السلام عليكم ورحمه الله وبركاته طبعا شيء جميل جدا جدا ان حضرتك تكون حريص على ان انت تاكل مع العيله لكن اكيد هم لما نسوا يندهوا عليك ده كان بسبب ان انت بقى لك فتره كنت بتاكل لوحدك او بتقلل الاكل او ما بتاكلش زي ما انت قلت بعد كده لكن انا عايزك ما تزعلش منهم وفي نفس الوقت تحاول تقرب منهم اعرف مواعيد اكلهم ووصيهم وصي حد اقرب حد لك في العيله ان هو ينده عليك واكيد لك حد من اخواتك او يعمل الوالدين قريب لك كانه صاحبك وربنا يوفقك

اهلك استحاله تعرف تغيرهم ف تقبل كده بقى وعيش حياتك ومتفكرش كتير عشان ترتاح انا فقد الأمل فيهم خلاص ف ريحت دماغي ومعتش بتجادل معاهم ف اي حاجه لو حد جه ينتقدني على اي حاجه بقوله فعلا انت عندك حق انا كده عشان اريح دماغي

حاسه بيك عمتا كان بيحصل معايا كده بس انا كنت بشتغل المفروض الاول كانو بيستنوني لما بروح بنتغدى مع بعض فجأه كده بقو ياكلو قبل ما اروح مثلا ب نص ساعه او يرنو عليا يقولولي انتي فين اقولهم اني لسه في الشغل وقدمي مثلا عشر دقايق وهروح بروح الاقيهم اكلو برضو ف بقيت بطنش اصلا وبروح براحتي معتش بسربع نفسي عشان اكل معاهم وباخد شاور براحتي وارتاح وبعد كده باكل وعموما بقالي فتره زي خمس شهور كده زي اللي عايشه لوحدي بسبب الحوار دا