اه والله عندك حق

لإننا بقينا عايشين في زمن فتنة، والفتنة هتجيلك ازاي إلا لما يبقى كل اللي حواليكي بيغلطوا قدامك ومعتبرين الغلط دة عادي، احنا تقريبا في زمن القابض على دينه كالقابض على جمر. ف ما علينا إلا اننا نحاول نهتدي وندعو الله بالثبات، أما في حتة انك كل ما تنصحي حد تاخدي تريقة، فكري في كل الأنبياء اللي جاهدوا عشان الدين دة يوصلك، مخافوش من التريقة والأذية رغم انها اضعاف الأضعاف، ف كملي تذكرة في الناس يا بطاطس حتى لو خدتي تريقة قد كدة

اقولك ليه عشان احنا فزمن غسيل الادمغة بيحاولو يوصلو لده من سنييين ونجحو خلاص دلوقتي كله مركز فالشاشات بيقلد بس مبيفكرش خلاص كلنا بقينا منقادين قليل اوي اللي تلاقيه واعي للي بيحصل

يترقو ليه ... الحق حق والحلال بين والحرام بين مخفش اقول ايه الصح وايه الغلط طز في الاخرين اصحاب ال اوبن مايند كله دا بسبب ضعف الإيمان والطمع في الدنيا والمقارنة بالأخرين والنت وحاجات كتير انا مش شيخ ولا داعية بس

لقد ابهرتيني مرة اخرى

الجنة مش سهلة و ربنا مقالش أن أغلب الناس فيها احنا الي اتربنا غلط ،للاسف أن قليل القليل من أهل الجنة

مش اللى انا شايفه لو هترجع لاصل الموضوع من ناحية الدين مفيش بنت محترمه تمشى مع واحد الا بمزاجها صدقينى لو واحده متربيه صح استحاله تفتح باب للموضوع لكن احنا عايشين فى زمن المبررات وانا مش شيخ ولا تقى لكن ده الحقيقيه وربنا يهدينا جميعا وانا مش عايز اخش فى تفاصيل جانبيه عن قصص سمعتها واللى داس معاهم ديما يقولى هما اللى بيفتحوا الباب ما علينا بقا ربنا يهدى

ولكن الواقع الاكثر مع الاسف من البنات

باختصار التربيه الاهل مش بيدورو ورا بناتهم ويمكن كمان بيسعدوهم بحجة انها توقع عريس واللى هو عادى ادام هترتبط وكده وفى الاخر يكرفلها وتشوف غيره وهكذا والله اعلم ايه تانى ممكن يكون حصل طيب هل ده بنات ممكن تثق فيها

ادعيلهم بالهداية لكن كلامك وتعبك في الكتابة مش هيغير حاجة كل واحد حر وكل واحد يبص في ورقته تخرجي عن صمتك في اللي ليكِ حقيقي انا كنت زيك واكتر منك ومن كلمة ممكن ادي درس اللي قدامي واقول حرام ودا مش من الدين واتعب في صوتي وبعد كده ولا حاجة اتغيرت بصي في ورقتك بجد لان دي هتنفعك الحاجات دي طول عمرها موجودة لكن بدون السوشيال محدش كان اخد باله وزي بيئته كدا وخلاص ويبص للبيئة اللي حواليه وخلاص لكن بوجود السوشيال ميديا انتي بتشوفي كل الناس المتدينين موجودين والمتشددين موجودين وال اوبن مايند مبتدأ ومتوسط وعالي وعالي جدا موجودين والملحدين موجودين واللي مش تبع دين ولا اي شيء ... مش هنصلح الكون والله بيصعب عليا الشيوخ لان بذل مجهود وصوت عاااالي جدا وفي الاخر مش كله بيسمع ومش كله فاهم وعارف اخرتها اي وعارفه ان كله بقي فاهم كله بقي مطلع زي ما احنا مطلعين عليهم هما كمان عشان المحجبات بكثرة وشايفين كل حاجة وبردو مش بالساهل ... الدنيا بحر والذنوب بحر لو انتي ذنبك اغنية او كلمة او حبيتي شخص او مصلتيش بابسط حاجة غيرك ما تشوفيش نفسك ع حد ولا تقول الطبيعي ومش الطبيعي متتعبيش نفسك كل واحد هيشيل شيلته

وحاجة تانية برضو الناس اللي بتحلل وتحرم على مزاجها اكيد في حاجات احنا مش هنبقى عارفين ان ده حرام طب يابا ما تبحث وتعرف وتشوف ولا وبيجادل مع انه لو دخل على اي حاجه يوتيوب تيك توك جوجل اي حاجه من الحاجات دي حتى شات جي بي تي هيعرفه الصح طب ما نتعلم هو احنا عايشين ليه