حد يفهمني ارقامنا عند.بعض عمرها ما لقيتها بتتصل بيا تطمن عليا لازم انا اللي ابدأ وانا اللي اسأل مين ي جماعه اللي المفروض يسأل ع التاني الكبير يسأل علي الصغير ولا العكس دايما بتقارن نفسها بيا مثلا تقولي وانا ف سنك دا كنت بعمل وبعمل انتي دلوقت بتعملي ايه يعني دايما بتقلل من زعلي وبتفه من مشاعري وبتسخر مني وكل الكلام دا ميعبرش عن واحد ف الميه عن الشعور اللي بحسه من كلامها لان مش كل حاجه ممكن يوصفها الكلام دعواتكم ليا..

تعبت من احساس انى بستمد قيمتى لنفسي من مذاكرتى او انجازاتى بقيت حايه انى totally انسانه فاشلة ومش عارفه احقق حاجه حرفيا حياتى كلها بحلم بحاجات واسعى ليها ومبتجيليش نهائى وناس اقل منى ومبيبذلوش ربع مجمودى بيجيلهم

انا مش قادر احب نفسي بكرهني شكلا و موضوعا بكره اني بني ادم ضعيف و اي حاجه بتأثر فيا و بحس كتير اني مثير للشفقه لأني مبعرفش اكتم مشاعري ببص دائما علي الناس اللي حواليا و بحس قد ايه هو أقوياء ف تعاملهم مع الضغط النفسي و مش بيسمحوا أنه يأثر علي حياتهم و بعدين ارجع أبص لنفسي و اكرهني اكتر لاني ضعيف و مش عارف اعمل زيهم

عندي مشكلة كبيرة اني بكون واثقة من نفسي وشكلي واهدافي لغايت ما الاقي حد شكله احلي واثق من نفسه اكتر محقق اهداف اجمل وهكذا وبقيت احس اني مش عارفة انا عايزة ايه وبمشي مع التيار وخلاص لو لاقيت ناس متجوزة ومبسوطة اقول عايزة اتجوز لو لاقيت ناس ناجحة ف مجال معين اقول هو ده اللي لازم اشتغل فيه لو لاقيت حد له مبادي معينة اقول هي دي الصح وهمذا ف دوامة لا تنتهي وتعبت جامد جدا من نفسي مع العلم انا ذات نفسي عارفة انا عايزة ايه من الحياة ومحدداه كويس اوي بس للاسف برضوا بمشي مع التيار

السلام عليكم هو انا محتاج رائيكم في حاجه انا شغال مدرس دي ثاني سنه بحس ان النجاح بعيد واني هتعب عقبال ما اتشعر ويبقي عندي طلبة كتيررر سعات بقارن نفسي بالي حوليا بحس اني متاخر قووووي واني عمري ما هوصل ده طبيعي ؟؟

نفسي الناس كلها تفهم حاجه عشان من كتر ما الناس بقت بتقارن البنات بالبنات اللي بيشوفوهم في الافلام و المسلسلات وعلى النت عامةً في بنات مننا افتكروا ان فيهم عيب مع ان الناس دي بيكون مطالب منهم انهم يكونوا كده انهم يكونوا حلوين و بشرتهم زي الفل وجسمهم مظبوط وان معندهمش استريتش ماركس ولا مناطق فيها غمقان ولا تعويرات باينه ولا ان يكون بيطلعلهم شعر في مكان ما يعني كلنا بنحاول نهتم بنفسنا عشان نكون حلوين بس كفايه ان الراجل يحط فدماغه ان لازم اللي يتجوزها تكون بيرفيكت فكل حاجه مع ان الرجاله اكيد هما كمان بيبقى في فجسمهم حاجات زينا بس عشان التركيز دايما بيكون ان البنت تبقى ولا غلطه فبقوا شايفين البنت اللي عندها كده فجسمها دي بنت مش نضيفه و انها مش بتهتم بنفسها و كلام كتير كده بس بجد دي الحقيقه اللي لازم كلنا نفهمها كلنا فينا عيوب وكلنا عندنا مشاكل فجسمنا بس والله الحاجات دي كلها طبيعيه وبتحصلنا كلنا حرفيا كلنا

انا شعري خفيف جدا جدا .. بجد اكتر حاجه تعباني من جوايا وقهراني نفسي كان يبقي تقيل وطويل ولكن عندنا صلع وراثي .. حماتي من فتره قالتلي هو فين شعرك دا انا مش شايفاه وقهرتني جوزي عمره ما قالي حاجه عليه ولكن اكيد مش مبسوط ودا واضح عليه دلوقتي سلفتي شعرها جميل اوي ربنا يبارك لها فيه بس مش قادره اتخطي من جوايا حتى المقارنه مش عارفه مفكرش فيها وخصوصا أنهم بيقارنوا واقرب اقرب الناس كدا اتعافي ازاي من شعري انا بجد بكرهه.. بكره شعري بكره نفسي وشعري .. مش قادره اتعافي معاه واتعامل معاه