منذ 2 ساعاتيشعر بـ ضائع
بعد ما كنت بشتغل ف شركات وكدا بس ف بلد تانيه بعيده عني وكنت بتعب جدا من الموضوع دا كل يوم مواصلات لمسافه ساعه ونص رايحه وزيهم جايه و طنت بصرف اغلب المرتب ع المواصلات فقررت اشوف حضانه ولاقيت حضانه لغات واشتغلت فيها مدرسة انجلش ودا تخصصي اصلا مدرسة انجليش بس للمدارس مش حضانات بس دا اللي لاقيته دلوقتي قريب مني ومرتب كويس نوعا ما ع الاقل مش هصرف منه مواصلات المشكله بقا ان من اول ما بدأت وانا حاسه اني ف مكان اقل مني ومن قدراتي والله مش تكبر بس دا احساس جوايا مش مريحني خالص حاسه ان دي مش الشغلانه اللي تليق بيا ف نفس الوقت مفيش قدامي غيرها قريبه مني مش عارفه اعمل ايه ف الشعور دا
اكيد ربنا ليه حكمه انك تروحي المكان ده يمكن في خير لكي فيه وانتي مش واخده بالك اصبري شويه في المكان ولو لقيتي نفسك مش مرتاحه خالص حاولي تشوفي شغل تاني حتي لو بعيد اه هتصرفي كتير بس علي الاقل هتبقي مبسوطه انك في مكانك اي حاجه لازم يبقي ليها عيوب
تمام بس التخصص بيفرق طالما ان دي مش شغلانه ثابته م زمان
الرضا كويس ولكن الطموح جميل وايضا الحياه تدرجات السلم واحده واحده والصبر جميل
ممكن تدي دروس لاطفال في ابتدائي واعدادي او تشتغلي في سنتر دروس خصوصيه حتى لو المرتب مش كويس بس يبقي شغل إضافي مع شغل الحضانه او تشرحي كورسات اونلاين شوفي حاجه تكوني مرتاحه فيها نفسيا ومتفكريش في هل الشغل ده اقل منك أو لا بالعكس ممكن الشغل ده خير ليكي محدش عارف نصيبه فين