وسواس قهري

بصراحة ومن غير مجاملة ولا قسوة. من اللي حكيته الصورة اللي باينة مش “شخصية وحشة” ولا “نفسية ضعيفة”… الصورة أقرب لـ: إنسانة اتعرضت لضغط وصدمات كبيرة ومتراكمة، واضطرت تتعلم تعيش وهي شايلة أكتر من طاقتها. عن شخصيتي واضح فيا حاجات قوية جدًا: عندك وعي بذاتك (بتلاحظي حالتك وبتسألي عنها) عندك قدرة على التحمل عالية جدًا وبتحاولي تكمّلي رغم التعب (شغل، جيم، مسؤوليات) وفي نفس الوقت: بتكتمي كتير عشان تحمي نفسك وبتتحملي لحد ما توصلي لمرحلة انهيار داخلي وبتحتاجي أمان عاطفي مش دايمًا متوفر عن نفسيتك اللي ظاهر مش “حزن عادي”: اكتئاب على فترات ثِقل وإرهاق نفسي تأثير صدمات قديمة لسه بيطلع مع وسواس قهري (وده بيزود الاستنزاف) وده مش معناه إنك “مش بتتحسني”، معناه إن في طبقات كتير بتتعالج ببطء عن حياتك حياتك فيها: انتقالات وضغوط مفاجئة فقد وأحداث صعبة فترة كورونا وعزلة تجربة أسرية فيها أذى وبعدها تحسّن ده كله يخلي الإحساس العام عندك: “أنا عديت بحاجات أكبر من طاقتي من غير دعم كفاية وقتها” عن تصرفاتك تصرفاتك دلوقتي (الكتمان، التحمل، السعي إنك تكملي) مش غريبة… هي طريقة نجاة اتكونت عندك مع الوقت مش عيب فيك، لكن محتاجة تتعدل عشان ما تستهلككيش الخلاصة الصريحة إنتي مش “مكسورة” إنتي مرهَقة ومحمّلة فوق طاقتك فترة طويلة جدًا وفيك قدرة واضحة على التحمل… بس محتاجة تتحول من “أتحمّل” لـ “أتعافى” ولو هقولك رأيي في جملة واحدة: إنتي إنسانة قوية زيادة عن اللازم… لدرجة إنها تعبت نفسها

تعبانة وأمر بأسوء مراحل حياتي...بعد فترة كانت جميلة جداً مليئة بالإلتزام والإنجاز.. تبخرت كأنها لاشيء حاسة بضييقة صلاتي أصليها متأخرة. أقوم الصبح متأخرة..دراستي رجعت أهملها رجع الوسواس القهري يزعجني... وكأن كلشي سعيت اوصل له أنقطع بنص الطريق وخايفة أرجع لنقطة الصفر 💔

السلام عليكم 😃 حاسه إن جوايا وسواس قهري صغير بيكبر مع الوقت، اللي خلانى أتأكد إن فجأه بقيت بقرف من حاجات كتير قد تكون مبالغ فيها زى أصوات المضغ ولو خفيفه اللى بيعطس أو يكح بصوت عالي ... وفى حاجات منطقية طبعا.. المشكلة إن دا بينعكس على الشخص يعنى لو شخص عمل حاجة مقرفه قدامى ولو مرة مش بنساها وبقرف أتعامل معاه دايما ولو مضطره بجد ببقا بأذى نفسي داخليا.. فهل فى حل ألحق نفسي من بدرى (:

اضطراب قلق عام اكتئاب وسواس قهري (خفيت منه بنسبه كبيره) أما الاكتئاب عامل زي المرض المزمن والمشكله أن محدش حاسس بيك ولا عارف انت بتفكر في اي ولا اي اللي بيحصل جواك بس اللي بيظهر ليهم اني بتدلع...

سلام عليكم عاودت الباك بقا شهر راني نقرالو بصح راني خايفة عامين و انا ندير تكوينات بصح حتا حاجة منفعتني من غير هذا الباك و راني حابة ندير تخصص ديالي بصح راني خايفة تصرالي عام مجبتوش فيه عندي وسواس قهري نصلي قريبة من ربي بصح سلبية دايما تجيني

للاسف اتعودت عالكتمان لحد ما جوايا اتحرق بقيت شبه القزاز المكسور الي متلزق حاسة ان جوايا جرح وكل فترة يتفتح ينزف ويلم تاني كدا بقالي ٣ سنين بتعالج من الاكتئاب الاكتئاب والوسواس القهري

جالي وانا في تالتة ثانوي ممكن بسببي او بسبب ان محدش قالي ان اللي كنت بعمله غلط حسيت اني اول ما احتاجت دماغي راحت باظت مني خالص كنت بتضرب واتسحل عشان كنت بعيط لاني مش فاهمة انا ليه بفكر كده او بيحصل معايا كده ليه مش عارفة ابقى طبيعية اذيت واتأذيت مكنتش بذاكر خالص وسبحان الله الحمدلله اني مسقطتش وجبت اكتر درجة average في الدنيا ٧٥% حتى اللي جابو نفس درجتي بقو دكاترة ما شاء الله وانا دخلت كلية وغيرت القسم وبردو طلعت اسوأ ما كنت اتخيل اللهم لك الحمد بسبب الوسواس فضلت فترة كبيرة كل ما ادخل الحمام استحمى، مش بقدر اعدي قدام اي حمام حتى لو قدامه بمترين كان مستحيل اصلي والحمدلله من سنة او اكتر قدرت اتحسن ولوحدي من غير دكاترة فجأة كده من عند ربنا دلوقتي لسه عندي الوسواس بس اخف، بقيت اصلي بس بقطع في الصلاة، بقيت ادخل الحمام عادي بنسبة 65% بس بكره دخوله مثانتي اتأثرت من عدم دخول الحمام بشكل طبيعي وساعات بتحصل حوادث اهلي شايفيني محِنونه كنت بسببه عايشة في فقاعة كبيرة جدا جدا مش انانية بس كانت دماغي بتحميني؟ مش عارفة دلوقتي بتعرف على كل حاجة من اول وجديد هل لو مكنتش بعمل الغلط اللي بعمله مكانش جالي؟ هل لو حد فهِّمني وكنت انسانة طبيعية من صغري مكانش جالي؟ اجر وعافية الحمدلله

جه على بالي ذكرى اول ايام الاكتئاب وانا ولا اهلي كنا عارفين ان عندي اكتئاب ووسواس قهري كنت في فاينل ٣ كليه تربية قسم بيولوجي وكل المواد صعبة مش عارفة اذاكر ولا عارفة احفظ واول مرة افتح معظم المواد الذاكرة صفر وضيق الصدر في السما كنت بقرا سورة البقرة كل يوم حرفيا وممكن مرتين في اليوم كمان عشان اهدى بس كنت بهدى بنسبة بسيطة جدا ووداني كانت بتحمر ووشي بيسخن واروح اقيس الضغط يطلع واطي وكل يوم كدا مكنتش باكل ولا ببلع خسيت ١٥ كيلو في اسبوعين ووقتها كنت بتقلب على الأرض وانادي اخواتي واخبط دماغي في الأرض بسبب التوتر والوسواس القهري و كنت خايفة مجبش امتياز زي كل مرة لدرجة ان في يوم مادة معرفتش اذاكرها خالص بسبب الي بيحصل دا كنت بموت حرفيا وماما ضربتني عشان اذاكر ونا قاعدة خايفة عشان الامتحان الصبح وانا مذاكرتش وتجيبلي اكل بحبه ومعرفش اكل فتضربني 💔كنت بقول ابدأي وابدا وبنسى مش عارفة احفظ حتى حرف بس مكملة كنت بقعد ساعات في ٥ صفحات وبرضه انسى واجي الصبح اراجع قبل الامتحان ناسية كل حاجة كنت ببقى مرعوبة واروح الامتحان احل مش عارفة بحل صح ولا غلط واجي على المقالي انسى كل حاجة كنت بكتب اي حاجة تساعدني وارجع مش عارفة حليت ولا هشيل المادة و لما خلصت امتحانات ورحت للدكتور النفسي قالي انتي ازاي سيبتي نفسك كدا دا وسواس قهري شديد أدى للاكتئاب

سلام عليكم انا طفل عندي 20 عام نقرا فلفاك جيت نحكيلكم عل حالة لي راني فيها وتمدولي نصيحة. انا عندي مشاكل عائلية ملي كنت صغير وانا نشفا غير پاپا يدرب يما ولعياط فدار كي لحقت لعمر 7 سنين طلقو ولديا وراني عايش معا يما وختي وپاپا عاود زواج، ويما عندها مرض نفسي لي هوا وسواس قهري موسوسة من كلش يني نعس وش راني نهدر باش منديرش مشاكل وهاد لحاجة خلاتني منحكي والو معا يما من غير اساسيات تع دار مثلا وش نشري وش كاين لعشا لفطور يعني عفايس بسيطة وهاد لحاجة خلاتني نحس روحي وحيد بزاف مكاش معامن نحكي ومكاش ليمن نشكي خليت كلحاجة مخبيا في قلبي مكاش حنانة تع ام مكاش اب لي يوقف معيا حتا وليت نحس روحي مرضت نفسيا وفقدت شغف تع لقراية و فقت شغف تع ندير اي حاجة نفسيتي دهورت بزاف ، حياتي كامل وانا عايش فل مشاكل ومكاش ليمن نحكي ومكاش لي يوقف معيا حتا حسيت قلبي تعمر وبعض مرات نبكي كي طفل صغير فليل مل غمة لي تحكمني من لمعيشة لي راني عيشها وزيد حتا باش نرفه على روحي منقدرش ملي كان عندي 16 عام وانا نقرا ونخدم وكي يلحق صيف نبقا نخدم منخرش نحوس والا خرشت نروح غير 3 مرات ولا 4 لبحر من غير هادو مكاش وش ندير فصيف ومبعد يعاود تولي لقراية ونبقا نطبع روحي بسيف فلقراية ، والله يخاوتي ني حاس كرهت بزاف من هاد دنيا

القشه التي قضمت ظهر البعير وخلتني بجد أصاب بالوسواس القهري هي مشكلتي لما كنت في سن الكليه وشاركت في فريق تمثيل للهواه وخدت معايا اعز صاحب ليا لأننا كنا مع بعض في فريق تمثيل المدرسه في الابتدائي وساعتها اكتشفت أنه اكتر انسان بيحقد عليا وبيكرهني أنا حبيت بنت من فريق التمثيل وكانت جميله فهو كان عايزها لنفسه وحاربني وشتمني من ورايا وقدامي يعمل حبيبي لحد ما نجح يستحوذ على دماغها وفارقتني وكنت بروح فريق التمثيل عشان اشتغل وكنت مكسوف في اثنا اني اكتشف أن المخرجه طلعت مساعداه عشان كانت بتحبني وعايزه أبعدها عني اتفاق مكتمل الأركان بس انا رفضت المخرجه دي برضو لاني مش لعبه على قد ما يبان أن الموضوع لعب عيال لكن بجد اثر فيا جامد خصوصاً أنها كانت اول حب في حياتي بعد كده حصلت شويه ضغوطات وضرب واهانه من اهلي فانهارت شخصيتي تماما وكنت بقعد اكلم نفسي واتخانق بصوت واطي واتفاعل بجسمي مع الذكريات والأفكار اللي بتجيلي بشكل وساوس لحد ما ابويا اتخانق معايا في مره وانهارت وكنت لبكي وتتكلم مع نفسي كل يوم فقرروا يودوني لدكتور نفسي عشان هو ضاربني وانا رافض اتضرب كانت الجلسه غريبه لحد ما قررت اقول للدكتور على اللي تاعبني ووصفلي الدواء والتشخيص وسواس قهري طيفي واثناء الجلسات عرضت على الدكتور اني أكلمه تاني بعد انقطاع ٥ سنين لانه دائما في ذاكرتي وبيجيلي كإجترار افكار فعايز أنساه باني اسامحه وافق الدكتور وقالي أنها خطوه ايجابيه جدا وغيوم في صلاة الجمعه الشيخ كان بيتكلم في الخطبه عن التسامح فقررت أن ده هو اليوم المناسب للصلح وكلمته بس عشان اتطور وأخف واكون احسن لكن هو ملوش اي لازمه في حياتي قلت ده خير وعملته وخلاص 😊

مش عارف ليه الواحد وصل بيه الوضع أنه مفيش حل مش قادر تنام ولا تعيش الوسواس القهري بيدمر الشخص لدرجه اني وصلت مش هقول الانتحار بس نفسك في الموت عشان دماغك مش ممثلالك اي حل تاني، يارب ارحمنا ❤️‍🩹

دلوقتي يا جماعه انا مريض بالوسواس القهري وكمان مريض هرمونات من صغري وتخطيت سن الثلاثين فحصل خلاف بيني وبين ابويا فحاول يضربني وانا كبير كده فاتهجمت عليه وضربته وجم اخواتي وامي كتفوني وهو كمل عليا ضرب .. اتصرف ازاي

عندي وسواس قهري قبل ١٠ سنين كنت صغيرة وعرفت دا وحاولت اعالجه لوحدي بلا فائدة.. كلمت اهلي في الموضوع واني محتاجة متخصص نفسي ورفضوا تماما وفضلت على دا الحال بعاني من الوسواس القهري كل يوم والان بعد ما كبرت تعايشت معاه واصبح جزء مني مع الاسف حياتي مش طبيعية بسببه .. لكن ما باليد حيلة كل اللي اقدر اعمله اني اشغل نفسي لان الفراغ بيخليه يتوحش اكتر واكيد الدعاء اولا وأخيرا

عندى وسواس قهرى شات جي بي تى قالى انه اسمه وسواس علاقات بفضل طول الوقت اراجع فى دماغي مواقفي مع الناس اللى فى حياتى وافكر فى مقاصدهم ونواياهم وتفكيرهم فى تصرفاتى وتعاملى واعيد وازيد وافكر ودايما النتيجه انى بغلط او بلوم نفسي او بشوف نفسي الطرف السىء او المقصر او الغلطان حتى لو انا واقع عليا اذى حتى لو كان موقف عابر والناس كلها خارجه مبسوطه افكر فى اى حاجه انا غلطت او قصرت فيها او كان ممكن اعملها بطريقه احسن 🥹

انا مريت باكتئاب شديد وكمان عندى وسواس قهرى من زمان بيتفاوت شدته مع الوقت ومع الاكتىاب يعنى بيزيدجدا فى فترات الاكتئاب وبيكون وسواس بالانتحا ر احيانا مريت بفتره صعبه جدا السنه اللى فاتت دى كلها ومؤخرا وقعت فى حاجه غلط كنت متاكده طول الوقت انى لازم اخرج من ده وما اكملش والحمد لله خرجت منها بس مش قادره اتخلص من الوسواس القهرى اللى بيعيدلى طول الوقت تفاصيل كل اللى حصل وتفكير فى اسبابه ودوافعه ودوافع الطرف التانى وهكذا تفكير تفكير هيخلص عليا 🥹

هبدأ بنفسي الاول من كام شهر اشخصت وسواس قهري في العبادات في الاول مكنتش مقتنعة و كان بالنسبالي اللي هو اكيد لا او ان الحاجة دي بعيدة عني يعني خصوصا ان اخويا عنده بردو وسواس قهري و في نفس الحاجة فكنت بقول انها حالات فردية او دا اللي كنت فاكراه و كنت فاكرة ان الموضوع دا بعيد عني كان من ضمن الاسباب اللي ضيعت عليا حلم حياتي و اكتر حاجة كان نفسي فيها الفترة دي و لحد دلوقتي متعلقة بيها لسة و كنت بقول على الحاجة دي اني مش متخيلة نفسي غير فيها و لو جت هتبقى العوض من ربنا بس راح الحلم دا مني و فضل "حلم" حاولت اتخطى بس معرفتش و حالتي كل مدى كل ما بتبقى اسوء و كل ما اقدر اتجاهله في حاجة معينة و افتكر اني اهو قربت اتشافى يطلعلي في حاجة تانية و اسوء من الاول انهارت كتير و عيطت كتير لاني بلاقي اني مش قادرة احاول و لما بحاول مفيش فايدة بقى بييجي في دماغي انه انا اصلا حياتي مكانتش مستقرة و كان فيها ابتلاءات اصلا ييجي دا كمان يكمل عليا انا مش ناقصة؟؟ سعات حد من اهلي بقا يقولي تخيلي لو كنتي بقا وصلتي لحلمك دا (هو مدرسة داخلية ) كنتي. هتبقي عاملة ازاي وسط الناس ولا كنتي هتلاحقي ازاي و انتي معظم يومك رايح بسبب الوسواس دا فبيزيدوا الوضع سوء اكتر مستوايا الدراسي بعد ما كنت التانية على مدرستي بقيت السنة دي بدعي اعدي صافي و اعدي النص في المواد والدتي قالتلي في مرة انها سعات بتفكر اني خلاص مفيش مني رجا و انه ازاي انا هجيب مجموع؟ حياتي باظت و مش قادرة حتى احكي لحد لاني عارفة مش هتفهم و حتى اما جربت اتكلم فعلا متفهمتش و بقيت كإني بأفور او حاجة غريبة ناس لسة عارفاني بقت تقولي كلام معناه اني فاشلة مع اني صدقوني مكنت كدا ابدا دلوقتي بحاول اتعالج بس الوضع بردو بيزيد سوء فــ ادعولي

عندي اكتئاب حاد وثنائي القطب ووسواس قهري والحياة ثقيييييلة بعافر عشان ابان للناس اني شخص طبيعي ومش بحس غير بحزن على الرغم من اني متابع مع دكتور نفسي وباخد مضادات اكتئاب .. زهقت بأمانة من نفسي .. زهقت.

انا تعبت من اهلي، امي كل ما اكلمها في اي موضوع تعمل معايا مشكلة وتخليني انهار وتحصل بيننا مشكلة، اخر مرة اليوم كنت بشتكي ليها من اختي انها قالتلي حاجة ضايقتني راحت امي بدل ما تحل المشكلة وتكلم اختي فضلت تقول لي اني انا السبب في طريقة تعاملها معايا عشان من كم سنة انا كنت في ذروة الوسواس القهري كإنه بإيدي وكملت خناق معايا وتدعي ع نفسها وعليا وتقول لي كلام صعب جدا لحد ما انهرت خالص وحالة البوردرلاين ظهرت عندي وبردو انا الغلطانة انا مش عارفة انا معنديش اي حد اكلمه لا صحاب ولا اهل ولا اي حد ومش عارفة اقول ايه انا حاسة اني مخنوقة ومحبوسة مفيش حد يقدر يسمعني ويساعدني حاسة بشلل مش قادرة اعمل حاجة مش قادرة اقوم من مكاني ومحدش يغلط في اهلي ياريت