بقالي فترة بفكر في موضوع شاغل بالي و بقرا عنه و حبيت اشارككم عنه .. كنت بفكر ازاي رد فعلي بينشأ تحت في وقت الخطر أو التهديد .. و لما دورت لقيت أن ده ليه علاقة بالإستجابة العاطفية الي عقلي اتبرمج عليها من صغري .. هحاول ابسط الكلام عشان اكبر قدر يفهم .. في أربع إستجابات عاطفية .. الاولى fight أو القتال و ده بالمختصر الشخص الي بيبقى عنيف وقت التهديد أو الخطر .. الي هو عليا و على أعدائي .. و في flight و هو الشخص الي بيهرب و مبيواجهش الشخص الي بيختفي لما بيحس بخطر .. و في freeze و ده الشخص الي بيتجمد مكانه مبيعرفش يتصرف و بيفوق بعد الصدمة و يقول المفروض كنت ممكن اقول كذا ياريتني كنت رديت بكذا .. و الاخير هو fawn و ده لما بيحس بالخوف بيضطر يجي على نفسه حتى لو هو مش غلطان و يلطف الجو و للأسف النوع ده بيخلي الي قدامه ف موضع قوة الي قدامه لما بيشوفه ليتراجع بيترسخ عنده أنه صح .. الاستجابات العاطفية دي مجتش هباءا.. دي لغة موجودة ف جهازنا العصبي بنتعامل بيها حتى من قبل ما نفهمها .. الاستجابات العاطفية هي محاولة حماية من عقلنا لينا .. و غرض الأربع استجابات دول ف الآخر هو الامان لصاحبهم .. طب دول اتكونوا ازاي ف طفولتنا .. اول واحدة اتكونت لما كنت تثور و تزعق ف الي قدامك يتراجع ف هنا عقلك اتأكد أن دي الطريقة المناسبة لحمايتك ف تم برمجتها ..و التانية بتاعة الاختفاء لما موقف عصيب يحصل زي أن الاب متعصب ف انت تنزل أو تقفل على نفسك هنا عقلك لقا الامان ف الهروب ف بردو تم برمجتها فيك لحمايتك .. و بردو freeze اتكونت لما حد نهرك و انت مكنتش عارف تدافع عن نفسك ف عقلك عشان يحميك بيحطك في وضع صدمة عشان يقلل شعور الخطر ف بقا كل مرة العقل يستخدم نفس البرمجة ..و الأخيرة و هي محاولة التلطف تكونت لما لقيت أن ممكن ابتسامة ف وقت غضب تحل أو كلمة حلوة تنهي ف كذلك العقل اتخذها طريقة .. هما بيعتمدوا ف تكوينهم على الچينات و صدفة الموقف و الأشخاص المحيطة .. اسف لو طولت