ساعات ببقا نفسي اعيش يوم كبنت حلوه واحس أن ليا قيمه ، بكره شكلي ، ملامحي ، جسمي ، بكره نفسي اوي مش ربنا قال لقد خلقنا الانسان في أحسن تقويم .؟ طيب ليه انا شكلي مش حلو وجمسي مش حلو ولا احسن تقويم هنا مقصود بيه ايه ، لما بشوف بنت جميله جمال ملفت بحس اني حشره جنبها اشمعنا ربنا خلقها كدا وخلقني كدا ليه فيه حد شكله جميل ، معاه فلوس ، حواليه ناس بتحبه ، بكامل صحته، سليم نفسياً ، هيخش الجنه ، سعيد في حياته ومعندوش اي ابتلاء ، وفيه حد عنده عكس ده تماماً هو ده عدل ؟ عارفه أن ده بيكون ابتلاء عشان ربنا يرفع الإنسان درجات أو يختبر صبره لكن أنا مش فاهمه ربنا مش محتاج كل ده أصلاً ، ليه اتخلقنا ما دام ربنا عارف مصيرنا ومين هيخش النار ، ايوه إحنا مخيرين بس ربنا لما خلقنا ادانا الفرصه دي مع أنه عارف ان في ناس هتعصيه وليه في ناس مضطره تحسب كل لقمه وتحرم نفسها طول الحياه عشان تتخلص من الوزن وناس بياكلوا براحتهم عادي ليه مفيش حاجه بتتغير مهما دعيت ليه مضطره اعيش الحياة ايه ذنبي انا تعبانه تعبانه اوي ومش لاقيه الراحه في اي حاجه
بصي انا هقولك حاجة في النقطة دي شرحها شيخ اسمه الدكتور علاء حامد اسم الحلقة لماذا خلق الله الابتلاءات حاولي تسمعها
ربنا لما خلق البني ادمين او مش البني ادمين كل الاشياء اللي في الكون ليها حاجه مفيده واكيد انتي عندك ميزه انت مش شايفاها تخليك انت جميله ممكن تكوني انت روحي الجميله تكون اسلوبك جميل تكوني ذكيه مش شرط ان يكون عندك الشكل البرفش بيقولوا عليه دلوقتي اللي هو معظمه اصلا نفخه وشد وكلام من ده وكمان ما فيش حد في الدنيا دي ده مسلم ولا ولا بني ادم واحد في الدنيا دي الا وعنده ابتلاء في حياته لان ربنا عز وجل قال وخلقنا الانسان في كبد يعني في ما قالش لا مسلم ولا مسيحي ولا يهودي قال الانسان يعني معنى كده ان كل انسان على وجه الارض عنده ابتلائه زيك انت اهوت يعني انت بتقولي انا شكلي ومش شكلي وبنات تانيه انتي فيك حاجه حلوه بس انتي مش شايفاها لازم تبصي لنفسك لازم تشوفي مميزاتك عشان تحبي نفسك
انتي ممكن كلامك ده من اكتئاب أو حاله نفسيه مش كويس بس بالله عليكي حاولي تطلعي من الطريق ده واستهدي بالله كده وبلاش حاله الإنكار دي شوفي النعم الي عندك بتعرفي تتنفسي لوحدك من غير اجهزه وبتصحي كل يوم وبتعرفي تقومي من السرير لوحدك من غير مساعده بتشربي مايه براحتك عدي نعم ربنا عليكي في ناس في المستشفيات حقيقي مش عارفه حتي تتنفس لوحدها مبتعرفش تتدخل الحمام حتي من غير مساعده مبتعرفش تحرك أيدها الي هيا ابسط حاجه اقرأي في الدين اسمعي اي شيخ بس متسبيش نفسك للحاله دي.
ومين قالك أن الشخص ده معندوش ابتلاء في حياته ؟؟؟ مفيش حد فينا معندوش ابتلاء في حياته كلنا ربنا مدينا حقنا زي بعض بس كل واحد عنده حاجه زياده مش عند التاني والعكس الحاجه الي شيفاها حلوه مع غيرك هو عنده نقص في حاجه تانيه عندك وبيقول يااه لو انا معايا الحاجه دي. اعرف ناس كتيره جداا الحياه من بره تمام وحلوه ومن جوه ربنا العالم بحالهم. انك تحسبي اللقمه علشان متتخنيش وحد تاني بياكل براحته طب ممكن الحد التاني عنده مرض مثلا مانع تخته عنده مشاكل في الغده علي سبيل المثال مخلياه ميتخنش وبياخد ادويه قد كده علشان يعوض الخلل الي عنده ده ثانيا احنا كلنا حلوين بلا استثناء ربنا خلقنا في احسن تقويم بس مش بدرجه جمال واحده عادي ممكن بنوته تبقي احسن مني في الشكل اي المشكله طب منا استيل انا كمان حلوه اي المشكله !! تالت حاجه ربنا خلقنا علشان نعبده واحنا مخيرين من خير وشر انتي مخيره تعملي الحاجه الي هتدخلك النار ولا الحاجه الي تدخلك الجنه وترفعك درجات فيها.
استهدى بالله ياحبيبتي ربنا ممكن يكون شايل مننا الجمال بس روحك حلو وربنا مايخلقش حد وحش ربنا ليه حكمه ف كل حاجة فينا واذا كان يستى على جسمك تقدرى تغيري دا بارداتك بس متجبيش اللوم على خلقه ربنا