يا الله ، حاسس بفرحه ممزوجه ب امتنان وفخر ميكس غريب كدا بقالي تلت شهور مش باخد فلوس من ابويا يااااه فخر والله فرحان اني خفيت عليه شوية من مصاريفي وكمان سعات هو بياخد مني يا الله على الفرحه والله ربنا يرزقني ويرزقه يارب انا ماشي بمبدأ اللي بدفعه مش باخده تاني مع اهلي بالذات ف ربنا يرزقني كمان واعوضهم يارب الصبح هروح اسحب فلوس عشان معادش معايا جنيه ف قررت ادي امي منهم حاجه برضو لو عيشت عمري كله احاول اعوض امي عن اللي عملته والله ما هقدر اوفيها ربنا يرزقها الفردوس يارب هي وابويا يارب وربنا ييسر المصلحه اللي بفكر فيها دي يارب وتظبط هحح خلصنا فضفضه ندخل بقا على الجد الفاينال يوم السبت ان شاء الله وماده ماشاء الله مش طايقها يعني فاضلي فيها ٨ محاضرات هجيبهم من هنا لحد صلاة الجمعه باذن الله وبعد الجمعه في مذكرتين اسئله هحلهم وبارك الله فيما رزق دعواتكم بقا وعذرا على الاطاله
شاطر بجد فخورين بيك
عاش ولله يا ابني وربنا يكرمكم يارب
عااش والله ي بطل ربنا يرضي عليك و يجعلك دايما مبسوط و مرتاح و و يعوضك خير يـٰ و يجعلك الامتحان سهل و سلس و تطلع منه مجبور الخاطر اللهم آمين و اشطر كتكوت والله 🐣💪
فرحتني ياخي ف عز ما الواحد مخنوق ربنا يفرجها عليك ويوفقك ويباركلك ف رزقك يخويا ودراستك وأهلك ربنا معاك
ربنا يرضى عنك و يراضيك
ما شاء الله.. ربنا يباركلك 👏👏
فخور بيك، التعليق جه فحتة تاني
اشطر كتكوتتتت + ان شاء الله هتجيبهم حتى لو مذاكرتش كويس عشان بس اهلك راضيين عنك