انا وابن خالي مخطوبين بقالنا تلت سنين وقبلها كنا بنحب بعض كنت طفله بحبه اول حب ف حياتي كنت ف ثانوي ، حاليا انا ف جامعه وحاسه مشاعري تجاه اتغيرت بقيت ممكن انجذب لاي شاب تاني ، لما كنت بحس بكده كنت بزعل من نفسي اوي وافكر فيه لانه مش زنبه حاجه ، بس ف نفس الوقت هو كان بيغير عليا اوڤر وكان حاجات كتير بيمنعني عنها ولما بتتخانق الاحترام بيروح مننا وكنا بنشتم بعض ، اخر مشكله شتمنا بعض اتفقنا أن هنبطل كده ، بس رجع وغلط وحاليا بنسيب بعض بس اهلي بيقولولي محدش هيحبك ويستحملك قده خصوصا أنه استحمل اهلي كمان كتير ، انا من جوايا حاسه اني عايزه اسيبه عشان مختلفين وعشان بدأت أحس اني بطلت حب بس ف نفس الوقت زعلانه عليه وأنه هيزعل ويتعب وضيع وقت برضو عشاني وخايفه ابقي لوحدي وافتقد حبه واهتمامه ، أو اندم وملاقيش جزء من صفاته ف حد ده غير كلام الناس بتاع سبتو بعض ليه وبعد كل ده حاسه اني مش قادره اواجهه كل ده وحاسه اني هتعب وفي نفس الوقت مش عايزه اظلمه ب اني ممكن اشوف غيره حاليا محتاره والمفروض ارد الرد الاخير بكره