كنت بحاول اكون جنبه بعد ما مامته توفت خصوصاً إنه والده كمان كان متوفي ومفيش غير مامته كان بيحبها اوي وهو اصغر اخواته كان متعلق بيها جدا ف يوم كلمني وحسيت إنه حالته غريبه كان شارب ومش عارف هو بيعمل اي وكلمني وقتها وكان بيتكلم بأسلوب غريب وانا طاوعته مكنتش عارفه اعمل اي واساله انت كويس يقولي ايوه قفلنا وتاني يوم لقيته بيكلمني بأسلوب قاسي جدا اكنه بيعاقبني علي افعاله هو. سيبته براحته وكنت مرعوبه فضلت يومين مرعوبه وبعيط ورنيت عليه قولتله متبعدش عني وعيطت قالي طب شويه وهكلمك اتكلمنا بعدها لقيته بيقولي انا مش هقدر أكمل طب انا عملت اي طب لي يقولي متصعبيهاش عليا ارجوكي افهميني وانه شاف مامته بتقوله هو ده ال انت بتعمله عشاني ياياسر ؟ وانه حاسس بالذنب وانه انا ذنب طبعا انا مكنتش عارفه اعمل اي كنت بتقطع ولا أكن روحي بتطلع مني حرفيا قولتله تمام وكنا بنتكلم وقتها علي ايمو انا قفلت من هنا لقيت ال عملي بلوك فجاءه انا مش فاهمه لي اتصلت بيه تاني رد عليا قولتله لي ياياسر بتعمل بلوك مش عارف تبعد نفسك عني ؟؟ فا ده الأسلوب ال بتستخدمه لقيته بيقولي افهموني ارحميني وساعديني بالله ساعديني قولتله متعمليش بلوك انا بتاذي قالي حاضر وانتهت المكالمه علي اني يساعده يكون احسن فا ببعد عنه بعدها بشهر وطبعا الشهر ده سبحان ما خلاه يعدي اصلا لقيت صاحبه باعتلي بيقولي بتكلمي ياسر قولتله لا قالي انه م كويس وأنه مقصر مع ياسر وحكالي وقتها قد اي انه ياسر اتكلم عني كويس وشاف الحته الكويسه ال جوايا وقالي أنه هيظبط خروجه لينا احنا التلاته من غير ما ياسر يكون عارف انا كنت حاسه إنه الخروجه دي مش هتتم بس كنت مستنيه بفارغ الصبر عدي شهر واخويا مسك الفون وشاف شات ليا انا وياسر وششاف حاجات كتير ووقتها اتعذبت دي كلمه قليله واتعذلت حرفيا وكان من أصعب الوقت عليا كلمت ياسر من رقم غريب وقولتله ال حصل وعيطت وقالي وحدي الله مش هينفع تسيبي البيت وإنه م هيقدر يعمل حاجه وقفل معايا ومردش عليا تاني وقتها دخلت ف اكتئاب ومستفشفيات وتعبت جدا نفسياً وجسدياً ووقتها صحابي كلهم بعدوا عني مكانش جنبي حد حتي صاحبه عملي بلوكات من كل حته بعد ما فوقت شويه من الازمه دي كلمت ياسر تاني مهما ابعت مكانش بيرد لحد ما ف يوم صحيت الساعه خمسه الصبح فجاءه أكن كابوس ببص لقيته عملي بلوكات من كل حته اتجننت وقتها لقيت نفسي بلبس فجاءه فوني وقتها كان بايظ مهتمتش وكنت تعبانه مهتمتش لقيت نفسي نزلت وروحت ركبت اقرب قطر ل اسكندريه طول الطريق كنت منهاره وم عارفه هروح اعمل اي اصلا كنت تايهه عامله زي الطفله التايهه كنت بعيط ومش عارفه اوقف عياط ولما وصلت اسكندريه روحت عند اقرب كشك وطلبت منه ارن علي رقم لأن فوني بايظ رنيت علي ياسر وقولتله اني ف اسكندريه ومعييش فلوس وتعبانه وفوني بايظ كان رده قد اي اني مجنونه ومش طبيعيه وأنه اي ال عملتيه ده وليه وقتها أن كنت منهاره لقيته بيقولي روحي اي كشك هحولك فلوس قولتله لا انا جايه عشانك ياياسر بس انا جايه عشانك يقولي اسمعي الكلام أما هقفل ومش هتعرفي توصليلي خوفت وقتها وحاولت اعمل اي حاجه عشان ييجي اشوفه لدرجه فضلت اعدي علي كشك كشك أقوله هرن ع شخص من عندك ياعمو لو الشخص ده سالك في فودافون كاش ول لا قوله لا ونبي وكان فعلا اغلب الاماكن مفيهاش بس اكتشفت انه في مكانيين فيهم وكنت ببعد عن أنه يبعتلي فوني فتح شويه وكلمني من عليه هو يقولي دوري علي فودافون كاش وانا بحاول ع قد ما اقدر اضل الدنيا انه ميبعتليش علي فودافون انا عاوزه اشوفك بس ياسر ذكي عليا للاسف لقيته قالي روحي اي مكنه Atm احولك الفلوس حاولت اعمل مش عارفه بس للاسف انتهي بيا اني روحت مكنه ف المحطه وحولي الفلوس وقبل ما يقفل المكالمه كان عندي كلام كتير مزيج رهيب بين اني أقوله منك لله انا جيت عشانك وانت كل ال عليك مش هعرف اجي ومش هاجي اصل م ف اسكندريه انا جبت عشانك ياياسر انا جيت وانا تعبانه وبموت وفوني بايظ ومعرضه نفسي للخطر عشانك عشان بحبك عشان عاوزاك انت لي مشوفتش فيا البنت ال تتجوزها وتكمل معاها ؟ لو عشان غلطت طب هو انت مبتغلطش ؟ هو لما اقف قدام ربنا انا وانت مش هتتحاسب زيك زيي ؟ هو انت ازاي محلل لنفسك ال محرمه عليا انا اكتر حد انت تستاهل تكون معاه ياياسر والله انا مبصتش لعيوبك زي ما انت عملت فيا ! وبين اني أقوله بحبك وحقك عليا وانتهت المكالمه بأني قولتله انت الوحيد ال كنت هتنازل بأي حاجه عشانه انت الوحيد ال حبيته ف حياتي كلها انت الوحيد ياياسر ال كنت مستحليه اي حاجه منك انا بحبك ياياسر بس انت دمرتني وقالي ربنا معاكي وقفل طبعاً واضح قد اي كان يوم بشع 12/4/2026 روحت وقتها ودموعي كفيله تملي بحر والله تايهه متدمره لما روحت هو لقيته كمل بلوكات ومسالش عليا بعتله تيلجرام كلام كتير بعاتبه فيه الكلام ده لو كان قرأه كان عمره ما هنتكلم تاني وبعد ما بعتت الكلام ده ندمت اني بعته اوي ودعيت ربنا ميكونش شافه لقيت الرساله اتشافت واتعملي بلوك بس الغريب أنه بعد تلت اسابيع اكتشفت انه الرساله دي متبعتتش ليه هو اتبعتت لحد تاني معرفهوش !!!