لأول مرة فى حياتى تقريبا هتكلم عن مخاوفى عموما، و يا ريت محدش يستغرب او يسأل ازاى او اى الأسباب لأن فعلا معرفش ازاى، و بما انى مكنتش مرتبة لحاجة زى دى ف اللى هفتكره هكتبه.. بخاف لما حد يبعتلى اسمى فى رسالة او يكلمنى به بخاف لما الجرس يرن او لو حد خبط جامد او مثلا من صوت المنبه يعني مثلا اللى بيخليني اصحى خوفى من صوت المنبه مش المنبه، بكون مثلا بذاكر و ظابطة التايمر و عارفة انه هيعمل صوت عادى، اول ما اسمع بخاف بخاف من الصوت العالي بخاف و بتخنق من الأماكن الضيقة و المغلقة و بتعب بخاف من المرتفعات مع انى مجربتش اصلا بخاف لو اتبعتلى رسائل من ارقام غريبة، بمجرد ما بشوف رقم غريب ظهر فى الواتس مثلا، مش قايل فيه هو مين بوضوح بخاف بصراحة معتش قادرة افتكر، و عموما يعني، المخاوف دى انا مش عاوزة ليها حل مثلا يخليني ابطل اخاف، لأن دى حاجة طبيعية فيا ف انا متقبلة ده عادى، و نسيت اقول حاجة ممكن تكون مهمة، فى بعض الحالات اللى قولت عليها دى الخوف بيكون معاه وجع فى القلب و دق سريع ده غير رعشة ايدي بحسها بتزيد اكتر..