بص انت ملكش زنب فحاجه اصل كد كد لو حسبتها اصلا بتقعد وسط مجتمع جامعه اكتر من بلد فهتتبسط اكتر وانت على طبيعه انت فيها واسبوع او اتنين فبلد بكتير استحملهم فاهمنى بس انت مفكش مشاكل

اتعامل معاهم زى ماهو اتعودوا منك زمان او زى ما انت و على طبيعتك و اللى يتقبل اهلا و سهلا و اللى لا سلامة معاك بقي

خليك زي منتا ياغالي واهتم بمستقبلك واعمل لنفسك كيان وصدقني محدش هينفعك غير نفسك ولا صحابك ولا اي حد

وعليكم السلام لكل مقامٍ مقال اللى ينفع فى بيئة مينفعش فى بيئة تانية حسب العادات والتقاليد.. وده مش بيلغى شخصيتك أو يستبدلها.. إنت بس بتفهم طبيعة الناس اللى حواليك وبتتعامل معاهم على سجيتهم ورغبتهم فـ لسانك مش هينطق كلمة انجليزى وإنت بتتعامل معاهم علشان محدش يفهمك غلط وتحافظ على تمسكّهم بيك.. على العكس فالجامعة هتاخد راحتك أكتر ومش هتعمل حساب لحاجة زى دى بس ياسيدى كل سنة وإنت طيب ❤️❤️

خليك زي ما انت متغيرش حاجة. انت مش مجبر تغير اسلوب كلامك عشان حد يتقبلك، مش عاجبهم ميتعاملوش معاك عادي، انما مش كل حد هييجي يقعد يعلق على كل تفصيلة ويغيرها على مزاجه.

يا ستي هي فكره أنهم في أغلب مش فاهمين فا بيقولو ده بدل ما يقولو يعني ايه و كدا و يحسه أنهم متعلمين فا كبري دماغك و اتكلمي براحتك

خليك زي ما أنت أنت عندك طريقه معينه في الكلام وهما أكيد عندهم طريقه معينه في الكلام برضه