منذ 6 ساعاتيشعر بـ ضائع
يمكن أغلب الناس لما تسمع إن عندي 14 سنة تفتكر إني طفلة ومش فاهمة حاجة… وده اللي بيخليني أحيانًا أخاف أقول سني. بس الحقيقة إن مشاكلي أكبر من سني بكتير. أنا من أهل مطلقين، وماما وبابا كويسين وحنينين الحمدلله، بس رغم كدا دايمًا بحس إني في عالمي لوحدي… مفيش حد قريب مني بجد، حتى كان نفسي في أخت بنت أشاركها كل حاجة. عندي رهبة اجتماعية، ومش بعرف أتعامل بسهولة مع الناس، وده بيخليني دايمًا محتاجة أتأكد: أنا مهمة عندكم؟ بتحبوني؟ أنا مفضلة ولا لأ؟ وساعات بسأل نفسي… هل كدا أنا معقدة؟ غير دراستي و أن ديما قلقانه من دراستي و كمان م عارفه اصلي او اكون قريبه من ربنا بس يمكن بطلب اهتمام زيادة، بس يمكن ده لأني فعلًا محتاجة حد يحسسني بالأمان… حد يسمعني من غير ما يحكم عليا. أنا مش ضعيفة… أنا بس بحاول أكون كويسة وسط كل ده.
حاولى تعملى صحاب يبقوا كلوز منك تتكلمى معاهم وتشاركيهم
انا مش قلقان عليكى عارفة ليه ؟ لإن ربنا معاكى وهو أكتر حد حاسس بيكى وان شاء الله مش هيسيبك لوحدك عايز اطمنك واقولك إن كل اللى قلتيه ده طبيعى وميعبكيش فى اى حاجة، اى حد مننا لو فمكانك هيمر بنفس الوضع ان مكنش اسوأ عيشى اللحظة حتى لو كانت مؤلمة، بس خليكى واثقة من جواكى ان ربنا وحده هيطلعك منها ❤️
مشاكلك تحديات ممكن تواجهيها بس لو واجهتي صعوبة سعتها هتحتاجي تدخل نفسي، انتي بتقولي عيلتك كويسة معاكي وده شيء كويس ولكن لا يعني ابدا انهم ادوكي الوجدان للي انت محتاجاه، دور الاب والام مش بس فلوس او صرف، دورهم مشاركة مشاعر ابناؤهم وللي حاسيين بيه وافكارهم، انت بتكتبي كويس، استغلي ده واكتبي كل شيء حاسة بيه، ولازم تفرقي بين الرهاب الاجتماعي وعدم القدرة على التعامل، وانتي وصلتي لاي حد فيهم، ولو اختجتي مساعدة نفسية اتكلمي واطلبي ده من مختص
احنا كلنا هنا بندعمك وهنساعدك
متقلقيش كله هيتحسن واهم حاجه متخليش الخوف يتغلب عليكي وتعالي اتكلمي هنا فضفضي كلنا اخواتك