تخطي

سيا ،كل ما أنزل حاجة بتنحذف عشان القواعد هنا انا اللي كنت منزل من شوية عن طريقة اتخطي الحوار دا بس معرفتش ،انا اللي قولت لو لقيت مطعم حلو لازم اعرف كل اللي اعرفهم نفسي حد يحل المشكلة أنا بتاع الصب اللي محتار ومتسرع

كيف يستطيع الانسان ان ينسى و يتخطى شخصا يعشقه لكن متأكد انهم ليسوا نصيب بعض كيف أستطيع منع قلبي و عقلي بالتفكير به انني افكر فيه وسط فراغي و ايضا وسط انشغالاتي اريد ان اتخطاه و انساه لكن من جهة أخرى أحبه و اريده بشدة هل من حل!!!💔

جماعه بتتخطوا ازاي احساس أنكم نفسكم تلاقوا ناس شبهكم. دايما عندي احساس ان فيه حد تاني شبهي بنفس مشاعري وكل حاجه في جزء تاني من العالم فبقعد طول اليوم في خيالات عبثيه بجد إرهاااااق غير التفاصيل بجد.

ليه الإنسان بيكون قادر يواسي كل اللي حواليه و يحاول علي قد م يقدر ينصح اللي حواليه علي الرغم من أن هو في نفس المشكله و حاسس نفس المشاعر و مش قادر ينقذ نفسه يعني مثلا زي لما تنصح حد ازاي يتخطي شخص في حياته و انت نفسك مش قادر تتخطي و كل فتره و التانيه تفتكر الشخص ده و تزعل و تحش انك رجعت من الاول تاني ، ليه ؟

نبدأ من جديد.. بص يا B مش هقولك انا حبيتك لأن مفيش حب قبل الزواج، ف خلينا نقول انا اعجبت بيك او اتعلقت بيك ماهو ده المنطقي و برضو حبيت الصورة اللى رسمتها ليك فى عقلي و بنيت بيها احلامنا..❤️‍🩹 لو انت كنت بتتسلى بيا ف تمام انا مسامحة لأن عليا غلط برضو، بس خسرت حد كان شايفك بطريقة مميزة و مختلفة، شخص كان بيدعيلك و يخرج ليك صدقة و عاملك كشكول و حاجات كده فريدة من نوعها لأن انا كمان فريدة من نوعى.. لو غير كده ف انا بجد زعلانة منك او و حاسة بوجع بسبب عمايلك، مكلمتنيش يوم امتحانى اللى فاتت تطمن عملت اى ولا حتى النهاردة كنت متوقعة بجد تبعتلى، دنا حتى فكيت كل البلوكات النهاردة 💔 بس عادى هتقبل انك ممكن متكنش حبتنى عادى.. من يوم امتحانى اللى فات من ساعة ما اختفيت بقالى حوالى ٥ ايام اهو كنت مأجلة احكى اللى حصل فى الكشول بس من شوية حكيت و خلصت و طبعا كنت مأجلة على امل البت الدحيحة تعرف تذاكر بس ده محصلش لأن عديت النهاردة بكرم ربنا و قيام الليل بس❤️‍🩹 هحاول اتخطى و اتعافى و لو كنا خير لبعض ربنا هيجمعنا، و لو غير كده ف لعل الخير يكمن فى شخص تانى بس فى تلك الأحوال مفيش جوايا اتجاهك مشاعر حقد او اى حاجة وحشة خالص و الله، و المشاعر التانية اللى جوايا هحاول اتعايش معاها و اخليها تتقبل الوضع.. محدش عارف يمكن التلت الشهور، دول بعدهم يكون خير، ف خير بإذن الله مش عارفة اقول اى بجد بس وحشتنى اوى قد البحر و سمكاته💔 عارفة انك مش هنا بس كنت بتمنى💔💔 بجد بتمنى كل حاجة تتصلح للأحسن❤️‍🩹

الشخص اللي بيوحشك جدا ده كل يوم بيصحي من النوم وبيختار ان هو يعيش من غيرك ويكمل حياته من غيرك فاعتقد ان ده كفاية بالنسبالك ان تقفل الموضوع ده وتكمل حياتك وتتخطي وتشوف حياتك ـــــــــــ

انهارده الثيرابيست قالت حاجه حلوه اوي ع التخطي هصيغهالكم بطريقتي واقولهالكم قالت التخطي مش زي ما الناس فاكرة ولا هو خطوة بتمشيها وتعدي، هو وقت طويل جداً بتفضل فيه بتتصالح مع فكرة إنك اتغيرت غصب عنك او اتحطيت ف وضع جديد عليك، في الأول بتفتكر إنك نسيت وبعد شوية تكتشف إنك بس بتتجاهل وبعدها تلاقي كل حاجة صغيرة بتفكرك باللي فات، وهتلاقي نفسك بتتظاهر إنك بتكمل يومك عادي جداً قدام الناس تضحك وتتكلم، وانت جواك في حاجات لسه موجوعة ومش عايزة تهدى ومع الوقت مش بيختفي الوجع هو بس بيهدى شوية شوية لحد ما تتعود تعيش معاه من غير ما يكسرك كل مرة تفتكره. حسيت انه بجد اكتر وصف طبيعي شوفته ع التخطي، وصف واقعي

بتعلمه ايه علشان تتخطي احساس الندم علي قرار اخدته انا عارف أنه احساس صعب بس اوقات بحس أني ضعيت فرصه مهم و في نفس وقت بحس أن لا كان لازم اسيبها والاحساس الأكبر الي بيجي انك ضيعت فرصة مش هتتعوض

لن تحصل دائمًا على خاتمة لكل نهاية في الحياة، معظمها نهايات مفتوحة. لن يكون هناك آخر محادثة توضح كل ما حدث. ربما لن يكون هناك اعتذار لكل شعور سيء شعرت به يوماً ما. لن يكون هناك شخص يخبرك كم كان سيئًا بالنسبة لك وأنت لا تستحق ذلك أبدًا. بعض المواقف لن تكون واضحة بما فيه الكفاية لماذا حدث بهذه الطريقة القاسية. لذا عليك دائمًا أن تتخطى الأمور التي لم تعطيك تفسيرًا. لأنهم على الأرجح لن يفعلوا أبداً.

احساس دائم بالغربه فى هذا الوقت من الليل ، ازاي ممكن الانسان يحس بان الامور هتكون باحسن حال و ان عادي اشطا هنتقدم و هنوصل او ازاي نتخطي ذكريات الماضي مع الامور ليست على ما يرام ذكريات الماضي مع النوستلجيا مع الاوفر ثينكنج كل ده وسط هذا العالم دنيا مش سالكه لا لينا ولا لحد مجانين يصحبي و تاييهين مع خلفيه مشغل اغنيه ليجسي اتنين باليل و فعلا انا ماشي لوحدي فى الشارع بشكيله حالي اتنين باللللليييلللللل

خدها قعده في حياتك اللى بيخرج من حياتك بيوسع مكان اللى احسن وانضف منه متبصش تحت رجليك وتقول اصل العشره والايام الحلوه اللى قضينها سوه عشان لو شخص يستاهل مكنتش هانت عليه العشره ولا الايام الحلوه متبصش وراك وللى فات مات واللى جى ولله افضل

يعني بجد هو ازي الوحد يقدر يتخطي شخص كان شيفو اخت يعني انا معنيش اخوات وهيا اكتبرتها اخت و فجاه حصل سوء تفاهم وهيا عرفت تجمد قلبها عليا وانا مش عارف اتخطي الموضع يعني انا شايف حياتي وبنزل يمكن انا معنديش صحاب عندي معارف كتير اوي وانا حياتي مشايه بروح الشغل بنزل و اهزر بس هيا مش عايزه تطلع من بالي

جماعه ازاي اتخطي ، ازاي انسي حد انا متعلقه بيه ، ازاي بجد اتخطاااه بحاول بقالي فتره انا بحاول اشغل وقتي بس برضو فلو حد مر بتجربه زي دي ياريت يقولي ويفيدني ازاي عرف يتخطي عشان حاسه حياتي واقفه .

عارفه ان الزعل مش بيفيد بالعكس بياكل في الإنسان اكتر بيخليه يفقد حاجات كتير وقت كبير و صحه وعارفه أن مش من حقنا نتحكم في مشاعر حد حتى لو هما اللي اختاروا يبقوا وحشين مهما كنت انت كويس مش معناها هما يحسوا انك تستحق و لا مقياس ليك بس الإنسان مهما كان فاهم كل الحقايق الدنيا برضه صعبه عليه مش بيقدر يستوعب ولا يتخطي مهما كان قوي مهما كان ذكي بيجيله لحظه انا مستحقش كل ده معقول محدش شاف كل اللي عملته واللي كان عندي استعداد اعمله مكنش ليه قيمه طيب سابوني ليه اعمله وهكذا بقي انا عارفه ان كل ده مش صح وأنه مش مقياس ليا في أي حاجه واللي وجعني اكتر اني مدركه ده

مش من النوع البيحب بكبر المواضيع أو يديها اكبر من حقها بس انهارده كنت في مكان، المكان دا كنت بروحه دايما مع اعز صحابي كان اكتر من اخويا المهم احنا بقالنا سنتين باعدين عن بعض فلما روحت المكان دا (كنت مع ماما) كنت متعصب شوية (و انا اصلا مش بتعصب خالص حرفيا) و كنت بتلفت حواليا خايف الشخص دا يجي أو يبقى موجود (علشان المكان قريب من بيته) و مش مركز في ولا حاجة متوتر شوية و كدا و فوقت اول ما طلعت من المكان و بعدت عنه خالص انا كنت ببعد عن المكان دا خالص بالمنطقه كلها علشان مكنتش عايز افتكر حاجة بس اصريت انهارده أننا نعدي عالمكان يعني علشان اشوف هل فعلا تخطيت ولا لا فانا بعد الحصلي دا مش عارف بس بحاول أوهم نفسي أن أنا اتخطيت، و يمكن يكون الوهم دا حقيقه اصلا و شكرا

شوفوا انهارده بعد ما قولت أن خلاص بدأت اتخطى شوفتو قدامي ثواني و اختفى بس سابني مع دماغي مش عارفه اي الي هيحصل بس انا ما بين قلبي و عقلي الناس قلبها هو الي بيكون ضعيف و العقل العكس انا عكس الناس قلبي بيقولي ده تدابير ربنا و عقلي يقولي بعد ده كلو معقول ياااه لو الواحد يختفي من الالم ده بجد الوجع و الدنيا بقت مميته

في وقت من الاوقات الواحد بيحس ان الشغف رجعله وانه يقدر يواجه الدنيا وينسي فشله ويتغلب علي الصعاب بس اللحظة دي مش بتدوم وبترجع تاني مكسور واسواء من الاول وبتفكر في كل حاجة حواليك وبتكتشف ان حياتك عبارة عن فشل من كل النواحي بتقدرو تتخطو ده ازاي ؟ وهل حد بيقدر يتخطي اصلا ؟ ولا بيبقي مجرد تأقلم لان ملهاش حل ؟!

یا جوهره یا مخنوقه متضايقيش نفسك كله هيتحل انتي بس وكله هيتحل ان شاء الله والواحد هيتخطى زي ما تخطي حاجاات كثير اوي ف حياته كل بيكمل وكله بيعدي وهتضحكي وهتنسي وكل فوق راس الواحد مش عارف اقول ايه

محتاج نصايح منكم كل اللي مر بتجربة يقولي نصيحة وايه اللي تتعلمه من التجربة دي وايه الأخطاء اللي مينفعش اقع فيها وازاي اتخطى التجربة أو التحدي دا بحيث كلنا نتعلم من بعض ونستفيد من خبراتنا

دلوقتي أنا كنت بحب واحد و سيبنا بعض بس مفيش اي امل أننا نرجع و حاولت معاه كتير بس قال خلاص مبقاش ينفع.....أنا دلوقتي مش عايزه ارجع بس حاسه اني عايزه ترن اتكلم معاه كلام عادي يعني عامل ايه و كده مش كلام حب و أنا هقوله الأول حسيت اني عايزه اتكلم معاك شويه بس مش في حاجه فاتت والله لو مش حابب براحتك و هوه علي حسب رده اعمل كده ولا بلاش

ياجماعه أنا بؤمن جدًا ان الناس كلها فترات وبعرف اتخطى اي شخصية مهما كانت ومدرك برضو ان طبيعي نحب ونفشل بس هي مش عارف اتخطاها، مش عارف ولا قادر انساها مره تخليني فاكر انها برضو مش نسياني ومره تخليني احس انها اتخطت وانا لوحدي اللي لسه متعلق، والفكره ان العلاقه كلها كانت شد وجذب يعني بنقطع مع بعض اكتر مابنتنفس وكل مره انا اللي اكلمها ومش عشان حاجه غير عشان انها بتديني المجال وتحسسني اني وحشتها انا كمان ف بحس كل حاجه هترجع زي الأول فجأه الاقينا قطعنا تاني ودلوقتي تقريبا اخر مره لأننا قاطعين بقالنا شهور بس انا مش قادر انساها بتتخطوا الشخصية دي ازاي؟

مسحت كل صوره والشات بس واهتميت ب نفسي واهم حاجه بجد انك تقتنع من جواك انك تستاهل حد احسن اول ما تقتنع فعلا ده هيخليك تتخطي اسهل واسرع لانك فعلا تستاهل تتحب من حد احسن وقرب من ربنا واشغل نفسك متسبش نفسك فاضي عشان ده هيخليك تفتكره

لما حبيت اول مره حسيت انو هدا شخص ملاك و من دونه ماراح اقدر اعيش و ماراح يحبني شخص غيره ، بسبب غياب حب و اهتمام اهلي ، و كنت اعمل اي شي عشان اسعد هدا الشخص ، بس في لمقابل صار عندي امراض جسدية و نفسية و صرت مطره اني اتعالج و اخد ادوية ، تخطيت لما استوعبت انو انا مو سعيدة هيك و قررت اني اطلعه من حياتي و اعتبر نفسي الشخص الاساسي و لوحيد لي يستاهل حبي و طاقتي و تعالجت و حاليا نسيت انه كان موجود أساسا

ازاي الواحد ميبقاش حساس ويبقي بارد بحس ان دي مشكلتي لو اتحلت حجات كتير هتتحل في شخصيتي وهكون كويس ازاي الانسان يتخطي واي حاجه متاثرش عليها حتي لو كانت بسيط جدا ويتعامل مع الامور ببرود حاولت كتير بس مبعرفش وعلطول ببقي قلقان وخايف واي حاجه حتي لو صغيره ممكن تخليني اتعصب ومبيكونش عندي طاقه للكلام ولا للشرح ولا لمناهده

نصايح للتخطي من علاقة كان فيها ميموريز و جزء كبير منها جنب البيت ، عشان لسة مفركشة طازة و حاسة ان التخطي هيبقى صعب اوي خاصة انه كان اول حد اقوله بحبك و انه كان عاجبني فيه حاجات كتيرة اوي و حبيته فعلا

انا حبيت بنت وانا ف الكلية وكانت اكبر مني وانا درست واتخرحت من هندسة وشغال حاليا ومش بفكر فيها وتقريبا تخطيت انها مكنتش نصيبي بس مش عارف بقيت حاسس بملل ف التعامل مع الناس بطريقة رهيبه مع اني شغال ف شركة كبيرة والفون مش بيبطل رن وبقابل ناس كتير بس ببقي زهقان وقلبي مبقاش يميل ولا يرغب لاي شخص هل دا طبيعي

الإنسان بياخد وقت قد ايه عشان ينسي الحاجة اللي رتب عليها حياته كلها في ناس فهلا بتعرف تتخطا الماضي بكل تفصيله و اذاي بيقدر يعملوها نفسي انسا اي حاجه اذتني في يوم لأن بقيت عصبيه و بزعل من اقل حاجه مش عارفه ليه

تعملوا اي عشان تتخطوا٫ عندي ٢٤ سنة و خدت اكبر صدمتين ف حياتي ورا بعض ٫ والدي اتوفي وخطوبتي اتفركشت وكنا واخدين بعض عن حب ٫مستحملتش فقداني للشغف بعد موت ابويا ولا استحملت عصبيتي وكمية الضغط النفسي اللي كنت فيه خصوصا انه مات وسابلي اختي ف ٤ ابتدائي وامي ٫ حياتي وقفت مش عارف اعمل اي كل حاجة سودا ف وشي مش عارف اكون كويس ولا اتخطي ومش عارف ابدأ من جديد الحمدلله علي كل حال بس اتمني اللي عنده فكرة اعمل اي يفيدني ويقف معايا 🙏 شكرا

ازاى اقدر اتخطى حد كان فى حياتى ومش حصل بينا نصيب بعد حب 5 سنين عيشت معاه حاجات كتير اوى مش قادرة انساها خطوبتنا وكتب كتابنا وذكريتنا مع بعض مش قادرة اتخطى ده ومش عارفة اعمل كده ازاى حاولت اشغل نفسى بكل الطرق برده مش عارفة اتخطاه

لو عشت طول عمري تحت نقد دائم علي اتفه الاشياء و لوم و احكام غير نهائيه علي كل فعل من الأهل و كنت بحاول اني متأثرش بالكلام الي بسمعه لكن ازاي اعرف اني عكس الكلام ده فعلا ؟ ازاي اتاكد اني عكس النقد أو الأحكام القاسيه دي ؟ مش يمكن انا فعلا فاشله ؟ انا فعلا مثلا مهمله .. ايا كان ازاي الواحد يتخطي بجد ؟

حاسه اني ف الطريق الصح رغم الوجع اللي بمر بيه يومياً وان مفيش اي حاجه واضحه لايه هو اللي جاي ف حياتي .. بس اني انهي اكتر علاقة دمرتني ف حياتي ده كان اكتر قرار شجاع كان ممكن اخده ف يوم لانها علاقة سنين وعشرة بس قضت عليا ف كل جوانب حياتي وغيرتني ف حاجات كتير للاسوء .. بس الحمد لله بعد ما قطعت من قريب حاسه اني بدات افوق لنفسي رغم اني حاسه اني خلاص كبرت بجد وداخله ف ٣٠ سنة قريب بس بحاول مركزش مع العمر وابص لاني في حاجات كويسه لسه عايزه اعملها ف الدنيا ديه وقلبي لسه فيه خير .. العلاقه ديه مطفتش الحلو فيا زي ما كنت فاكره انا بس مجهده من حياتي اللي مفيهاش حد حنين عليا ولا حد يطبطب ويقولي اشيل عنك مع ان حياة البنات عموما مش المفروض تكون بمستوي الصعوبه ده والشقي اللي بشقاه .. بس فكرة ان ربنا شايف وانه شايلي الخير بس بيعلمني الاول وبيهياني ليه مطمناني .. حزينه اني اديت كتير اوي لحد مستاهلش لحظة واحدة من وجودي ف حياته حزينه انه خد اكبر من حجمه واتنفخ بعد كده علي حسي .. بس عارفه ان كل واحد ليه يوم يترد ليه كل اللي عمله مع غيره وده مخليني مش عايزه افكر فيه تاني وعايزه ابص لنفسي ولحياتي اللي ركنتها بقالها كتير اوي وانا عارفه ان جوايا طموح واحلام اد الجبال حرفيا فكرة اني اكون ف بيئة غير سوية بتخليني صعبانه عليا نفسي اوقات واقول يمكن لو كنت ف بيت اتعاملت فيه احسن وخدت فوصتي واتشافت واتسمعت كنت هبقي واحده تانيه تماما بس مش عايزه اعلق شماعات علي اللي حواليا ومش عايزه اعيش ضحيه انا عايزه اكون ناجحه ومكسره الدنيا حاجات جامده انا طهقت من دور المهزومة وعايزه بكل قوة عندي حتي لو دلوقتي ضعيفه اعمل احسن حاجه عندي كل يوم عايزه بس احط خطه واهداف واضحه عشان اقدر اوصل لكل حاجه كان نفسي فيها ف يوم وعايزه قبل اي حاجه ربنا يرضي عني ويسامحني علي اي حاجه لاني من غيره ولا حاجه ولما ببعد عنه بجد بضيع انا بحاول اخلي ايامي تستحق تتعاش تاني من غير وجود الانسان اللي وثقت فيه وكان كل حياتي بحاول اخلي ايامي انا ليها طعم تاني بعد ما سرق مني وقتي وكل حاجه تخصني وعلقني بيه لحد ما نسيت انا كنت مين قبله ؟؟ مع اني كنت مبسوطه قبله وبعرف اعمل حاجات كتير لوحدي واعيش ف سلام بس من وقت ما عرفته وانا بقيت حاسه بعجز عن اني اعيش كويسه من غيره عشان كده ربنا خده مني وغيره عليا عشان كان النفس اللي بتنفسه خلي قلبه يتغير عليا مع انه كان بيدوب فيا وميعرفش يعيش من غيري احساس مش سهل عليا لاني مش بتخطي بالارتباط السريع زيه انا بتخطي لوحدي وبعدي كل حاجه لوحدي وبرجع لنفسي مش بهرب منها بواجه كل حاجه مش بهرب زيه كان نفسي احب راجل مش عيل كان زمان قصة حبنا مفيش زيها ف الدنيا زي ما كنا بنحس دايما كانه حلم كل يوم من كتر الحب ما هو مثالي بس سمعت كتير ان ربنا مش بيبقي عايزنا نحب حد اكتر منه وهو كان مستحوذ علي كل كياني كان متحكم ف كل مشاعري لو زعل مني كل حاجه تقف ولو مبسوطين كل حاجه حلوه .. انا كنت زعلانه من الفكره ان ليه يارب تاخد اكتر حد حبيته كده وقلبي يتكسر الكسره ديه .. بس اتاري الموضوع بجد رحمه من ربنا انا كنت عايزه لنفسي الشقاء .. ربنا دايما بيختارلي الراحه والسلام بتمني اقدر ف الشهور الجايه اصلح اللي اقدر عليه وبتمني كمان اطلع عمره الفتره الجايه وربنا يقدرني واسد ديوني اللي بحاول اعمل كل حاجه ف حياتي حرفيا بطولي كان مليش اب للاسف لانه مش بيحب يصرف او يساعد لا انا ولا ماما طول عمري محستش بالامان ف وجوده ولا حسيت ان ليا سند غير الانسان اللي دخل حياتي كان بيقف جمبي دايما بس حتي ده بوظولي الموضوع بتاعنا كان ممكن كل حاجه تبقي غير لو موقفوش ف الموضوع برده بس انا استعوضت ربنا ف كل حاجه مبقتش قادره افكر تاني لان التفكير الكتير بجد بقي موجع وبيوصلني لاماكن وحشة اوي بقيت عايزه تبص لقدام وافهم انا ممكن اعمل ايه ف الدنيا ديه كويس قبل ما اموت ربنا يقدرني واسيب اثر طيب ف الحياه واخلي ربنا يسامحني علي كل اللي فات وصدر مني

عندي سؤال للعباد لي حبو من قلبهم كيفاه قدرتو تتخطاو ؟ احكولنا فلكمنتار لأنو هاد لفترة كل واحد و كيفاه قدرتو تجوزوها خاوتي و بيان سور بدون حكم مسبق كي لعادة واحد ما يجوجي واحد يعطيكم الصحا

موقف حصلك مش قادر تتخطاه وحاسس انه اثر عليك كتير وعلى شخصيتك الكلام اللي جاي دا حشو عشان البوست ينزل معنديش حاجة معينة اقولها غير طلع البدر علينا من ثانيات الوداع واجب الشكر علينا يعني

الأمور اللي تقبلتها في اللول وتسامحت فيها رغم أنها تاذيك، هي نفسها رح تكون سبب في قطع العلاقة بعد سنين .. في بداية العلاقة كنت تتنازل، وتسمح على أمور في قرارة نفسك علابالك بلي ملازمش تتسامح فيهم .. قلة الإحترام، الأذى، الغضب، الكذب، السب .. كنت ديما تحاول وفي كل مرة تغمض عينك غير لأنك تمشي بتخمام "رح يتبدل، نسامحو المرة هذي وأكيد رح تكون آخر مرة يعاود فيها" ومع اللخر؟ بعد سلسلة طويلة من التنازلات، رح يجي نهار وتكره وتحبس 'تنازل' وفجأة تلقى العلاقة تقطعت وخلاصت .. وتجيك لحظة إدراك بلي اللي كان بيناتكم، مكانش مبني على 'الحب ولا الصحبة ولا العشرة'، كان مبني على 'التنازل تاعك'، ونهار حبست تنازل؟ خلاص كلش مالا من الأول اختصر عليك .. متنحيش من روحك باش تزيد في أي علاقة، العلاقة متتبناش بـ التنازل ولا التسامح، صح التسامح والتغاضي سبب في استمرارها، بصح لوكان الأساس مكانش صحيح، واللي هو التفاهم وين أنت مديرش الحاجة اللي تاذيه، وهو ميديرش الحاجة اللي تاذيك .. رح يجي نهار وين يتهدم كلش ومش ديما الطرف الثاني اللي خدعنا وكذب علينا حتى عرفنا حقيقة تصرفاته .. مرات، حنا اللي قبلنا بنسخة منه مكانتش مناسبة لينا، نسخة كنا متأكدين أنها رح تاذينا وتنقص مننا، بصح حنا عاندنا وراهننا وبنينا على أرض مايلة .. ومادام متحملتش مسؤولية روحك في البداية بـ 'قطع العلاقة'، اتحملها مع اللخر بـ 'التخطي'

انهارده اول يوم اخرج بعد اربع شهور نفسيتي فرقت الحمدلله وحسيت مش عايزه اروح . بس معرفش ليه بقا عملت في نفسي كده ودي مش اول مره تحصل ان اقعد شهور مبخرجش . غالبا جزء الاكبر سبب مني من نفسيتي و الاكتئاب و جزء تاني بسبب صحابي الطلعوا مش صحاب اصلا . بس هحاول هتخطي و اتعود انزل مع قريبتي وبس شوفوا كومنتات كدا هحكي حاجه فيها..

Block اتعمل ليه عشان نستخدمو ضدد المتطفلين او الي بيعكسو انهاردة لو كل واحد بص ف قيمة البلوك هيلاقي ناس عمرو مكان يتخيل يعيش منغيرهم بس قدر يتخطاهم انعدم الرغبة اتجاة الشي الذي ادمنته انتصر ♥♥

بنفضل نتحمل فوق طاقتنا لحد ما بيجي وقت منقدرش بنعمل اي حاجه والنتيجه ان نفسيا بنكون مش قادرين نتعامل مع اقل المواقف وبنرجع في الأخر نلف علي دكاتره عشان نقدر نتخطي كل دا وامتي هنقدر نتخطي منعرفش كل الي بيحصل مجرد محاوله

عايز نصيحة من حد يكون عن تجربة ازاي اتخطى شخص كان كل حاجه في حياتي واقدر اكمل لأن الموضوع مأثر عليا في كل نواحي الحياة ومش قادر ارجع شخص طبيعي تاني بقالي فتره ياريت يكون حل حقيقي وشكرا مقدما

كنت مرتبطة سنتين بعد ما كنا زملاء و اصدقاء لسنتين كمان قبلها لكن حصل مشكلة و دلوقتي بعد انفصال سنة كاملة و محاولة للتخطي اتفاجأت اني هشوفه كل يوم في الشغل. خايفه إني للاسف أرجع لنقطة الصفر تاني اتمني اسمع نصايحكم و أرائكم

ازاي اقدر اتخطى حب شخص اديته كل حاجه وهو مقدرنيش ولما جيت امشي بعد ما اديت فرص كتير وتكلمت كتير وعبرت كتير عن انا محتاجه ايه وحاسه بإيه هنت عليه وممسكش فيا حتى ، ووعده وكلامه حاجه وافعاله حاجه ، انا عارفه وواعيه لحتت ان الواحد يصدق الفعل مش الكلام بس هنقزل ايه بقى الحب بيخليك غبي حتى لو كنت اكتر واحد حريص ، ياريت محدش يجي يقول حرام وقربي من ربنا وكل دا لاني عارفه دا وبعمل دا عايزة مساعده من حد كبير فاهم مش عيل جاي يتفزلك عليا

دلوقتي انا كنت حد متفوق جدا في دراستي ايام الثانوية والكلية عشان مكنتش حاببها وكنت حابب ادخل كلية تانيه سقطت سنه بمزاجي ومحضرتش وبعد سقطت سنتين حاليا انا بقيت اخاف اروح الكلية وف البيت ميعرفوش اني سقطت سنتين أزاي اتخطى الموضوع دا بأفضل طريقة

في مره كنت مرتبط بواحده جدا و كان في كلام بيني و بين ماماتها يوميا انا و هي و ماماتها بس في مواقف مش قادر انساها زي انها شافت حد معدي دابت و قعدت تتمتم ب الكلام و مش قادر اتخطي الموقف نهائي سبنا بعض و اكتشفت انه بتلبس لبس مش كويس اطلاقا و اتقالي من كذا حد دي كذا و كذا و انت ما تعرفش بغض النظر هي كده او لا بس ازاي بتتخطوا المواقف دي عموما

بحس بحزن شديد يجيني فاجاءه يحسسني أني عاوزه اعمل اي حاجه غلط او اي حاجه جديده تخرجني من الشعور بس مش بعمل حاجه بس بيكون شعور قاسي مع ندم عل اي علاقات فاتت سواء كانت ممكن تنفع او لا اعمل ايه عشان اتخطي الشعور ده وقتها

How to forget someone كيفاش تنسى بنادم كنت معاه في 5 سنوات حبيتو من قلبك كنت تشوف فيه هو المستقبل و يروح بدون مايكون واحد فيكم حاب الفراق علابالي نتمنى واحد يكون مر بتجربة كيما هاذي و تخطاها يمدلي نصيحة

نفسيتي تعبت جدا بسبب بسنت والي حصلها اول مصحيت بفتح الفون لاقيت الفيديو في وشي طبعا الم رهيب لحد دلوقتي مش قادرة اتخطى صوتها وهي بتوقعع ربنا يصبر بناتها حقيقي حاجه صعبة جدا وتوجع القلب

انا نفسي اعيط كاتمه جويا كتير يارب عاوزه اعيط اتا اكيد مشاكلي اهون مليون مره من البنت اللي انتحرت بس يارب انت اللي عالم كل واحد شايل وجع عامل ازاي يارب قويني يارب خلني اقدر اتخطى كل دا يارب شيل الوجع دا من قلبي

كل اللي بيتردد في دماغي الوقت ، صوت عبدالحليم حافظ وهو بيقول : وفي عز الأمان ضاع مني الأمان فبتتخطوا الفترة دي ازاي ؟ بعد ما تحسوا انكم خسرتوا كل حاجة حتى الأمل اللي كان فاضلكم أن كل حاجة هترجع كويسة

بحاول اتخطي وجعي و حرماني من كليه احلامي اللي كنت بذاكر عشانها طول السنه بحاول اتخطي حد كان ف حياتي و كنت بحبه جدا جدا بس للاسف هو كان بيقضي وقت و بيتسلي بس برغم الوعود و الحلفانات بحاول اتخطي حاجات كتير اوي حقيقي

راني حاصل في وحدة كنت معها قبل سنتين كل ما نمس انو تخطيتها نرجع لنقطة الصفر حاس بلي بدات هاد لفكرة تتقلني كل يوم و تمنعني من عيش حياتي حتا انا عييت بصك راهي غير تزيد تولي اكتر من مجرد فكرة و خلاص 💔

محتاجه افضفض شوية دلوقتي انا عاوزه ارجع لشخص كنت بحبه لكن من شهرين جالى عريس قولتله قالى ربنا يسعدك يارب وقبلها كان بيقول انه بيروح لدكتور نفسى عشان حبيبته القديمة ماتت وكان بيحبها وكانت عاوزه ترجعله زمان تانى بس هو موافقش عشان خانته قولت عادى كانت حب الطفولة وهفضل معاه الفترة دى لحد ما يكون كويس بس طلبت منه يجى يتقدملى حتى لو بدبله بس قالى انا معيش حق جرام واحد مع ان قالى قبل كده ان معاه فلوس فى البنك المهم قولتله خلاص مش هنتكلم تانى غير لما تجيى تتقدملى قالى تمام ولما جالى عريس لقيته بايع قولتله شخص مناسب قالى وافقى وشوية كلام منى وعتاب وقد ايه هو كان قاسى معايا ومقدمليش حاجه رد عليا بربنا يسعدك يارب شفته ومردتش عليه لمن شهرين لحد دلوقتي بعت نقطة من كام يوم لقيته معمليش بلوك كنت وقتها فى ظروف ومشاكل نفسيه معايا وكنت عاوزه اتكلم معاه بس بعد كده رجعت فى كلمى وقمت مسحت النقطة وعملتله بلوك دلوقتي انا مش قادرة ابص لغيره وشايفه انى مش هحب حد قد ما حبيته جربت اكلم حد بس مقدرتش احبه ملقتهوش هو انا بجد مش عارفه اعمل ايه اجى على كرامتى وابعتله نرجع ونحاول تانى ولا اعمل ايه انا حرفياً كل يوم بفكر فى وبفتكره وأوقات بدخل على الاكونتات بتاعته وكمان كنت بفكر اعمل اكونت فيك وادخل اكلمه بس بقول بلاش عشان احاول انساه وانى كده كتير قبل كده وكان بيعرف أن دى انا انا حالياً خايفه ادخل ابعتله انا عارفه انه طلما باع كده يبقى مش بيحبنى وكان بيضحك عليا بس انا مش قادرة اتخطاه بجد انا عاوزه حل بجد

ازاي اتخطي حد كنت بحبه اكتر من اي حاجة ازاي وانا مش قادره اتحرك من مكاني وكان صعب احب او اوصل للمرحله دي عشان انا بقلق وكل حاجة مكنتش بسهوله انا انجري فشخ دلوقتي من الحب وبكره الناس ونفسي اكتر من الاول

الحقيقه هي اني متخطتش وفاه جدتي ماتت من ٣ سنين لسه بعيط عليها كل يوم بليل وقتها كنت في ٢ اعدادي مكنتش مستوعبه يعني اي اصلا تيته ماتت مش هشوفها تاني ؟!مش هتحكيلي قصص تاني ولا حتي نلعب سوا ؟! بحس أن التخطي خيانه ليها هي تستاهل اعيط عليها عمري كله حنينه و طيبه جمال الدنيا كان فيها رحمك الله يا عزيزتي ❤️‍🩹

الانسان يروح فين لما الابواب كلها تتقفل مره واحدة غير ربنا ساعات ببقي قاسية علي نفسي وعلي الي حواليا وحقيقي مش عارفة الانسان يتخطي ازاي بسرعة وحقيقي صعبان عليا نفسي جدا واحسن اني ضعيفة ومش قدره اساعد نفسي ولا قدره لاي حاجه خالص وعايزه انعزل عن العالم كلو

هو انا و هو كنا فعلاقة سنتين المهم هو انسان مشغول بسبب المسؤوليات ابمتحملها كثيرة والله شاهدة عليه بس هو بعد خناقة مع اهلو كبيرة قالي عايز ناخذ بريك من العلاقة لانو حاس مشاعري تغيرت و عايز افكر مع نفسي و افهم نفسي و انتي كمان و بلكني من كلشي بعدين غير حساب انستا و حذف حسباتو القديمة و فتح انستا جديد فيه اصحابو بس و كذا ف انا كنت معاه من لما كان لسه متخرج و مش شغال و كنت قابلة انو اسكن مع اهلو و كل حاجة فاخر فترة قال بحسك متعرفنيش كتير و كدا بعدها اخذ هذا القرار و اختفى من 26 مارس فهل حيرجع من نفسو و هل بس بسبب الضغوطات عمل كده لانو طول وقتو شغل و هو قالي انتي ركزي على عايلتك و درستك و انا کمان و شغلي و بعدين اذا لسه بحبك اجي اخطبك بدون كلام مع انو هو حرفيا كنت اشتريلو هدايا و بحن عليه و بطبطب عليه و كل حاجة والله كل الناس قالولي مش حايلقي وحدة زيك × البريك مش محدد المدة وش الحل مع انو انا بدعي ربنا انو يردو و قال الله تعالى ادعوني استجب لكم فده يعني انو حيرجع بأمر ربنا بس انا بأسئلى إذا هو حايندم علي او يقدر يتخطاني عادي !!!

حاسه روحي بتتحرق بحاول اتخطي واعدي وجعي مش عارفه بتعملوا اي يخليكوا احسن💔 عشان الموضوع مأثر في كل حاجه في حياتي💔 بتتخطوا ازاي.حد. حبيتوه اوي واذاكم بدل المره تلاته😅💔 انا من جوايا بدات اكرهه بس الموقف نفسه ماثر فيا اوي اوي حياتي واقفه🙂

انا لا اعرف صراحة ، يعني أحيانا اشعر اني ماتخطيتو ، هي مشكلة معقدة لكن الكسر الي كان فيك و سببلك الاكتئاب هيبقى معك ، راح تضر اقرب الناس اليك وتبعدهم عنك ..... حتى اخواتك و احبائك ، هو مافيش حل موثق ، لكن مع صلاة و ذكر الله تتخطى شوي شوي

انا خطوبتي اتفسخت من كام يوم و مش عارفة اتخطي الموضوع نهائي حاسة اني اتظلمت كل اللي حصل دا علي مشكلة تافهة كان ممكن تحل بمكالمة تليفون لكن هو مادنيش فرصة ادافع عن نفسي و لا هو اللي اتلكك علشان يمشي في واحده تانية ولا هو ماحبنيش من الاول دي كانت أول ارتباط حقيقي ليا انا موجوعة اووووي

دايما بيحسسوني ان زعلي تافه و مش يسمعوني زي ما بسمعهم و ف بطلت احكي لحد حاجه لان انا عايزه احكي و تسمعوني مش من اول ما ابعت اول مسدج الاقي الرد ان تخطي الموضوع مش مستاهل لا الموضوع يستاهل مادام مزعلني انت بس جيت في أول الزعل علشان تعرف ايه الموضوع و تمشي، و بعد كده مش من حقي ان احس اي احساس تاني يرجعني ل نقطه الصفر ل مجرد ان الموضوع خلاص خلص انا معنديش زرار يمسح زعل كل الي عملو فيا

من مكاني هذا احب اقولكم ان هيجي وقت عليك هتحس انك خلاص قدمت كل ما بوسعك عشان تحافظ علي اللي بتحبهم جاي اقولك لو قدمت وبرضو مفيش فايدة اهرب انت تستحق حد يقدرك ويحس بقيمتك اكتر من كدا مفيش حد يستاهل انك تديله فرصه يقلل منك وميقدركش م طز بجد ياجماعه طظ ف اي حد ميقدرش قيمتنا من نفس النقطة بقولكم للاسف مش عارفه اتخطي 💔

أولا أنا متخطيتش ومش عارفة ازاي اتخطى الموضوع ثانيا أنا مختلفة عن قصتكم شوية لأني شايفة أنه أنا الشخص المؤذي في العلاقة أنا عندي ابن عمي سننا متقارب فرق بينا بس سنتين وأنا معنديش أخوات أولاد ف هو كان بالنسبة ليا أخويا الكبير اتربينا مع بعض وكنا في المدرسة مع بعض يعتبر بتحامى فيه أنه أخويا الأكبر مني معاي ف المدرسة بيحميني من أي حاجة وكل حاجة كان بيجيبلي أي حاجة عايزاها من غير ما أطلبها حتى.. لغاية ما كبرنا ووصلنا الجامعة كنا في نفس الجامعة وعلاقتنا ما زالت زي ما هي حلوة وبما أنه هو أكبر مني كان دائما بيساعدني في أي حاجة مش عارفة أذاكرها أو مشروع مش عارفة أخلصه يعني كان بيسهل عليا الدنيا حتى فترة ثانوية عامة هو أكتر حد كان مهونها عليا لكن للأسف آخر فترة لاحظت طريقته اتغيرت معايا بقى بيتعامل مش بطريقة الأخوات اللي متعودة منه عليا حسيت أنه بيتقرب مني بشكل تاني وبيلمح لأنه بيحبني وعايزنا نرتبط ف أنا بوظت العلاقة عشان مديهوش أمل بأنه في مجال لكدا لأنه هو بالنسبة ليا أخويا وبحبه كأخويا مش زي ما هو بيفكر فيا أنا جرحته اوي وحاسة إني مؤذية اوي بالذات أنه هو عمره ما أذاني بس حسيت لو علاقتنا استمرت زي ما هي ده هيديه أمل أنه ممكن يكون بينا حاجة بعدين أو أنه يحبني أكتر مش عارفة أتخطى اللي عملته وكد ايه أنا كنت مؤذية معاه

بيوحشني دايما وساعات برن عليه وهو بيتجهلني وساعات يرد مش عارفه ده صح ولا لا بس انا بتخنق لو م سمعتش صوتو مش عارفه اتخطي خلاص اعملي اي افضل ع اللي انا فيه ولا اعمل اي انا هموت من الخانقه اللي جوايا

ماهو علاج الخيانة ؟ 09 اشهر ولم يشفى قلبي من المها . انسى لوهلة واتذكر طوال الوقت . وعندما اتمعن فيما حصل اشعر وكأني اكتشفت الامر للتو . كيف للانسان ان يتخطى حب قلبه ؟ شعور الاشتياق مؤلم وممل ومرهق

بنتخطاها عادى بعد سنة ولا اتنين تلاتة عشرة حتى ... بس اللى صعب تتخطاه ( إحساس انك كان نفسك يحصل و ماحصلش) .. عشمك في أن حاجة معينة تكمل او تكون ليك و مابقتش بيفضل معلم جواك و احيانا بيخليك زاهد في الدنيا ..ما كدة كدة اللى عاوزه مش ليك ف تعوز ليه اى حاجة !؟ او تبذل مجهود و فى الآخر تخسرها برضو !! مع الوقت نظرتك للحاجة بتتغير و بتقول اى ده ماهى عادية اهيه مش واو زى ما كنت فاكرها !! بس فكرة (انا كان نفسي و ماوصلتش) ..( انا سعيت و مانجحتش )هي ابشع ما فى الأمر 💔

ماده رخمه بجد كلها حفظ وكله في الاخر علشان ٧ درجات ، ربنا يستر وتعدي علي الخير ونخلص الامتحانات دي بقي بس ده ميمنعش ان في اجواء لذيذه شويه و الحمدالله كل حاجه بدأت ترجع طبيعيه تاني ، تكمل ع خير ان شاء الله 🥰

بحاول اتخطي او بحاول اقنع نفسي اني اتخطيت و اني بقيت زي الفل بحاول اكدب علي نفسي و اشغل نفسي علشان مش عاوزه احس انو فارقلي كل درجه دي مش عاوزه احس اني تعبانه بسببو بحاول اعدي يومي و اشغل نفسي بس لما بيجي بليل و اقعد مع نفسي غصب عني بفكر و ساعات بقعد اعيط علي مع اني مش الشخص دا ديما كنت ماشيه مبدأ الي يبعني هبيعو و مش هفتكر حته اسمو من تاني يوم بس اديني اهو دخله علي سنه و مش عارفه اتخطها و تعبانه بس بحاول اقنع نفسي اني اتخطيتو وبكدب علي نفسي

انا ع طول بحس اني بدور ع حد يحبني بجد حد يكون سند ليا حد يكون معايا يساعدني ويدعمني ف كل حاجه ده خلاني ادخل ف علاقه اذتني جامد اوي وكنت عمال اصبر فيها شويه عشان بس انا بحبها وعشان لاقيت منها الاهتمام انا مش عارف اتخطي كل ده خالص والله انا فعلا بدور ع ده بطريقه وحشه وصعبه اوي

الناس كله بتحاول تتخطه علاقات حب سمه و تعبتهم نفسيا تعرفو ان التختي العلاقات دي بيكون اسهل و لاكن الاصعب لمه تحولى تتخطي حد كان كل حاجة حنينه ليكي في يوم من الايام و البعدتكم هي الايام بس

انا صاحبة البوست دا واخدت بــان مش عارفه ليه بيقول عشان طلب تواصـ.ل خــــ.اص وانا معملتش حاجة 😂 انا بجد مخنوقه اوي وحاسة بوحدة فظيعة .. اتخذلت كتير .. اكتر شخص حبيته سابني من غير مبررات .. معنديش حد احكيله انا حاسة بايه .. محدش قريب مني ولا حد بيحب يتكلم معايا عشان انا مملة .. نفسي انسي الشخص دا بس مش عارفه انا بجد حاولت اعمل كل اللي اقدر عليه عشان اتخطى وانسي بس معرفتش مش قادره انسي انا بحبه اوي حاولت كتير اكلمه بس هو مش بيرد عليا انا معملتلوش حاجة والله هو اللي مشي فجأة من غير اي مبررات اختفي وهو عارف قد ايه انا بحبه ومتعلقة بيه وعمري نا جيت عليه او زعلته وكنت بتمناله الرضا يرضى انا بجد قلبي موجوع اوي

بوصوا انا اول مرة ادخل فقصة الحب من طرف واحد وازاي الواحد يتخطها او مثلا لو في حد بيحبه بس هو مش حاسس بيه او بمعني ادق انو مش شايف فيه شريك حياته او مفيش انجذاب فا المشكله اني مش عايز اكسر الشخص ده عشان كده مش عايز اققوله او اعلقه بيا علي الفاضي

ممكن نصايح ازاي اتعالج بعد ما خرجت من علاقه سامه؟ يعني اعمل ايه و اتجنب ايه و ايه الحاجات اللي لازم اعملها عشان اتخطى الشخص دا لانو كان بيأذيني لابعد درجه بس انا مكنتش شايف دا في العلاقه لاني كنت بحبو

انا والبنت الي حبيتها بقالي سنتين سيبنا بعض وبقيت حاسس اني مش مبسوط وانا بعمل اي حاجه ومش لاقي حد اتكلم معاه زي الاول وحياتي حاسس ان ملهاش طعم بصراحه كنت بحبها جدا حد عنده حل يخليني اهدى ومبقاش في المود والجو ده على الاقل

كل الي كاتبين انهم اتخطو ف الحقيقه ان محدش منهم اتخطي مفيش حد هيعرف يتخطي حتي لو مبقاش فارقله بس هيفضل افتكرها اذا كانت اهل او علاقه او اين كان اي هيا م بقول كدا من فراغ انا كانت روحي ف حاجه وسبتها بقالي 4 سنين ومقدرتش اتخطي لحد دلوقتي

انا للاسف فيه مشكلة او ابتلاء كبير...الموضوع بدأ اني سعيت كتير لحلمي سنين وسنين وبعد ما وصلت له و بقى ف ايدي ضاع مني و الناس شمتت فيا وحاجه مش بايدي اتظلمت يعني ...هل كده دلوقتي المفروض اتخطى ازاي ده ؟ هل ممكن يكون ربنا ابتلاني بعد ما اوصل لحلمي ؟ اكيد ربنا احن واكرم ..انا جديد هنا ومش فاهم حاجه ومحتاج حد احكيله ويقولي اعمل ايه

عندي سؤال فكره جت من العدم وطبعا سوداويه بتكبر في دماغك بتعصر عليها دماغك بتصدقها الدنيا بتتقفل في وشك بتنهار بتعيط نوبة هلع بذكر الله مش بقدر اتخطي الفكره بتعب نفسي بيضيق مبفقش بسهوله اعمل ايه عشان اهدي ومفكرش بالمنظر ده انا هموت في يوم والله بسبب الموضوع ده ده ممكن يتكرر معايا اكتر من مره في اليوم وانا معنديش رفاهيه طبيب نفسي انا بتعب اكتر

طيب نتخطى ازاي بحس كل الكلام اللي هيتقال كلام إنشاء محفوظ بناخده كوبي بيست نقوله لبعض اهتمي بنفسك اتعملي حاجه جديده شوفي حياتك ما هو أنا مش عارفه أنا حياتي واقفه عند نقطه و الحقيقه ان مفيش حل ايوه مفيش حل ما هو أنا لو بقيت مع حد غيره عمري ما هنسى و هفضل برضو أفكر فيه أنا كده هكون بخون الشخص اللي ملهوش ذنب دا و بأذي نفسي معاه ليه الدنيا صعبه كدا

كنت بحكي موقف لحد من شوية وفي نص الكلام جات لي لحظة إدراك ايه الغباء دا؟ ايه غباء الموقف دا اللي انا مريت بيه دا وازاي عديت الموقف واللي حصل دا وازاي لسه بفكر بعد ما خلاص الموضوع انتهى وانا لسه واقفه عند نقطة مش عارفه اتخطاها.

كنت واخد قرار ان هتقدملها وبالفعل كلمتها وهي كرد مبدأي كانت موافقه والدنيا كانت ماشيه كويس لحد ما فجأه الموضوع اتقلب وغيرت رأيها مع ان مفيش حاجه حصلت مني عشان اقدر اقول انا غلطت فكذا.. المهم انا من وقتها مش عارف اتخطي ده وهي فبالي دايماً مع ان الموضوع كان ماشي كويس عارف ان الموضوع قسمه ونصيب بس حد عنده حل اعدي بيه حاجه زي كده؟

بقالنا صحاب داخلين ف الاربع سنين قرر يعترفلي وبعدين اختلفنا ع حجات وسالتو انت عايز نسيب بعض قالي اه واحنا مكملناش 20يوم سوا ولسا بفكر في سعات لحد دلوقتي اعمل اي عشان اتخطاه حساه توكسيك..... 🙂

صديقه. كانت عزيزه علي قلبي. اوي. ممكن دا من ست سنين. مش عارف. انا تخطيت. ولا لا. بس كل ما افتكر بتضايق كنت بحبها اوي اديتها كل اهتمامي. وكنت لوحدي اوي قبلها. فحسيت انها طوق نجاه. حد بيبحني بجد. وبيسمعني وبنشارك. بعض في صفات كتيره وبنخرج كتير. واهلنا كانو صحاب. بس. كل دا راح. لما واحده تانيه جديده دخلت في صحوبيتنا. بقت اقرب. لها مني انا مش فاكره ازاي. بقينا. بعاد اوي كده بس دلوقتي علاقتنا. ببعض اتقطعت تماما بعد ما اهلنا اتخاصمو. كانت كل ما. مامتي ومامتها يتخاصمو. كانت تخاصمني. وتعاملني. ببرود. وانا كنت بعاملها بعشم. اوي وكنت بطنش كتير وفي مواقف. كتير نسيتها ليها لانك لما بتحب حد من قلبك. بتطنش عيوبه

عندي سؤال إزاي الواحد يتأكد من مشاعرو ويعرف إذا كان بيحب فعلا ولا كان اعجاب عادي ولو كان بيحب وعدي فتره كبيره شهور مثلا يعرف إزاي ان لسه بيحب اصل ممكن يكون ده اعجاب وراح مع الوقت لكن لو حب هيفضل بس في بعد بين الطرفين ف نرجع للسؤال ازاي يتأكد من الحب انو لسه موجود رغم البعد ولو اكتشف ان مبقيش في حب يعمل اي عشان يتخطي لأن العلاقه دي كانت ماثره عليه

بنت اسمها شهد كانت بتحبني وكانت بتعمل المستحيل عشاني لاكن مكنش فيه مشاعر نحيتها فضلت معاها وابعد وارجع ومهتمتش بمشاعرها لاكن مكنش قصدي تدور الايام وارتبط ببنت اسمها شهد وعيشتني اللي كنت معيشه للبنت الاولانيه حاسس ان مش عارف اتخطي

مساء الخير او صباح الخير انا حقيقى كنت قاعده تايهة و ظهرلى اعلان للابلكيشن ده نزلته باختصار انا بحاول اتخطى حاجات كتير ف حياتى اولهم انى كنت ف علاقه مع حد مش شبهى و عمرى ما كنت مبسوطه فيها و اعتقد انها كده خلصت انا محتاجه بس شويه تشجيع او حد يقولى اعمل ايه لانى مخنوقه جدا و مش عارفه اتصرف ازاى

ازاي اسامح نفسي على الأخطاء القديمه والندم واقدر اخرج من الماضي وابدا صفحه جديده من غير جلد ذات ياريت لو حد كان في الحاله دي وجربها واتخطي يقول ازاي او نصيحه حقيقيه بتنفع

حالتي النفسيه لسنين ماكنتش احسن حاجه بسبب اول حب في حياتي عدي علي العلاقه اكتر من ٩ سنين بسببها دخلت في علاقات كتير واذيت ناس كتير في مشاعرهم عشان ارضي نفسي عشان اعرف اتخطي واحسس اللي قدامي باللي حسيته لحد ما جت اخر بنت اتعرفت عليها في الشغل اعجبت بيا واعترفتلي بدا مكنتش حاسس بمشاعر نحيتها لاكن قررت ادخل في العلاقه قعدنا مع بعض شهر ودخل علينا شهر رمضان ف بقينا شغالين الشفت 14 ساعة يوميا اخر ١٥ يوم في رمضان بسبب ضغط الشغل كنت قاعد معاها ١٤ ساعة يوميا يدوب ارجع البيت انام عشان اصحي اشوفها تاني ولقيت نفسي اتعلقت بيها ومشاعري اتحركت نحيتها لقيتها شبهي في كل حاجه تفكيرها زي حتي في اللي اتعرضت ليه زي وكانت بتعمل زي لحد ما اتعاركنا كذا مره وبعدين سبنا بعض وانا اللي سايبها الا اني اكتشفت ان هي اللي سيباني لأن مكنش في مشاعر نحيتي اكتشفت لما جيت اواجها انها بتقول نفس الردود اللي كنت بقولها بتتصرف نفس التصرف اللي كنت بعمله بتضحك لما كنت متضايق وانا بحكيلها اني عندي مشاعر نحيتها نفس ما كنت بعمل وساعتها كنت بحس اني باخد حقي من البنت اللي كانت سبب في اني ابقي كدا لقيتها بتعمل كل حاجه كنت بعملها واكتشفت اني مبقتش عارف اتخطاها لحد دلوقتي مش عارف افكر مش عارف اعمل حاجه حاسس اني عايز اكلمها مخي مش قادر يتخطاها مش عارف اتخطي انها هي اللي سيباني لأن كل دا مكنش فيه مشاعر نحيتي اساسا وكانت بتتسلي زي ما كنت بعمل مش عارف افكر ولا اعمل ايه كنت عارف ان دا هيتردلي بس مكنتش عارف الاحساس اللي كان اللي قدامي بيحسه

كونت حابب اتكلم ف مشكله حصله معايا وشبه مدمره نفسيتي خالص ولله بقالها اكتر من سنتين حياتي يعتبر وقفه بسبب الموضوع ده هو انا مش عارف احكي تفصيل لاني مش متعود اتكلم معه حد دايما قافل علي نفسي ومبقاش عندي شغف لاي حاجه بعد متخرجت من الهندسه واتعينت أبدت كل حاجه تقفل ف وشي ومبقتش ملاحق علي كم المشاكل الي بتحصلي فا لو حد يقدر يسمعني ويديني نصيحه تساعدني اتخطه فا له جزيل الشكر ولله ❤️

خليك هادى وعاصر على نفسك لمونة وإنت بتقرا مشكلتى (بتمنى إنها تكون مشكلتى لوحدى) قصتى بدأت من علاقة عاطفية مريت فيها بمشاعر عكس بعض.. ولحد دلوقتى مش قادر اواجهة نفسى بحقيقة إن فيه حاجة جوايا اتكسرت فى البداية انا اعترفتلها بحُبى بعد ايام كتير قعدت فيها تحت سقف اوضتى وانا بتخيل وبرسم وبعيش قصص وسيناريوهات أفلاطونية.. وهى كانت واضحة معايا وراسمة حدود مينفعش نخطيها "احنا صحاب وبس" وبصراحة قالتهالى كذا مرة بطريقة شيك.. كانت خفيفة على قلبى الوقت فات بس قلبى مفوتهاش، فضل واقف عند الكلمة دى "لاء، احنا صحاب" يمكن فالقعدة دى بالذات اتكلمنا فمواضيع كتير وفتحنا اسئلة ونقاشات شخصية جدًا.. الحاجة الوحيدة اللى فاكرها من القعدة هى الكلمة دى بعدها اخدت قرار إنى مش هكلمها ولا عايز اكون فى حياتها بعد اللحظة دى (انا هظلم نفسى وقلبى مش هيعرف يخليها فى خانة محدودة هى اكبر منها بكتير) انا مكنتش عايز القصة تنتهى، بس الكلمة نهت كل حاجة من بعدها وانا حاسس ان فيه حاجة ناقصانى.. كل يوم بيعدى عليا كإنه copy paste من اللى قبله (مفيش روح) بضحك وبهزر وبنكش وبتنطط وصوتى بيجيب اخر الشارع (وفجأة كل ده بيهدا….. وبيتحول لهدوء وصمت تام) حتى لما جيت اشتغل لأول مرة بعد التخرج، فرحت بالفرصة، بس لسه قلبى زعلان على كلمة "لاء، احنا صحاب" الايام عدت وشفتها كذا مرة وكلمتنى تطمن عليا، وانا قلبى حجر مش عايزها ولا عايز اقابلها جت فرصة تانية تِنعش الروح اللى ماتت جوايا.. لقيت صورتها فالواتساب واتكلمنا شوية حلوين "وكإن محصلش حاجة" ومع اول ميعاد اتفقنا عليه علشان نتقابل (عملتلها بلوك من كل حاجة) هى مش مطلوب منها تحبنى بس انا ليه واقف عندها ؟؟؟ ليه ساعات بلاقى نفسى رايح للكافية اللى قعدنا فيه ٦٠٠ مرة قبل كدة انا وهى وقلبى مش بيرتاح غير للشارع ده اللى فيه الكافية ده ليه بعد ماهى مشيت هى فضلت جوايا…. حابسانى…. هوا انا حساس وعاطفى للدرجة دى ؟ انا مبقيتش عايز حاجة غير انى ارجع انا زى ماكنت وانا معاها انا مكنتش طير بجناحات.. عالأقل وقتها كنت بحس وكان عندى دم دلوقتى مبقيتش مهتم لأى حد فالعالم رغم إن عقلى بيحمينى منها بس قلبى ليه رافض يتخطاها ؟!!!