دلوقتي، بما اني بحب اني اسمع الناس وانصحهم وكده؛ عشان طبعا مفيش احلى من ان واحد يحبني في الله، ودعوة حلوة، ورفع الهم عن قلب مسلم، ده غير الشعور اللطيف بالعطاء طبعا، ف انا كتبت لحد دلوقتي 3 بوستات من النوع ده؛ اللي هو فضفضولي من الآخر، وكانوا كلهم في خلال ساعتين بس. انا مش هنا تاني عشان اكررها المرة دي، بس انا فعلا فصلت، وصلني فوق ال4 او خمس رسايل (البوستات كلها كانت برايفت) كلهم بيتكلموا عن زنا محارم، اغتصاب، عادة.. والهبل ده كله. ازيدكم من الشعر بيت، ان واحد دخلي قعد يستهبل، وقل ادبه جامد، واتهمني بإني بجترّ الولاد تحديدا؛ عشان يقولوا مشاكل "خارجة"، بس طبعا قال كلامه ده بالفاظ مش اوكيه ومتبوعا بشتيمة بالاهل مش تمام. ده اتكرر ف بوست قبل كده، ف لو بتقرأ الكلام ده لتاني مرة، ف انا نفس الشخص عادي. العادة وماشي، نزوة، نكنسلها. اما زنا محارم، او زنا بشكل عام، واغتصاب؟ انا مش قادرة افهم اننا وصلنا للمرحلة دي.. يعني انا فيه حوالي مثلا 5 رسايل اصلا رفضت اعرف المشكلة لان الشخص نفسه استأذن قبل ما يحكيها وانا رفضت، وخمسة غيرهم حكوا على طول، هو ده طبيعي؟ ان يكون فيه عشرة، ف ساعتين بس، يكلموني كلهم عندهم مشكلة بهذا الخصوص؟ وللأسف ولاد وبنات. انا مش قادرة افهم بجد.. وتلاقيهم مصدومين اوي لما تقولهم انك مش بتمارس العادة مثلا.. أي وكأن الطبيعي في مجتمعنا، اللي المفترض انه مجتمع اسلامي، ان بمجرد بلوغ المرء ايا كان جنسه، انهو يكون عارف الهبل ده اصلا وبيمارسه. جماعة الحاجات دي انا اصلا عرفتها بالصدفة وقت حوار ريلز الانستا، وعقلي من وقتها معتبراه مُلوَث، انتوا ازاي عايشين كده؟ والمشكلة بيبعتوا الموضوع عادي من غير اي ندم، اصل النادم بيبان عليه، اما ده او دي ناس بتتعامل كانها بتتكلم مثلا ف ان الجو بدأ يبقى حر.. وتف؟ هو فكرة انك تغتصب واحدة بدون علمها وتخليها تحمل ومفكرة انه ابن جوزها ده شيء طبيعي وانت متعايش جدا معاه مقررتش الانتحار يعني؟ هاتولي حل بجد عشان انا صدعت وتعبت نفسيا بسبب اللي سمعته والله. حاسة اصلا نفسي مكتوم وقلبي مقبوض ومتضايقةة..