انا حزينة وكأنى طفل متعاقب فأوضة ضلمة والى حبسه فيها نساه .. مستنية معجزة ان الباب يتفتح واقدر اخرج للنور.. مش خايفة من ضلمة الاوضة لانى اتعودت.. كنت خايفة فالاول بس بقيت حاسة ان كدا أحسن يمكن لو طلعت مش هعرف أتعامل مش هعرف أتكيف.. جوايا إيمان انى مش جاية الدنيا عشان أعيش قصة بلا معنى ببذل فيها عشان غيري ع اد م بقدر لكن ماليش قصة خاصة بيا ومش عارفة أكتبها لوحدى .. مش عايزة أكتبها لوحدى !!.. عارف لما تحس انك اتخلقت نص روح بس مش عشان روح تانى تكملك.. كنت فاكر فالإول ان ليك نص تانى هتقابله ف يوم تستقوى بيه وتتسند عليه بعد الله.. بس طلعت ملكش نص تانى انت جزء من روح مش عارف حتى تعيش لوحدك... مش قادر ..بتتنفس بتاكل وتشرب بتروح وتيجي بس مش عايش والوقت فات.. فات كتير اوى والشمعة الى نورتها لنفسي كأمل قربت تخلص ونورها ضعف.. وأطرافى كلها اتجمدت لدرجة مبقتش حاسة بيها .. انت عارف انى بكون وسط الناس وبتوه بأفكاري ومش بعرف اسيطر ع دموعى بس بحاول مبينش .. لما تحاول تتفاعل مع الى حواليك وفجاة فجاة وسط الكلام تحس انك مش منتنى ليهم وانك ناقصك حاجة او حد ..بس عارف انت نفسك مش مصدق ان ف الدنيا دى موجود حد مخصوص عشانك لانه حتى لو موجود فهو اتأخر اوى ع نسختك المنورة وأكيد عرف يعمل لنفسه حياة مش كل الناس زيك بتعطل لما تكون لوحدها.. ساعات كتير بسأل نفسي دا ضعف ولا كسل ولا قلة حيلة ولا احتياج ..يمكن كل دول بس الى انا متأكدة منه انى كنت وحيدة من أول القصة حتى وانا كفلة مسؤلة من غيري ودا خلانى استنى المجهول ..يمكن الانتظار هو المشكلة كتير بقول يارتني م حسيت أوى كدا وصدقت يمكن وقتها كان جه بسهولة وكانت كل حاجة بقت طبيعية.. مش حرام انسان يفضل لوحده بين دوامة أفكار وشك وقلب بيتعصر وروح بهتانة وعقل مبيبطلش أسالة يمكن كان هدى لمجرد ان حد يطبطب عليه ويكون جمبه ..بس مش أى حد .. نص روحه....