حاسه اني مخنوقه و مش عارفه اطلع م الخنقه دي حاسه ان في حمل ع صدري عارفه انها بسببو ٤ سنين مخدش خطوة بيشتغل ب مزاجو لو الشغل معجبوش الناس مش مريحه يمشي م غير اي حسابات ويقضي باقي الشهر سلف و يفضل مخنوق م قله الفلوس ولو اجا فلوس يسد وهكذا مبيعملش اي حاجه ل قدام يوم ما جالو فلوس راح جاب عربيه بدل الشقه بحجه انو يشتغل عليها و بينزل يوم اه و ١٠ لا قعد سنه م غير شغل كنت انا اللي بدور وكان يهزقني لو اجا حاجه معجبتوش كنت راضيه وبحبو بس اخر مشكله روحت احل مشكله عندي كنت اخده صحبتي وابوها وهو مش بيحبهم و مردتش عليه كول اما اتصل عشان هيفضل نص ساعه او ازيد يتخانق معايا واكيد مش هعطل ناس جايه تحللي مشكلتي عشان اقنعو واهديه وانا عارفه انو هيقولي امشي اي كان العواقب ويفضل معايا ف الكول جالي خناقات و شتايم فيا و في اهلي وقعد يعايرني ب اي حاجه عني حكيهالو و يهددني انو هيقول ل اهلي ع علاقتنا و زقني ف كتفي و نزلني م العربيه وقبلها جالي تحت البيت زعيق وفضلت اترجاه وازعق عشان يبعد عشان محدش يشوفنا مكنش همو و بعد ده كله لما جه يراضيني تاني يوم قالي انتي السبب انتي اللي عصبتيني وانا مضغوط ومثل عليا انه تعبان واتاكدت انو بيمثل عشان ارضي ارد عليه مش عارفه اصفي ومش بمزاجي اعمل اي عشان ابقي كويسه انا فعلا مضايقه م الخنقه دي ومقفولة منو فشخ مع ان كنت بعشقو
انتى شبشبك اجدع منو متقللليش من نفسك كده
علاقه سامه ومن كلامك شخص غير جاد ولو حصل بينكم اي حاجه ومتقدمش للان تأكدي انك بتضيع وقت مع الشخص الغلط والتمادي في العلاقه هيضرك انت لوحدك مش عيب ان الانسان يغلط او ينخدع لكن العيب اني اكدب علي نفسي واصدق الكذبه واستمر فيها الحقي نفسك لان الوقت اللي بيمر مش هيرجع تاني
هو عمره ماهيجهز سيبيه دا ولا يسوى واستعوضي ربنا انتي الف من يتمناكي سيبك منه دا حيوان وعشان عارف انك بتحبيه بيستغلك
تصفي اي يا قلبي؟! انتي مستوعبه انتي بتقولي اي ؟ وراضيه ب قله القيمه دي ؟ طب انا بقولك والله لو بيحبك بجد واللي عنده دا مشاكل نفسيه والله هتتبهدلي معاه لو اتجوزتو وبالذات بحوار الشغل دا ، انا بابا عندنا كدا والله مستنيه اي فرصه عشان اروح كليه بعيده واشتغل وابعد عن البيت وهيعيشك ف سلف وبهدله و كل دا وبابا قعدته من الشغل دي ظهرت بعد الجواز وبندعي بس باليوم اللي يتكرم علينا وينزل الشغل بدل ما بيشتفل اسبوع ويقعد شهرين وتلاته . انتي بقا بتتحايلي عليه من دلوقتي وهو اللي بيزعقلك ويهزقك ويهددك تروحي ل دا برجلك ليه؟ انا امي كانت عيله وملهاش قرار انما انت تعملي ف نفسك كدا ليه وخدي باللك اللي بتختاريه دا هيبقى اب ل عيالك يا هيبقى سندهم يا سبب كسرتهم ودي مسؤوليتك
انتم مخطوبين ؟