الحمد لله أنا فرحان ومبسوط أوي إني جالي فرصة سفر الإمارات، فرصة شغل كويسة ومستقبل أحسن إن شاء الله. كنت مستني الفرصة دي من زمان وأخيراً جات. بس المشكلة إن ماما وحماتي وخطيبتي كلهم متفقين إني أسافر لوحدي الأول، وهي تفضل هنا لحد ما أرتب كل حاجة. مع إن كتابنا مكتوب من فترة قصيرة، ولسه بقول عليها خطيبتي. أنا عايز أخدها معايا من أول يوم، عايز نبدأ حياتنا سوا هناك، مش عايز أعيش البعد دلوقتي. من ناحية أنا سعيد جداً بالفرصة، ومن ناحية تانية قلبي مش مرتاح خالص. خايف البعد يأثر علينا، وخايف أزعل أمي وحماتي وخطيبتي لو عبرت عن رأيي بصراحة. موقف صعب أوي، مبسوط ومتضايق في نفس الوقت. مش عارف أعمل إيه والله