دلوقتي ولا بقيت عايزة اشتغل في التمريض ولا ابقي مدرسة اطفال ولا استاذة جامعية ولا دكتورة ولا كل دا نسيت فعلا .. والواحد زعلان لان كل حاجة من دول كان عندي شغف ليها .. ولا عايزة ادي دروس ولا اشتغل ف التخاطب وافتح مركز حقيقي كل دا زيرو مبقتش بطمح ليه ! ومع ذلك انسانه طموحه وحابه تشتغل ومش حابه تقعد ابدا لان حرفيا الفراغ وقاعدة بيت بتقتل الواحد بس الفكرة مش لاقيه فرصة كويسه زهقت بجد وعايزة دماغي توقف ، طب اي المجالات اللي ممكن تفتحلي فرص.. انا حاليا عايزة مجال اداري كمبيوتر ع لاب عندي لابتوب بس مش عارفه استخدمه في شغل ولا اي حاجة بس انا مش عارفه عايزة اطور من نفسي في ايه اعمل اي .. عايزة حاجة انا اكون حباها متعبة مش مهم بس احس اني لقيت نفسي الاحلام والمذاكرة دي الاقي بتجازي بفلوس من تعبي انا .. بجد فقدت القدرة علي فهم انا عايزة اي انا ايه مجالي ايه مش عارفه هتخرج من الجامعه اعمل اي بجد توهه ما بعدها توهه ومش الشخصية اللي عايزة تتجوز وتخلف وخلاص لا اكيد بتمني لكن انا عايزة اكمل وعايزة اللي يشجعني علي داا .. قاعدة البيت سيئة لأقصي درجة.. خروج وبخرج بغير جو بعمل حاجات كتير بس قاعدة حرفيا بدور علي نفسي مش عارفه اعرف بنفسي خالص ... مش حاسه اني عملت حاجة مش عايزة استسلم ومش هستسلم بس انا مش عارفه انا عايزة اي نفسي بس في باب نور واحد يوحد ربنا ... ايه في أيدي اعمله ومعملتوش المشكلة بحس اني ماليش في اي حاجة خالص يعني حتي الجواز وتربية العيال شايفه نفسي ام فاشله من قبل حتي ما اخوض التجربة ... ومش عايزة اصلا حد يدخل في حياتي وبرفض بسبب اني بحس بعدم قبول في الشخص واني مش بحس اصلا بانا مين لنفسي مش لحد ، عايزة اثبت لنفسي افهم نفسي مش الناس تشوفني ازاي انا من جوه في كركبة وزحمة المجالات ودوشه كتير بجد فعلا محتاجة مساعدة ، يعني حرفيا قولت افتح بيزنس طيب بس الفكرة بتختفي بعد فترة وبحس بفشل رهيب .. حتي فكرة البيزنس ذات نفسها مش شيقه قولت اشتري كاميرا وابقي فوتوغرافر كل اللي في البيت قالولي دي شغله الناس الفاضيه بتعملها كهواية وقصادها في حاجة اساسية مهنة اساسية .. احبطت جدا فعليا وبقيت حاسه اني ولا حاجة بحس اني وسط الناس تايهه شخصية مجهولة .. ربنا كرم اهلي وادوني فرصة اني اتعلم لحد ما خلاص هتخرج وحاسه اني مستغلتش الفرصة دي اطلاقا .. ومقصرة تقصير تام في كل حياتي ، والمشكلة يقولوا من شاب علي شيء شاب عليه يعني انا هفضل بقيت سنين حياتي الجاية في نفس التوهه والحيرة وموصلش لنقطه آمنة واحدة ! احس اني في بحر آمان لقيت نفسي ، دماغي فعليا بقت واقفه بقيت حاسه اني فشلت واني وقعت بحاول اقوم بجد وساكته طول الوقت بس فعلا نفسي في حل ، ادوني اقتراحات ، وبجد حد فاهمني ؟ شعور صعب بجد لما تكون حاسس انك شاطر ومجتهد وعندك طاقه عالية جدا وعندك استعداد تتعلم وتبقي افضل من نفسك وربنا يستخدمك بس مش لاقي الفرصة ، قدامك فرص بس انت مش حاببها محطوط في خانة يا داا يا مافيش طب انا مش عايز دا حاولت والله قصاد الفرص اللي قدامي بس ملقتش نفسي طب اعمل اي ! خصوصا ان اهلي اللي اختاروا .. هما حاسين تجاهي بالذنب ويقولولي شوفي انتي عايزة اي وهنعملهولك بس فعلا انا مش عارفه انا عايزة اي ، يعني بجد انا انسانه بلا هوية .... اعمل اي بجد عشان احصل علي هوية