عامة بغض النظر عن ان الرزق في الشغل ده بايد ربنا و حتى لو فيه الف فرصة و مالكش نصيب فيها ف مش هتتوفق ولو فيه فرصة واحدة بس و فيه الف غيرك عايزها ممكن تتقبل فيها عادي ف انتا بتاخد بالاسباب اكيد بس متخليهاش الأولوية و متعرفش اصلا ايه المجالات اللي ممكن تظهر او تختفي او اي حاجة ف انتا متشلش هم المستقبل ده بايد ربنا و شيل هم الحاضر و اللي بتعمله دلوقتي الاولوية عامة ترجع لانتا شاطر في ايه، لانه انتا لو كويس في حاجة عامة هتحبها ولو مش كويس فيها هتكرهها عادي يعني بعدين تشوف انتا مرتاح لايه برضه و اه لو حاجة انتا مش مرتاحلها مثلا ف حتى لو كانت احسن وظيفة في العالم بس مش قادر تحبها ف مش هتبقى قادر تديلها وقت اكتر الكلية بعد كده هتحتاج وقت ومجهود اكبر بكتير من اللي انتا متخيله و عشان تثبت نفسك وتتطور ده هيحتاج منك وقت كتير اوي، مش هتقدر تدي الوقت ده لحاجة انتا مش طايقها مثلا ف لازم برضه تشوف انتا حابب ايه وتديله اهتمام في تفكيرك في الاختيار وافضل قارن بهدوء مش بتوتر، انتا مش هتحدد مسار حياتك من دلوقتي انتا متعرفش ايه اللي هيحصل بكرة اصلا ما بالك بالمستقبل، واقعد اسال ناس في المجالات برضه

كنت ناسية موضوع البايو دا طب بص هو في ثانوي اكيد مختلفة تماما عن اعدادي وخصوصا انك هتبقى بتاخدها لأول مرة في تالتة يعني متأسستش فيها كويس من أولى وتانية. إنما الماث أنت ممكن تغير المدرس الفترة اللي متبقية لحد ما تحاول تفهم انت مشكلتك فيها ايه بالظبط. لأن فعلا تالتة مختلفة وضغط صعب ربنا يكون في عونك

طب بس براحة وخلينا ناخد نقطة نقطة. انت بتحب البيولوجي بس هل انت شاطر وماشي فيها كويس لان دا المهم. تاني حاجه ملكش دعوة بأصحابك ولا هما داخلين وكده انت ليك بنفسك لانك اللي هتشيل حياتك كلها بعدين مش هما. فكر برضو انت مبقيتش تحب الماث ليه وهل لسه شاطر فيه وبتعرف تحله دلوقتي ولا لا. البرمجة عادي جدا هتحتاجها في علمي لان ليك تدخل ذكاء اصطناعي وتدخل حاسبات بس الاقسام بتبقى محدودة شوية من علمي علوم. محتاج تحدد انت شاطر في ايه وبتحب ايه وعايز مجال ايه