عيلة

انا جالي تروما و بكتب هنا عن ناس و بغلط فيهم مش لدرجة اني اشتم شتايم وحشة بس بتكلم عليهم وحش و برجع اقول طب ما دي غايبة بس انا بجد اتكسرت من جوا و بقيت اخاف من بابا مع انه كويس معايا بس بخاف لان بابا زي ما ماما بتقول ظهر على حقيقته الكلام ده بيدبحني بس بابا ظلمنا من اهله نوعا ما و جاي علينا و مش شايف ان اهله غلط انا زعلانة جدا نفسي اتكلم مع حد فيس تو فيس و اقعد اعيط مش قادرة ارجع ابص لبابا بنفس النظرة تاني بابا بحترمه عشان لازم بره بس انا اتصدمت فيه و بخاف من اقل حركة بيعملها لانه معيشنا في رعب بس مش متشاف زي رعب شفاف كده حد فاهمني هو نايم و بره في الصالة و كل شوية ابصله و اقول اه يا بابا لو تعرف الي جوانا مجبرة اتعامل حلو و امثل اني بحب ناس بكرها لاني بخاف من بابا انا نفسي اعيط انا جالي تبلد مجبرة اتعامل بذوق مع ناس ظلمانا ليه لانهم عمي و مرات عمي لازم احترمهم وهم مش ذوق حسبي الله و نعم الوكيل اديني جبت سيرتهم تاني حسبي الله و نعم الوكيل

✨مش هخس يا خالو وهفضل اكل واتخن لحد ما اموت✨ ✨ماكلتش رز ما اكلتش رززز✨ ✨ياتجيني وانت خاسس ياملكش خال من أصله✨ خلينا نتودود شويه سلام عليكم 👋 مش حابه حد يقفشني ويعرفني عشان لو حد عرف هتضايق اوي ولا اقولكم طز مش فارقه🥸 خلينا نتكلم عن حد حقيقي عجل "انا" والله اللي هيتنمر امه رقاصه متستنوش اخر البوست اني اقولكم اني دلوقتي خسيت وعايشه حياتي لاني لسه عجله "اهم حاجه التصالح مع النفس" مرض السمنه ده بااااردد بالاخص لو انت وارثه من عيلتك عامة بتحس انك مدفون وغرقان جوا دهونك وترهلاتك محبوس مش عارف تخرج منها من وانت صغير مهما حاولت بتفشل والمشكله انك بتعمل كل حاجه تساعدك بس انت ضعيف وعجل برضوا المهم ... خلينا نتكلم من بدايه بسم الله الرحمن الرحيم كده انا اتولد في عيله عايشه علي السمنه البلدي تم اكتشاف مشروع الزبده دي متاخر عندنا المهم كان وراثه من امي وعيله امي امي اللهم بارك فيها يديها الصحه والعافيه كانت مليانه جدا جدا من صغرها وبالغرم من كده جميله وملامحها حلوه انا طالعه زي امي بالظبط انا البنت الوحيده وعجله اهو مفيش حد شافني ومقليش شبه امك وهي صغيره "زي هاري بوتر كده كل اللي يشوفه يقوله انت شبه جيمس وواخد عيون امك ليلي" المهم فتحت عيني علي صواني المحشي والبطاطس وكل ماهو غرقان دهون وانا امي زي ستي وستك كده والناس القديمه اللي الاكل بيبقي اكل مش مجرد كلام فاضي ومتقومش من السفره غير وانت مخلص طبقك اللي يكفي خمس افراد ياما هتديك تبريقه بعنيها تخليك تشخ علي نفسك انا و امي واخواتي الولدين عندنا سمنه خلينا نتكلم عليا انا لان ماما واخويا الوسطاني عملوا عمليات السنه اللي فاتت من المعاناه وقله الاراده والاستسلام واخويا الكبير عجل برضوا زيي بس هو عنده اراده اكثر مننا لو صمم انه يخس بيخس وبيبقي تحفه وجسمه جامد لما بيسيب نفسه بيبقا شبه العجينه .. انا ... انا عندي حاليا 17 سنه عجله داخله 3 ثانوي وزني اعتقد حاجه و 90 من وانا صغيره تخينه كنت وانا صغيره بتعرض للتنمر ومازلت بس التنمر بقا بيجي من اهلي انا اخواتي وامي وهكذا لاكن ممكن مره او اتنين اللي حد ممكن يكون اتنمر عليا في حياتي اتقال عليا من اخواتي بصوا حاجات تحفه كنت في الاول بتضايق منها دلوقتي بقيت اضحك معاهم عادي زي صوابع دي ولا صوابع كفته ، مركبه في دراعك كتفات،جراكن،الكوره اللي بتبقي في البحر، كوره وطالعلها رجلين،شبه البلونه اللي بتبقا في الافراح واعياد الميلاد ، العوامه اللي بتنقذ العيال الصغير في البحر والخ... عامة بكتب وانا بموت😭😂 دول اشهر الحاجات واللي بتتكرر الكلام ده كان بيأثر فيا بشكل رهيب بجد حاليا لا عادي اتعودت بقا الفتره اللي فاتت كانوا بيضايقوني اكتر هو الموضوع ده من زمان ومن صغري بس حاليا الموضوع زاد عن حده بالاخص بعد ما اخويا وامي خسوا وشايفين نفسهم عليا سيكا اوقات بيعدوا عليا الاكل انا اكلت قد ايه كميه قد ايه حطيت كام معلقه اكلت كذا قد ايه والكلام ده وانا باكل تخيل انت بتاكل وحد بيقولك كفايه انت اكلت كذا قد كذا فاهمني لدرجه اني زعقت فيهم خرجت عن شعوري وقولتلهم اني مش هاكل معاهم لو مبطلوش بس ايه النتيجه.. مبطلوش😂 وانا اتعودت بقا مبقاش ياثر فيا والكلام ده قريب جدا انا الحمد لله عندي صحاب عندي القريب والبعيد واللي نص نص مش متخيلين بيحبوني قد ايه "انا اجتماعيه جدا وروحي حلوه اوي ودمي خفيف ومتخلفه عقليا وملامحي حلوه برغم جسمي" ده اللي بيتقالي انا لو حد سمعني بقول علي نفسي عجله هتنفخ محدش بيحب اقول اي كلمه سلبيه عليا مع اني فهمتهم مليون مره اني بقولها هزار وانا الحمدلله بقيت متقبله نفسي وجسمي وبحب ملامحي وضحكتي لاني حقيقي حد كويس استاهل الحب من نفسي ولو حبه كل بقا اللي بعاني منه دلوقتي اللبسسس ده من اكتر الحاجات الخنيقه بلاقي مقاسي بلبس حلو وعلي زوقي بس مش كل حاجه اقدر البسها ومش كل حاجه تليق عليا بالاخص بقا انا بنت والسواريه وهكذا بما اني الحمدلله بلبس واسع ومحتشم وخطوه الخمار مش بعيده بس اتقالي مدام وطنط اعععععع طب يابنتي ماتسيبي السندوتش اللي في ايدك ياعجله وخسي 🤌 والله الموضوع مش سهل زي ما الكل فاهم الموضوع نفسي اكتر وانا معنديش الاراده الكافيه بصراحه مع اني بحاول وحاولت وكان في نتايج بس بضعف ومحدش مشجعني الكل محبط اوي بتكلم علي عيلتي انا لو اخذت خطوه الاقيهم بيتريقوا عليا انتوا جاهله طب مانتوا كنت عجول واطخن مني ياولاد.. بس كده حاليا انا رجعت من المصيف وطخينه جدا بجد وعندي فرح قريب وعايزه اخسله بجددد كده كده هلبس دريس واسع بس عشان يبقا شكلي حلو فاهمني انا عامة شكلي حلو ومقبول ومريح مش اللي هو لغد مترين وهكذا مع احترامي الكامل اللي عنده لغد مترين☝️ لو حد عنده تجربه او حد يقدر يفدني او نفس المشكله يقولي بس عامة ياجماعه مش حاجه لطيفه تماما ان انت تتنمر علي حد طخين لان بالنسباله هو نفسه يخس بس بيبقا الموضوع نفسي وصعب والثقه بالنفس بتبقا قليله اوي بالاخص البنات بنحس اننا مش مرغوبين بمجرد اننا طخان والولد بيصعب عليه نفسه عشان البنات بتبحب الجسم الرياضي والخ انتوا فاهمين اكيد كتر خيركم انت انتوا قرأتوها كلها 👏👏💗 انتي يابت بحبك💋❤️

بجد هى الناس اللي شايفه إن هى بس إللي فوق و الكل مش بيفهوا عايشين إزاي أصل يعني الكل بيغلط و يجي حد يفهمه الصح و هكذا لكن في نوعية كدا غريبه يعني مثلا في عيلتي أنا عشان مش بسلم على ولاد خالتي و ببقى بالخمار قدامهم يبقى أنا كدا شايفه نفسي و أصل هيبصولك على إيه أو مثلا عشان قلت إن ماينفعش إن إبن خالتي تبقى خطيبته طول السنتين خطوبه تبقى قدامه بوشها لأنها منتقبه فجأة قلبوا الموضوع أصل أنا غيرانه بجد والله؟!

ازيكم عاملين إيه ف حاجة شاغله دماغي مش عارفه ليه بس إحنا مادياً مش أحسن حاجه مؤخراً بقيت شايله هم الحوار ده إني الشخص إللي هيدخل حياتي لو شاف شقتنا أو كده هيعاملني ازاي أنا عارفه لو نظرته اتغيرت هو كده مش سوي بس بتكسف أوي من شقتنا مش عارفه هي سيئه فعلاً ولا أنا بقيت أقارن لدرجة بقى عندي هوس النضافه ومركزه ف كل تفصيله الموضوع تاعب نفسيتي بقيت شايله هم أخد صورة! ف البيت مش عارفه فاهميني أو لا

هالو انا بجدد اوضتي ف نزلت انا و بابا و ماما اتفرجنا كتير كذا مره لحد م عجبتنا اوضه غاليه و اوضه متوسطه ف بعد كذا يوم بابا قالي انزلي اشتري الغاليه لأنها احسن نزلت فعلا النهارده انا وماما اتفرجنا و اتكلمنا المهم بفتح الدولاب لقيت كذا خبطه رجعنا للراجل قولناله عايزين واحده غير دي لان فيها كذا خبطه (احنا اوڤر) قالنا انه عنده حته تاني في المخزن متغلفه ف دخلنا شوفناها شلنا التغليف و اتاكدنا و كتبت عليها ف بقول لبابا قالي طلما عنده حته تاني يعني دي مش هتبقي كويسه وفضل يقولي انتي مش حاسه بالمبلغ اللي اتدفع و تعبي و شقايا وكلام كتير و قلقني منها و المفروض عمو هيجي و يتركبها بعد شويه واحنا دفعنا جزء كبير من فلوسها اكتر من نصها وبابا قلقني اوي رغم اني فتشت فيها كويس انا وماما بس خوفني اوي و فضل يقولي بتاعت العرض احسن وكلام كتير و بعد لما كنت فرحانه بيها حسيتني ندمانه

انا في قصه بيني وبين عمتي موقفالي حياتي كلها غلطت معاها وانا صغير مره بطيش مني انا وانا معترف بدا بس هي مش راضيه تحلني دلوقتي خالص وانا داخل عال٣٠ والموضوع دا شغال بقالو سنين لدرجه اني حاسس اني هيفوتني الجواز والعيال وتكوين البيت والكلام دا حتي انا نفسي خدت اووي عليها وبقيت مستريح كدا بس دا اكيد وضع مينفعش يستمر اللي عنده حاجة يعرف يقولها يقولها

علاقة جوز اختي الكبيره معانا كويسه جدا جدا لانه اصلا من نفس العيله وبنعتبره اخونا الكبير لدرجة اني يعتبره اخويا اكتر من اخويا نفسه ويعرف حجات اخويا نفسه ميعرفهاش كنا قاعدين من شويه انا و اختي و عيال اخواتي كلهم لاني اخواتي كلهم متجوزين ف بنت اختي الوسطانيه كانت ماسكه الموبيل ورن ف ادته لي اختي و بعد ما خلصت المكالمه اختي مخدتش بالها و ادته لي ابنها ف بنت اختي عيطت و جات اشتكتلي ف انا رحت لي ابن اختي الكبيره و قولتله تقعد انت و بنت خالتك مع بعض على التلفون قالي لا مش هديهولها انا اخدته خلاص ف جيت بسحبه منه لقيت جوز اختي بيقولي بيزعيق ليه نزعل عيل على حساب عيل تاني و بصوت عالي ف انا زعلت و اتكسفت دلوقتي انا غلطت ولا لا ولا مين الي غلطان عشان انا زعلانه منه بس مقولتش اني زعلانه منه لي حد

جماعة انا حرفيا بكتب وانا شايف ان ده اخر حل ليا ومش ضامن النهار يجي علي ولا لا انا لما اتولدت وانا عندي سنتين امي وابوي انفصلو وامي اتوفت لما كان عندي خمس سنين وعشت مع اخواتي عشان ابوي اتجوز وسابنا وبعدين رحت عشت مع خالاتي الاتنين وجدتي عشان اخواتي كانو بيعاملوني وحش عشت تلت سنين كويسين بس بعدها مبقاش في اهتمام وبيهملوني بشدة صحابي بيكرهوني في المدرسة وبيتنمرو علي من غير سبب ارتبطت ببنت كانت بتتسلي اينعم مفرقليش عشان كنت عارف بس يعني شايف وساخة من الدنيا وانا في تالتة اعدادي لما خلصتها ونتجيتي طلعت من 4 ايام قبلها العيلة كلها قعدت تقولي اخرك 130 وقعدو يتنمرو علي قبلها ويراهنو اني لو جبت اعلي من كدا هيعملولي حاجات حلوة كتير ولما نتيجتي طلعت انا جايب 137 من 140 اتصل بيهم اختي تتريق وتقولي ده انا محتاجة قرض من البنك عشان اعمل الي وعدتك بيه وابن خالتي بيقولي الله ينور علي الغش ومتصلش تاني ومباركليش حتي قلت لأخوي ولا فكر حتي انه يجي يسلم علي ويشوفني وكله بيعاملني بطريقة وحشة كأنهم مش عايزيني انجح ونزلت الجيم بردو علي اساس ابني عضلات وكدا ولاحظت فرق اسألهم يقلولي مفيش حاجة انت بتضيع وقتك انت تافه وكلام يحرق الدم وانا مش برد عشان مش عارف اعمل حاجة اسف لو طولت عليكم بس بجد انا بحكي دلوقتي وانا دموعي بتنزل ومش ضامن الصبح يجي علي ولا لا فبجد عايز دعواتكم ونصايحكم ومساعدتكم

قعدت قعده مع جوز ماما طلعني كافره وعايزه اغير ديني وبكلم عفاريت وجن وملبوسه كنت باخد شاور ،ف العموم اه ساعات ماما او لي حد بيخبطو عليا زي اي حد بتحصل معانا كلنا عادي المره دي لما خرجت كان الموضوع غريب شويه جوز ماما قالي ابقى تعال عايزك ، اصلا ولا بطيقه ولا بطيق امي دخلت الاوضه وقعدت قالي بصي قبل اي حاجه انا زي ابوكي وانتي زي بنتي وبعدين بدأ بقى قالي هو انتي ايه مشكلتك ،قولتله ايه مشكلتي مش فاهمه ،قالي انا قاعد معاكي قعده فضفضه قولي اللي انتي عايزاه ،قولتله لا نقيش حاجه كررها كذا مره وانا ع نفس ردي قالي يعني انتي تمام قولتله اه قالي انا لو كنت عارف ان مفيش مشكله مكنتش قولتلك تيجي قولتله انت شايف مشكلتي فين ،ف حاجه دينيه وكده (ده عشان هو راجل دين وكده ف قولت كده) قالي قولي اي حاجه انتي شايفاها مشكله قولتله لا بصراحه مش عارفه قالي طب ف العقيده انك مقتنعه ان في ربنا ومؤمنه، قولتله اه الحمدلله ،حسيت انه دخلتني ف سكة كفر معرفش ليه يعني مع اني تمام يعني مفيش اي مشكله المهم خدني ف سكة الدين دي وحقق معايا شويه ومعني كلامه طب انتي مش عايزه تكفري ولا تغيري دينك ولا شاكه فيه ولا حاجه ،وانا ع نفسي ردي ان انا تمام ومستغربه اصلا كلامه بعدها راح قالي طب مشكلة الحمام قولتله مالها قالي انتي مش شايفه انك بتتاخري جوا قولتله هو عادي يعني مش مشكله كبيره وبعدين لا مش بتأخري ف العموم يعني ف قالي انتي بيحصلك فقد زمن جوا قولتله لا قالي طب ابقى احسبي بتقعدي قد ايه قولتله انا فعلا ببقى عارفه الوقت قد ايه وخصوصا لما بكون بذاكر ببقى واخده بالي من الوقت قالي بس ابقى احسبي بردو وشوفي نفسك هتخضي من الوقت ولا هتحسيه عادي قولتله طيب مع اني مستغربه كل اللي بيقوله ده قالي احنا هنتكلم بصراحه انتي بتشوفي جن؟ في جن ف الحمام؟ انا اتصدمت هنا ضحكت كده بتريقه وقولتله اكيد لا(انا بجد يجدعان مش فاهمه كلامه،هو بيتكلم بجد وبثقه) قالي طب مفيش جن ف الحمام قولتله معرفش والله انا مش بحضر عفاريت جوا قالي يعني انتي متأكده مش بتشوفي جن او كده قولتله لا بعدها قالي طب حاجه تانيه باب اوضتك ميتقفلش قولتله انا مش بقفله الا لما انام عشان النور اللي برا ف الصاله قالي بردو متقفليهوش قولتله يعني هتلبس مثلا قال اه ممكن تبقى ملبوسه وانتي مش عارفه ،قولتله تمام كنت ماسكه دموعي من الكلام الغريب اللي بيتقال وانهارت لما خرجت، الفكره محدش مهتم قاعدين يضحكو ويهزرو مع بعض وانا بنهار لوحدي طب هو بجد في حد يقول لحد كلام زي كده وانت حاسس اصلا كلامك مؤذي ازاي معرفش مبقاش عندهم دم ولا انا بحس بزياده ولا ايه انا كنت بدافع عن نفسي وبقوله لا يعني بفهمه انه كلامه غريب ومفيش حاجه من دي بس هو كان مصمم ان هو صح، وفضل لاخر لحظه مصمم انا حسيتني مجنونه هما شايفين حاجه انا مش شايفاها مثلا،ومفيش اي حاجه تدل اني بكلم عفاريت ولا اني ملبوسه ولا اني عايزه اغير ديني انا مش مصدقه انه بيسألني الاسئله دي ،ومش فاهمه هو عايز ايه بجد انا كان نفسي ارد عليه اقسى من كده، انا نفسي يبطلو يعاملوني زي الحيوانه ،معنديش مشاعر انا يعني!! انا حاسه بعدم الانتماء بجد

عندي دايما فوبيا و خوف من ان تيجي خطوبتي و فرحي و يبقي الاجواء هادي و ساكتو ممل و مفيش ناس كتير حتي صحابي معتقدش انهم هيعملو جو و هيصه و انا اصلا ف العادي معارفي مش كتير خالص و معنديش صحاب غير اتنين او تلاته و مش مقربه غير لواحده و حتي عيلتي مش كبيرة ف دي من اكتر الحاحات اللي ممكن تقلقني او تخوفني لما اجي اتخطب او اتجوز و المشكله ان الموضوع واصل معايا ب اني بفكر ان لما اتخطب احاول اقنع خطيبي اني مش عايزة لا خطوبه كبيرة ولا حتي عايزة فرح و معنديش ادني مشكله

انا اتخنقت اتخنقت من حاجات كتييير معنديش رغبة في الكلام مع حد لاني مش بجمع لكن الي عايزاه ان حد يضغط عليا بالكلام يطلع التروما الي جوايا يخليني اتكلم و بس مش لازم كلام مترتب او يحمل معنى عايزة اعيط عياط اطفال مفيش في ايدهم حاجه كنت دايما بحلم اني اكبر و احس اني كبرت و اهلي يبطلوا يتحكموا فيا زي ما كنت شايفة و قد كان بس المشاكل كترت من كذا ناحية كبرت و جربت حاجات مش حاباها كبرت و عرفت اني لوحدي بتكلم كتير مع ماما بس عمري بجد ما اتكلمت معاها في الي واجعني بجد مش عايزة اقول الي مضايقني كتابه بقالي سنين بعمل كده هنا نفسي حد يسمعني و يسمع الي بكتبه نفسي ابطل استخدم الاب ده الي اتحبست فيه سنين لمجرد احساس الامان الي حسيته هنا اني اقول الي عايزاه منغير خوف او تعليق منغير ما احس ان شكلي بقى وحش قدام حد نفسي اروح ثرابي بس لا ميزانية تسمح و لا اهل يسمحو انا بتاثر اوي باي حاجه و اكتر حاجه خنقاني اني سهل اعيط نفسي اكمل حوار. منغير ما اعيط نفسي الاقي ناس حقيقة من جوا نفسي اتنفس نفسي الاقي نصي الثاني عموما نفسي ابطل احب لوحدي نفسي ابطل احلم في خيالي نفسي اعيش الواقع حياتي تبان حلوه جدا بس والله انا تعبانة فيها بحاول اتبسط على فكرة مش معناه اني مش راضية بس والله تعبانة اوي مشاكل مشاكل مشاكل الفترة الاخيرة مفيش غير المشاكل و سوء الظن و عدم تقبل اي اراء معاكسة لاراء شخص معين انا بخاف من بابا رغم انه معايا انا و اخواتي كويس و بيهزر بس عمره ما جرب يدخل جوانا و يسمعنا و يسمع الي واجعنا و الاغلب من اهله و المشكلة انه شايف ان الجزء ده مينفعش ندخل فيه اصلا عارف احساس انك بتحب شخص خايف منه نفسك تقوله كلام بس خايف انا عايشة مع بابا بقالي ١٧ سنه. و تعامل بابا معايا كويس جدا الحمد لله بس في نقطة كده بخاف اقرب منها انا بخاف بخاف من الرجالة خايفك اتجوز حد ميسمعنيش ميعتذرش ميتقبلش فكرة انه غلط شايف اني مليش حق اقول الي مضايقني من اهله شايف انه صح على طول انا مش عايزة كده انا عايزة حد احسن من كده انا عايزة حد غير كده و عكس كده نفسي اشوف ولد مش بيفكر كده يبقى بالنسبة ليه البنت الي معايا دي ملكة مزعلهاش و اكيد هى لازم تبقى بنت اصول برضو بس هى بالنسبة ليه اولى من اي حد و اي حاجه بكره عيلة بابا انا بكرهم و بكره و جودهم و فكرة انهم قرايبي اصلا انا بكرهم انا قرفت منهم حرفيا

لما أمي تقف تعمل لي الاكل اللي انا بحبه وتهتم بكل العناصر الغذائية اللي فيه وفي الآخر مقدرش أقوم اكل تبقى ايه؟ تبقى نطع لما الشيخ بتاعك يقعد يحفظك ويبذل معاك مجهود جبار عشان هو شايف انك تعبان ومرهق ومش قادر تحفظ لوحدك وفي الآخر متعرفش تعمل حاجة ولا تحفظ ولا تتنيل تبقى ايه؟ تبقى نطع لما ابوك يبقى نفسه يشوفك فرحان وبتضحك ونفسه يشوفك بتندمج معاهم وانت مش مخليه يحس الإحساس دة ومش مخليه يحس انه عنده ابن تبقى ايه؟ تبقى نطع الحجج الفاضية المعفنة بتاعتك دي متسميهاش أسباب دي وساخة فكرية، كل الناس مفشوخة نفسياً مش مضغوطة بس ومش بيحسسوا اللي حواليهم بحاجة إلا انت كل حاجة مأثرة على كل حاجة في حياتك وهل انت عايز تتعالج؟ انت بتتعالج غلط حتى انت مش عارف تتعالج صح انت بتعمل نفس الحاجة بنفس الطريقة مليون مرة ومنتظر ان النتيجة تتغير دة عند أمك انت عارف انك بتعمل كل حاجة بطريقة غلط وانت عارف انك مش هتسلك كدة وانت عارف ان اخرة دي ان مستقبلك رايح منك وانت لسة زي ما انت عشان نطع، مهزق ومش شخص يستحق الحاجات دي بجد انا اوسخ بكتير اوووي من الحاجات اللي بتحصلي دي مستحقش كل دة حسبنا الله ونعم الوكيل فيا

حاسس اني مأڤور بس انا فعلا متضايق انا منمتش كويس وقومت للصلاه يدوب اتوضيت أذن صليت وخلصت الحمدلله اللهم الثبات وبقاوم النوم بالعافيه عشان لو نمت دلوقتي هصحي متاخر واضيع اليوم احنا متعودين الفطار بيبقا بعد الجمعه وانا ببات تحت مع جدتي ووقت الاكل بطلع اكل عادي انا قعدت ساعتين من بعد الجمعه صدااااااع وجعان ومستني يندهوني اكل اتسحلت الساعتين دول في حاجه وبعدين طلعت بقولهم فطرتوا وبكل برود قالوا ايوه اللي هو انا العاق يعني مطفحش معاكوا الموضوع اتكرر كتير غدا وفطار بقيت اطلع بعد ما ياكلوا (بكتشف انهم كلوا بعد ما اطلع) وبعدين اكل انا كذا مره كنت بعذرهم لاني جت عليا فتره مكنتش باكل يمكن شهر كدا (كانت فتره زفت وعدت) بس مش فاهم دلوقتي في ايه حاسس الموضوع تافه بس نفسي اتسدت دلوقتي وبجد مش طايق نفسي

كان نفسي اكون مهندسة معمارية وبقيت مهندسة معمارية كان نفسي يكون ليا عيلة بحبها و قريبة ليها كنت كدة لفترة وبعدها كل حاجة اتغيرت كان نفسي احب واتحب واعيش قصة حب جميلة معاه ونكون اسره ويكون في ترابط بينا وأهله يبقوا اهلي كنت محافظة علي نفسي وعلي افكاري وعلي كل حاجة ودفنتها علشان ما تطلعش غير في وقت معين ولكن للأسف اتحولت لحاجة من التحف الي ناس تدخل تشوفها في المتحف وتقول الله حلوة ونادرة بس يسبوها ويمشوا بعدها💔

انا من شويه سمعت كلام مخري بجد.وسوري على اللفظ دا بس اتعصبت وضحكتك في نفس الوقت😂😂 انا كنت طالبه اوردر جايبه سكين كير وحاجات لجسمي وكده ف المهم واحده من العيله كانت عندنا وشافت الاوردر وانا بستلمه ف بتقولي اي دا ف قولتلها ف هي ترد تقولي ايه هو انتي متجوزه عشان تعملي كل داا هتوريه لمين في الاخر يعني اللي هو انت بتقولي ايه ياطنط 😭 ف بقولها عادي بهتم بنفسي مش لازم يكون في دكر في حياتي عشان اهتم بنفسي تقولي لا عيب انا قفلت الكلام معاها لحد هنا عشان لو كملت كلام معاها هنجلط من تفكيرها دا😭

وصل بيا اني بقيت اغير من اخواتي و دي حاجه عمرها ما حصلت قبل كدا انا الصغير بس شايفهم بيحققوا احلامي و انا مش بتحرك اه العيب فيا كدا كدا اكيد بس على الاقل لو مش هحقق حاجة مش عايز ابقى بغير منهم و دا غير كلام ابويا الكله عنصريه و يقرف بس تمام يعني

ان اخواتي ميكنوش مصدر امان ليا و أذوني كتير دي حاجه بتضايقني و بخاف ان ده حصل واهلي عايشين و وسطنا امال لو بعد شر مش موجودين هيحصل اي . بجد زعلانه اوي كان نفسي نكون صحاب و حبايب . بدعي ربنا يجعل بينا موده ورحمه بس بقالي سنين و بعدين طيب ما اصل شخصيات هتتغير ازاي و هعمل اي تعبت بجد لي منخليش حياه احسن لبعض مش العكس

اووووف بجد جبت اخري من كل حاجة وكل حد مفيش حاجة عدله ولا نافع ف حب ولا صحاب ولا بطيق حد في العيلة ولا نافع فشغل هوا ايه انا اتخلقت ليه لما حياتي هتكون بايظه كدا انا موجود عشان اشتغل واتهان واسد جمعيات وخلاص هوا اكيد ده مش سبب وجودي بجد

انا مش عارف ايه احساسي بالظبط بس الموقف الحصل أن اخوايا لسا متخرج من هندسه و اخوايا التاني لسا اول سنه هندسه و انا تالته ثانوي و ابويا مهندس ممكن تكونوا فهمتوا الموضوع اكيد طبعا كل شويه يقوله يا باشمهندس.... يا باشمهندس.... حرفيا مبقاش يقول اسمه لوحده خالص حرفيا فاخويا بيقولي انت تقولي يا باشمهندس فقولت لا هقولك اسمك عادي، بضحك يعني و كدا اصلا مش بحب ولا غالبا عمري قولت لحد يا باشمهندس اصلا بقا المهم ان انا مش بغير من اخواتي و كدا بس حرفيا اهلي بيحبوهم اكتر مني حرفيا مفيهاش نقاش يعني ولا تقولي اخر العنقود و البلا بلا دا فبقيت بغير منهم و كل ما بغير منهم بحس بقرف الهو ايه القرف البعمله دا مش بغير ولا بحقد على حد عمري دايما بشارك الناس فرحهم و كدا يعني و مبقتش عارف اوقف القرف دا اعمل ايه

لسه حالا مكتشفه اني مكروهة فالبيت و محدش بيحبني حقيقي ولا بيحب وجودي فالبيت اتخطى ازاي🥲 هو المفروض البوست خلص هنا بس هرغي لحد ما اكمل ال ١٥٠ و السلام عليككككمم و رحممممةةة الله و بركااااته

السلام عليكم ورحمة الله وبركاته بوست طويل عشان لو حد عايز يسكب من الاول انا لسه مخلصة امتحانات عارفين بالرغم اني نفسي يبقى معنديش مذاكرة وكل الكلام ده الا اني بحب انزل دروس عارفين ليه عشان مقعدش في البيت بكره اقعد في البيت بحسه يخنق كمية خناقات لأتفه الاسباب زعيق وصوت عالي تعليق على اي حاجه (ده اسلوب حياة بس معظم الوقت كنت ببقى في الدروس) رايحة تالته ثانوي بحاول استمتع في الاجازة على اد ما اقدر اعمل حاجات بحبها عامة بنسأل بابا وكده هنطلع مصيف ولا لا يقولنا لا طب ليه هو كده طب هنسافر في اي حته لا طب ليه هو كده الفتره بجد نفسيتي وحشة جدا وبحاول اخرج نفسي من المود بأي طريقه بس الاجواء مش مساعدة في لعبة كده بحبها اووي كنت بلعبها يعني بس بابا قالي امسحها وكده فتمام مسحتها جاية اقوله بعد ما خدت الاجازة عايزه انزلها يقولي لا بقوله ليه يقولي اللعبة دي مش هتنزل تاني (ما تفكوها علينا خلي ربنا يفكها عليكوا بجد) بدون اسباب هو كده ومش هتنزل تاني وانا معنديش خلق اليومين دول اني اتناقش او اتحايل بجد هقعد اعمل ايه طول الاجازة بقيت بكره امسك الموبايل وافضل قاعدة على السوشيال ميديا بجد بحاول انزل تمرين بس انا جسمي بيتعب من اقل حاجه بجد خايفه انزل ومنتظمش

حاسه انه موضوع تافه بس هحكي عشان متضايقة اوي وانا نازله من العربيه انا و اخواتي ركب معانا عمي بالصدفه علاقتنا كده كده سطحية و احنا مش بنحب عيلة ابويا اصلا بس كويسين مع بعض فالعموم المهم هو و نازل مقاليش انه هيدفعلي ولا اي حاجه تدل ع كده ف انا استنيته يدفع على اساس بيدفع لنفسه و بعدين جيت ادفع ليا و اخواتي راح اتعصب و بصلي و قال قدام السواق ايه مالك انتي و بعدين ضحك باستهزاء و قالي تعبانه انتي شكلك و مشي و هو بيقول يعني ازاي هدفع انا و اسيبكم انا زعلت جدا و معرفتش اقوله ايه بجد ارتبكت حاسه اللي كان مضايقني هو ردة فعلي اني معرفتش ارد عليه اكتر من قلة ذوقه و كلمة تعبانة دي حسيت بالاهانة جدا الموضوع زعلني اوي اي رأيكم انتو

جماعه اختي النهارده كانت بتضحك جامد كل متحصلش حاجه تضحك بطريقه اوفر انا الوحيده اللي لاحظت انها كانت بتحاول تداري زعلها في الضحك انا بجد حزينه اوي عليها ادعولها وادعولي اشوفها مبسوطه

حاسس بأشتياق غريب اوي للماضي لقبل تفرق العيلة و ان كل واحد يروح في مكان و يتخانقوا كلهم و بختلفوا و قبل ما نكبر و كنا بنتعمل كلنا على اننا اخوات خايف بسبب اننا كبرنا خلاص مش هنقدر نتعامل مع بعض عشان حرام انا عارف انه حرام بس كنت بحبهم زي اخواتي اوي بجد (بتكلم عن قريبي البنات كنا صحاب و احنا صغيرين و حالي كل واحد مننا في بلد و مش بنتواصل و كمان كبرنا و المصيف العائلي خلاص مش هيتكرر عشان بقينا كبار و مينفعش الاختلاط بجد الماضي ده وحشني اوي اوي عايز ارجع اتعامل مع الكل عادي مش لازم ابقى كبير مش عايز اكبر و اتجوز انا عايز اعيش حياتي عادي

نعمل ايه بجد لا عندنا ام تحن ولا اب مهتم حتى ولا حتي صاحب يشاركنا حياته ولا حد عايشين كدا وخلاص يعني الواحد مستعد يعمل كل حاجه ويتنازل بس تفضل معاه تحسسه بقيمته مش ولا كأنه موجود ولا حاجه ليه بجد هو العيب فينا طيب مينفعش يكون لينا هو مكتوب لينا نبقي لوحدنا طيب

عندي مشكله وحاسس ان الموضوع داخل ف اكتئاب معايا وحيااتي بدات تبوظ بسبب الموضوع ده مشكلتي مع اهلي ان بحس اني مش متشاف ودايما التفضيل ل اخواتي علي حس انهم يجو عليا عشانهم بحس ان المكان مش مكاني هنا واني مش متشاف وحاسس حياتي ملهاش اي لازمه لا لا بطلع ل قدام ولا حاجه نفس الروتين كل يوم روتين فشل حرفيا وبقيت مكتئب وبجد الدنيا دي صعبه

هو أنا ليه حاسس إن لما بابا و ماما بيتخانقوا مش بيبقوا شايلين هم و كدا و انا الوحيد اللي ببقى زعلان و متضايق إن هما متخانقين يعني ليه كدا بجد...كدا كدا كدا كدا كداكد مش بنتص اؤ زلم يم بنقو ؤن صزك

اي حد موسوس من الحسد حرفيا كنت بتريق عليهم اصلا و ال هو انت مكبر الموضوع لحد ما بقيت اوحش منهم بقيت بحس نفسي بتحسد بسرعة اوي لما يبقا شكلي حلو بخاف ليحصلي حاجة و فعلا بيحصل. يعني مثلا انا بحب اقول رأيي حتي لو هيخالف كل الناس و انا كنت كدا من سن صغير و دا خلاني لبانة فبق قرايبي دي عقلها كبير دي هي العاقلة ال فاخواتها شخصيتها قوية و بيعيدو الكلام عليا في كذا يوم بشكل مش طبيعي مع أن انا اصلا بروحلهم كل كام سنة و هم فمحافظة بعيدة لحد ما عقلي باظ و ذكاءي قل بنسي بسرعة اوي حتي مبقتش اعرف اتكلم عدل لازم اتلجج فالكلام و كلامي مش مفهوم لحد ولا مترتب مرة كنت بنضف البيت تنضيف اوفر شوية فبابا قال دي عندها الصحة لحد ما وقعت 3 فقرات اتكسرو مع أن انا ولله وقعت وقعات اقوي من دي مليون مرة و محصليش حاجة لدرجة أن الدكتور استغرب يقولي انتي حد خبطك بعربية انا شعري طويل و اختي الكبيرة حرفيا كل ما تروح لمكان تقف قبل ما تروحه و تفضل باصة ع شعري بغل و انا بحس و ببص ورايا و فعلا بلاقيها واقفة لحد ما شعري بقا بيقع بشكل مش طبيعي لحد دلوقتي اتعلمت و بقيت يلم شعري ادامها و جه فمرة فك بالغلط لقيتها بصت كدا و( مسكت شعرها ) هي شعرها قصير الموضوع دا عملي تروما و محدش يقولي ادعي ربنا لا انا فعلا بدعي ربنا دا حتي وشي متسابش فحاله هو كان مشدود جدا و فجأة لما خرجت وشي اتبدل كأني واحدة تانية لقيت خطوط بتظهر وشي نزل ونفخ هو ايه ال بيحصلي دا

الفكرة انه بسم الله الرحمن الرحيم انا لا املك اي شئ حاليا ولسة لما اخلص كلية هايكون نفسي اوصل للصفر علشان ابدأ منه واطلع من مرحلة السالب علما ان الصفر بالنسبالي هو اني اصرف على نفسي وماخدش فوس من حد هاتقولوي ليه لما تتخرج هاقولك انا كلية طبية ومش ملاحق + كليتي في محافظة وبيتي في محافظة ف مش مستقر في مكان انا شوية هناك وشوية هنا وظروف عيلتي لا تسمح انهم يزقو معايا ف انا حرفيا اللي هابني نفسي بنفسي مطلوب مني اتجوز قبل ال٣٥ وماعنديش شقة ولا ايي حاجة مطلوب اني ابقى اجمع تمن المعادلة لما اتخرج علشان اعرف اسافر مطلوب اني اعيش حياة + عاوز اعوض ابويا وامي واخواتي عن كل خير عملوه ليا + انا حاليا (وانا لسة اول سنة جامعة ) زهقت من البيت وعاوز اطلع في شقة لوحدي ف مابالك عقبال ما اوصل للصفر هاكون عامل ازاي عموما ادعيلي ربنا يغنيني بس اللي مهون عليا بجد هو ان ربنا كاتب لكل شخص رزقه قبل ما يتولد وانا واثق في ان ارادة اللي خلقني خير ❤️‍🩹

انا اخويا متجوز ومراتو حامل وعندو بنت ف مراتو ف اوخر الحمل قولت اطلع اساعدها ف شغل البيت لحد متولد بس فجاء بقت ع طول تعبانه مبتقومش غير عشان تعمل الاكل بس وانا مسؤاله عن بنتها اكلها واشربها واغيرلها واغسل مواعين وكل حاجه المشكله م هنا بس المشكله انهم بيعملوني بصيغه امر هي واخويا م طلب فهمني يعني مثلا ابقا بغسل المواعين او بعمل حاجه والنت تعمل بيبي ف تناديني تعالي غيري ل البنت وانا اروح وانا حاطه جزمه ف بوقي ولو معملتش حاحه تزعل دا غير مرات ابويا اللي نسخه منها بس هي م حامل بس عندها ولد صغير من سن بنت اخويا انا تعبت ومبعرفش اقول لا لحد بس اعرف ازعل واشيل واقعد اعيط بالساعات بحس اني خدامه م اڪتر ولما بتعب بيخلوني اعمل الحاجه وانا تعبانه عادي اتمنا تفهموني ويكون كلامي مكتوب صح لاني بكتب وانا بيعط وبكتب بسرعه

بتعملو اي مع الاب اللي بيحب اهله اكتر من اولاده وبيبديهم ف كل حاجه عن اولاده لدرجه انهم مش لاقيين ياكلو ويلبسو كويس بس اهله عندهم كل حاجه ومش بيستكفو وسايبلهم ماله بالملايين من سنين كان معانا حاجات كتير وكلها اتباعت وخلصت لما اتزنقنا وقولنا عادي بس خلاص مبقاش ف حيل نسكت اكتر المفروض نعمل اي

تعبت كان نفسي يكون عندي اخوات اخ طيب يحس بيا ويطبط علي زي زمايلي ولا اخت بنت تفهمي تنكشني تاخدي هدومي اخد حجاتها نخرج سواء بجد زعلانه ان معنديش اخوات هل فعلاً الأخوات شي حلو ولا بس الي بحلم كتير قالي مش زي ما انا متخيله بس حاسه ده عشةن يهونو عليا مش اكتر بس الموضوع مضيفني جداً

مش قادره انسي ان بابا سابنا طيف الموضوع ده بيزعلني اوي حوار انه عايش وسط ناس تانيه و ناسينا بحس بيخنق روحي بقيت احس باليتم لما اشوف اب و بنته و اتمني ان باباها ميتغيرش او يبعد عنها و ان ربنا يصبرني

بصو انا دلوقتي بنت عندي 15 سنه وانا بحاول احسن من شخصيتي انا الحمد لله شخصيه اجتماعيه بس بواجه مشكله اني معنديش حد قريب مني يعني لما بنتجمع مع العيله كل اتنين بيبقو المفضلين لبعض وانا بحاول اقرب من اي حد لاكن لاحظت أن محدش بيحب يقعد معايا وحتي اخويا الكبير في فرق بيني وبينه سنتين يعني المفروض يبقي اقرب حد ليا لاكن هو واخد حد من عيلتنا وبيقول عليه أخوه وكده وانا بتضايق لان مفيش موقف عن الاخوات غير وهو قالي اسم الشخص ده وبجد انا بزعل وبقعد اعيط ف انا عايزه اكون جذابه للناس أنهم يتكلمو معايا ويقعدو معايا وكده بس مش عارفه فممكن نصائح منكم

حد زهقان نلعB صرAحه من أجمل الأعياد اللي بنستنى فيها الربيع، بنخرج ونستمتع بالجو ونقضي وقت حلو مع العيلة والأصحاب. يوم بسيط بس مليان فرحة، وأكل مميز زي الفسيخ والرنجة والبيض الملون 🌸 كل كام وانتم بخير

انو حتى لو اتكلمت فى مفيش حاجه هتتغير ومهما عيطت ودبدبت فى الارض مستحيل تتغير حاجه اصلو مين هيغير ابوه وامه!! عموماً الحمدلله وكمان الحجات اللي بتخيلك تسكت دى بتربيك وتخيلك اقوى فااا اتس اوكيه خير خير باى

مبقتش طايقة حد ولا عايزة اتعامل مع حد خالص و خاصة العيلة كل حكاويهم مشاكل و اكتئاب و نميمة و يعيبوا في بعض لما نفسيتي تعبت و اكتئبت و بقيت شايفة الدنيا سودة ده مش بعيد يكونوا بينمو و يعيبوا فيا انا كمان بس المشكلة أن في كذا حد فيهم اتعود اني أزوره من وقت للتاني و اوده و منهم اللي وحيد و اللي تعبان على اد ما اللي تعبان ده صعبان عليا و مش عايزة اسيبه في عز تعبه على اد ما اتخنقت من الشكوى و السواد اللي في حياته و العياط مبقتش عارفة اعمل ايه حتي السؤال ع الواتس بقى تقيل و يخنق لدرجة اني مزورتش حد خالص في العيد

مش هحل الغلط ب غلط اكبر منو وهفهمهم ومفيش مشكله بتتحل بالضرب ولا العنف مفيش احسن من الهدوم واني اتكلم معاهم براحه ومش اي مشكله تحصل كل العيله تعرفها حتي لو كانت ايه هتتحل بينا ف البيت عشان لو طلعت كلو هيفضل فاكرها حتي لو كانت تافهه او حصلت في سن مراهقه واني اديهم وقت وابينلهم قد ايه بحبهم ومش بفرق بينهم .

جماعة سؤال لو سمحتوا لو اتظلمتوا ف شغل مع قرايبك و شوهوا سمعتك ف الشغل و أما معتذرتش ليهم ف شوهوا سمعتك ف العيلة و انتي مظلومة حرفيا ومش عارفة تدافعي عن نفسك لأن محدش هيصدقك و الكل ضدك تعملوا ايه ؟؟؟؟