ناس

كل حاجة لما نكون متوازنين فيها ومرينين راح تكون مريحة مميزة لما تكون انسان إجتماعي مرن ولا تكون وحيد واضن ان الوحدة احيانا وفي اوقات مفيدة لينا كاشخاص لازم تكون لينا هواية او مساحة او مكان نكون ساعات فيه لوحدنا نسمع نفسنا نصلحها ونحتويها ويكون ميزان حياتنا بين نكون اجتماعين وانطوائين متوازي لانو نحن في زمن مو كل حد يستاهل يكون في حياتنا واصلا كبشر من يوم حياتا للماتنا راح يمر علينا ناس تجي وناس تروح ولازم نتعودو علا الوحدة وذهاب ناس من حياتنا فمش كلش شخص قابلناه في حياتنا راح يبقا ومش كل حد في حياتنا عايش معانا راح يبقا واخرتها كلنا راح نروح فانو انسان مثل يتقبل ان يكون اجتماعي باعتدال لازم يتقبل يكون وحدي وفي اي وقت ممكن يكون وحدو وانسان لي يتقبل هاذ شي راح يكون إنسان قوي ناس صعب تكسرو لانو انسان قنوع متقبل

مش عارفة لغاية امتى هفضل أتعلق بالناس رغم كل اللي شوفته منهم وكأني بتحاسب على طيبتي معاهم وحبي ليهم وكل مرة بتوجع نفس الوجع ومش بتعلم مش علاقات زي ما حد ممكن يفتكر ده أنا كدة في كل حياتي عامة ساعات بدعي قلبي يقسى بجد عشان كفاية وجع بقى والأخر ولا بيقسى ولا بيبطل يتوجع ولا حتى بيتعلم نفسي اعرف ليه بجد وليه كل حد يبقى دايما في البدايات يقدم كل الدعم والحب ومساعدات ووعد أنه هيفضل موجود وانا كل مرة بصدق الوعد ده فالاخر بيختفوا من غير ما حتى يبصوا وراهم وأنا في أمس الحاجة ليهم ليه دايما أنا اللي قلبي بيتكسر ليه أنا اللي بفضل شايلة ذكرياتهم ليه بجد والله يا ريت ماتدوش حد وعد انت مش قده بلاش تشتغل دور المسكن ولما نحتاجك مانلاقيش يا تبقى قد وعدك يا اما ماحدش طلب منك وعود فتسكت انا مش صغيرة ولا مراهقة والدنيا علمتني كتير بس لسه لغاية دلوقتي مش عارفة أقسى قلبي ازاي بجد 💔 قهوة ☕

ليه اخاف من الوحده... الوحده عمرها متجرحك او توجعك بنظره او بكلمه بس وجود ناس حوليك بيعمل دا... ليه اخاف من حاجة بتحافظ عليا..... الواحد مش حابب الوحده علشان المتعارف عليه ان لازم يكون حوليك ناس كتير لكن دا ايام مكانت الناس نضيفه مش بتكره و تحقد ولا بتأذي

حقيقي محدش هيديك اكبر خازوق في حياتك سواء اهل صحاب جواز اي علاقات عامةً غير الشخصيه اللي عايشه ب عقليه (الكل مش بيحبني) الضحية اصعب فئة من الناس ايدلهم صوابعك العشرة شمع هيفضلو شايفينك مقصر رغم انهم ما بيبذلوش مجهود معاك في حاجه طول الوقت عايزين اثباتات من الناس انهم يتحبو وبيتعمل عشانهم وهما ما بيعملوش حاجه او اي حد معندوش ثقة فنفسه او عقد نفسيه مجرد ما بيقابلو ناس سويه بيتمنوا لهم يبقو زي نسختهم وبيتضايقوا من اي حد ناجح مع ان انا شخص شاف المر اشكال والوان وعيشت ايام مش صعبه دي مستحيله وعدتبلطف ربنا مبقعدش اصيح واحمل الناس مسؤوليتي واكره ف دا و احسد دا دور الضحيه دا عقليه مش معناه ان الشخص دا ضحيه فعلا

اغلب اللي بيقوله انهم لوحدهم دول اكتر الاشخاص اللي حوليهم ناس لكن ممكن يكونوا تخذلوا كتير و سمعوا كلام وحش اكتر او مش لقيين نفسهم وسط الناس دول... و بصراحه الوحده احسن لان مش هيبقي في حد تعرفه نقط ضعفك و لما يتخانق معاك يدوس عليها ... مش هيبقي في حد هتبقي قدامه كتاب مفتوح.... مش هيبقي في حد تسمع منه كلام وحش و يتحكم في مودك و الاحسن ان يبقي مفيش حد...... 💔

كنت لسا برغي مع بنت هنا بس للأسف فهمتني غلط انا مش بدور علي قلة ادب انا سألتها علي هدفها من البداية عشان لو دا الي بتدور عليه كنت هنسحب انا بعتذرلها بس انا بدور علي الناس النضيفة هنا والي عايز يصدق براحته والي مش عايز براحته برضو

هو حد ممكن يقولى انا هنا ليه لو هنا علشان نتكلم براحتنا من غير صغط من حد يعرفنا فالى لقيته هنا ناس داخله تتعرف وعايزة تخرج برة البرنامج علشان هو مبيقبلش تعارف فعلى وكمان زيه زى اى برنامج تعارف ناس كدابه الا من رحم ربى داخلين يشتغلوا بعض يعنى برده وصلنا لنفس النقطه الى هربنا منها الى هو تكلم حد ويدخل فى تفاصيل حياتك ويكدب عليك ويخدعك هو اصلا مستخبى ورا شاشه لا تعرف هو مين ولا حقيقه نيته ليك ايه ممكن ترحمونا بقا علشان خلاص قربنا نموت نفسنا بسببكم والله مفيش ناس محترمه تتكلم بادب وصدق كلة كده كداب ولف ودوران

خايفه ابقي لوحدي خايفه افضل الشخص اللي دايما ساند ع نفسه خايفه من الناس اللي حواليا للاسف معنديش ثقه ف حد القريب والغريب كلهم زي بعض محدش بقا صافي من جواه خايفه انسي عفويتي وابدا افكر ف كل حاجه قبل ما اقولها أو اعملها عشان الناس

Hi يارب تكونوا بخير بجد بشوف نفsيه الن..اس ال هنا وب..زعل اوي وبتاثر عشانكوا ولو بايدي اساعد هساعد بس هنرجع نقول ان هذه هيا الدنيا دار ابتلاء وليس دار جزاء نسيت الحاجات العندي وبقيت افكر في ردود وح..ل لل..حاجات بتاعتك..وا اتمنى ي جماعه متزعلوش و متخلوش حاجه تاثر ع يومكوا عارفه كلامي مش هيفرق بس اعملوا اي حاجه عشان نفسيتكوا تبقى كويسه اهم حاجه ذاتك بجد وقرب من ربنا بكل الطرق هتلاقي الباب مفتوح وهتلاقي نفسك بتتحسن واحده واحده زهقانه وحاسه ان مش كويسه بسبب الخبطه ال في دماغي Post فضفضه ب..لا ه د ف😭😂

فاكرين انو احنا بعد ١٠٠ سنة رح نكون تحت الارض و ما نخطر على بال حدا او يشيل همنا حدا رح نكون تحت التراب اعمالنا هي اللي رح تنفعنا لكن الانسان دائما قالق و يفكر في المستقبل و شاغل بالو بالرغم انو ربي تكفلو بالرزق وانو ماعليه الا يسعى فقط واليس للإنسان إلا ما سعى باختصار الربح الحقيقي انك تربح آخرتك و دي مالها الا دار اختبار متضيعش هدفك الحقيقي و ركز عليه و صلح علاقتك بالله و لا تياس من روح اعمل اعمال صالحة و صدقات احتسب الاجر لله و كون صادق مع الله رح تحس شعور بالراحة و الطمأنينة و انشراح الصدر و ماعاد تصير تركز مع الناس يحيبوك والا لا رح يصير هدفك غير الله تعاملك هيكون غير مع ربنا اذنبت تب و استغفر وهكذا .....نسال الله ان يفقنا لهذا و يجعل عملنا خالصا لوجهه الكريم انا عن تجربتي كنت اركز مع الناس والي مضايقني و انا جدا عاطفية بزيادة يلي يحكي معايا يقلي انت بتمشي بنيتك كثير الله المستعان فكنت أتخبى بين الناس عشان ماطيحش في يد الناس الي هينقصو من قيمتي و صار مبدئي حياتي كلها لله (ان صلاتي و نسكي و محياي و مماتي لله رب العالمين لا شريك له و بذلك امرت و انا اول المسلمين ) .

عندي مشكله اني مش بحب احط حدود في الكلام مع الناس الي بحبهم ممكن اكلم في اي حاجه وكل حاجه برحتي منغير ما افكر فيها وده بيخليهم يخدو عني فكره مش حلوه بس انا بحب اكون برحتي مبحبش عيب وميصحش واي الي بتقولوه ده وكده والمشكله الأكبر اني خسرت ناس كتير بسبب ده بس مش فارق معايا انا مبسوط كده

عاشرت طوب الارض وكلت عيش وملح مع ناس كتير وصاحبت صغير وكبير بس الحمد لله لا يوم صاحبت لاجل مصلحه ولا عشان جنيه ومش ناقصني حاجه عشان اصاحب حد لاجلها الحمد لله الي مشيلي خطوه انا مشيت عشانه بلاد ودايما حاضر في وقت الشده قبل الفرح وليا في قلب كل واحد بصمه جدعنه مبتتنسيش طول عمري ابيض وسايبها علي الله اللي يمشي يمشي والي يجي يجي مش فارقه لا ببص علي الي في ايد غيري ولا شاغل دماغي بيه

عندي سؤال : هل فعلا الشخص اللي بيبقى صاحبك اوي و بيحصل موقف صغير يخليكم أعداء هل فعلا الشخص ده كان عدوك من البداية بس كان مستني موقف يظهر بيه ده و يشوه سمعتك بين النتس لاني حصل معايا الموقف ده

بقا فى مرض عند ناس كتير فمجتمع وبذات يومين دول بقت فكل حته حرفيا ناس دي لازم لما تشوف حد فرحان بحاجه وبيعمل بيها فرح لنفسه على فرحه بيها لازم يخش يخرب عليه باى طريقه بق سواء يوقعهاله بق سواء يخرج غل وحقد جواه فضغطه كل واحد وطريقته بس بيبقا هدف واحد فاشل وحقود مبيحبش يشوف حد ناجح

ليه بجد علي طول بكتشف انو الناس مش زي ما توقعت يعني ببقا فاكرة الكل كويس وطيب وكل ده وفي الاخر بيبقوا وحشينن وناس مش كويسه ليه بحس اني هبله اوقات بس ليه ما حدش بيطلع كويسسسسسسسسسسسسسسسسسسسسسس

كل ما احاول اني اعامل الناس انهم مش بهايم بجد بفشل كمية ناس دمج في المجتمع وحوالينا مش طبيعية بقيت مبطيقهمش ومبطيقش نفسي ومبطيقش حد ولا أي حاجة حرفيا بدأت اتراجع في كل حاجة واوقف كل حاجة

مساء الخير يارب تكونوا بخير وسعاده 🥰 من خلال اخر فتره دي اكتشفت انو في نااس كتيره في حياتنا، ما هم الا اسماء فقط، اكتشفت انو ف الاول والاخر محدش هيحتاجلك غير اللي له مصلحه وبس، غير كدا ولا حد يعرفك يا صديقي 👌

احساس إن مع الوقت احيانا معظم الناس بتشتري دماغها وبتتنازل في أوقات ومواقف مستحيل تتنازل عنها زمان بس زي ما بيقولوا كده خلاص كده بقيت أهم حاجة وأول حاجة راحتي ادور عليها فين لأن كدا كدا معظم الناس مبتتغيريش فتغير انتا عشان تعرف تعيش اشتري دماغك

حقيقي بقيت احس ان ربنا بيبعتلي ناس يدخلو حياتي عشان يديني درس ومعرفش دي كانت صدفه ولا كان معروف انها هتحصل بس عموماً هي صدفه مش حلوه خالص لاني مستفادتش منها باي حاجه حلوه من اللي انا اتصدمت منه ف النهايه او لا مش مصدومه كنت متوقعه اي حاجه تحصل من اي حد وحلوه في نفس الوقت عشان اكدتلي اني مينفعش اثق ف اي بني ادم غير سوي ومريض غير نفسي وبس وان مش اي حد يقولك كلمه حلوه تفرح ع طول ربنا عارف نوايا الناس دي كويس واعوذ بالله منها من براهم يبانو كويسين وخايفين عليك وبيهتمو بكل تفصيله ف يومك وجواهم مليان غدر واذي ف خلق الله بس صدقوني الناس دي ربنا لا هيكرمها ف حياتها لا ف دنيا ولا ف اخره وربنا عادل ومبيسيبش واللي بنعمله ف خلق الله هيترد عاجلا أم اجلاً ، وانا مش مسامحه ليوم الدين ع اللي حصل ده نصيحه متصدقوش حد غير نفسكووو وبس

هو طبيعي الملل والفراغ الي انا فيه ده كل حاجه حوليا بقت ممل بسكل مس طبيعي من كل الابلكيشن لكل حاجه حرفيا حتي الناس الي حوليا كل حاجه ممله ومش عارفه اكسر الملل ده ازاي بجد اي الحاجات الي ممكن اعملها تغير الملل ده لان فعلا حسه ان هيجرالي حاجة من كتر الملل يا جماعه بجد

ليه الواحد لما بيقابل الناس الصح القدر بيبعدهم عنه هل العيب فينا ول اية بجد مش قادر افهم الواحد بيحس ان الدنيا بتعاند معاه ال هو مش هتاخد ال انت عايزه وديما هتفضل وحيد لحد ما الواحد اتعود على الوحده وبيحس براحه فيها

انا بتعصب من الناس الغبية و الناس الكسلانة اووووي بجد يعني الموضوع بجد بيحسسني بضيق تنفس مش طبيعي و صداااااااع من كتر ما ببقا عاوزة اصووووت ف وشهم ابقا بتكلم مع حد و بقوله ساعدني ف كذا مثلا و هو فاتح بؤه و متنح لي .. حرفياً بروح ماشية و مخلصة اللى عاوزاه عشان مش ناقصة جلطات 🫩 هل الموضوع يخلص هنا تؤتؤتؤ الغباء بيزيد طرديا مع عصبيتي من الشخصيات الغبية كل ما اتعصب كل ما يطلع قدامي شخصيات اغبى و اغبى اقرر انزل الشارع و الله ببقا هتشل حقيقي من كل الناس و خاصة من اشباه الرجال اللى اصلا مش عارفين يمشوا ازاي يفضل متنح و جايب لاج و واقف قدامي بلا هدف ولا تفكير 😑🫩 و اول ما يفكر و يستخدم دماغه ف انه لازم يتحرك يمشي هو من جوا الطريق و انا كبنت ابقا ناحية العربيات 🫩 ( معلش الكوكو طلع بيخاف من العربيات 😑) تخلص هنا مثلا تؤتؤتؤ اروح سوبر ماركت مع والدتي و يحصل مشكلة ع الكاشير و محتاجين نبدل حاجة عشان الباركود مش موجود عليها اروح اجيبها و ارجع لهم في امان الله الاقى كائن دخل فى النص بيني و بينها بمنتهي ال مافيش بربع جنيه تفكير 🙂😑 ف الى هو انت بتعمل ايه بجد ؟! 😬 ما تعديني و خلينا نغور و بعدين اتنيل اتفضل حضرتك يعني تؤتؤتؤ نتضطر نخلي طنط اللى ورا تحدف الحاجة للكاشيير و انا الف من باب الدخول و استنى برا عشان هو مستخسر يستخدم دماااااغه لثواني و يعدينا و نخلص 🫩🫩 و فى الآخر يتقالى انى عنصرية .. ايوة انا عنصرية و جدااا و انتوا اغبياء جدااااا 🫩🙂🙂 الصبر يااااارب الصبرررر ع الكائنات اللى من غير مخ دي 🤦🏻‍♀️ و من غير سلام هاااه يلا بقا 😂

وحشني ناس كتير كانوا موجودين في حياتي كنا قريبين جدا من بعض وكل حاجه كنا بنعملها مع بعض دلوقت محدش فيهم بقي موجود معرفش الأسباب اللي وصلتنا لكدا بس للاسف خلاص مبقاش في رجوع ودا مخليني خايف اجرب من تاني واعرف ناس تانية وحتي أنا بقيت احس أن أنا ممل فشخ وبزهق بسرعة من الناس ومش لاقي حل للموضوع دا

انا بحلم احلام مش منطقيه خالص بناس موجدين في حياتي بشكل يومي المشكله ان الناس دي في الحلام بتكون بطريقه مش هقدر افسرها انتو اكيد فاهمين مع اني في الحقيقه مش بفكر في الناس دي كده اصلا ولا في بالي الكلام ده الغريب اني بكون مستمتع بالحلم ده وبقوم مبسوط

احنا وصلنا مرحله صعبه اوي الي هوا اي دا في أي احنا عايزين اي من بعض في حرب ٢٤ ساعه مع بعض انا في حالي مثلا بس في ناس متحبش تشوفك في حالك الي هوا انتا في حالك ازاي لا تعالي نطلع علىك اي حاجه نفتري عليك نكره الناس فيك

بتتعاملوا مع الناس ازاي من غير ما تحسوا بالقلق من ناحيتهم دايما إن ممكن يكونوا منافقين أو كدابين أو مش بيحبوني اخاف اكون تقيل عليهم أو مبيحبونيش ونفضل ف دايره هل انا ف المكان الصح مع الناس الصح ولا كلنا بنمثل وممشيين امورنا وخلاص

أوقات بمشي في الشارع ببص على وشوش الناس بتشوف حكايات و مواضيع كتير مواضيع كتير اووي اكتر حاجه بحبها ونا ماشي لو لاقيت حد شكله مضايق بكلمه اقولو نكته اضحك في وشه بحس إني كان مستني كلمه او ضحكه زينا بردو اوقات بنتحتاج كلمه ضحكه بصة امان

جماعه انا لحد دلوقتي متعلق بالناس اللي كنت بكلمهم علي التطبيق ده قبل ما يتحدث بس للاسف دلوقتي مش موجودين لسه فاكرهم وفاكر نصايحهم مكنش ليا غيرهم بعد ربنا ومش عارف هل في منهم لسه موجود ولا لا

قرفان من العيشة ككل وقرفان من البشر ومن الناس ومن المذاكرة وانام شغف وفقدان معنى الحياه وفترة ما يعلم بيها الا ربنا مش عارف هتودينا فين تاني مش عارف اخرتها اي مش عارف عواقبها اي الفترة دي حاولت اطلع منها بكل الطرق ومش عارف مش عارف اعمل اي تاني مش عارف

الواحد حقيقى معدش طايق البشر كميه ناس جهله بيحشروا مرخينهم في اللي ميفهموش فيه انت ليك رأي ان كنت على علم غير كدا ابلع لسانك ومتعملش فيها مهندس يريت كل جاهل يبلع ريقه ويعرف هوا بيقول ايه عشان لمت

عندي مشكله كل ما اطلع ققدم حاجه قدام ناس لا اراديا جسمي بيبتدي يتعرعش وصوتي وبتهته في الكلام مع اني طلعت ققدم قبل كده بس برضو نفس الشعور بيجلي حد بيعاني من نفس المشكلة ؟ او علي الاقل عنده حل للمشكله

طب ايه يا جماعة بنجيب الصبر منين انا خلصت اللي عندي كله تقريبا وتاني حاجة بتجيبوا ناس محترمة منين بجد والله أنا مش عارفة فيه ايه حصل للناس وكل مرة اتصدم في حد مع انه من برة يبان حاجة كبيرة أوي بس فجأة تكتشف عنه بلاوي مع اني والله مش بدور ولا بتتبع تصرفاتهم يعني ربنا يصبرنا على اللي بنشوفه ويصبرني على حياتي والله 💔

مساء الخير من فترة حوالي 3 شهور حصل الموقفين دول في يوم واحد عايز اعرف انا صح فيهم ولا غلط لأنهم حصلولي في يوم واحد وانا مكنتش عارف اعمل ايه يوم ماتش مصر والسنغال كنت بتفرج على الماتش في القهوة وجاي من سفر لأن كان عندي امتحان واحد زميل مهنة مش اكتر وعمري مقعدت معاه انا 20 سنة وهو 45 قالي انت اسم القهوة اية واسم المنطقة قولتلو كذا وكذا قالي هيجيلك قولتلو مش هقدر إستقبل حد اسف قالي لا هاجي انت بخيل لية ومش عايز تعزمني وجه بالعافية وقهوة تحت بيتي اتصلت ب 2 صحابي يعرفوه قالولي ممكن يعملك مشاكل ده إنسان غريب اوي حاول تخلص الدنيا معاه لاقيته بيشد كرسي وقعد جنبي رغم اني مرديتش عليه وهو قاعد يرن عشان يعرف العنوان بالظبط لاني قولت اسم المنطقة والقهوة فقط دخل قعد جنبي وطلب من القهوجي حلبة حصا سكر برا اتصلت بصحابي قولتلهم مش هحاسبله اية رأيكو عشان حركته قالولي تمام انت صح وعملت كده وهو اتكل على الله بعدها صاحب تالت كلمني قالي بهزار خطوبتي بعد العيد يعم قولتلوا ركز بس دلوقتي مش وقته هزار حصلي كذا وكذا وحكيتله على اللي فوق قالي نعم؟؟ يعني انت متصلتش بيا أول واحد لية هو انا مش اولوية عندك واعز حد؟ قولتلو يا حبيبي كلكوا واحد وكلكو اخواتي حط لايك وسكت قولتلو انت مقولتليش تصرفي صح ولا غلط قالي طلاما هما قالولك صح يبقى صح قولتلو مالك يابني انا عايز رأيك انت قالي رأيهم اهم قولتلو طب خطوبتك يوم اية تحديدا قالي ميخصكش وياريت مشوفكش فيها روح خطوبة صحابك وزعل مني اوي بجد وقعد تلات ايام ميتكلمش معايا وكل مكنت اكلمه يقولي روح لصحابك وانا ماليش دعوة بأي حاجة تخصك بعد كده انت لصحابك مش ليا وفضل زعلان مهما أكلمه. انا والله معارف انا كنت عملت اية لكل ده كنت جاي من سفر عايز اشوف ماتش وانام لاقيت نفسي داخل في حوارات انا في غنى عنها رغم اني بعيد عن الكل انا عايز أسألكو لو انا كنت غلطان في حاجة هصلحها وحتى مخدتش اي قرار من غير مرجع للناس حد، اولاني رغم أنه فرض نفسه سألت اعمل ايه التاني بحكيله عادي زعل وسمعني كلام زي ده، هل انا عملت حاجة غلط؟

ليه دايما الدعم بيجلنا من الشخص اللى مش متوقع منه اى حاجه و الناس اللى مستنى منها دعم و تشجيع و تقف جنبك دول اقل ناس بتدعمك يعنى ليه مش فاهم بجد دائما كده الدعم بيجيلك من حته مش نتوقعه على العكس اللى مستنى منهم بتلاقيهم مختفيين

عاوز اسمع اراءكوا. بصراحه الواحد قرف من الناس و محتاج حجات يعملها لوحده يسترخي بيها او مهارات جديده يتعلمها و يوظف طاقته في حاجه افيد من التعامل مع الناس و استنزاف الطاقه ده اقتراحاتكوا؟

انصحني نصيحه لله عن تجربة غير التلاتة دول عشان خلاص خدت الختم بتاعهم الحب مش كل حاجة واللي بيبتدي غلط نهايته مش هترضيك اوعي تثق في حد متعرفوش. انت هتفضل طول عمرك تعرف عن الناس فا متديش الامان ١٠٠٪ لازم تخلي حتة كدا حظر مش كل اللي بتقوله حاجات حلوة عملتها في حياتك هيفرحلك من قلبه او يحبلك الخير حتي لو من أهلك

متعلّقش نفسك بحد وجودك مش فارق معاه… إنت مش مضطر تدي قيمة لناس أصلاً مش شايفين قيمتك. ومتفكرش إنك محتاجهم لا. إنت بس محتاج تفتكر أنت مين وهما مين عشان كل واحد يبقا في مكانته الطبيعية وميفكرش أن هو أكبر من أننا نستغني عنو عشان نفسنا

كانوا بييجوا عاوزين يتسلوا يضيعوا وقت أو يجربوا وطبعا مش بيلاقوا اللي يريحهم لاني مش بتسلى بس حاجة محبطة جدا تخليك تفقد الأمل انك تلاقي ناس حقيقية بتحس وبتتعامل بقلبها بجد حتى الاحتمالات والتلميحات اللي مش واضحة بتستهلك قلوبنا بجد

انا بكره الاستغلال يعني مثلا جايين انهرده في الموصلات سعر الاجره الاساسي 80 بعد غلاء البنزين السواق قال قبل ميطلع 100 بقولوا كام علي اساس الناس اللي موجوده تكلم وكده لقيتو بيقولي السواقين كلهم مركبين بمية ولقيته وقف ومحدش اكلم من الناس سكت لاني في ناس كتير واقف وعايزين يركبوا غيري فا معرفتش اقول اي الصراحه

مع اني رجل لكننيي خايف ان العلاقة السامة انو تفسد ثقتي مع الناس الانو كنت مليح معاها ومعلت اي شي خاطى وسابتني هل هذا الشيء خاطى ام لا ام يعتمد على تعاملي مع الموقف والاشخاص محتاج اجابة صادقة

للاسف طبيعة الانسان البشرية السيئة بتظهر طول ما هو شخصه مش ظاهر علشان كدا تلاقى فى ناس هنا الواحد عمره ما تخيل انه يقابلهم فى حياته من مازوخيين لاصحاب تفكير شاذ وغيرهم كتير لدرجة ان الواحد بقا حاسس بالخوف انهم يكونوا حواليه فى الواقع وهو مش واخد باله

ازيكم عاملين ايه عندي مشكله كده ممكن تبان تافهه انا حاسس اني لوحدي جدا كميه وقت بيعدي وكميه صدمات في ناس واكيد اخيتاراتي كانت فيها مشكله بس بجد انا وحيد جدا الفتره دي مش عارف اعمل كل حاجه لوحدي يعني مفيش حد بيعيش لوحده

دايما بتعلق ب الناس بسرعه حتي لما بقول لنفسي اني مش هتعلق بحد و احاول ابعد و مقربش محدش ييفهمني و ف العموم اصلا محدش بيفهمني و مش بعرف انسي حد كنت بحبه ممكن اقعد سنين بدون م انسي ده اكبر سبب تاعبني اني بحس انه كله هيمشي محدش هيفضل

ازاي ابقي محافظه ع مباديء من غير ما يبقي دمي تقيل مش بحكم ع حد ومقتنعه ان كل واحد حر وكلنا معرضين لاي ذنب ممكن نوقع فيه بس لما بشوف حد بيعمل حاجه غلط مبعرفش اتقبل دا وبضايق خاصه اني لسه نازله الشغل جديد وكوميونتي مختلف تمام وناس كلها لما بشوف بنات بتقول الفاظ بقرف ومش بعرف اتعامل والاختلاط الزياده انهم كلهم عيله انا مش حابه اكون كده وحاطه حدود بس حاسه الكل بقي شايف اني دمي تقيل بس مقتنعه انه غلط بتعامل بزوق بس مش بدي فرصه لاي هزار زياده مش عارفه اوازن الموضوع اني افضل زي منا بس اتعامل بطريقه احسن بدل ما بتجنبهم خالص بس لما بقرب بحس انهم بيحاول يخلوني زيهم وانا مش حابه دا ومش عارفه اتعامل عادي وبقيت مكروهة ف المكان بجد

وحشة اوي لما بنكون يومنا طويل و قابلنا فيه ناس كتير و ضحكنا و هزرنا و نيجي ف اخر اليوم نبقى قاعدين لواحدنا حتى مهما كنا نعرف ناس بترسى ف الاخر اننا بنبقى لواحدنا بردو بحسها حاجة مقلقة اوي كل الناس الي بندور على رضاهم و نفرحهم وفالاخر هنبقى لوحدنا

مش عارفه عندي اكتئاب ولا مستنزفه ولا بمر بأيه بقالي كتير بس بدون اي مبالغه بجد معنديش طاقه ارد او حتي ابدأ اكلم الناس الفي حياتي بقيت بحس تعامل مع ناس مجهود كبير بجد او اكنه تاسك بقعد ااجله لاحسن وقت