انا دايما بحس اني مكروهه مش مكروهه... بس محدش متقبلني عمتا حاسه دايما اني مش حاجه اساسيه في حياه اي حد، لو حاولت اكون صداقات ببقى منبوذه بيبعدوني دايما، يمكن عشان انا مش جميله زي باقي البنات او جسمي مش مناسب زيهم برضو، يمكن بيشمئزوا مني عشان بشرتي مش احسن حاجه مع اني بحاول ولله، نفسي دايما يبقى عندي صحاب زي البنات الي بشوفهم في الدروس او المدارس دول نفسي ف مره مقفش ف المدرسه لوحدي و اتفرج ع الناس نفسي لما اكون زعلانه حد يلاحظ دا، نفسي اروح مع صحابي بعد الدرس نفسي اكل معاهم اعمل ذكرايات كل الحاجات دي، بس مش بعرف... حتى لما بحاول اتكلم مع بنت بلاقي نفسي بقفل الموضوع غصب عني و هي بتسكت مش عارفه افتح كلام حتى من و انا صغيره عمر م كان عندي صحاب...نفسي لما يجي عيد ميلادي يكون في ناس مستنيينه ناس يكتبولي رسايل من قلبهم ميستنوش لما انزل ان النهارده عيد ميلادي، لا يبقوا عارفين من نفسهم، مش ببقى عايزه هدية انا حتى مش بحب الهدايا مجرد كلام حلو يحسسني اني حاجه، انا بجد مش كويسه ف حاجه مهما حاولت، حاسه اني عبء ع الكوكب اصلا، دا غير الحب الي فشل، نفسي انجح في حاجه، انا بجد تعبت.
عارفة ربنا مخلقش حد احسن من حد انتي جميله زاي منتي يعني ممكن حد شكلو لو بس جوا صفار الدنيا انتي بجد جميلة ممكن قلبك نضيف بشرتك غمقة بس لون قلبك فاتح ربنا يفرحك وبجد انتي جميله مبسوطين بوجودك
الفكره كلها فدماغك مش فالناس طول ما انت موقفه حبك لنفسك علي كلام الناس مش هتحبيها الجمال دا شيء نسبي مفيش لون ولا شكل ولا جسم واحد هو اللي جميل..اللي بيحب الكيرفي غيره بيحب العود الفرنساوي واللي بيحب البيضه غيره بيحب السمره ف اتعلمي تحبي نفسك زي ما انت كدا كلنا لينا جمالنا الخاص بينا بالنسبه للصحاب اما تتعلمي تحبي نفسك هتتعلمي تتعاملي عادي مع الناس انت مش منبوذة ادي لنفسك فرصه مع بنات تتعرفو وتتصاحبو محدش بيعرف ان حد زعلان كدا لوحده[ دي توقعات وهميه عند البنات لازم انت اللي تعبري عن مشاعرك للي قدامك عشان يفهمك] دا الصح والمنطق وقت ما تحبي نفسك وتدي فرصه لنفسك للصحوبية هتلاقي الاهتمام منهم وهتلاقي عدم اهتمام وصاحب دلوقتي بعدين مش موجود وصاحب بعدين مش موجود دلوقتي دا كله طبيعي بس اتعلمي تتعايشي وتعيشي فيه كوني بخير حبي نفسك زي ما انت ولو شايفه ان فيكي حاجات غلط بجد مش مجرد نظره سلبيه صلحيها وكوني احسن نسخه منك و عيشي.
هوني على نفسك ، و على فكرة أنتي جميلة في حاجات كتير كل حد فينا ليه حاجة مميز بيها و أنتي واضح عليكي إنك نقية من جوا ، حبي نفسك و ضحكتك و متسمحيش لحد يحكم عليكي و فاهمة قد ايه الوحدة صعبة بس الأصعب أكيد هيكون نظرتك لنفسك ...و ربنا يرزقك بأصحاب كويسين زيك
هو ليه بقينا بنحسبها مقياس الست او الراجل بالجمال وبطريقه للبس مع ان ممكن يبقه عكس دة الناس جوهر واخلاق ووجود الناس في حياتنا كويس تمم بس شخص واحد ممكن يبقه غنيكي عن الناس كلها انتي الكلام دا جواكي عشان انتي الي محسساة لنفسك وانتي الي فرضه دة علي شخصيتك محوليش غيري من طباعك ولا اخلاقك حته لو هتعيشي لوحدك هتلاقي الي يستهلك ومتبقيش نقمه علي نفسك حبي نفسك الدنيا كلها هاتحبك حياتك خليها زي ما انتي عايزة
هوني على نفسكك🫂❤ مظنش ان حد هيكون مش عاوز يصاحبك عشان شكلك .. مظنش ان دا سبب او مبرر خالص، يمكن في بنات زيك بتكون عاوزه تصاحب بس مش عارفه او في بنات تكون من بعيد مثلا عاوزه تصاحبك بس مش عارفين .. بس انا عايشه شبه حالتك عموما بس حتى لو اتصاحبت على واحده بحسني دايما اننا هنبعد وكذا .. بس عموما الي هيشتريكي هيشتريكي زي ما انت م هيفضل يعدل عليكي كل شويه .. حتى الاصدقاء يعني عموما الي هيختارك صديقه هيختارك زي ما انت مش عشان شكلك وكذا فمتربطيش الاتنين دول ببعض يمكن انت مثلا شخصيتك مش اجتماعيه اوي ، ممكن تجربي تروحي دروس مسجد مثلا هتلاقي نفسك وسطك بنات شبهك -لو بتهتمي بالجانب ده- وممكن تلاقيهم لطاف معاكي وكده بكلمك عن تجربه لان البنات ال كنت بشوفهم اللهم بارك لطاف :)